ನಾರಾಯಣ ಕವಚಮ್

ನಾರಾಯಣ ಕವಚಮ್

ಶ್ಲೋಕ 1

ನ್ಯಾಸಃ

ಅಙ್ಗನ್ಯಾಸಃ

ಓಂ ಓಂ ಪಾದಯೋಃ ನಮಃ ।

ಓಂ ನಂ ಜಾನುನೋಃ ನಮಃ ।

ಓಂ ಮೋಂ ಊರ್ವೋಃ ನಮಃ ।

ಓಂ ನಾಂ ಉದರೇ ನಮಃ ।

ಓಂ ರಾಂ ಹೃದಿ ನಮಃ ।

ಓಂ ಯಂ ಉರಸಿ ನಮಃ ।

ಓಂ ಣಾಂ ಮುಖೇ ನಮಃ ।

ಓಂ ಯಂ ಶಿರಸಿ ನಮಃ ।

ಕರನ್ಯಾಸಃ

ಓಂ ಓಂ ದಕ್ಷಿಣತರ್ಜನ್ಯಾಂ ನಮಃ ।

ಓಂ ನಂ ದಕ್ಷಿಣಮಧ್ಯಮಾಯಾಂ ನಮಃ ।

ಓಂ ಮೋಂ ದಕ್ಷಿಣಾನಾಮಿಕಾಯಾಂ ನಮಃ ।

ಓಂ ಭಂ ದಕ್ಷಿಣಕನಿಷ್ಠಿಕಾಯಾಂ ನಮಃ ।

ಓಂ ಗಂ ವಾಮಕನಿಷ್ಠಿಕಾಯಾಂ ನಮಃ ।

ಓಂ ವಂ ವಾಮಾನಿಕಾಯಾಂ ನಮಃ ।

ಓಂ ತೇಂ ವಾಮಮಧ್ಯಮಾಯಾಂ ನಮಃ ।

ಓಂ ವಾಂ ವಾಮತರ್ಜನ್ಯಾಂ ನಮಃ ।

ಓಂ ಸುಂ ದಕ್ಷಿಣಾಙ್ಗುಷ್ಠೋರ್ಧ್ವಪರ್ವಣಿ ನಮಃ ।

ಓಂ ದೇಂ ದಕ್ಷಿಣಾಙ್ಗುಷ್ಠಾಧಃ ಪರ್ವಣಿ ನಮಃ ।

ಓಂ ವಾಂ ವಾಮಾಙ್ಗುಷ್ಠೋರ್ಧ್ವಪರ್ವಣಿ ನಮಃ ।

ಓಂ ಯಂ ವಾಮಾಙ್ಗುಷ್ಠಾಧಃ ಪರ್ವಣಿ ನಮಃ ।

ವಿಷ್ಣುಷಡಕ್ಷರನ್ಯಾಸಃ

ಓಂ ಓಂ ಹೃದಯೇ ನಮಃ ।

ಓಂ ವಿಂ ಮೂರ್ಧ್ನೈ ನಮಃ ।

ಓಂ ಷಂ ಭ್ರುರ್ವೋರ್ಮಧ್ಯೇ ನಮಃ ।

ಓಂ ಣಂ ಶಿಖಾಯಾಂ ನಮಃ ।

ಓಂ ವೇಂ ನೇತ್ರಯೋಃ ನಮಃ ।

ಓಂ ನಂ ಸರ್ವಸನ್ಧಿಷು ನಮಃ ।

ಓಂ ಮಃ ಪ್ರಾಚ್ಯಾಂ ಅಸ್ತ್ರಾಯ ಫಟ್ ।

ಓಂ ಮಃ ಆಗ್ನೇಯ್ಯಾಂ ಅಸ್ತ್ರಾಯ ಫಟ್ ।

ಓಂ ಮಃ ದಕ್ಷಿಣಸ್ಯಾಂ ಅಸ್ತ್ರಾಯ ಫಟ್ ।

ಓಂ ಮಃ ನೈಋತ್ಯೇ ಅಸ್ತ್ರಾಯ ಫಟ್ ।

ಓಂ ಮಃ ಪ್ರತೀಚ್ಯಾಂ ಅಸ್ತ್ರಾಯ ಫಟ್ ।

ಓಂ ಮಃ ವಾಯವ್ಯೇ ಅಸ್ತ್ರಾಯ ಫಟ್ ।

ಓಂ ಮಃ ಉದೀಚ್ಯಾಂ ಅಸ್ತ್ರಾಯ ಫಟ್ ।

ಓಂ ಮಃ ಐಶಾನ್ಯಾಂ ಅಸ್ತ್ರಾಯ ಫಟ್ ।

ಓಂ ಮಃ ಊರ್ಧ್ವಾಯಾಂ ಅಸ್ತ್ರಾಯ ಫಟ್ ।

ಓಂ ಮಃ ಅಧರಾಯಾಂ ಅಸ್ತ್ರಾಯ ಫಟ್ ।

ಶ್ರೀ ಹರಿಃ

ಅಥ ಶ್ರೀನಾರಾಯಣಕವಚ

ರಾಜೋವಾಚ

ಯಯಾ ಗುಪ್ತಃ ಸಹಸ್ರಾಕ್ಷಃ ಸವಾಹಾನ್ ರಿಪುಸೈನಿಕಾನ್ ।

ಕ್ರೀಡನ್ನಿವ ವಿನಿರ್ಜಿತ್ಯ ತ್ರಿಲೋಕ್ಯಾ ಬುಭುಜೇ ಶ್ರಿಯಮ್

ಶ್ಲೋಕ 2

ಭಗವಂಸ್ತನ್ಮಮಾಖ್ಯಾಹಿ ವರ್ಮ ನಾರಾಯಣಾತ್ಮಕಮ್ ।

ಯಥಾಽಽತತಾಯಿನಃ ಶತ್ರೂನ್ ಯೇನ ಗುಪ್ತೋಽಜಯನ್ಮೃಧೇ

॥ 1 ॥

ಶ್ಲೋಕ 3

ಶ್ರೀ ಶುಕ ಉವಾಚ

ವೃತಃ ಪುರೋಹಿತಸ್ತ್ವಾಷ್ಟ್ರೋ ಮಹೇನ್ದ್ರಾಯಾನುಪೃಚ್ಛತೇ ।

ನಾರಾಯಣಾಖ್ಯಂ ವರ್ಮಾಹ ತದಿಹೈಕಮನಾಃ ಶೃಣು

॥ 2 ॥

ಶ್ಲೋಕ 4

ಶ್ರೀವಿಶ್ವರೂಪ ಉವಾಚ

ಧೌತಾಙ್ಘ್ರಿಪಾಣಿರಾಚಮ್ಯ ಸಪವಿತ್ರ ಉದಙ್ಮುಖಃ ।

ಕೃತಸ್ವಾಙ್ಗಕರನ್ಯಾಸೋ ಮನ್ತ್ರಾಭ್ಯಾಂ ವಾಗ್ಯತಃ ಶುಚಿಃ

॥ 3 ॥

ಶ್ಲೋಕ 5

ನಾರಾಯಣಮಯಂ ವರ್ಮ ಸನ್ನಹ್ಯೇದ್ಭಯ ಆಗತೇ ।

ದೈವಭೂತಾತ್ಮಕರ್ಮಭ್ಯೋ ನಾರಾಯಣಮಯಃ ಪುಮಾನ್

॥ 4 ॥

ಶ್ಲೋಕ 6

ಪಾದಯೋರ್ಜಾನುನೋರೂರ್ವೋರುದರೇ ಹೃದ್ಯಥೋರಸಿ ।

ಮುಖೇ ಶಿರಸ್ಯಾನುಪೂರ್ವ್ಯಾದೋಙ್ಕಾರಾದೀನಿ ವಿನ್ಯಸೇತ್

॥ 5 ॥

ಶ್ಲೋಕ 7

ಓಂ ನಮೋ ನಾರಾಯಣಾಯೇತಿ ವಿಪರ್ಯಯಮಥಾಪಿ ವಾ ।

ಕರನ್ಯಾಸಂ ತತಃ ಕುರ್ಯಾದ್ದ್ವಾದಶಾಕ್ಷರವಿದ್ಯಯಾ

॥ 6 ॥

ಶ್ಲೋಕ 8

ಪ್ರಣವಾದಿಯಕಾರಾನ್ತಮಙ್ಗುಲ್ಯಙ್ಗುಷ್ಠಪರ್ವಸು ।

ನ್ಯಸೇದ್ಧೃದಯ ಓಙ್ಕಾರಂ ವಿಕಾರಮನು ಮೂರ್ಧನಿ

॥ 7 ॥

ಶ್ಲೋಕ 9

ಷಕಾರಂ ತು ಭ್ರುವೋರ್ಮಧ್ಯೇ ಣಕಾರಂ ಶಿಖಯಾ ನ್ಯಸೇತ್ ।

ವೇಕಾರಂ ನೇತ್ರಯೋರ್ಯುಞ್ಜ್ಯಾನ್ನಕಾರಂ ಸರ್ವಸನ್ಧಿಷು

॥ 8 ॥

ಶ್ಲೋಕ 10

ಮಕಾರಮಸ್ತ್ರಮುದ್ದಿಶ್ಯ ಮನ್ತ್ರಮೂರ್ತಿರ್ಭವೇದ್ಬುಧಃ ।

ಸವಿಸರ್ಗಂ ಫಡನ್ತಂ ತತ್ಸರ್ವದಿಕ್ಷು ವಿನಿರ್ದಿಶೇತ್

॥ 9 ॥

ಶ್ಲೋಕ 11

ಓಂ ವಿಷ್ಣವೇ ನಮಃ ॥

ಇತ್ಯಾತ್ಮಾನಂ ಪರಂ ಧ್ಯಾಯೇದ್ಧ್ಯೇಯಂ ಷಟ್ಛಕ್ತಿಭಿರ್ಯುತಮ್ ।

ವಿದ್ಯಾತೇಜಸ್ತಪೋಮೂರ್ತಿಮಿಮಂ ಮನ್ತ್ರಮುದಾಹರೇತ್

॥ 10 ॥

ಶ್ಲೋಕ 12

ಓಂ ಹರಿರ್ವಿದಧ್ಯಾನ್ಮಮ ಸರ್ವರಕ್ಷಾಂ

ನ್ಯಸ್ತಾಙ್ಘ್ರಿಪದ್ಮಃ ಪತಗೇನ್ದ್ರ ಪೃಷ್ಠೇ ।

ದರಾರಿಚರ್ಮಾಸಿಗದೇಷುಚಾಪ-

-ಪಾಶಾನ್ದಧಾನೋಽಷ್ಟಗುಣೋಽಷ್ಟಬಾಹುಃ

॥ 11 ॥

ಶ್ಲೋಕ 13

ಜಲೇಷು ಮಾಂ ರಕ್ಷತು ಮತ್ಸ್ಯಮೂರ್ತಿ-

-ರ್ಯಾದೋಗಣೇಭ್ಯೋ ವರುಣಸ್ಯ ಪಾಶಾತ್ ।

ಸ್ಥಲೇಷು ಮಾಯಾವಟುವಾಮನೋಽವ್ಯಾ-

-ತ್ತ್ರಿವಿಕ್ರಮಃ ಖೇಽವತು ವಿಶ್ವರೂಪಃ

॥ 12 ॥

ಶ್ಲೋಕ 14

ದುರ್ಗೇಷ್ವಟವ್ಯಾಜಿಮುಖಾದಿಷು ಪ್ರಭುಃ

ಪಾಯಾನ್ನೃಸಿಂಹೋಽಸುರಯೂಥಪಾರಿಃ ।

ವಿಮುಞ್ಚತೋ ಯಸ್ಯ ಮಹಾಟ್ಟಹಾಸಂ

ದಿಶೋ ವಿನೇದುರ್ನ್ಯಪತಂಶ್ಚ ಗರ್ಭಾಃ

॥ 13 ॥

ಶ್ಲೋಕ 15

ರಕ್ಷತ್ವಸೌ ಮಾಧ್ವನಿ ಯಜ್ಞಕಲ್ಪಃ

ಸ್ವದಂಷ್ಟ್ರಯೋನ್ನೀತಧರೋ ವರಾಹಃ ।

ರಾಮೋಽದ್ರಿಕೂಟೇಷ್ವಥ ವಿಪ್ರವಾಸೇ

ಸಲಕ್ಷ್ಮಣೋಽವ್ಯಾದ್ಭರತಾಗ್ರಜೋಽಸ್ಮಾನ್

॥ 14 ॥

ಶ್ಲೋಕ 16

ಮಾಮುಗ್ರಧರ್ಮಾದಖಿಲಾತ್ಪ್ರಮಾದಾ-

-ನ್ನಾರಾಯಣಃ ಪಾತು ನರಶ್ಚ ಹಾಸಾತ್ ।

ದತ್ತಸ್ತ್ವಯೋಗಾದಥ ಯೋಗನಾಥಃ

ಪಾಯಾದ್ಗುಣೇಶಃ ಕಪಿಲಃ ಕರ್ಮಬನ್ಧಾತ್

॥ 15 ॥

ಶ್ಲೋಕ 17

ಸನತ್ಕುಮಾರೋಽವತು ಕಾಮದೇವಾ-

-ದ್ಧಯಾನನೋ ಮಾಂ ಪಥಿ ದೇವಹೇಲನಾತ್ ।

ದೇವರ್ಷಿವರ್ಯಃ ಪುರುಷಾರ್ಚನಾನ್ತರಾ-

-ತ್ಕೂರ್ಮೋ ಹರಿರ್ಮಾಂ ನಿರಯಾದಶೇಷಾತ್

॥ 16 ॥

ಶ್ಲೋಕ 18

ಧನ್ವನ್ತರಿರ್ಭಗವಾನ್ಪಾತ್ವಪಥ್ಯಾ-

-ದ್ದ್ವನ್ದ್ವಾದ್ಭಯಾದೃಷಭೋ ನಿರ್ಜಿತಾತ್ಮಾ ।

ಯಜ್ಞಶ್ಚ ಲೋಕಾದವತಾಜ್ಜನಾನ್ತಾ-

-ದ್ಬಲೋ ಗಣಾತ್ಕ್ರೋಧವಶಾದಹೀನ್ದ್ರಃ

॥ 17 ॥

ಶ್ಲೋಕ 19

ದ್ವೈಪಾಯನೋ ಭಗವಾನಪ್ರಬೋಧಾ-

-ದ್ಬುದ್ಧಸ್ತು ಪಾಷಣ್ಡಗಣಾತ್ಪ್ರಮಾದಾತ್ ।

ಕಲ್ಕಿಃ ಕಲೇಃ ಕಾಲಮಲಾತ್ಪ್ರಪಾತು

ಧರ್ಮಾವನಾಯೋರುಕೃತಾವತಾರಃ

॥ 18 ॥

ಶ್ಲೋಕ 20

ಮಾಂ ಕೇಶವೋ ಗದಯಾ ಪ್ರಾತರವ್ಯಾ-

-ದ್ಗೋವಿನ್ದ ಆಸಙ್ಗವಮಾತ್ತವೇಣುಃ ।

ನಾರಾಯಣಃ ಪ್ರಾಹ್ಣ ಉದಾತ್ತಶಕ್ತಿ-

-ರ್ಮಧ್ಯನ್ದಿನೇ ವಿಷ್ಣುರರೀನ್ದ್ರಪಾಣಿಃ

॥ 19 ॥

ಶ್ಲೋಕ 21

ದೇವೋಽಪರಾಹ್ಣೇ ಮಧುಹೋಗ್ರಧನ್ವಾ

ಸಾಯಂ ತ್ರಿಧಾಮಾವತು ಮಾಧವೋ ಮಾಮ್ ।

ದೋಷೇ ಹೃಷೀಕೇಶ ಉತಾರ್ಧರಾತ್ರೇ

ನಿಶೀಥ ಏಕೋಽವತು ಪದ್ಮನಾಭಃ

॥ 20 ॥

ಶ್ಲೋಕ 22

ಶ್ರೀವತ್ಸಧಾಮಾಽಪರರಾತ್ರ ಈಶಃ

ಪ್ರತ್ಯುಷ ಈಶೋಽಸಿಧರೋ ಜನಾರ್ದನಃ ।

ದಾಮೋದರೋಽವ್ಯಾದನುಸನ್ಧ್ಯಂ ಪ್ರಭಾತೇ

ವಿಶ್ವೇಶ್ವರೋ ಭಗವಾನ್ಕಾಲಮೂರ್ತಿಃ

॥ 21 ॥

ಶ್ಲೋಕ 23

ಚಕ್ರಂ ಯುಗಾನ್ತಾನಲತಿಗ್ಮನೇಮಿ

ಭ್ರಮತ್ಸಮನ್ತಾದ್ಭಗವತ್ಪ್ರಯುಕ್ತಮ್ ।

ದನ್ದಗ್ಧಿ ದನ್ದಗ್ಧ್ಯರಿಸೈನ್ಯಮಾಶು

ಕಕ್ಷಂ ಯಥಾ ವಾತಸಖೋ ಹುತಾಶಃ

॥ 22 ॥

ಶ್ಲೋಕ 24

ಗದೇಽಶನಿಸ್ಪರ್ಶನವಿಸ್ಫುಲಿಙ್ಗೇ

ನಿಷ್ಪಿಣ್ಢಿ ನಿಷ್ಪಿಣ್ಢ್ಯಜಿತಪ್ರಿಯಾಸಿ ।

ಕೂಷ್ಮಾಣ್ಡವೈನಾಯಕಯಕ್ಷರಕ್ಷೋ

ಭೂತಗ್ರಹಾಂಶ್ಚೂರ್ಣಯ ಚೂರ್ಣಯಾರೀನ್

॥ 23 ॥

ಶ್ಲೋಕ 25

ತ್ವಂ ಯಾತುಧಾನಪ್ರಮಥಪ್ರೇತಮಾತೃ-

-ಪಿಶಾಚವಿಪ್ರಗ್ರಹಘೋರದೃಷ್ಟೀನ್ ।

ದರೇನ್ದ್ರ ವಿದ್ರಾವಯ ಕೃಷ್ಣಪೂರಿತೋ

ಭೀಮಸ್ವನೋಽರೇರ್ಹೃದಯಾನಿ ಕಮ್ಪಯನ್

॥ 24 ॥

ಶ್ಲೋಕ 26

ತ್ವಂ ತಿಗ್ಮಧಾರಾಸಿವರಾರಿಸೈನ್ಯ-

-ಮೀಶಪ್ರಯುಕ್ತೋ ಮಮ ಛಿನ್ಧಿ ಛಿನ್ಧಿ ।

ಚಕ್ಷೂಂಷಿ ಚರ್ಮನ್ ಶತಚನ್ದ್ರ ಛಾದಯ

ದ್ವಿಷಾಮಘೋನಾಂ ಹರ ಪಾಪಚಕ್ಷುಷಾಮ್

॥ 25 ॥

ಶ್ಲೋಕ 27

ಯನ್ನೋ ಭಯಂ ಗ್ರಹೇಭ್ಯೋಽಭೂತ್ಕೇತುಭ್ಯೋ ನೃಭ್ಯ ಏವ ಚ ।

ಸರೀಸೃಪೇಭ್ಯೋ ದಂಷ್ಟ್ರಿಭ್ಯೋ ಭೂತೇಭ್ಯೋಽಘೇಭ್ಯ ಏವ ಚ

॥ 26 ॥

ಶ್ಲೋಕ 28

ಸರ್ವಾಣ್ಯೇತಾನಿ ಭಗವನ್ನಾಮರೂಪಾಸ್ತ್ರಕೀರ್ತನಾತ್ ।

ಪ್ರಯಾನ್ತು ಸಙ್ಕ್ಷಯಂ ಸದ್ಯೋ ಯೇ ನಃ ಶ್ರೇಯಃಪ್ರತೀಪಕಾಃ

॥ 27 ॥

ಶ್ಲೋಕ 29

ಗರುಡೋ ಭಗವಾನ್ ಸ್ತೋತ್ರಸ್ತೋಮಶ್ಛನ್ದೋಮಯಃ ಪ್ರಭುಃ ।

ರಕ್ಷತ್ವಶೇಷಕೃಚ್ಛ್ರೇಭ್ಯೋ ವಿಷ್ವಕ್ಸೇನಃ ಸ್ವನಾಮಭಿಃ

॥ 28 ॥

ಶ್ಲೋಕ 30

ಸರ್ವಾಪದ್ಭ್ಯೋ ಹರೇರ್ನಾಮರೂಪಯಾನಾಯುಧಾನಿ ನಃ ।

ಬುದ್ಧೀನ್ದ್ರಿಯಮನಃಪ್ರಾಣಾನ್ಪಾನ್ತು ಪಾರ್ಷದಭೂಷಣಾಃ

॥ 29 ॥

ಶ್ಲೋಕ 31

ಯಥಾ ಹಿ ಭಗವಾನೇವ ವಸ್ತುತಃ ಸದಸಚ್ಚ ಯತ್ ।

ಸತ್ಯೇನಾನೇನ ನಃ ಸರ್ವೇ ಯಾನ್ತು ನಾಶಮುಪದ್ರವಾಃ

॥ 30 ॥

ಶ್ಲೋಕ 32

ಯಥೈಕಾತ್ಮ್ಯಾನುಭಾವಾನಾಂ ವಿಕಲ್ಪರಹಿತಃ ಸ್ವಯಮ್ ।

ಭೂಷಣಾಯುಧಲಿಙ್ಗಾಖ್ಯಾ ಧತ್ತೇ ಶಕ್ತೀಃ ಸ್ವಮಾಯಯಾ

॥ 31 ॥

ಶ್ಲೋಕ 33

ತೇನೈವ ಸತ್ಯಮಾನೇನ ಸರ್ವಜ್ಞೋ ಭಗವಾನ್ ಹರಿಃ ।

ಪಾತು ಸರ್ವೈಃ ಸ್ವರೂಪೈರ್ನಃ ಸದಾ ಸರ್ವತ್ರ ಸರ್ವಗಃ

॥ 32 ॥

ಶ್ಲೋಕ 34

ವಿದಿಕ್ಷು ದಿಕ್ಷೂರ್ಧ್ವಮಧಃ ಸಮನ್ತಾ-

-ದನ್ತರ್ಬಹಿರ್ಭಗವಾನ್ನಾರಸಿಂಹಃ ।

ಪ್ರಹಾಪಯಁಲ್ಲೋಕಭಯಂ ಸ್ವನೇನ

ಸ್ವತೇಜಸಾ ಗ್ರಸ್ತಸಮಸ್ತತೇಜಾಃ

॥ 33 ॥

ಶ್ಲೋಕ 35

ಮಘವನ್ನಿದಮಾಖ್ಯಾತಂ ವರ್ಮ ನಾರಾಯಣಾತ್ಮಕಮ್ ।

ವಿಜೇಷ್ಯಸ್ಯಞ್ಜಸಾ ಯೇನ ದಂಶಿತೋಽಸುರಯೂಥಪಾನ್

॥ 34 ॥

ಶ್ಲೋಕ 36

ಏತದ್ಧಾರಯಮಾಣಸ್ತು ಯಂ ಯಂ ಪಶ್ಯತಿ ಚಕ್ಷುಷಾ ।

ಪದಾ ವಾ ಸಂಸ್ಪೃಶೇತ್ಸದ್ಯಃ ಸಾಧ್ವಸಾತ್ಸ ವಿಮುಚ್ಯತೇ

॥ 35 ॥

ಶ್ಲೋಕ 37

ನ ಕುತಶ್ಚಿದ್ಭಯಂ ತಸ್ಯ ವಿದ್ಯಾಂ ಧಾರಯತೋ ಭವೇತ್ ।

ರಾಜದಸ್ಯುಗ್ರಹಾದಿಭ್ಯೋ ವ್ಯಾಧ್ಯಾದಿಭ್ಯಶ್ಚ ಕರ್ಹಿಚಿತ್

॥ 36 ॥

ಶ್ಲೋಕ 38

ಇಮಾಂ ವಿದ್ಯಾಂ ಪುರಾ ಕಶ್ಚಿತ್ಕೌಶಿಕೋ ಧಾರಯನ್ ದ್ವಿಜಃ ।

ಯೋಗಧಾರಣಯಾ ಸ್ವಾಙ್ಗಂ ಜಹೌ ಸ ಮರುಧನ್ವನಿ

॥ 37 ॥

ಶ್ಲೋಕ 39

ತಸ್ಯೋಪರಿ ವಿಮಾನೇನ ಗನ್ಧರ್ವಪತಿರೇಕದಾ ।

ಯಯೌ ಚಿತ್ರರಥಃ ಸ್ತ್ರೀಭಿರ್ವೃತೋ ಯತ್ರ ದ್ವಿಜಕ್ಷಯಃ

॥ 38 ॥

ಶ್ಲೋಕ 40

ಗಗನಾನ್ನ್ಯಪತತ್ಸದ್ಯಃ ಸವಿಮಾನೋ ಹ್ಯವಾಕ್ಛಿರಾಃ ।

ಸ ವಾಲಖಿಲ್ಯವಚನಾದಸ್ಥೀನ್ಯಾದಾಯ ವಿಸ್ಮಿತಃ ।

ಪ್ರಾಪ್ಯ ಪ್ರಾಚ್ಯಾಂ ಸರಸ್ವತ್ಯಾಂ ಸ್ನಾತ್ವಾ ಧಾಮ ಸ್ವಮನ್ವಗಾತ್

॥ 39 ॥

ಶ್ಲೋಕ 41

ಶ್ರೀ ಶುಕ ಉವಾಚ

ಯ ಇದಂ ಶೃಣುಯಾತ್ಕಾಲೇ ಯೋ ಧಾರಯತಿ ಚಾದೃತಃ ।

ತಂ ನಮಸ್ಯನ್ತಿ ಭೂತಾನಿ ಮುಚ್ಯತೇ ಸರ್ವತೋ ಭಯಾತ್

॥ 40 ॥

ಶ್ಲೋಕ 42

ಏತಾಂ ವಿದ್ಯಾಮಧಿಗತೋ ವಿಶ್ವರೂಪಾಚ್ಛತಕ್ರತುಃ ।

ತ್ರೈಲೋಕ್ಯಲಕ್ಷ್ಮೀಂ ಬುಭುಜೇ ವಿನಿರ್ಜಿತ್ಯ ಮೃಧೇಽಸುರಾನ್

॥ 41 ॥

ಶ್ಲೋಕ 43

ಇತಿ ಶ್ರೀಮದ್ಭಾಗವತೇ ಮಹಾಪುರಾಣೇ ಷಷ್ಠಸ್ಕನ್ಧೇ ನಾರಾಯಣವರ್ಮೋಪದೇಶೋ ನಾಮಾಷ್ಟಮೋಽಧ್ಯಾಯಃ ।