કાલભૈરવાષ્ટકમ્

કાલભૈરવાષ્ટકમ્

શ્લોક 1

દેવરાજ-સેવ્યમાન-પાવનાઙ્ઘ્રિ-પઙ્કજં

વ્યાલયજ્ઞ-સૂત્રમિન્દુ-શેખરં કૃપાકરમ્ ।

નારદાદિ-યોગિબૃન્દ-વન્દિતં દિગમ્બરં

કાશિકાપુરાધિનાથ કાલભૈરવં ભજે

શ્લોક 2

ભાનુકોટિ-ભાસ્વરં ભવબ્ધિતારકં પરં

નીલકણ્ઠ-મીપ્સિતાર્થ-દાયકં ત્રિલોચનમ્ ।

કાલકાલ-મમ્બુજાક્ષ-મક્ષશૂલ-મક્ષરં

કાશિકાપુરાધિનાથ કાલભૈરવં ભજે

॥ 1 ॥

શ્લોક 3

શૂલટઙ્ક-પાશદણ્ડ-પાણિમાદિ-કારણં

શ્યામકાય-માદિદેવ-મક્ષરં નિરામયમ્ ।

ભીમવિક્રમં પ્રભું વિચિત્ર તાણ્ડવ પ્રિયં

કાશિકાપુરાધિનાથ કાલભૈરવં ભજે

॥ 2 ॥

શ્લોક 4

ભુક્તિ-મુક્તિ-દાયકં પ્રશસ્તચારુ-વિગ્રહં

ભક્તવત્સલં સ્થિરં સમસ્તલોક-વિગ્રહમ્ । [સ્થિતં]

નિક્વણન્-મનોજ્ઞ-હેમ-કિઙ્કિણી-લસત્કટિં [વિનિક્વણન્]

કાશિકાપુરાધિનાથ કાલભૈરવં ભજે

॥ 3 ॥

શ્લોક 5

ધર્મસેતુ-પાલકં ત્વધર્મમાર્ગ નાશકં [નાશનં]

કર્મપાશ-મોચકં સુશર્મ-દાયકં વિભુમ્ ।

સ્વર્ણવર્ણ-કેશપાશ-શોભિતાઙ્ગ-મણ્ડલં [શॆષપાશ, નિર્મલં]

કાશિકાપુરાધિનાથ કાલભૈરવં ભજે

॥ 4 ॥

શ્લોક 6

રત્ન-પાદુકા-પ્રભાભિરામ-પાદયુગ્મકં

નિત્ય-મદ્વિતીય-મિષ્ટ-દૈવતં નિરઞ્જનમ્ ।

મૃત્યુદર્પ-નાશનં કરાલદંષ્ટ્ર-મોક્ષદં [ભૂષણં]

કાશિકાપુરાધિનાથ કાલભૈરવં ભજે

॥ 5 ॥

શ્લોક 7

અટ્ટહાસ-ભિન્ન-પદ્મજાણ્ડકોશ-સન્તતિં

દૃષ્ટિપાત-નષ્ટપાપ-જાલમુગ્ર-શાસનમ્ ।

અષ્ટસિદ્ધિ-દાયકં કપાલમાલિકા-ધરં

કાશિકાપુરાધિનાથ કાલભૈરવં ભજે

॥ 6 ॥

શ્લોક 8

ભૂતસઙ્ઘ-નાયકં વિશાલકીર્તિ-દાયકં

કાશિવાસિ-લોક-પુણ્યપાપ-શોધકં વિભુમ્ । [કશિવાસ]

નીતિમાર્ગ-કોવિદં પુરાતનં જગત્પતિં

કાશિકાપુરાધિનાથ કાલભૈરવં ભજે

॥ 7 ॥

શ્લોક 9

કાલભૈરવાષ્ટકં પઠન્તિ યે મનોહરં

જ્ઞાનમુક્તિ-સાધકં વિચિત્ર-પુણ્ય-વર્ધનમ્ ।

શોકમોહ-લોભદૈન્ય-કોપતાપ-નાશનં [દૈન્યલોભ]

તે પ્રયાન્તિ કાલભૈરવાઙ્ઘ્રિ-સન્નિધિં ધ્રુવમ્ ॥

ઇતિ શ્રીમત્પરમહંસપરિવ્રાજકાચર્યસ્ય

શ્રીગોવિન્દભગવત્પૂજ્યપાદશિષ્યસ્ય

શ્રીમચ્છઙ્કરભગવતઃ કૃતૌ

શ્રી કાલભૈરવાષ્ટકં સમ્પૂર્ણમ્ ।