કૃષ્ણાષ્ટકમ્

કૃષ્ણાષ્ટકમ્

શ્લોક 1

વસુદેવ સુતં દેવં કંસ ચાણૂર મર્દનમ્ ।

દેવકી પરમાનન્દં કૃષ્ણં વન્દે જગદ્ગુરુમ્ ॥

અતસી પુષ્પ સઙ્કાશં હાર નૂપુર શોભિતમ્ ।

રત્ન કઙ્કણ કેયૂરં કૃષ્ણં વન્દે જગદ્ગુરુમ્ ॥

કુટિલાલક સંયુક્તં પૂર્ણચન્દ્ર નિભાનનમ્ ।

વિલસત્ કુણ્ડલધરં કૃષ્ણં વન્દે જગદ્ગુરમ્ ॥

મન્દાર ગન્ધ સંયુક્તં ચારુહાસં ચતુર્ભુજમ્ ।

બર્હિ પિઞ્છાવ ચૂડાઙ્ગં કૃષ્ણં વન્દે જગદ્ગુરુમ્ ॥

ઉત્ફુલ્લ પદ્મપત્રાક્ષં નીલ જીમૂત સન્નિભમ્ ।

યાદવાનાં શિરોરત્નં કૃષ્ણં વન્દે જગદ્ગુરુમ્ ॥

રુક્મિણી કેલિ સંયુક્તં પીતામ્બર સુશોભિતમ્ ।

અવાપ્ત તુલસી ગન્ધં કૃષ્ણં વન્દે જગદ્ગુરુમ્ ॥

ગોપિકાનાં કુચદ્વન્દ કુઙ્કુમાઙ્કિત વક્ષસમ્ ।

શ્રીનિકેતં મહેષ્વાસં કૃષ્ણં વન્દે જગદ્ગુરુમ્ ॥

શ્રીવત્સાઙ્કં મહોરસ્કં વનમાલા વિરાજિતમ્ ।

શઙ્ખચક્ર ધરં દેવં કૃષ્ણં વન્દે જગદ્ગુરુમ્ ॥

કૃષ્ણાષ્ટક મિદં પુણ્યં પ્રાતરુત્થાય યઃ પઠેત્ ।

કોટિજન્મ કૃતં પાપં સ્મરણેન વિનશ્યતિ ॥