లక్ష్మీ నృసింహ కరావలమ్బ స్తోత్రమ్

లక్ష్మీ నృసింహ కరావలమ్బ స్తోత్రమ్

శ్లోక 1

శ్రీమత్పయోనిధినికేతన చక్రపాణే భోగీన్ద్రభోగమణిరాజిత పుణ్యమూర్తే ।

యోగీశ శాశ్వత శరణ్య భవాబ్ధిపోత లక్ష్మీనృసింహ మమ దేహి కరావలమ్బమ్

శ్లోక 2

బ్రహ్మేన్ద్రరుద్రమరుదర్కకిరీటకోటి సఙ్ఘట్టితాఙ్ఘ్రికమలామలకాన్తికాన్త ।

లక్ష్మీలసత్కుచసరోరుహరాజహంస లక్ష్మీనృసింహ మమ దేహి కరావలమ్బమ్

॥ 1 ॥

శ్లోక 3

సంసారదావదహనాకరభీకరోరు-జ్వాలావలీభిరతిదగ్ధతనూరుహస్య ।

త్వత్పాదపద్మసరసీరుహమాగతస్య లక్ష్మీనృసింహ మమ దేహి కరావలమ్బమ్

॥ 2 ॥

శ్లోక 4

సంసారజాలపతితతస్య జగన్నివాస సర్వేన్ద్రియార్థ బడిశాగ్ర ఝషోపమస్య ।

ప్రోత్కమ్పిత ప్రచురతాలుక మస్తకస్య లక్ష్మీనృసింహ మమ దేహి కరావలమ్బమ్

॥ 3 ॥

శ్లోక 5

సంసారకూమపతిఘోరమగాధమూలం సమ్ప్రాప్య దుఃఖశతసర్పసమాకులస్య ।

దీనస్య దేవ కృపయా పదమాగతస్య లక్ష్మీనృసింహ మమ దేహి కరావలమ్బమ్

॥ 4 ॥

శ్లోక 6

సంసారభీకరకరీన్ద్రకరాభిఘాత నిష్పీడ్యమానవపుషః సకలార్తినాశ ।

ప్రాణప్రయాణభవభీతిసమాకులస్య లక్ష్మీనృసింహ మమ దేహి కరావలమ్బమ్

॥ 5 ॥

శ్లోక 7

సంసారసర్పవిషదిగ్ధమహోగ్రతీవ్ర దంష్ట్రాగ్రకోటిపరిదష్టవినష్టమూర్తేః ।

నాగారివాహన సుధాబ్ధినివాస శౌరే లక్ష్మీనృసింహ మమ దేహి కరావలమ్బమ్

॥ 6 ॥

శ్లోక 8

సంసారవృక్షబీజమనన్తకర్మ-శాఖాయుతం కరణపత్రమనఙ్గపుష్పమ్ ।

ఆరుహ్య దుఃఖఫలితః చకితః దయాలో లక్ష్మీనృసింహ మమ దేహి కరావలమ్బమ్

॥ 7 ॥

శ్లోక 9

సంసారసాగరవిశాలకరాలకాల నక్రగ్రహగ్రసితనిగ్రహవిగ్రహస్య ।

వ్యగ్రస్య రాగనిచయోర్మినిపీడితస్య లక్ష్మీనృసింహ మమ దేహి కరావలమ్బమ్

॥ 8 ॥

శ్లోక 10

సంసారసాగరనిమజ్జనముహ్యమానం దీనం విలోకయ విభో కరుణానిధే మామ్ ।

ప్రహ్లాదఖేదపరిహారపరావతార లక్ష్మీనృసింహ మమ దేహి కరావలమ్బమ్

॥ 9 ॥

శ్లోక 11

సంసారఘోరగహనే చరతో మురారే మారోగ్రభీకరమృగప్రచురార్దితస్య ।

ఆర్తస్య మత్సరనిదాఘసుదుఃఖితస్య లక్ష్మీనృసింహ మమ దేహి కరావలమ్బమ్

॥ 10 ॥

శ్లోక 12

బద్ధ్వా గలే యమభటా బహు తర్జయన్త కర్షన్తి యత్ర భవపాశశతైర్యుతం మామ్ ।

ఏకాకినం పరవశం చకితం దయాలో లక్ష్మీనృసింహ మమ దేహి కరావలమ్బమ్

॥ 11 ॥

శ్లోక 13

లక్ష్మీపతే కమలనాభ సురేశ విష్ణో యజ్ఞేశ యజ్ఞ మధుసూదన విశ్వరూప ।

బ్రహ్మణ్య కేశవ జనార్దన వాసుదేవ లక్ష్మీనృసింహ మమ దేహి కరావలమ్బమ్

॥ 12 ॥

శ్లోక 14

ఏకేన చక్రమపరేణ కరేణ శఙ్ఖ-మన్యేన సిన్ధుతనయామవలమ్బ్య తిష్ఠన్ ।

వామేతరేణ వరదాభయపద్మచిహ్నం లక్ష్మీనృసింహ మమ దేహి కరావలమ్బమ్

॥ 13 ॥

శ్లోక 15

అన్ధస్య మే హృతవివేకమహాధనస్య చోరైర్మహాబలిభిరిన్ద్రియనామధేయైః ।

మోహాన్ధకారకుహరే వినిపాతితస్య లక్ష్మీనృసింహ మమ దేహి కరావలమ్బమ్

॥ 14 ॥

శ్లోక 16

ప్రహ్లాదనారదపరాశరపుణ్డరీక-వ్యాసాదిభాగవతపుఙ్గవహృన్నివాస ।

భక్తానురక్తపరిపాలనపారిజాత లక్ష్మీనృసింహ మమ దేహి కరావలమ్బమ్

॥ 15 ॥

శ్లోక 17

లక్ష్మీనృసింహచరణాబ్జమధువ్రతేన స్తోత్రం కృతం శుభకరం భువి శఙ్కరేణ ।

యే తత్పఠన్తి మనుజా హరిభక్తియుక్తా-స్తే యాన్తి తత్పదసరోజమఖణ్డరూపమ్

॥ 16 ॥

శ్లోక 18