ಗಣೇಶ ಭುಜಙ್ಗಮ್

ಗಣೇಶ ಭುಜಙ್ಗಮ್

ಶ್ಲೋಕ 1

ರಣತ್ಕ್ಷುದ್ರಘಣ್ಟಾನಿನಾದಾಭಿರಾಮಂ

ಚಲತ್ತಾಣ್ಡವೋದ್ದಣ್ಡವತ್ಪದ್ಮತಾಲಮ್ ।

ಲಸತ್ತುನ್ದಿಲಾಙ್ಗೋಪರಿವ್ಯಾಲಹಾರಂ

ಗಣಾಧೀಶಮೀಶಾನಸೂನುಂ ತಮೀಡೇ

ಶ್ಲೋಕ 2

ಧ್ವನಿಧ್ವಂಸವೀಣಾಲಯೋಲ್ಲಾಸಿವಕ್ತ್ರಂ

ಸ್ಫುರಚ್ಛುಣ್ಡದಣ್ಡೋಲ್ಲಸದ್ಬೀಜಪೂರಮ್ ।

ಗಲದ್ದರ್ಪಸೌಗನ್ಧ್ಯಲೋಲಾಲಿಮಾಲಂ

ಗಣಾಧೀಶಮೀಶಾನಸೂನುಂ ತಮೀಡೇ

॥ 1 ॥

ಶ್ಲೋಕ 3

ಪ್ರಕಾಶಜ್ಜಪಾರಕ್ತರತ್ನಪ್ರಸೂನ-

ಪ್ರವಾಲಪ್ರಭಾತಾರುಣಜ್ಯೋತಿರೇಕಮ್ ।

ಪ್ರಲಮ್ಬೋದರಂ ವಕ್ರತುಣ್ಡೈಕದನ್ತಂ

ಗಣಾಧೀಶಮೀಶಾನಸೂನುಂ ತಮೀಡೇ

॥ 2 ॥

ಶ್ಲೋಕ 4

ವಿಚಿತ್ರಸ್ಫುರದ್ರತ್ನಮಾಲಾಕಿರೀಟಂ

ಕಿರೀಟೋಲ್ಲಸಚ್ಚನ್ದ್ರರೇಖಾವಿಭೂಷಮ್ ।

ವಿಭೂಷೈಕಭೂಷಂ ಭವಧ್ವಂಸಹೇತುಂ

ಗಣಾಧೀಶಮೀಶಾನಸೂನುಂ ತಮೀಡೇ

॥ 3 ॥

ಶ್ಲೋಕ 5

ಉದಞ್ಚದ್ಭುಜಾವಲ್ಲರೀದೃಶ್ಯಮೂಲೋ-

ಚ್ಚಲದ್ಭ್ರೂಲತಾವಿಭ್ರಮಭ್ರಾಜದಕ್ಷಮ್ ।

ಮರುತ್ಸುನ್ದರೀಚಾಮರೈಃ ಸೇವ್ಯಮಾನಂ

ಗಣಾಧೀಶಮೀಶಾನಸೂನುಂ ತಮೀಡೇ

॥ 4 ॥

ಶ್ಲೋಕ 6

ಸ್ಫುರನ್ನಿಷ್ಠುರಾಲೋಲಪಿಙ್ಗಾಕ್ಷಿತಾರಂ

ಕೃಪಾಕೋಮಲೋದಾರಲೀಲಾವತಾರಮ್ ।

ಕಲಾಬಿನ್ದುಗಂ ಗೀಯತೇ ಯೋಗಿವರ್ಯೈ-

ರ್ಗಣಾಧೀಶಮೀಶಾನಸೂನುಂ ತಮೀಡೇ

॥ 5 ॥

ಶ್ಲೋಕ 7

ಯಮೇಕಾಕ್ಷರಂ ನಿರ್ಮಲಂ ನಿರ್ವಿಕಲ್ಪಂ

ಗುಣಾತೀತಮಾನನ್ದಮಾಕಾರಶೂನ್ಯಮ್ ।

ಪರಂ ಪಾರಮೋಙ್ಕಾರಮಾಮ್ನಾಯಗರ್ಭಂ

ವದನ್ತಿ ಪ್ರಗಲ್ಭಂ ಪುರಾಣಂ ತಮೀಡೇ

॥ 6 ॥

ಶ್ಲೋಕ 8

ಚಿದಾನನ್ದಸಾನ್ದ್ರಾಯ ಶಾನ್ತಾಯ ತುಭ್ಯಂ

ನಮೋ ವಿಶ್ವಕರ್ತ್ರೇ ಚ ಹರ್ತ್ರೇ ಚ ತುಭ್ಯಮ್ ।

ನಮೋಽನನ್ತಲೀಲಾಯ ಕೈವಲ್ಯಭಾಸೇ

ನಮೋ ವಿಶ್ವಬೀಜ ಪ್ರಸೀದೇಶಸೂನೋ

॥ 7 ॥

ಶ್ಲೋಕ 9

ಇಮಂ ಸುಸ್ತವಂ ಪ್ರಾತರುತ್ಥಾಯ ಭಕ್ತ್ಯಾ

ಪಠೇದ್ಯಸ್ತು ಮರ್ತ್ಯೋ ಲಭೇತ್ಸರ್ವಕಾಮಾನ್ ।

ಗಣೇಶಪ್ರಸಾದೇನ ಸಿದ್ಧ್ಯನ್ತಿ ವಾಚೋ

ಗಣೇಶೇ ವಿಭೌ ದುರ್ಲಭಂ ಕಿಂ ಪ್ರಸನ್ನೇ

॥ 8 ॥

ಶ್ಲೋಕ 10