నారాయణ కవచమ్

నారాయణ కవచమ్

శ్లోక 1

న్యాసః

అఙ్గన్యాసః

ఓం ఓం పాదయోః నమః ।

ఓం నం జానునోః నమః ।

ఓం మోం ఊర్వోః నమః ।

ఓం నాం ఉదరే నమః ।

ఓం రాం హృది నమః ।

ఓం యం ఉరసి నమః ।

ఓం ణాం ముఖే నమః ।

ఓం యం శిరసి నమః ।

కరన్యాసః

ఓం ఓం దక్షిణతర్జన్యాం నమః ।

ఓం నం దక్షిణమధ్యమాయాం నమః ।

ఓం మోం దక్షిణానామికాయాం నమః ।

ఓం భం దక్షిణకనిష్ఠికాయాం నమః ।

ఓం గం వామకనిష్ఠికాయాం నమః ।

ఓం వం వామానికాయాం నమః ।

ఓం తేం వామమధ్యమాయాం నమః ।

ఓం వాం వామతర్జన్యాం నమః ।

ఓం సుం దక్షిణాఙ్గుష్ఠోర్ధ్వపర్వణి నమః ।

ఓం దేం దక్షిణాఙ్గుష్ఠాధః పర్వణి నమః ।

ఓం వాం వామాఙ్గుష్ఠోర్ధ్వపర్వణి నమః ।

ఓం యం వామాఙ్గుష్ఠాధః పర్వణి నమః ।

విష్ణుషడక్షరన్యాసః

ఓం ఓం హృదయే నమః ।

ఓం విం మూర్ధ్నై నమః ।

ఓం షం భ్రుర్వోర్మధ్యే నమః ।

ఓం ణం శిఖాయాం నమః ।

ఓం వేం నేత్రయోః నమః ।

ఓం నం సర్వసన్ధిషు నమః ।

ఓం మః ప్రాచ్యాం అస్త్రాయ ఫట్ ।

ఓం మః ఆగ్నేయ్యాం అస్త్రాయ ఫట్ ।

ఓం మః దక్షిణస్యాం అస్త్రాయ ఫట్ ।

ఓం మః నైఋత్యే అస్త్రాయ ఫట్ ।

ఓం మః ప్రతీచ్యాం అస్త్రాయ ఫట్ ।

ఓం మః వాయవ్యే అస్త్రాయ ఫట్ ।

ఓం మః ఉదీచ్యాం అస్త్రాయ ఫట్ ।

ఓం మః ఐశాన్యాం అస్త్రాయ ఫట్ ।

ఓం మః ఊర్ధ్వాయాం అస్త్రాయ ఫట్ ।

ఓం మః అధరాయాం అస్త్రాయ ఫట్ ।

శ్రీ హరిః

అథ శ్రీనారాయణకవచ

రాజోవాచ

యయా గుప్తః సహస్రాక్షః సవాహాన్ రిపుసైనికాన్ ।

క్రీడన్నివ వినిర్జిత్య త్రిలోక్యా బుభుజే శ్రియమ్

శ్లోక 2

భగవంస్తన్మమాఖ్యాహి వర్మ నారాయణాత్మకమ్ ।

యథాఽఽతతాయినః శత్రూన్ యేన గుప్తోఽజయన్మృధే

॥ 1 ॥

శ్లోక 3

శ్రీ శుక ఉవాచ

వృతః పురోహితస్త్వాష్ట్రో మహేన్ద్రాయానుపృచ్ఛతే ।

నారాయణాఖ్యం వర్మాహ తదిహైకమనాః శృణు

॥ 2 ॥

శ్లోక 4

శ్రీవిశ్వరూప ఉవాచ

ధౌతాఙ్ఘ్రిపాణిరాచమ్య సపవిత్ర ఉదఙ్ముఖః ।

కృతస్వాఙ్గకరన్యాసో మన్త్రాభ్యాం వాగ్యతః శుచిః

॥ 3 ॥

శ్లోక 5

నారాయణమయం వర్మ సన్నహ్యేద్భయ ఆగతే ।

దైవభూతాత్మకర్మభ్యో నారాయణమయః పుమాన్

॥ 4 ॥

శ్లోక 6

పాదయోర్జానునోరూర్వోరుదరే హృద్యథోరసి ।

ముఖే శిరస్యానుపూర్వ్యాదోఙ్కారాదీని విన్యసేత్

॥ 5 ॥

శ్లోక 7

ఓం నమో నారాయణాయేతి విపర్యయమథాపి వా ।

కరన్యాసం తతః కుర్యాద్ద్వాదశాక్షరవిద్యయా

॥ 6 ॥

శ్లోక 8

ప్రణవాదియకారాన్తమఙ్గుల్యఙ్గుష్ఠపర్వసు ।

న్యసేద్ధృదయ ఓఙ్కారం వికారమను మూర్ధని

॥ 7 ॥

శ్లోక 9

షకారం తు భ్రువోర్మధ్యే ణకారం శిఖయా న్యసేత్ ।

వేకారం నేత్రయోర్యుఞ్జ్యాన్నకారం సర్వసన్ధిషు

॥ 8 ॥

శ్లోక 10

మకారమస్త్రముద్దిశ్య మన్త్రమూర్తిర్భవేద్బుధః ।

సవిసర్గం ఫడన్తం తత్సర్వదిక్షు వినిర్దిశేత్

॥ 9 ॥

శ్లోక 11

ఓం విష్ణవే నమః ॥

ఇత్యాత్మానం పరం ధ్యాయేద్ధ్యేయం షట్ఛక్తిభిర్యుతమ్ ।

విద్యాతేజస్తపోమూర్తిమిమం మన్త్రముదాహరేత్

॥ 10 ॥

శ్లోక 12

ఓం హరిర్విదధ్యాన్మమ సర్వరక్షాం

న్యస్తాఙ్ఘ్రిపద్మః పతగేన్ద్ర పృష్ఠే ।

దరారిచర్మాసిగదేషుచాప-

-పాశాన్దధానోఽష్టగుణోఽష్టబాహుః

॥ 11 ॥

శ్లోక 13

జలేషు మాం రక్షతు మత్స్యమూర్తి-

-ర్యాదోగణేభ్యో వరుణస్య పాశాత్ ।

స్థలేషు మాయావటువామనోఽవ్యా-

-త్త్రివిక్రమః ఖేఽవతు విశ్వరూపః

॥ 12 ॥

శ్లోక 14

దుర్గేష్వటవ్యాజిముఖాదిషు ప్రభుః

పాయాన్నృసింహోఽసురయూథపారిః ।

విముఞ్చతో యస్య మహాట్టహాసం

దిశో వినేదుర్న్యపతంశ్చ గర్భాః

॥ 13 ॥

శ్లోక 15

రక్షత్వసౌ మాధ్వని యజ్ఞకల్పః

స్వదంష్ట్రయోన్నీతధరో వరాహః ।

రామోఽద్రికూటేష్వథ విప్రవాసే

సలక్ష్మణోఽవ్యాద్భరతాగ్రజోఽస్మాన్

॥ 14 ॥

శ్లోక 16

మాముగ్రధర్మాదఖిలాత్ప్రమాదా-

-న్నారాయణః పాతు నరశ్చ హాసాత్ ।

దత్తస్త్వయోగాదథ యోగనాథః

పాయాద్గుణేశః కపిలః కర్మబన్ధాత్

॥ 15 ॥

శ్లోక 17

సనత్కుమారోఽవతు కామదేవా-

-ద్ధయాననో మాం పథి దేవహేలనాత్ ।

దేవర్షివర్యః పురుషార్చనాన్తరా-

-త్కూర్మో హరిర్మాం నిరయాదశేషాత్

॥ 16 ॥

శ్లోక 18

ధన్వన్తరిర్భగవాన్పాత్వపథ్యా-

-ద్ద్వన్ద్వాద్భయాదృషభో నిర్జితాత్మా ।

యజ్ఞశ్చ లోకాదవతాజ్జనాన్తా-

-ద్బలో గణాత్క్రోధవశాదహీన్ద్రః

॥ 17 ॥

శ్లోక 19

ద్వైపాయనో భగవానప్రబోధా-

-ద్బుద్ధస్తు పాషణ్డగణాత్ప్రమాదాత్ ।

కల్కిః కలేః కాలమలాత్ప్రపాతు

ధర్మావనాయోరుకృతావతారః

॥ 18 ॥

శ్లోక 20

మాం కేశవో గదయా ప్రాతరవ్యా-

-ద్గోవిన్ద ఆసఙ్గవమాత్తవేణుః ।

నారాయణః ప్రాహ్ణ ఉదాత్తశక్తి-

-ర్మధ్యన్దినే విష్ణురరీన్ద్రపాణిః

॥ 19 ॥

శ్లోక 21

దేవోఽపరాహ్ణే మధుహోగ్రధన్వా

సాయం త్రిధామావతు మాధవో మామ్ ।

దోషే హృషీకేశ ఉతార్ధరాత్రే

నిశీథ ఏకోఽవతు పద్మనాభః

॥ 20 ॥

శ్లోక 22

శ్రీవత్సధామాఽపరరాత్ర ఈశః

ప్రత్యుష ఈశోఽసిధరో జనార్దనః ।

దామోదరోఽవ్యాదనుసన్ధ్యం ప్రభాతే

విశ్వేశ్వరో భగవాన్కాలమూర్తిః

॥ 21 ॥

శ్లోక 23

చక్రం యుగాన్తానలతిగ్మనేమి

భ్రమత్సమన్తాద్భగవత్ప్రయుక్తమ్ ।

దన్దగ్ధి దన్దగ్ధ్యరిసైన్యమాశు

కక్షం యథా వాతసఖో హుతాశః

॥ 22 ॥

శ్లోక 24

గదేఽశనిస్పర్శనవిస్ఫులిఙ్గే

నిష్పిణ్ఢి నిష్పిణ్ఢ్యజితప్రియాసి ।

కూష్మాణ్డవైనాయకయక్షరక్షో

భూతగ్రహాంశ్చూర్ణయ చూర్ణయారీన్

॥ 23 ॥

శ్లోక 25

త్వం యాతుధానప్రమథప్రేతమాతృ-

-పిశాచవిప్రగ్రహఘోరదృష్టీన్ ।

దరేన్ద్ర విద్రావయ కృష్ణపూరితో

భీమస్వనోఽరేర్హృదయాని కమ్పయన్

॥ 24 ॥

శ్లోక 26

త్వం తిగ్మధారాసివరారిసైన్య-

-మీశప్రయుక్తో మమ ఛిన్ధి ఛిన్ధి ।

చక్షూంషి చర్మన్ శతచన్ద్ర ఛాదయ

ద్విషామఘోనాం హర పాపచక్షుషామ్

॥ 25 ॥

శ్లోక 27

యన్నో భయం గ్రహేభ్యోఽభూత్కేతుభ్యో నృభ్య ఏవ చ ।

సరీసృపేభ్యో దంష్ట్రిభ్యో భూతేభ్యోఽఘేభ్య ఏవ చ

॥ 26 ॥

శ్లోక 28

సర్వాణ్యేతాని భగవన్నామరూపాస్త్రకీర్తనాత్ ।

ప్రయాన్తు సఙ్క్షయం సద్యో యే నః శ్రేయఃప్రతీపకాః

॥ 27 ॥

శ్లోక 29

గరుడో భగవాన్ స్తోత్రస్తోమశ్ఛన్దోమయః ప్రభుః ।

రక్షత్వశేషకృచ్ఛ్రేభ్యో విష్వక్సేనః స్వనామభిః

॥ 28 ॥

శ్లోక 30

సర్వాపద్భ్యో హరేర్నామరూపయానాయుధాని నః ।

బుద్ధీన్ద్రియమనఃప్రాణాన్పాన్తు పార్షదభూషణాః

॥ 29 ॥

శ్లోక 31

యథా హి భగవానేవ వస్తుతః సదసచ్చ యత్ ।

సత్యేనానేన నః సర్వే యాన్తు నాశముపద్రవాః

॥ 30 ॥

శ్లోక 32

యథైకాత్మ్యానుభావానాం వికల్పరహితః స్వయమ్ ।

భూషణాయుధలిఙ్గాఖ్యా ధత్తే శక్తీః స్వమాయయా

॥ 31 ॥

శ్లోక 33

తేనైవ సత్యమానేన సర్వజ్ఞో భగవాన్ హరిః ।

పాతు సర్వైః స్వరూపైర్నః సదా సర్వత్ర సర్వగః

॥ 32 ॥

శ్లోక 34

విదిక్షు దిక్షూర్ధ్వమధః సమన్తా-

-దన్తర్బహిర్భగవాన్నారసింహః ।

ప్రహాపయఁల్లోకభయం స్వనేన

స్వతేజసా గ్రస్తసమస్తతేజాః

॥ 33 ॥

శ్లోక 35

మఘవన్నిదమాఖ్యాతం వర్మ నారాయణాత్మకమ్ ।

విజేష్యస్యఞ్జసా యేన దంశితోఽసురయూథపాన్

॥ 34 ॥

శ్లోక 36

ఏతద్ధారయమాణస్తు యం యం పశ్యతి చక్షుషా ।

పదా వా సంస్పృశేత్సద్యః సాధ్వసాత్స విముచ్యతే

॥ 35 ॥

శ్లోక 37

న కుతశ్చిద్భయం తస్య విద్యాం ధారయతో భవేత్ ।

రాజదస్యుగ్రహాదిభ్యో వ్యాధ్యాదిభ్యశ్చ కర్హిచిత్

॥ 36 ॥

శ్లోక 38

ఇమాం విద్యాం పురా కశ్చిత్కౌశికో ధారయన్ ద్విజః ।

యోగధారణయా స్వాఙ్గం జహౌ స మరుధన్వని

॥ 37 ॥

శ్లోక 39

తస్యోపరి విమానేన గన్ధర్వపతిరేకదా ।

యయౌ చిత్రరథః స్త్రీభిర్వృతో యత్ర ద్విజక్షయః

॥ 38 ॥

శ్లోక 40

గగనాన్న్యపతత్సద్యః సవిమానో హ్యవాక్ఛిరాః ।

స వాలఖిల్యవచనాదస్థీన్యాదాయ విస్మితః ।

ప్రాప్య ప్రాచ్యాం సరస్వత్యాం స్నాత్వా ధామ స్వమన్వగాత్

॥ 39 ॥

శ్లోక 41

శ్రీ శుక ఉవాచ

య ఇదం శృణుయాత్కాలే యో ధారయతి చాదృతః ।

తం నమస్యన్తి భూతాని ముచ్యతే సర్వతో భయాత్

॥ 40 ॥

శ్లోక 42

ఏతాం విద్యామధిగతో విశ్వరూపాచ్ఛతక్రతుః ।

త్రైలోక్యలక్ష్మీం బుభుజే వినిర్జిత్య మృధేఽసురాన్

॥ 41 ॥

శ్లోక 43

ఇతి శ్రీమద్భాగవతే మహాపురాణే షష్ఠస్కన్ధే నారాయణవర్మోపదేశో నామాష్టమోఽధ్యాయః ।