ലക്ഷ്മീ നൃസിംഹ കരാവലമ്ബ സ്തോത്രമ്

ലക്ഷ്മീ നൃസിംഹ കരാവലമ്ബ സ്തോത്രമ്

ശ്ലോക 1

ശ്രീമത്പയോനിധിനികേതന ചക്രപാണേ ഭോഗീന്ദ്രഭോഗമണിരാജിത പുണ്യമൂര്തേ ।

യോഗീശ ശാശ്വത ശരണ്യ ഭവാബ്ധിപോത ലക്ഷ്മീനൃസിംഹ മമ ദേഹി കരാവലമ്ബമ്

ശ്ലോക 2

ബ്രഹ്മേന്ദ്രരുദ്രമരുദര്കകിരീടകോടി സങ്ഘട്ടിതാങ്ഘ്രികമലാമലകാന്തികാന്ത ।

ലക്ഷ്മീലസത്കുചസരോരുഹരാജഹംസ ലക്ഷ്മീനൃസിംഹ മമ ദേഹി കരാവലമ്ബമ്

॥ 1 ॥

ശ്ലോക 3

സംസാരദാവദഹനാകരഭീകരോരു-ജ്വാലാവലീഭിരതിദഗ്ധതനൂരുഹസ്യ ।

ത്വത്പാദപദ്മസരസീരുഹമാഗതസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 2 ॥

ശ്ലോക 4

സംസാരജാലപതിതതസ്യ ജഗന്നിവാസ സര്വേന്ദ്രിയാര്ഥ ബഡിശാഗ്ര ഝഷോപമസ്യ ।

പ്രോത്കമ്പിത പ്രചുരതാലുക മസ്തകസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 3 ॥

ശ്ലോക 5

സംസാരകൂമപതിഘോരമഗാധമൂലം സമ്പ്രാപ്യ ദുഃഖശതസര്പസമാകുലസ്യ ।

ദീനസ്യ ദേവ കൃപയാ പദമാഗതസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 4 ॥

ശ്ലോക 6

സംസാരഭീകരകരീന്ദ്രകരാഭിഘാത നിഷ്പീഡ്യമാനവപുഷഃ സകലാര്തിനാശ ।

പ്രാണപ്രയാണഭവഭീതിസമാകുലസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 5 ॥

ശ്ലോക 7

സംസാരസര്പവിഷദിഗ്ധമഹോഗ്രതീവ്ര ദംഷ്ട്രാഗ്രകോടിപരിദഷ്ടവിനഷ്ടമൂര്തേഃ ।

നാഗാരിവാഹന സുധാബ്ധിനിവാസ ശൌരേ ലക്ഷ്മീനൃസിംഹ മമ ദേഹി കരാവലമ്ബമ്

॥ 6 ॥

ശ്ലോക 8

സംസാരവൃക്ഷബീജമനന്തകര്മ-ശാഖായുതം കരണപത്രമനങ്ഗപുഷ്പമ് ।

ആരുഹ്യ ദുഃഖഫലിതഃ ചകിതഃ ദയാലോ ലക്ഷ്മീനൃസിംഹ മമ ദേഹി കരാവലമ്ബമ്

॥ 7 ॥

ശ്ലോക 9

സംസാരസാഗരവിശാലകരാലകാല നക്രഗ്രഹഗ്രസിതനിഗ്രഹവിഗ്രഹസ്യ ।

വ്യഗ്രസ്യ രാഗനിചയോര്മിനിപീഡിതസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 8 ॥

ശ്ലോക 10

സംസാരസാഗരനിമജ്ജനമുഹ്യമാനം ദീനം വിലോകയ വിഭോ കരുണാനിധേ മാമ് ।

പ്രഹ്ലാദഖേദപരിഹാരപരാവതാര ലക്ഷ്മീനൃസിംഹ മമ ദേഹി കരാവലമ്ബമ്

॥ 9 ॥

ശ്ലോക 11

സംസാരഘോരഗഹനേ ചരതോ മുരാരേ മാരോഗ്രഭീകരമൃഗപ്രചുരാര്ദിതസ്യ ।

ആര്തസ്യ മത്സരനിദാഘസുദുഃഖിതസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 10 ॥

ശ്ലോക 12

ബദ്ധ്വാ ഗലേ യമഭടാ ബഹു തര്ജയന്ത കര്ഷന്തി യത്ര ഭവപാശശതൈര്യുതം മാമ് ।

ഏകാകിനം പരവശം ചകിതം ദയാലോ ലക്ഷ്മീനൃസിംഹ മമ ദേഹി കരാവലമ്ബമ്

॥ 11 ॥

ശ്ലോക 13

ലക്ഷ്മീപതേ കമലനാഭ സുരേശ വിഷ്ണോ യജ്ഞേശ യജ്ഞ മധുസൂദന വിശ്വരൂപ ।

ബ്രഹ്മണ്യ കേശവ ജനാര്ദന വാസുദേവ ലക്ഷ്മീനൃസിംഹ മമ ദേഹി കരാവലമ്ബമ്

॥ 12 ॥

ശ്ലോക 14

ഏകേന ചക്രമപരേണ കരേണ ശങ്ഖ-മന്യേന സിന്ധുതനയാമവലമ്ബ്യ തിഷ്ഠന് ।

വാമേതരേണ വരദാഭയപദ്മചിഹ്നം ലക്ഷ്മീനൃസിംഹ മമ ദേഹി കരാവലമ്ബമ്

॥ 13 ॥

ശ്ലോക 15

അന്ധസ്യ മേ ഹൃതവിവേകമഹാധനസ്യ ചോരൈര്മഹാബലിഭിരിന്ദ്രിയനാമധേയൈഃ ।

മോഹാന്ധകാരകുഹരേ വിനിപാതിതസ്യ ലക്ഷ്മീനൃസിംഹ മമ ദേഹി കരാവലമ്ബമ്

॥ 14 ॥

ശ്ലോക 16

പ്രഹ്ലാദനാരദപരാശരപുണ്ഡരീക-വ്യാസാദിഭാഗവതപുങ്ഗവഹൃന്നിവാസ ।

ഭക്താനുരക്തപരിപാലനപാരിജാത ലക്ഷ്മീനൃസിംഹ മമ ദേഹി കരാവലമ്ബമ്

॥ 15 ॥

ശ്ലോക 17

ലക്ഷ്മീനൃസിംഹചരണാബ്ജമധുവ്രതേന സ്തോത്രം കൃതം ശുഭകരം ഭുവി ശങ്കരേണ ।

യേ തത്പഠന്തി മനുജാ ഹരിഭക്തിയുക്താ-സ്തേ യാന്തി തത്പദസരോജമഖണ്ഡരൂപമ്

॥ 16 ॥

ശ്ലോക 18