ശ്രീ ഗണപതി അഥര്വ ഷീര്ഷമ് (ഗണപത്യഥര്വഷീര്ഷോപനിഷത്)

ശ്രീ ഗണപതി അഥര്വ ഷീര്ഷമ് (ഗണപത്യഥര്വഷീര്ഷോപനിഷത്)

ശ്ലോക 1

ഓ-മ്ഭ॒ദ്ര-ങ്കര്ണേ॑ഭി-ശ്ശൃണു॒യാമ॑ ദേവാഃ ।

ഭ॒ദ്ര-മ്പ॑ശ്യേമാ॒ക്ഷഭി॒ര്യജ॑ത്രാഃ ।

സ്ഥി॒രൈരങ്ഗൈ᳚സ്തുഷ്ഠു॒വാഗ്ം സ॑സ്ത॒നൂഭിഃ॑ ।

വ്യശേ॑മ ദേ॒വഹി॑തം॒-യഁദായുഃ॑ ।

സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।

സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ ।

സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ ।

സ്വ॒സ്തി നോ॒ ബൃഹ॒സ്പതി॑ര്ദധാതു ॥

ഓം ശാന്തി॒-ശ്ശാന്തി॒-ശ്ശാന്തിഃ॑ ॥

ഓ-ന്നമ॑സ്തേ ഗ॒ണപ॑തയേ ।

ത്വമേ॒വ പ്ര॒ത്യക്ഷ॒-ന്തത്ത്വ॑മസി ।

ത്വമേ॒വ കേ॒വല॒-ങ്കര്താ॑-ഽസി ।

ത്വമേ॒വ കേ॒വലം॒ ഹര്താ॑-ഽസി ।

ത്വമേ॒വ കേ॒വല॒-ന്ധര്താ॑-ഽസി ।

ത്വമേവ സര്വ-ങ്ഖല്വിദ॑-മ്ബ്രഹ്മാ॒സി ।

ത്വം സാക്ഷാദാത്മാ॑-ഽസി നി॒ത്യമ്

ശ്ലോക 2

ഋ॑തം-വഁ॒ച്മി । സ॑ത്യം-വഁ॒ച്മി

॥ 1 ॥

ശ്ലോക 3

അ॒വ ത്വ॒-മ്മാമ് । അവ॑ വ॒ക്താരമ്᳚ ।

അവ॑ ശ്രോ॒താരമ്᳚ । അവ॑ ദാ॒താരമ്᳚ । അവ॑ ധാ॒താരമ്᳚ ।

അവാനൂചാനമ॑വ ശി॒ഷ്യമ് । അവ॑ പ॒ശ്ചാത്താ᳚ത് ।

അവ॑ പു॒രസ്താ᳚ത് । അവോത്ത॒രാത്താ᳚ത് ।

അവ॑ ദ॒ക്ഷിണാത്താ᳚ത് । അവ॑ ചോ॒ര്ധ്വാത്താ᳚ത് ।

അവാധ॒രാത്താ᳚ത് । സര്വതോ മാ-മ്പാഹി പാഹി॑ സമ॒ന്താത്

॥ 2 ॥

ശ്ലോക 4

ത്വം-വാഁങ്മയ॑സ്ത്വ-ഞ്ചിന്മ॒യഃ ।

ത്വമാനന്ദമയ॑സ്ത്വ-മ്ബ്രഹ്മ॒മയഃ ।

ത്വം സച്ചിദാനന്ദാ-ഽദ്വി॑തീയോ॒-ഽസി ।

ത്വ-മ്പ്ര॒ത്യക്ഷ॒-മ്ബ്രഹ്മാ॑സി ।

ത്വ-ഞ്ജ്ഞാനമയോ വിജ്ഞാന॑മയോ॒-ഽസി

॥ 3 ॥

ശ്ലോക 5

സര്വ-ഞ്ജഗദിദ-ന്ത്വ॑ത്തോ ജാ॒യതേ ।

സര്വ-ഞ്ജഗദിദ-ന്ത്വ॑ത്തസ്തി॒ഷ്ഠതി ।

സര്വ-ഞ്ജഗദിദ-ന്ത്വയി ലയ॑മേഷ്യ॒തി ।

സര്വ-ഞ്ജഗദിദ-ന്ത്വയി॑ പ്രത്യേ॒തി ।

ത്വ-മ്ഭൂമിരാപോ-ഽനലോ-ഽനി॑ലോ ന॒ഭഃ ।

ത്വ-ഞ്ചത്വാരി വാ᳚ക്പദാ॒നി

॥ 4 ॥

ശ്ലോക 6

ത്വ-ങ്ഗു॒ണത്ര॑യാതീ॒തഃ । ത്വം അവസ്ഥാത്ര॑യാതീ॒തഃ ।

ത്വ-ന്ദേ॒ഹത്ര॑യാതീ॒തഃ । ത്വ-ങ്കാ॒ലത്ര॑യാതീ॒തഃ ।

ത്വ-മ്മൂലാധാരസ്ഥിതോ॑-ഽസി നി॒ത്യമ് । ത്വം ശക്തിത്ര॑യാത്മ॒കഃ ।

ത്വാം-യോഁഗിനോ ധ്യായ॑ന്തി നി॒ത്യമ് ।

ത്വ-മ്ബ്രഹ്മാ ത്വം-വിഁഷ്ണുസ്ത്വം രുദ്രസ്ത്വമിന്ദ്രസ്ത്വമഗ്നിസ്ത്വം-വാഁയുസ്ത്വം സൂര്യസ്ത്വ-ഞ്ചന്ദ്രമാസ്ത്വ-മ്ബ്രഹ്മ॒ ഭൂര്ഭുവ॒-സ്സ്വരോമ്

॥ 5 ॥

ശ്ലോക 7

ഗ॒ണാദിം᳚ പൂര്വ॑മുച്ചാ॒ര്യ॒ വ॒ര്ണാദീം᳚ സ്തദന॒ന്തരമ് ।

അനുസ്വാരഃ പ॑രത॒രഃ । അര്ധേ᳚ന്ദുല॒സിതമ് ।

താരേ॑ണ ഋ॒ദ്ധമ് । ഏതത്തവ മനു॑സ്വരൂ॒പമ് ।

ഗകാരഃ പൂ᳚ര്വരൂ॒പമ് । അകാരോ മധ്യ॑മരൂ॒പമ് ।

അനുസ്വാരശ്ചാ᳚ന്ത്യരൂ॒പമ് । ബിന്ദുരുത്ത॑രരൂ॒പമ് ।

നാദഃ॑ സന്ധാ॒നമ് । സഗ്ംഹി॑താ സ॒ന്ധിഃ ।

സൈഷാ ഗണേ॑ശവി॒ദ്യാ । ഗണ॑ക ഋ॒ഷിഃ ।

നിചൃദ്ഗായ॑ത്രീച്ഛ॒ന്ദഃ । ശ്രീ മഹാഗണപതി॑ര്ദേവതാ ।

ഓ-ങ്ഗ-ങ്ഗ॒ണപ॑തയേ നമഃ

॥ 6 ॥

ശ്ലോക 8

ഏകദ॒ന്തായ॑ വി॒ദ്മഹേ॑ വക്രതു॒ണ്ഡായ॑ ധീമഹി ।

തന്നോ॑ ദന്തിഃ പ്രചോ॒ദയാ᳚ത്

॥ 7 ॥

ശ്ലോക 9

ഏകദ॒ന്ത-ഞ്ച॑തുര്​ഹ॒സ്ത॒-മ്പാ॒ശമ॑ങ്കുശ॒ധാരി॑ണമ് ।

രദ॑-ഞ്ച॒ വര॑ദം ഹ॒സ്തൈ॒ര്ബി॒ഭ്രാണ॑-മ്മൂഷ॒കധ്വ॑ജമ് ।

രക്തം॑-ലഁ॒മ്ബോദ॑രം ശൂ॒ര്പ॒കര്ണകം॑ രക്ത॒വാസ॑സമ് ।

രക്ത॑ഗ॒ന്ധാനു॑ലിപ്താ॒ങ്ഗം॒ ര॒ക്തപു॑ഷ്പൈ-സ്സു॒പൂജി॑തമ് ।

ഭക്താ॑നു॒കമ്പി॑ന-ന്ദേ॒വ॒-ഞ്ജ॒ഗത്കാ॑രണ॒മച്യു॑തമ് ।

ആവി॑ര്ഭൂ॒ത-ഞ്ച॑ സൃ॒ഷ്ട്യാ॒ദൌ॒ പ്ര॒കൃതേഃ᳚ പുരു॒ഷാത്പ॑രമ് ।

ഏവ॑-ന്ധ്യാ॒യതി॑ യോ നി॒ത്യം॒ സ॒ യോഗീ॑ യോഗി॒നാം-വഁ॑രഃ

॥ 8 ॥

ശ്ലോക 10

നമോ വ്രാതപതയേ നമോ ഗണപതയേ നമഃ പ്രമഥപതയേ നമസ്തേ-ഽസ്തു ലമ്ബോദരായൈകദന്തായ വിഘ്നവിനാശിനേ ശിവസുതായ ശ്രീവരദമൂര്തയേ॒ നമഃ

॥ 9 ॥

ശ്ലോക 11

ഏതദഥര്വശീര്​ഷം-യോഁ-ഽധീ॒തേ । സ ബ്രഹ്മഭൂയാ॑യ ക॒ല്പതേ ।

സ സര്വവിഘ്നൈ᳚ര്ന ബാ॒ധ്യതേ । സ സര്വത-സ്സുഖ॑മേധ॒തേ ।

സ പഞ്ചമഹാപാപാ᳚-ത്പ്രമു॒ച്യതേ । സാ॒യമ॑ധീയാ॒നോ॒ ദിവസകൃത-മ്പാപ॑-ന്നാശ॒യതി ।

പ്രാ॒തര॑ധീയാ॒നോ॒ രാത്രികൃത-മ്പാപ॑-ന്നാശ॒യതി ।

സായ-മ്പ്രാതഃ പ്ര॑യുഞ്ജാ॒നോ॒ പാപോ-ഽപാ॑പോ ഭ॒വതി ।

സര്വത്രാധീയാനോ-ഽപവി॑ഘ്നോ ഭവതി । ധര്മാര്ഥകാമമോക്ഷ॑-ഞ്ച വി॒ന്ദതി ।

ഇദമഥര്വശീര്​ഷമശിഷ്യായ॑ ന ദേ॒യമ് । യോ യദി മോ॑ഹാദ് ദാ॒സ്യതി സ പാപീ॑യാ-ന്ഭ॒വതി ।

സഹസ്രാവര്തനാദ്യം-യഁ-ങ്കാമ॑മധീ॒തേ । ത-ന്തമനേ॑ന സാ॒ധയേത്

॥ 10 ॥

ശ്ലോക 12

അനേന ഗണപതിമ॑ഭിഷി॒ഞ്ചതി । സ വാ᳚ഗ്മീ ഭ॒വതി ।

ചതുര്ഥ്യാമന॑ശ്നന് ജ॒പതി സ വിദ്യാ॑വാ-ന്ഭ॒വതി ।

ഇത്യഥര്വ॑ണവാ॒ക്യമ് । ബ്രഹ്മാദ്യാ॒ചര॑ണം-വിഁ॒ദ്യാന്ന ബിഭേതി കദാ॑ചനേ॒തി

॥ 11 ॥

ശ്ലോക 13

യോ ദൂര്വാങ്കു॑രൈര്യ॒ജതി സ വൈശ്രവണോപ॑മോ ഭ॒വതി ।

യോ ലാ॑ജൈര്യ॒ജതി സ യശോ॑വാ-ന്ഭ॒വതി । സ മേധാ॑വാ-ന്ഭ॒വതി ।

യോ മോദകസഹസ്രേ॑ണ യ॒ജതി സ വാഞ്ഛിതഫലമ॑വാപ്നോ॒തി ।

യ-സ്സാജ്യ സമി॑ദ്ഭിര്യ॒ജതി സ സര്വം-ലഁഭതേ സ സ॑ര്വം-ലഁ॒ഭതേ

॥ 12 ॥

ശ്ലോക 14

അഷ്ടൌ ബ്രാഹ്മണാന് സമ്യഗ് ഗ്രാ॑ഹയി॒ത്വാ സൂര്യവര്ച॑സ്വീ ഭ॒വതി ।

സൂര്യഗ്രഹേ മ॑ഹാന॒ദ്യാ-മ്പ്രതിമാസന്നിധൌ വാ ജ॒പ്ത്വാ സിദ്ധമ॑ന്ത്രോ ഭ॒വതി ।

മഹാവിഘ്നാ᳚-ത്പ്രമു॒ച്യതേ । മഹാദോഷാ᳚-ത്പ്രമു॒ച്യതേ ।

മഹാപാപാ᳚-ത്പ്രമു॒ച്യതേ । [മഹാപ്രത്യവായാ᳚-ത്പ്രമു॒ച്യതേ । ]

സ സര്വ॑വിദ്ഭവതി സ സര്വ॑വിദ്ഭ॒വതി ।

യ ഏ॑വം-വേഁ॒ദ । ഇത്യു॑പ॒നിഷ॑ത്

॥ 13 ॥

ശ്ലോക 15

ഓ-മ്ഭ॒ദ്ര-ങ്കര്ണേ॑ഭി-ശ്ശൃണു॒യാമ॑ ദേവാഃ ।

ഭ॒ദ്ര-മ്പ॑ശ്യേമാ॒ക്ഷഭി॒ര്യജ॑ത്രാഃ ।

സ്ഥി॒രൈരങ്ഗൈ᳚സ്തുഷ്ഠു॒വാഗ്ം സ॑സ്ത॒നൂഭിഃ॑ ।

വ്യശേ॑മ ദേ॒വഹി॑തം॒-യഁദായുഃ॑ ।

സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ ।

സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ ।

സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ ।

സ്വ॒സ്തി നോ॒ ബൃഹ॒സ്പതി॑ര്ദധാതു ॥

ഓം ശാന്തി॒-ശ്ശാന്തി॒-ശ്ശാന്തിഃ॑ ॥