കാലഭൈരവാഷ്ടകമ്

കാലഭൈരവാഷ്ടകമ്

ശ്ലോക 1

ദേവരാജ-സേവ്യമാന-പാവനാങ്ഘ്രി-പങ്കജം

വ്യാലയജ്ഞ-സൂത്രമിന്ദു-ശേഖരം കൃപാകരമ് ।

നാരദാദി-യോഗിബൃന്ദ-വന്ദിതം ദിഗമ്ബരം

കാശികാപുരാധിനാഥ കാലഭൈരവം ഭജേ

ശ്ലോക 2

ഭാനുകോടി-ഭാസ്വരം ഭവബ്ധിതാരകം പരം

നീലകണ്ഠ-മീപ്സിതാര്ഥ-ദായകം ത്രിലോചനമ് ।

കാലകാല-മമ്ബുജാക്ഷ-മക്ഷശൂല-മക്ഷരം

കാശികാപുരാധിനാഥ കാലഭൈരവം ഭജേ

॥ 1 ॥

ശ്ലോക 3

ശൂലടങ്ക-പാശദണ്ഡ-പാണിമാദി-കാരണം

ശ്യാമകായ-മാദിദേവ-മക്ഷരം നിരാമയമ് ।

ഭീമവിക്രമം പ്രഭും വിചിത്ര താണ്ഡവ പ്രിയം

കാശികാപുരാധിനാഥ കാലഭൈരവം ഭജേ

॥ 2 ॥

ശ്ലോക 4

ഭുക്തി-മുക്തി-ദായകം പ്രശസ്തചാരു-വിഗ്രഹം

ഭക്തവത്സലം സ്ഥിരം സമസ്തലോക-വിഗ്രഹമ് । [സ്ഥിതം]

നിക്വണന്-മനോജ്ഞ-ഹേമ-കിങ്കിണീ-ലസത്കടിം [വിനിക്വണന്]

കാശികാപുരാധിനാഥ കാലഭൈരവം ഭജേ

॥ 3 ॥

ശ്ലോക 5

ധര്മസേതു-പാലകം ത്വധര്മമാര്ഗ നാശകം [നാശനം]

കര്മപാശ-മോചകം സുശര്മ-ദായകം വിഭുമ് ।

സ്വര്ണവര്ണ-കേശപാശ-ശോഭിതാങ്ഗ-മണ്ഡലം [ശെഷപാശ, നിര്മലം]

കാശികാപുരാധിനാഥ കാലഭൈരവം ഭജേ

॥ 4 ॥

ശ്ലോക 6

രത്ന-പാദുകാ-പ്രഭാഭിരാമ-പാദയുഗ്മകം

നിത്യ-മദ്വിതീയ-മിഷ്ട-ദൈവതം നിരഞ്ജനമ് ।

മൃത്യുദര്പ-നാശനം കരാലദംഷ്ട്ര-മോക്ഷദം [ഭൂഷണം]

കാശികാപുരാധിനാഥ കാലഭൈരവം ഭജേ

॥ 5 ॥

ശ്ലോക 7

അട്ടഹാസ-ഭിന്ന-പദ്മജാണ്ഡകോശ-സന്തതിം

ദൃഷ്ടിപാത-നഷ്ടപാപ-ജാലമുഗ്ര-ശാസനമ് ।

അഷ്ടസിദ്ധി-ദായകം കപാലമാലികാ-ധരം

കാശികാപുരാധിനാഥ കാലഭൈരവം ഭജേ

॥ 6 ॥

ശ്ലോക 8

ഭൂതസങ്ഘ-നായകം വിശാലകീര്തി-ദായകം

കാശിവാസി-ലോക-പുണ്യപാപ-ശോധകം വിഭുമ് । [കശിവാസ]

നീതിമാര്ഗ-കോവിദം പുരാതനം ജഗത്പതിം

കാശികാപുരാധിനാഥ കാലഭൈരവം ഭജേ

॥ 7 ॥

ശ്ലോക 9

കാലഭൈരവാഷ്ടകം പഠന്തി യേ മനോഹരം

ജ്ഞാനമുക്തി-സാധകം വിചിത്ര-പുണ്യ-വര്ധനമ് ।

ശോകമോഹ-ലോഭദൈന്യ-കോപതാപ-നാശനം [ദൈന്യലോഭ]

തേ പ്രയാന്തി കാലഭൈരവാങ്ഘ്രി-സന്നിധിം ധ്രുവമ് ॥

ഇതി ശ്രീമത്പരമഹംസപരിവ്രാജകാചര്യസ്യ

ശ്രീഗോവിന്ദഭഗവത്പൂജ്യപാദശിഷ്യസ്യ

ശ്രീമച്ഛങ്കരഭഗവതഃ കൃതൌ

ശ്രീ കാലഭൈരവാഷ്ടകം സമ്പൂര്ണമ് ।