గణేశ అష్టకమ్

గణేశ అష్టకమ్

శ్లోక 1

సర్వే ఉచుః ।

యతోఽనన్తశక్తేరనన్తాశ్చ జీవా

యతో నిర్గుణాదప్రమేయా గుణాస్తే ।

యతో భాతి సర్వం త్రిధా భేదభిన్నం

సదా తం గణేశం నమామో భజామః

శ్లోక 2

యతశ్చావిరాసీజ్జగత్సర్వమేత-

-త్తథాబ్జాసనో విశ్వగో విశ్వగోప్తా ।

తథేన్ద్రాదయో దేవసఙ్ఘా మనుష్యాః

సదా తం గణేశం నమామో భజామః

॥ 1 ॥

శ్లోక 3

యతో వహ్నిభానూ భవో భూర్జలం చ

యతః సాగరాశ్చన్ద్రమా వ్యోమ వాయుః ।

యతః స్థావరా జఙ్గమా వృక్షసఙ్ఘాః

సదా తం గణేశం నమామో భజామః

॥ 2 ॥

శ్లోక 4

యతో దానవాః కిన్నరా యక్షసఙ్ఘా

యతశ్చారణా వారణాః శ్వాపదాశ్చ ।

యతః పక్షికీటా యతో వీరుధశ్చ

సదా తం గణేశం నమామో భజామః

॥ 3 ॥

శ్లోక 5

యతో బుద్ధిరజ్ఞాననాశో ముముక్షో-

-ర్యతః సమ్పదో భక్తసన్తోషదాః స్యుః ।

యతో విఘ్ననాశో యతః కార్యసిద్ధిః

సదా తం గణేశం నమామో భజామః

॥ 4 ॥

శ్లోక 6

యతః పుత్రసమ్పద్యతో వాఞ్ఛితార్థో

యతోఽభక్తవిఘ్నాస్తథాఽనేకరూపాః ।

యతః శోకమోహౌ యతః కామ ఏవ

సదా తం గణేశం నమామో భజామః

॥ 5 ॥

శ్లోక 7

యతోఽనన్తశక్తిః స శేషో బభూవ

ధరాధారణేఽనేకరూపే చ శక్తః ।

యతోఽనేకధా స్వర్గలోకా హి నానా

సదా తం గణేశం నమామో భజామః

॥ 6 ॥

శ్లోక 8

యతో వేదవాచో వికుణ్ఠా మనోభిః

సదా నేతి నేతీతి యత్తా గృణన్తి ।

పరబ్రహ్మరూపం చిదానన్దభూతం

సదా తం గణేశం నమామో భజామః

॥ 7 ॥

శ్లోక 9

శ్రీగణేశ ఉవాచ ।

పునరూచే గణాధీశః స్తోత్రమేతత్పఠేన్నరః ।

త్రిసన్ధ్యం త్రిదినం తస్య సర్వకార్యం భవిష్యతి

॥ 8 ॥

శ్లోక 10

యో జపేదష్టదివసం శ్లోకాష్టకమిదం శుభమ్ ।

అష్టవారం చతుర్థ్యాం తు సోఽష్టసిద్ధీరవాప్నుయాత్

॥ 9 ॥

శ్లోక 11

యః పఠేన్మాసమాత్రం తు దశవారం దినే దినే ।

స మోచయేద్బన్ధగతం రాజవధ్యం న సంశయః

॥ 10 ॥

శ్లోక 12

విద్యాకామో లభేద్విద్యాం పుత్రార్థీ పుత్రమాప్నుయాత్ ।

వాఞ్ఛితాఁల్లభతే సర్వానేకవింశతివారతః

॥ 11 ॥

శ్లోక 13

యో జపేత్పరయా భక్త్యా గజాననపరో నరః ।

ఏవముక్త్వా తతో దేవశ్చాన్తర్ధానం గతః ప్రభుః

॥ 12 ॥

శ్లోక 14

ఇతి శ్రీగణేశపురాణే ఉపాసనాఖణ్డే శ్రీగణేశాష్టకమ్ ।