జగన్నాథాష్టకమ్

జగన్నాథాష్టకమ్

శ్లోక 1

కదాచిత్-కాలిన్దీ తటవిపిన సఙ్గీతకరవో

ముదాభీరీ నారీవదన కమలాస్వాదమధుపః ।

రమా శమ్భు బ్రహ్మామరపతి గణేశార్చిత పదో

జగన్నాథః స్వామీ నయనపథగామీ భవతు మే

శ్లోక 2

భుజే సవ్యే వేణుం శిరసి శిఖిపిఞ్ఛం కటితటే

దుకూలం నేత్రాన్తే సహచరకటాక్షం విదధతే ।

సదా శ్రీమద్వృన్దావనవసతిలీలాపరిచయో

జగన్నాథః స్వామీ నయనపథగామీ భవతు మే

॥ 1 ॥

శ్లోక 3

మహామ్భోధేస్తీరే కనకరుచిరే నీలశిఖరే

వసన్ ప్రాసాదాన్తస్సహజ బలభద్రేణ బలినా ।

సుభద్రా మధ్యస్థస్సకలసుర సేవావసరదో

జగన్నాథః స్వామీ నయనపథగామీ భవతు మే

॥ 2 ॥

శ్లోక 4

కృపా పారావారాస్సజల జలద శ్రేణిరుచిరో

రమావాణీ రామస్ఫురదమల పఙ్కెరుహముఖః ।

సురేన్ద్రైరారాధ్యః శ్రుతిగణశిఖా గీత చరితో

జగన్నాథః స్వామీ నయనపథగామీ భవతు మే

॥ 3 ॥

శ్లోక 5

రథారూఢో గచ్ఛన్ పథి మిలిత భూదేవపటలైః

స్తుతి ప్రాదుర్భావం ప్రతిపదముపాకర్ణ్య సదయః ।

దయాసిన్ధుర్బన్ధుస్సకల జగతా సిన్ధుసుతయా

జగన్నాథః స్వామీ నయనపథగామీ భవతు మే

॥ 4 ॥

శ్లోక 6

పరబ్రహ్మాపీడః కువలయ-దలోత్ఫుల్లనయనో

నివాసీ నీలాద్రౌ నిహిత-చరణోఽనన్త-శిరసి ।

రసానన్దో రాధా-సరస-వపురాలిఙ్గన-సఖో

జగన్నాథః స్వామీ నయనపథగామీ భవతు మే

॥ 5 ॥

శ్లోక 7

న వై యాచే రాజ్యం న చ కనక మాణిక్య విభవం

న యాచేఽహం రమ్యాం నిఖిలజన-కామ్యాం వరవధూమ్ ।

సదా కాలే కాలే ప్రమథ-పతినా గీతచరితో

జగన్నాథః స్వామీ నయనపథగామీ భవతు మే

॥ 6 ॥

శ్లోక 8

హర త్వం సంసారం ద్రుతతరమసారం సురపతే

హర త్వం పాపానాం వితతిమపరాం యాదవపతే ।

అహో దీనోఽనాథే నిహితచరణో నిశ్చితమిదం

జగన్నాథః స్వామీ నయనపథగామీ భవతు మే

॥ 7 ॥

శ్లోక 9

జగన్నాథాష్టకం పుణ్యం యః పఠేత్ ప్రయతః శుచిః ।

సర్వపాప విశుద్ధాత్మా విష్ణులోకం స గచ్ఛతి ॥

ఇతి శ్రీమద్ శఙ్కరాచార్యవిరచితం జగన్నాథాష్టకం సమ్పూర్ణం॥