Krishna Ashtakam
ಕೃಷ್ಣಾಷ್ಟಕಮ್
Krishna Ashtakam
ಕೃಷ್ಣಾಷ್ಟಕಮ್
ಶ್ಲೋಕ 1
ವಸುದೇವ ಸುತಂ ದೇವಂ ಕಂಸ ಚಾಣೂರ ಮರ್ದನಮ್ ।
ದೇವಕೀ ಪರಮಾನನ್ದಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ಅತಸೀ ಪುಷ್ಪ ಸಙ್ಕಾಶಂ ಹಾರ ನೂಪುರ ಶೋಭಿತಮ್ ।
ರತ್ನ ಕಙ್ಕಣ ಕೇಯೂರಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ಕುಟಿಲಾಲಕ ಸಂಯುಕ್ತಂ ಪೂರ್ಣಚನ್ದ್ರ ನಿಭಾನನಮ್ ।
ವಿಲಸತ್ ಕುಣ್ಡಲಧರಂ ಕೃಷ್ಣಂ ವನ್ದೇ ಜಗದ್ಗುರಮ್ ॥
ಮನ್ದಾರ ಗನ್ಧ ಸಂಯುಕ್ತಂ ಚಾರುಹಾಸಂ ಚತುರ್ಭುಜಮ್ ।
ಬರ್ಹಿ ಪಿಞ್ಛಾವ ಚೂಡಾಙ್ಗಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ಉತ್ಫುಲ್ಲ ಪದ್ಮಪತ್ರಾಕ್ಷಂ ನೀಲ ಜೀಮೂತ ಸನ್ನಿಭಮ್ ।
ಯಾದವಾನಾಂ ಶಿರೋರತ್ನಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ರುಕ್ಮಿಣೀ ಕೇಲಿ ಸಂಯುಕ್ತಂ ಪೀತಾಮ್ಬರ ಸುಶೋಭಿತಮ್ ।
ಅವಾಪ್ತ ತುಲಸೀ ಗನ್ಧಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ಗೋಪಿಕಾನಾಂ ಕುಚದ್ವನ್ದ ಕುಙ್ಕುಮಾಙ್ಕಿತ ವಕ್ಷಸಮ್ ।
ಶ್ರೀನಿಕೇತಂ ಮಹೇಷ್ವಾಸಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ಶ್ರೀವತ್ಸಾಙ್ಕಂ ಮಹೋರಸ್ಕಂ ವನಮಾಲಾ ವಿರಾಜಿತಮ್ ।
ಶಙ್ಖಚಕ್ರ ಧರಂ ದೇವಂ ಕೃಷ್ಣಂ ವನ್ದೇ ಜಗದ್ಗುರುಮ್ ॥
ಕೃಷ್ಣಾಷ್ಟಕ ಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।
ಕೋಟಿಜನ್ಮ ಕೃತಂ ಪಾಪಂ ಸ್ಮರಣೇನ ವಿನಶ್ಯತಿ ॥