ಜಗನ್ನಾಥಾಷ್ಟಕಮ್

ಜಗನ್ನಾಥಾಷ್ಟಕಮ್

ಶ್ಲೋಕ 1

ಕದಾಚಿತ್-ಕಾಲಿನ್ದೀ ತಟವಿಪಿನ ಸಙ್ಗೀತಕರವೋ

ಮುದಾಭೀರೀ ನಾರೀವದನ ಕಮಲಾಸ್ವಾದಮಧುಪಃ ।

ರಮಾ ಶಮ್ಭು ಬ್ರಹ್ಮಾಮರಪತಿ ಗಣೇಶಾರ್ಚಿತ ಪದೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

ಶ್ಲೋಕ 2

ಭುಜೇ ಸವ್ಯೇ ವೇಣುಂ ಶಿರಸಿ ಶಿಖಿಪಿಞ್ಛಂ ಕಟಿತಟೇ

ದುಕೂಲಂ ನೇತ್ರಾನ್ತೇ ಸಹಚರಕಟಾಕ್ಷಂ ವಿದಧತೇ ।

ಸದಾ ಶ್ರೀಮದ್ವೃನ್ದಾವನವಸತಿಲೀಲಾಪರಿಚಯೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 1 ॥

ಶ್ಲೋಕ 3

ಮಹಾಮ್ಭೋಧೇಸ್ತೀರೇ ಕನಕರುಚಿರೇ ನೀಲಶಿಖರೇ

ವಸನ್ ಪ್ರಾಸಾದಾನ್ತಸ್ಸಹಜ ಬಲಭದ್ರೇಣ ಬಲಿನಾ ।

ಸುಭದ್ರಾ ಮಧ್ಯಸ್ಥಸ್ಸಕಲಸುರ ಸೇವಾವಸರದೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 2 ॥

ಶ್ಲೋಕ 4

ಕೃಪಾ ಪಾರಾವಾರಾಸ್ಸಜಲ ಜಲದ ಶ್ರೇಣಿರುಚಿರೋ

ರಮಾವಾಣೀ ರಾಮಸ್ಫುರದಮಲ ಪಙ್ಕೆರುಹಮುಖಃ ।

ಸುರೇನ್ದ್ರೈರಾರಾಧ್ಯಃ ಶ್ರುತಿಗಣಶಿಖಾ ಗೀತ ಚರಿತೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 3 ॥

ಶ್ಲೋಕ 5

ರಥಾರೂಢೋ ಗಚ್ಛನ್ ಪಥಿ ಮಿಲಿತ ಭೂದೇವಪಟಲೈಃ

ಸ್ತುತಿ ಪ್ರಾದುರ್ಭಾವಂ ಪ್ರತಿಪದಮುಪಾಕರ್ಣ್ಯ ಸದಯಃ ।

ದಯಾಸಿನ್ಧುರ್ಬನ್ಧುಸ್ಸಕಲ ಜಗತಾ ಸಿನ್ಧುಸುತಯಾ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 4 ॥

ಶ್ಲೋಕ 6

ಪರಬ್ರಹ್ಮಾಪೀಡಃ ಕುವಲಯ-ದಲೋತ್ಫುಲ್ಲನಯನೋ

ನಿವಾಸೀ ನೀಲಾದ್ರೌ ನಿಹಿತ-ಚರಣೋಽನನ್ತ-ಶಿರಸಿ ।

ರಸಾನನ್ದೋ ರಾಧಾ-ಸರಸ-ವಪುರಾಲಿಙ್ಗನ-ಸಖೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 5 ॥

ಶ್ಲೋಕ 7

ನ ವೈ ಯಾಚೇ ರಾಜ್ಯಂ ನ ಚ ಕನಕ ಮಾಣಿಕ್ಯ ವಿಭವಂ

ನ ಯಾಚೇಽಹಂ ರಮ್ಯಾಂ ನಿಖಿಲಜನ-ಕಾಮ್ಯಾಂ ವರವಧೂಮ್ ।

ಸದಾ ಕಾಲೇ ಕಾಲೇ ಪ್ರಮಥ-ಪತಿನಾ ಗೀತಚರಿತೋ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 6 ॥

ಶ್ಲೋಕ 8

ಹರ ತ್ವಂ ಸಂಸಾರಂ ದ್ರುತತರಮಸಾರಂ ಸುರಪತೇ

ಹರ ತ್ವಂ ಪಾಪಾನಾಂ ವಿತತಿಮಪರಾಂ ಯಾದವಪತೇ ।

ಅಹೋ ದೀನೋಽನಾಥೇ ನಿಹಿತಚರಣೋ ನಿಶ್ಚಿತಮಿದಂ

ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ

॥ 7 ॥

ಶ್ಲೋಕ 9

ಜಗನ್ನಾಥಾಷ್ಟಕಂ ಪುಣ್ಯಂ ಯಃ ಪಠೇತ್ ಪ್ರಯತಃ ಶುಚಿಃ ।

ಸರ್ವಪಾಪ ವಿಶುದ್ಧಾತ್ಮಾ ವಿಷ್ಣುಲೋಕಂ ಸ ಗಚ್ಛತಿ ॥

ಇತಿ ಶ್ರೀಮದ್ ಶಙ್ಕರಾಚಾರ್ಯವಿರಚಿತಂ ಜಗನ್ನಾಥಾಷ್ಟಕಂ ಸಮ್ಪೂರ್ಣಂ॥