కాలభైరవాష్టకమ్

కాలభైరవాష్టకమ్

శ్లోక 1

దేవరాజ-సేవ్యమాన-పావనాఙ్ఘ్రి-పఙ్కజం

వ్యాలయజ్ఞ-సూత్రమిన్దు-శేఖరం కృపాకరమ్ ।

నారదాది-యోగిబృన్ద-వన్దితం దిగమ్బరం

కాశికాపురాధినాథ కాలభైరవం భజే

శ్లోక 2

భానుకోటి-భాస్వరం భవబ్ధితారకం పరం

నీలకణ్ఠ-మీప్సితార్థ-దాయకం త్రిలోచనమ్ ।

కాలకాల-మమ్బుజాక్ష-మక్షశూల-మక్షరం

కాశికాపురాధినాథ కాలభైరవం భజే

॥ 1 ॥

శ్లోక 3

శూలటఙ్క-పాశదణ్డ-పాణిమాది-కారణం

శ్యామకాయ-మాదిదేవ-మక్షరం నిరామయమ్ ।

భీమవిక్రమం ప్రభుం విచిత్ర తాణ్డవ ప్రియం

కాశికాపురాధినాథ కాలభైరవం భజే

॥ 2 ॥

శ్లోక 4

భుక్తి-ముక్తి-దాయకం ప్రశస్తచారు-విగ్రహం

భక్తవత్సలం స్థిరం సమస్తలోక-విగ్రహమ్ । [స్థితం]

నిక్వణన్-మనోజ్ఞ-హేమ-కిఙ్కిణీ-లసత్కటిం [వినిక్వణన్]

కాశికాపురాధినాథ కాలభైరవం భజే

॥ 3 ॥

శ్లోక 5

ధర్మసేతు-పాలకం త్వధర్మమార్గ నాశకం [నాశనం]

కర్మపాశ-మోచకం సుశర్మ-దాయకం విభుమ్ ।

స్వర్ణవర్ణ-కేశపాశ-శోభితాఙ్గ-మణ్డలం [శెషపాశ, నిర్మలం]

కాశికాపురాధినాథ కాలభైరవం భజే

॥ 4 ॥

శ్లోక 6

రత్న-పాదుకా-ప్రభాభిరామ-పాదయుగ్మకం

నిత్య-మద్వితీయ-మిష్ట-దైవతం నిరఞ్జనమ్ ।

మృత్యుదర్ప-నాశనం కరాలదంష్ట్ర-మోక్షదం [భూషణం]

కాశికాపురాధినాథ కాలభైరవం భజే

॥ 5 ॥

శ్లోక 7

అట్టహాస-భిన్న-పద్మజాణ్డకోశ-సన్తతిం

దృష్టిపాత-నష్టపాప-జాలముగ్ర-శాసనమ్ ।

అష్టసిద్ధి-దాయకం కపాలమాలికా-ధరం

కాశికాపురాధినాథ కాలభైరవం భజే

॥ 6 ॥

శ్లోక 8

భూతసఙ్ఘ-నాయకం విశాలకీర్తి-దాయకం

కాశివాసి-లోక-పుణ్యపాప-శోధకం విభుమ్ । [కశివాస]

నీతిమార్గ-కోవిదం పురాతనం జగత్పతిం

కాశికాపురాధినాథ కాలభైరవం భజే

॥ 7 ॥

శ్లోక 9

కాలభైరవాష్టకం పఠన్తి యే మనోహరం

జ్ఞానముక్తి-సాధకం విచిత్ర-పుణ్య-వర్ధనమ్ ।

శోకమోహ-లోభదైన్య-కోపతాప-నాశనం [దైన్యలోభ]

తే ప్రయాన్తి కాలభైరవాఙ్ఘ్రి-సన్నిధిం ధ్రువమ్ ॥

ఇతి శ్రీమత్పరమహంసపరివ్రాజకాచర్యస్య

శ్రీగోవిన్దభగవత్పూజ్యపాదశిష్యస్య

శ్రీమచ్ఛఙ్కరభగవతః కృతౌ

శ్రీ కాలభైరవాష్టకం సమ్పూర్ణమ్ ।