ಗಣೇಶ ಅಷ್ಟಕಮ್

ಗಣೇಶ ಅಷ್ಟಕಮ್

ಶ್ಲೋಕ 1

ಸರ್ವೇ ಉಚುಃ ।

ಯತೋಽನನ್ತಶಕ್ತೇರನನ್ತಾಶ್ಚ ಜೀವಾ

ಯತೋ ನಿರ್ಗುಣಾದಪ್ರಮೇಯಾ ಗುಣಾಸ್ತೇ ।

ಯತೋ ಭಾತಿ ಸರ್ವಂ ತ್ರಿಧಾ ಭೇದಭಿನ್ನಂ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

ಶ್ಲೋಕ 2

ಯತಶ್ಚಾವಿರಾಸೀಜ್ಜಗತ್ಸರ್ವಮೇತ-

-ತ್ತಥಾಬ್ಜಾಸನೋ ವಿಶ್ವಗೋ ವಿಶ್ವಗೋಪ್ತಾ ।

ತಥೇನ್ದ್ರಾದಯೋ ದೇವಸಙ್ಘಾ ಮನುಷ್ಯಾಃ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 1 ॥

ಶ್ಲೋಕ 3

ಯತೋ ವಹ್ನಿಭಾನೂ ಭವೋ ಭೂರ್ಜಲಂ ಚ

ಯತಃ ಸಾಗರಾಶ್ಚನ್ದ್ರಮಾ ವ್ಯೋಮ ವಾಯುಃ ।

ಯತಃ ಸ್ಥಾವರಾ ಜಙ್ಗಮಾ ವೃಕ್ಷಸಙ್ಘಾಃ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 2 ॥

ಶ್ಲೋಕ 4

ಯತೋ ದಾನವಾಃ ಕಿನ್ನರಾ ಯಕ್ಷಸಙ್ಘಾ

ಯತಶ್ಚಾರಣಾ ವಾರಣಾಃ ಶ್ವಾಪದಾಶ್ಚ ।

ಯತಃ ಪಕ್ಷಿಕೀಟಾ ಯತೋ ವೀರುಧಶ್ಚ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 3 ॥

ಶ್ಲೋಕ 5

ಯತೋ ಬುದ್ಧಿರಜ್ಞಾನನಾಶೋ ಮುಮುಕ್ಷೋ-

-ರ್ಯತಃ ಸಮ್ಪದೋ ಭಕ್ತಸನ್ತೋಷದಾಃ ಸ್ಯುಃ ।

ಯತೋ ವಿಘ್ನನಾಶೋ ಯತಃ ಕಾರ್ಯಸಿದ್ಧಿಃ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 4 ॥

ಶ್ಲೋಕ 6

ಯತಃ ಪುತ್ರಸಮ್ಪದ್ಯತೋ ವಾಞ್ಛಿತಾರ್ಥೋ

ಯತೋಽಭಕ್ತವಿಘ್ನಾಸ್ತಥಾಽನೇಕರೂಪಾಃ ।

ಯತಃ ಶೋಕಮೋಹೌ ಯತಃ ಕಾಮ ಏವ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 5 ॥

ಶ್ಲೋಕ 7

ಯತೋಽನನ್ತಶಕ್ತಿಃ ಸ ಶೇಷೋ ಬಭೂವ

ಧರಾಧಾರಣೇಽನೇಕರೂಪೇ ಚ ಶಕ್ತಃ ।

ಯತೋಽನೇಕಧಾ ಸ್ವರ್ಗಲೋಕಾ ಹಿ ನಾನಾ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 6 ॥

ಶ್ಲೋಕ 8

ಯತೋ ವೇದವಾಚೋ ವಿಕುಣ್ಠಾ ಮನೋಭಿಃ

ಸದಾ ನೇತಿ ನೇತೀತಿ ಯತ್ತಾ ಗೃಣನ್ತಿ ।

ಪರಬ್ರಹ್ಮರೂಪಂ ಚಿದಾನನ್ದಭೂತಂ

ಸದಾ ತಂ ಗಣೇಶಂ ನಮಾಮೋ ಭಜಾಮಃ

॥ 7 ॥

ಶ್ಲೋಕ 9

ಶ್ರೀಗಣೇಶ ಉವಾಚ ।

ಪುನರೂಚೇ ಗಣಾಧೀಶಃ ಸ್ತೋತ್ರಮೇತತ್ಪಠೇನ್ನರಃ ।

ತ್ರಿಸನ್ಧ್ಯಂ ತ್ರಿದಿನಂ ತಸ್ಯ ಸರ್ವಕಾರ್ಯಂ ಭವಿಷ್ಯತಿ

॥ 8 ॥

ಶ್ಲೋಕ 10

ಯೋ ಜಪೇದಷ್ಟದಿವಸಂ ಶ್ಲೋಕಾಷ್ಟಕಮಿದಂ ಶುಭಮ್ ।

ಅಷ್ಟವಾರಂ ಚತುರ್ಥ್ಯಾಂ ತು ಸೋಽಷ್ಟಸಿದ್ಧೀರವಾಪ್ನುಯಾತ್

॥ 9 ॥

ಶ್ಲೋಕ 11

ಯಃ ಪಠೇನ್ಮಾಸಮಾತ್ರಂ ತು ದಶವಾರಂ ದಿನೇ ದಿನೇ ।

ಸ ಮೋಚಯೇದ್ಬನ್ಧಗತಂ ರಾಜವಧ್ಯಂ ನ ಸಂಶಯಃ

॥ 10 ॥

ಶ್ಲೋಕ 12

ವಿದ್ಯಾಕಾಮೋ ಲಭೇದ್ವಿದ್ಯಾಂ ಪುತ್ರಾರ್ಥೀ ಪುತ್ರಮಾಪ್ನುಯಾತ್ ।

ವಾಞ್ಛಿತಾಁಲ್ಲಭತೇ ಸರ್ವಾನೇಕವಿಂಶತಿವಾರತಃ

॥ 11 ॥

ಶ್ಲೋಕ 13

ಯೋ ಜಪೇತ್ಪರಯಾ ಭಕ್ತ್ಯಾ ಗಜಾನನಪರೋ ನರಃ ।

ಏವಮುಕ್ತ್ವಾ ತತೋ ದೇವಶ್ಚಾನ್ತರ್ಧಾನಂ ಗತಃ ಪ್ರಭುಃ

॥ 12 ॥

ಶ್ಲೋಕ 14

ಇತಿ ಶ್ರೀಗಣೇಶಪುರಾಣೇ ಉಪಾಸನಾಖಣ್ಡೇ ಶ್ರೀಗಣೇಶಾಷ್ಟಕಮ್ ।