ગણેશ ભુજઙ્ગમ્

ગણેશ ભુજઙ્ગમ્

શ્લોક 1

રણત્ક્ષુદ્રઘણ્ટાનિનાદાભિરામં

ચલત્તાણ્ડવોદ્દણ્ડવત્પદ્મતાલમ્ ।

લસત્તુન્દિલાઙ્ગોપરિવ્યાલહારં

ગણાધીશમીશાનસૂનું તમીડે

શ્લોક 2

ધ્વનિધ્વંસવીણાલયોલ્લાસિવક્ત્રં

સ્ફુરચ્છુણ્ડદણ્ડોલ્લસદ્બીજપૂરમ્ ।

ગલદ્દર્પસૌગન્ધ્યલોલાલિમાલં

ગણાધીશમીશાનસૂનું તમીડે

॥ 1 ॥

શ્લોક 3

પ્રકાશજ્જપારક્તરત્નપ્રસૂન-

પ્રવાલપ્રભાતારુણજ્યોતિરેકમ્ ।

પ્રલમ્બોદરં વક્રતુણ્ડૈકદન્તં

ગણાધીશમીશાનસૂનું તમીડે

॥ 2 ॥

શ્લોક 4

વિચિત્રસ્ફુરદ્રત્નમાલાકિરીટં

કિરીટોલ્લસચ્ચન્દ્રરેખાવિભૂષમ્ ।

વિભૂષૈકભૂષં ભવધ્વંસહેતું

ગણાધીશમીશાનસૂનું તમીડે

॥ 3 ॥

શ્લોક 5

ઉદઞ્ચદ્ભુજાવલ્લરીદૃશ્યમૂલો-

ચ્ચલદ્ભ્રૂલતાવિભ્રમભ્રાજદક્ષમ્ ।

મરુત્સુન્દરીચામરૈઃ સેવ્યમાનં

ગણાધીશમીશાનસૂનું તમીડે

॥ 4 ॥

શ્લોક 6

સ્ફુરન્નિષ્ઠુરાલોલપિઙ્ગાક્ષિતારં

કૃપાકોમલોદારલીલાવતારમ્ ।

કલાબિન્દુગં ગીયતે યોગિવર્યૈ-

ર્ગણાધીશમીશાનસૂનું તમીડે

॥ 5 ॥

શ્લોક 7

યમેકાક્ષરં નિર્મલં નિર્વિકલ્પં

ગુણાતીતમાનન્દમાકારશૂન્યમ્ ।

પરં પારમોઙ્કારમામ્નાયગર્ભં

વદન્તિ પ્રગલ્ભં પુરાણં તમીડે

॥ 6 ॥

શ્લોક 8

ચિદાનન્દસાન્દ્રાય શાન્તાય તુભ્યં

નમો વિશ્વકર્ત્રે ચ હર્ત્રે ચ તુભ્યમ્ ।

નમોઽનન્તલીલાય કૈવલ્યભાસે

નમો વિશ્વબીજ પ્રસીદેશસૂનો

॥ 7 ॥

શ્લોક 9

ઇમં સુસ્તવં પ્રાતરુત્થાય ભક્ત્યા

પઠેદ્યસ્તુ મર્ત્યો લભેત્સર્વકામાન્ ।

ગણેશપ્રસાદેન સિદ્ધ્યન્તિ વાચો

ગણેશે વિભૌ દુર્લભં કિં પ્રસન્ને

॥ 8 ॥

શ્લોક 10