কালভৈরবাষ্টকম্

কালভৈরবাষ্টকম্

শ্লোক 1

দেবরাজ-সেব্যমান-পাবনাঙ্ঘ্রি-পঙ্কজং

ব্যালযজ্ঞ-সূত্রমিন্দু-শেখরং কৃপাকরম্ ।

নারদাদি-যোগিবৃন্দ-বন্দিতং দিগম্বরং

কাশিকাপুরাধিনাথ কালভৈরবং ভজে

শ্লোক 2

ভানুকোটি-ভাস্বরং ভবব্ধিতারকং পরং

নীলকণ্ঠ-মীপ্সিতার্থ-দাযকং ত্রিলোচনম্ ।

কালকাল-মম্বুজাক্ষ-মক্ষশূল-মক্ষরং

কাশিকাপুরাধিনাথ কালভৈরবং ভজে

॥ 1 ॥

শ্লোক 3

শূলটঙ্ক-পাশদণ্ড-পাণিমাদি-কারণং

শ্যামকায-মাদিদেব-মক্ষরং নিরামযম্ ।

ভীমবিক্রমং প্রভুং বিচিত্র তাণ্ডব প্রিযং

কাশিকাপুরাধিনাথ কালভৈরবং ভজে

॥ 2 ॥

শ্লোক 4

ভুক্তি-মুক্তি-দাযকং প্রশস্তচারু-বিগ্রহং

ভক্তবত্সলং স্থিরং সমস্তলোক-বিগ্রহম্ । [স্থিতং]

নিক্বণন্-মনোজ্ঞ-হেম-কিঙ্কিণী-লসত্কটিং [বিনিক্বণন্]

কাশিকাপুরাধিনাথ কালভৈরবং ভজে

॥ 3 ॥

শ্লোক 5

ধর্মসেতু-পালকং ত্বধর্মমার্গ নাশকং [নাশনং]

কর্মপাশ-মোচকং সুশর্ম-দাযকং বিভুম্ ।

স্বর্ণবর্ণ-কেশপাশ-শোভিতাঙ্গ-মণ্ডলং [শॆষপাশ, নির্মলং]

কাশিকাপুরাধিনাথ কালভৈরবং ভজে

॥ 4 ॥

শ্লোক 6

রত্ন-পাদুকা-প্রভাভিরাম-পাদযুগ্মকং

নিত্য-মদ্বিতীয-মিষ্ট-দৈবতং নিরঞ্জনম্ ।

মৃত্যুদর্প-নাশনং করালদংষ্ট্র-মোক্ষদং [ভূষণং]

কাশিকাপুরাধিনাথ কালভৈরবং ভজে

॥ 5 ॥

শ্লোক 7

অট্টহাস-ভিন্ন-পদ্মজাণ্ডকোশ-সন্ততিং

দৃষ্টিপাত-নষ্টপাপ-জালমুগ্র-শাসনম্ ।

অষ্টসিদ্ধি-দাযকং কপালমালিকা-ধরং

কাশিকাপুরাধিনাথ কালভৈরবং ভজে

॥ 6 ॥

শ্লোক 8

ভূতসঙ্ঘ-নাযকং বিশালকীর্তি-দাযকং

কাশিবাসি-লোক-পুণ্যপাপ-শোধকং বিভুম্ । [কশিবাস]

নীতিমার্গ-কোবিদং পুরাতনং জগত্পতিং

কাশিকাপুরাধিনাথ কালভৈরবং ভজে

॥ 7 ॥

শ্লোক 9

কালভৈরবাষ্টকং পঠন্তি যে মনোহরং

জ্ঞানমুক্তি-সাধকং বিচিত্র-পুণ্য-বর্ধনম্ ।

শোকমোহ-লোভদৈন্য-কোপতাপ-নাশনং [দৈন্যলোভ]

তে প্রযান্তি কালভৈরবাঙ্ঘ্রি-সন্নিধিং ধ্রুবম্ ॥

ইতি শ্রীমত্পরমহংসপরিব্রাজকাচর্যস্য

শ্রীগোবিন্দভগবত্পূজ্যপাদশিষ্যস্য

শ্রীমচ্ছঙ্করভগবতঃ কৃতৌ

শ্রী কালভৈরবাষ্টকং সম্পূর্ণম্ ।