ગણેશ અષ્ટકમ્

ગણેશ અષ્ટકમ્

શ્લોક 1

સર્વે ઉચુઃ ।

યતોઽનન્તશક્તેરનન્તાશ્ચ જીવા

યતો નિર્ગુણાદપ્રમેયા ગુણાસ્તે ।

યતો ભાતિ સર્વં ત્રિધા ભેદભિન્નં

સદા તં ગણેશં નમામો ભજામઃ

શ્લોક 2

યતશ્ચાવિરાસીજ્જગત્સર્વમેત-

-ત્તથાબ્જાસનો વિશ્વગો વિશ્વગોપ્તા ।

તથેન્દ્રાદયો દેવસઙ્ઘા મનુષ્યાઃ

સદા તં ગણેશં નમામો ભજામઃ

॥ 1 ॥

શ્લોક 3

યતો વહ્નિભાનૂ ભવો ભૂર્જલં ચ

યતઃ સાગરાશ્ચન્દ્રમા વ્યોમ વાયુઃ ।

યતઃ સ્થાવરા જઙ્ગમા વૃક્ષસઙ્ઘાઃ

સદા તં ગણેશં નમામો ભજામઃ

॥ 2 ॥

શ્લોક 4

યતો દાનવાઃ કિન્નરા યક્ષસઙ્ઘા

યતશ્ચારણા વારણાઃ શ્વાપદાશ્ચ ।

યતઃ પક્ષિકીટા યતો વીરુધશ્ચ

સદા તં ગણેશં નમામો ભજામઃ

॥ 3 ॥

શ્લોક 5

યતો બુદ્ધિરજ્ઞાનનાશો મુમુક્ષો-

-ર્યતઃ સમ્પદો ભક્તસન્તોષદાઃ સ્યુઃ ।

યતો વિઘ્નનાશો યતઃ કાર્યસિદ્ધિઃ

સદા તં ગણેશં નમામો ભજામઃ

॥ 4 ॥

શ્લોક 6

યતઃ પુત્રસમ્પદ્યતો વાઞ્છિતાર્થો

યતોઽભક્તવિઘ્નાસ્તથાઽનેકરૂપાઃ ।

યતઃ શોકમોહૌ યતઃ કામ એવ

સદા તં ગણેશં નમામો ભજામઃ

॥ 5 ॥

શ્લોક 7

યતોઽનન્તશક્તિઃ સ શેષો બભૂવ

ધરાધારણેઽનેકરૂપે ચ શક્તઃ ।

યતોઽનેકધા સ્વર્ગલોકા હિ નાના

સદા તં ગણેશં નમામો ભજામઃ

॥ 6 ॥

શ્લોક 8

યતો વેદવાચો વિકુણ્ઠા મનોભિઃ

સદા નેતિ નેતીતિ યત્તા ગૃણન્તિ ।

પરબ્રહ્મરૂપં ચિદાનન્દભૂતં

સદા તં ગણેશં નમામો ભજામઃ

॥ 7 ॥

શ્લોક 9

શ્રીગણેશ ઉવાચ ।

પુનરૂચે ગણાધીશઃ સ્તોત્રમેતત્પઠેન્નરઃ ।

ત્રિસન્ધ્યં ત્રિદિનં તસ્ય સર્વકાર્યં ભવિષ્યતિ

॥ 8 ॥

શ્લોક 10

યો જપેદષ્ટદિવસં શ્લોકાષ્ટકમિદં શુભમ્ ।

અષ્ટવારં ચતુર્થ્યાં તુ સોઽષ્ટસિદ્ધીરવાપ્નુયાત્

॥ 9 ॥

શ્લોક 11

યઃ પઠેન્માસમાત્રં તુ દશવારં દિને દિને ।

સ મોચયેદ્બન્ધગતં રાજવધ્યં ન સંશયઃ

॥ 10 ॥

શ્લોક 12

વિદ્યાકામો લભેદ્વિદ્યાં પુત્રાર્થી પુત્રમાપ્નુયાત્ ।

વાઞ્છિતાઁલ્લભતે સર્વાનેકવિંશતિવારતઃ

॥ 11 ॥

શ્લોક 13

યો જપેત્પરયા ભક્ત્યા ગજાનનપરો નરઃ ।

એવમુક્ત્વા તતો દેવશ્ચાન્તર્ધાનં ગતઃ પ્રભુઃ

॥ 12 ॥

શ્લોક 14

ઇતિ શ્રીગણેશપુરાણે ઉપાસનાખણ્ડે શ્રીગણેશાષ્ટકમ્ ।