ജഗന്നാഥാഷ്ടകമ്

ജഗന്നാഥാഷ്ടകമ്

ശ്ലോക 1

കദാചിത്-കാലിന്ദീ തടവിപിന സങ്ഗീതകരവോ

മുദാഭീരീ നാരീവദന കമലാസ്വാദമധുപഃ ।

രമാ ശമ്ഭു ബ്രഹ്മാമരപതി ഗണേശാര്ചിത പദോ

ജഗന്നാഥഃ സ്വാമീ നയനപഥഗാമീ ഭവതു മേ

ശ്ലോക 2

ഭുജേ സവ്യേ വേണും ശിരസി ശിഖിപിഞ്ഛം കടിതടേ

ദുകൂലം നേത്രാന്തേ സഹചരകടാക്ഷം വിദധതേ ।

സദാ ശ്രീമദ്വൃന്ദാവനവസതിലീലാപരിചയോ

ജഗന്നാഥഃ സ്വാമീ നയനപഥഗാമീ ഭവതു മേ

॥ 1 ॥

ശ്ലോക 3

മഹാമ്ഭോധേസ്തീരേ കനകരുചിരേ നീലശിഖരേ

വസന് പ്രാസാദാന്തസ്സഹജ ബലഭദ്രേണ ബലിനാ ।

സുഭദ്രാ മധ്യസ്ഥസ്സകലസുര സേവാവസരദോ

ജഗന്നാഥഃ സ്വാമീ നയനപഥഗാമീ ഭവതു മേ

॥ 2 ॥

ശ്ലോക 4

കൃപാ പാരാവാരാസ്സജല ജലദ ശ്രേണിരുചിരോ

രമാവാണീ രാമസ്ഫുരദമല പങ്കെരുഹമുഖഃ ।

സുരേന്ദ്രൈരാരാധ്യഃ ശ്രുതിഗണശിഖാ ഗീത ചരിതോ

ജഗന്നാഥഃ സ്വാമീ നയനപഥഗാമീ ഭവതു മേ

॥ 3 ॥

ശ്ലോക 5

രഥാരൂഢോ ഗച്ഛന് പഥി മിലിത ഭൂദേവപടലൈഃ

സ്തുതി പ്രാദുര്ഭാവം പ്രതിപദമുപാകര്ണ്യ സദയഃ ।

ദയാസിന്ധുര്ബന്ധുസ്സകല ജഗതാ സിന്ധുസുതയാ

ജഗന്നാഥഃ സ്വാമീ നയനപഥഗാമീ ഭവതു മേ

॥ 4 ॥

ശ്ലോക 6

പരബ്രഹ്മാപീഡഃ കുവലയ-ദലോത്ഫുല്ലനയനോ

നിവാസീ നീലാദ്രൌ നിഹിത-ചരണോഽനന്ത-ശിരസി ।

രസാനന്ദോ രാധാ-സരസ-വപുരാലിങ്ഗന-സഖോ

ജഗന്നാഥഃ സ്വാമീ നയനപഥഗാമീ ഭവതു മേ

॥ 5 ॥

ശ്ലോക 7

ന വൈ യാചേ രാജ്യം ന ച കനക മാണിക്യ വിഭവം

ന യാചേഽഹം രമ്യാം നിഖിലജന-കാമ്യാം വരവധൂമ് ।

സദാ കാലേ കാലേ പ്രമഥ-പതിനാ ഗീതചരിതോ

ജഗന്നാഥഃ സ്വാമീ നയനപഥഗാമീ ഭവതു മേ

॥ 6 ॥

ശ്ലോക 8

ഹര ത്വം സംസാരം ദ്രുതതരമസാരം സുരപതേ

ഹര ത്വം പാപാനാം വിതതിമപരാം യാദവപതേ ।

അഹോ ദീനോഽനാഥേ നിഹിതചരണോ നിശ്ചിതമിദം

ജഗന്നാഥഃ സ്വാമീ നയനപഥഗാമീ ഭവതു മേ

॥ 7 ॥

ശ്ലോക 9

ജഗന്നാഥാഷ്ടകം പുണ്യം യഃ പഠേത് പ്രയതഃ ശുചിഃ ।

സര്വപാപ വിശുദ്ധാത്മാ വിഷ്ണുലോകം സ ഗച്ഛതി ॥

ഇതി ശ്രീമദ് ശങ്കരാചാര്യവിരചിതം ജഗന്നാഥാഷ്ടകം സമ്പൂര്ണം॥