ಶ್ರೀ ಗಣಪತಿ ಅಥರ್ವ ಷೀರ್ಷಮ್ (ಗಣಪತ್ಯಥರ್ವಷೀರ್ಷೋಪನಿಷತ್)

ಶ್ರೀ ಗಣಪತಿ ಅಥರ್ವ ಷೀರ್ಷಮ್ (ಗಣಪತ್ಯಥರ್ವಷೀರ್ಷೋಪನಿಷತ್)

ಶ್ಲೋಕ 1

ಓ-ಮ್ಭ॒ದ್ರ-ಙ್ಕರ್ಣೇ॑ಭಿ-ಶ್ಶೃಣು॒ಯಾಮ॑ ದೇವಾಃ ।

ಭ॒ದ್ರ-ಮ್ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ ।

ಸ್ಥಿ॒ರೈರಙ್ಗೈ᳚ಸ್ತುಷ್ಠು॒ವಾಗ್ಂ ಸ॑ಸ್ತ॒ನೂಭಿಃ॑ ।

ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ ।

ಸ್ವ॒ಸ್ತಿ ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾಃ ।

ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ ।

ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ।

ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಓ-ನ್ನಮ॑ಸ್ತೇ ಗ॒ಣಪ॑ತಯೇ ।

ತ್ವಮೇ॒ವ ಪ್ರ॒ತ್ಯಕ್ಷ॒-ನ್ತತ್ತ್ವ॑ಮಸಿ ।

ತ್ವಮೇ॒ವ ಕೇ॒ವಲ॒-ಙ್ಕರ್ತಾ॑-ಽಸಿ ।

ತ್ವಮೇ॒ವ ಕೇ॒ವಲಂ॒ ಹರ್ತಾ॑-ಽಸಿ ।

ತ್ವಮೇ॒ವ ಕೇ॒ವಲ॒-ನ್ಧರ್ತಾ॑-ಽಸಿ ।

ತ್ವಮೇವ ಸರ್ವ-ಙ್ಖಲ್ವಿದ॑-ಮ್ಬ್ರಹ್ಮಾ॒ಸಿ ।

ತ್ವಂ ಸಾಕ್ಷಾದಾತ್ಮಾ॑-ಽಸಿ ನಿ॒ತ್ಯಮ್

ಶ್ಲೋಕ 2

ಋ॑ತಂ-ವಁ॒ಚ್ಮಿ । ಸ॑ತ್ಯಂ-ವಁ॒ಚ್ಮಿ

॥ 1 ॥

ಶ್ಲೋಕ 3

ಅ॒ವ ತ್ವ॒-ಮ್ಮಾಮ್ । ಅವ॑ ವ॒ಕ್ತಾರಮ್᳚ ।

ಅವ॑ ಶ್ರೋ॒ತಾರಮ್᳚ । ಅವ॑ ದಾ॒ತಾರಮ್᳚ । ಅವ॑ ಧಾ॒ತಾರಮ್᳚ ।

ಅವಾನೂಚಾನಮ॑ವ ಶಿ॒ಷ್ಯಮ್ । ಅವ॑ ಪ॒ಶ್ಚಾತ್ತಾ᳚ತ್ ।

ಅವ॑ ಪು॒ರಸ್ತಾ᳚ತ್ । ಅವೋತ್ತ॒ರಾತ್ತಾ᳚ತ್ ।

ಅವ॑ ದ॒ಕ್ಷಿಣಾತ್ತಾ᳚ತ್ । ಅವ॑ ಚೋ॒ರ್ಧ್ವಾತ್ತಾ᳚ತ್ ।

ಅವಾಧ॒ರಾತ್ತಾ᳚ತ್ । ಸರ್ವತೋ ಮಾ-ಮ್ಪಾಹಿ ಪಾಹಿ॑ ಸಮ॒ನ್ತಾತ್

॥ 2 ॥

ಶ್ಲೋಕ 4

ತ್ವಂ-ವಾಁಙ್ಮಯ॑ಸ್ತ್ವ-ಞ್ಚಿನ್ಮ॒ಯಃ ।

ತ್ವಮಾನನ್ದಮಯ॑ಸ್ತ್ವ-ಮ್ಬ್ರಹ್ಮ॒ಮಯಃ ।

ತ್ವಂ ಸಚ್ಚಿದಾನನ್ದಾ-ಽದ್ವಿ॑ತೀಯೋ॒-ಽಸಿ ।

ತ್ವ-ಮ್ಪ್ರ॒ತ್ಯಕ್ಷ॒-ಮ್ಬ್ರಹ್ಮಾ॑ಸಿ ।

ತ್ವ-ಞ್ಜ್ಞಾನಮಯೋ ವಿಜ್ಞಾನ॑ಮಯೋ॒-ಽಸಿ

॥ 3 ॥

ಶ್ಲೋಕ 5

ಸರ್ವ-ಞ್ಜಗದಿದ-ನ್ತ್ವ॑ತ್ತೋ ಜಾ॒ಯತೇ ।

ಸರ್ವ-ಞ್ಜಗದಿದ-ನ್ತ್ವ॑ತ್ತಸ್ತಿ॒ಷ್ಠತಿ ।

ಸರ್ವ-ಞ್ಜಗದಿದ-ನ್ತ್ವಯಿ ಲಯ॑ಮೇಷ್ಯ॒ತಿ ।

ಸರ್ವ-ಞ್ಜಗದಿದ-ನ್ತ್ವಯಿ॑ ಪ್ರತ್ಯೇ॒ತಿ ।

ತ್ವ-ಮ್ಭೂಮಿರಾಪೋ-ಽನಲೋ-ಽನಿ॑ಲೋ ನ॒ಭಃ ।

ತ್ವ-ಞ್ಚತ್ವಾರಿ ವಾ᳚ಕ್ಪದಾ॒ನಿ

॥ 4 ॥

ಶ್ಲೋಕ 6

ತ್ವ-ಙ್ಗು॒ಣತ್ರ॑ಯಾತೀ॒ತಃ । ತ್ವಂ ಅವಸ್ಥಾತ್ರ॑ಯಾತೀ॒ತಃ ।

ತ್ವ-ನ್ದೇ॒ಹತ್ರ॑ಯಾತೀ॒ತಃ । ತ್ವ-ಙ್ಕಾ॒ಲತ್ರ॑ಯಾತೀ॒ತಃ ।

ತ್ವ-ಮ್ಮೂಲಾಧಾರಸ್ಥಿತೋ॑-ಽಸಿ ನಿ॒ತ್ಯಮ್ । ತ್ವಂ ಶಕ್ತಿತ್ರ॑ಯಾತ್ಮ॒ಕಃ ।

ತ್ವಾಂ-ಯೋಁಗಿನೋ ಧ್ಯಾಯ॑ನ್ತಿ ನಿ॒ತ್ಯಮ್ ।

ತ್ವ-ಮ್ಬ್ರಹ್ಮಾ ತ್ವಂ-ವಿಁಷ್ಣುಸ್ತ್ವಂ ರುದ್ರಸ್ತ್ವಮಿನ್ದ್ರಸ್ತ್ವಮಗ್ನಿಸ್ತ್ವಂ-ವಾಁಯುಸ್ತ್ವಂ ಸೂರ್ಯಸ್ತ್ವ-ಞ್ಚನ್ದ್ರಮಾಸ್ತ್ವ-ಮ್ಬ್ರಹ್ಮ॒ ಭೂರ್ಭುವ॒-ಸ್ಸ್ವರೋಮ್

॥ 5 ॥

ಶ್ಲೋಕ 7

ಗ॒ಣಾದಿಂ᳚ ಪೂರ್ವ॑ಮುಚ್ಚಾ॒ರ್ಯ॒ ವ॒ರ್ಣಾದೀಂ᳚ ಸ್ತದನ॒ನ್ತರಮ್ ।

ಅನುಸ್ವಾರಃ ಪ॑ರತ॒ರಃ । ಅರ್ಧೇ᳚ನ್ದುಲ॒ಸಿತಮ್ ।

ತಾರೇ॑ಣ ಋ॒ದ್ಧಮ್ । ಏತತ್ತವ ಮನು॑ಸ್ವರೂ॒ಪಮ್ ।

ಗಕಾರಃ ಪೂ᳚ರ್ವರೂ॒ಪಮ್ । ಅಕಾರೋ ಮಧ್ಯ॑ಮರೂ॒ಪಮ್ ।

ಅನುಸ್ವಾರಶ್ಚಾ᳚ನ್ತ್ಯರೂ॒ಪಮ್ । ಬಿನ್ದುರುತ್ತ॑ರರೂ॒ಪಮ್ ।

ನಾದಃ॑ ಸನ್ಧಾ॒ನಮ್ । ಸಗ್ಂಹಿ॑ತಾ ಸ॒ನ್ಧಿಃ ।

ಸೈಷಾ ಗಣೇ॑ಶವಿ॒ದ್ಯಾ । ಗಣ॑ಕ ಋ॒ಷಿಃ ।

ನಿಚೃದ್ಗಾಯ॑ತ್ರೀಚ್ಛ॒ನ್ದಃ । ಶ್ರೀ ಮಹಾಗಣಪತಿ॑ರ್ದೇವತಾ ।

ಓ-ಙ್ಗ-ಙ್ಗ॒ಣಪ॑ತಯೇ ನಮಃ

॥ 6 ॥

ಶ್ಲೋಕ 8

ಏಕದ॒ನ್ತಾಯ॑ ವಿ॒ದ್ಮಹೇ॑ ವಕ್ರತು॒ಣ್ಡಾಯ॑ ಧೀಮಹಿ ।

ತನ್ನೋ॑ ದನ್ತಿಃ ಪ್ರಚೋ॒ದಯಾ᳚ತ್

॥ 7 ॥

ಶ್ಲೋಕ 9

ಏಕದ॒ನ್ತ-ಞ್ಚ॑ತುರ್​ಹ॒ಸ್ತ॒-ಮ್ಪಾ॒ಶಮ॑ಙ್ಕುಶ॒ಧಾರಿ॑ಣಮ್ ।

ರದ॑-ಞ್ಚ॒ ವರ॑ದಂ ಹ॒ಸ್ತೈ॒ರ್ಬಿ॒ಭ್ರಾಣ॑-ಮ್ಮೂಷ॒ಕಧ್ವ॑ಜಮ್ ।

ರಕ್ತಂ॑-ಲಁ॒ಮ್ಬೋದ॑ರಂ ಶೂ॒ರ್ಪ॒ಕರ್ಣಕಂ॑ ರಕ್ತ॒ವಾಸ॑ಸಮ್ ।

ರಕ್ತ॑ಗ॒ನ್ಧಾನು॑ಲಿಪ್ತಾ॒ಙ್ಗಂ॒ ರ॒ಕ್ತಪು॑ಷ್ಪೈ-ಸ್ಸು॒ಪೂಜಿ॑ತಮ್ ।

ಭಕ್ತಾ॑ನು॒ಕಮ್ಪಿ॑ನ-ನ್ದೇ॒ವ॒-ಞ್ಜ॒ಗತ್ಕಾ॑ರಣ॒ಮಚ್ಯು॑ತಮ್ ।

ಆವಿ॑ರ್ಭೂ॒ತ-ಞ್ಚ॑ ಸೃ॒ಷ್ಟ್ಯಾ॒ದೌ॒ ಪ್ರ॒ಕೃತೇಃ᳚ ಪುರು॒ಷಾತ್ಪ॑ರಮ್ ।

ಏವ॑-ನ್ಧ್ಯಾ॒ಯತಿ॑ ಯೋ ನಿ॒ತ್ಯಂ॒ ಸ॒ ಯೋಗೀ॑ ಯೋಗಿ॒ನಾಂ-ವಁ॑ರಃ

॥ 8 ॥

ಶ್ಲೋಕ 10

ನಮೋ ವ್ರಾತಪತಯೇ ನಮೋ ಗಣಪತಯೇ ನಮಃ ಪ್ರಮಥಪತಯೇ ನಮಸ್ತೇ-ಽಸ್ತು ಲಮ್ಬೋದರಾಯೈಕದನ್ತಾಯ ವಿಘ್ನವಿನಾಶಿನೇ ಶಿವಸುತಾಯ ಶ್ರೀವರದಮೂರ್ತಯೇ॒ ನಮಃ

॥ 9 ॥

ಶ್ಲೋಕ 11

ಏತದಥರ್ವಶೀರ್​ಷಂ-ಯೋಁ-ಽಧೀ॒ತೇ । ಸ ಬ್ರಹ್ಮಭೂಯಾ॑ಯ ಕ॒ಲ್ಪತೇ ।

ಸ ಸರ್ವವಿಘ್ನೈ᳚ರ್ನ ಬಾ॒ಧ್ಯತೇ । ಸ ಸರ್ವತ-ಸ್ಸುಖ॑ಮೇಧ॒ತೇ ।

ಸ ಪಞ್ಚಮಹಾಪಾಪಾ᳚-ತ್ಪ್ರಮು॒ಚ್ಯತೇ । ಸಾ॒ಯಮ॑ಧೀಯಾ॒ನೋ॒ ದಿವಸಕೃತ-ಮ್ಪಾಪ॑-ನ್ನಾಶ॒ಯತಿ ।

ಪ್ರಾ॒ತರ॑ಧೀಯಾ॒ನೋ॒ ರಾತ್ರಿಕೃತ-ಮ್ಪಾಪ॑-ನ್ನಾಶ॒ಯತಿ ।

ಸಾಯ-ಮ್ಪ್ರಾತಃ ಪ್ರ॑ಯುಞ್ಜಾ॒ನೋ॒ ಪಾಪೋ-ಽಪಾ॑ಪೋ ಭ॒ವತಿ ।

ಸರ್ವತ್ರಾಧೀಯಾನೋ-ಽಪವಿ॑ಘ್ನೋ ಭವತಿ । ಧರ್ಮಾರ್ಥಕಾಮಮೋಕ್ಷ॑-ಞ್ಚ ವಿ॒ನ್ದತಿ ।

ಇದಮಥರ್ವಶೀರ್​ಷಮಶಿಷ್ಯಾಯ॑ ನ ದೇ॒ಯಮ್ । ಯೋ ಯದಿ ಮೋ॑ಹಾದ್ ದಾ॒ಸ್ಯತಿ ಸ ಪಾಪೀ॑ಯಾ-ನ್ಭ॒ವತಿ ।

ಸಹಸ್ರಾವರ್ತನಾದ್ಯಂ-ಯಁ-ಙ್ಕಾಮ॑ಮಧೀ॒ತೇ । ತ-ನ್ತಮನೇ॑ನ ಸಾ॒ಧಯೇತ್

॥ 10 ॥

ಶ್ಲೋಕ 12

ಅನೇನ ಗಣಪತಿಮ॑ಭಿಷಿ॒ಞ್ಚತಿ । ಸ ವಾ᳚ಗ್ಮೀ ಭ॒ವತಿ ।

ಚತುರ್ಥ್ಯಾಮನ॑ಶ್ನನ್ ಜ॒ಪತಿ ಸ ವಿದ್ಯಾ॑ವಾ-ನ್ಭ॒ವತಿ ।

ಇತ್ಯಥರ್ವ॑ಣವಾ॒ಕ್ಯಮ್ । ಬ್ರಹ್ಮಾದ್ಯಾ॒ಚರ॑ಣಂ-ವಿಁ॒ದ್ಯಾನ್ನ ಬಿಭೇತಿ ಕದಾ॑ಚನೇ॒ತಿ

॥ 11 ॥

ಶ್ಲೋಕ 13

ಯೋ ದೂರ್ವಾಙ್ಕು॑ರೈರ್ಯ॒ಜತಿ ಸ ವೈಶ್ರವಣೋಪ॑ಮೋ ಭ॒ವತಿ ।

ಯೋ ಲಾ॑ಜೈರ್ಯ॒ಜತಿ ಸ ಯಶೋ॑ವಾ-ನ್ಭ॒ವತಿ । ಸ ಮೇಧಾ॑ವಾ-ನ್ಭ॒ವತಿ ।

ಯೋ ಮೋದಕಸಹಸ್ರೇ॑ಣ ಯ॒ಜತಿ ಸ ವಾಞ್ಛಿತಫಲಮ॑ವಾಪ್ನೋ॒ತಿ ।

ಯ-ಸ್ಸಾಜ್ಯ ಸಮಿ॑ದ್ಭಿರ್ಯ॒ಜತಿ ಸ ಸರ್ವಂ-ಲಁಭತೇ ಸ ಸ॑ರ್ವಂ-ಲಁ॒ಭತೇ

॥ 12 ॥

ಶ್ಲೋಕ 14

ಅಷ್ಟೌ ಬ್ರಾಹ್ಮಣಾನ್ ಸಮ್ಯಗ್ ಗ್ರಾ॑ಹಯಿ॒ತ್ವಾ ಸೂರ್ಯವರ್ಚ॑ಸ್ವೀ ಭ॒ವತಿ ।

ಸೂರ್ಯಗ್ರಹೇ ಮ॑ಹಾನ॒ದ್ಯಾ-ಮ್ಪ್ರತಿಮಾಸನ್ನಿಧೌ ವಾ ಜ॒ಪ್ತ್ವಾ ಸಿದ್ಧಮ॑ನ್ತ್ರೋ ಭ॒ವತಿ ।

ಮಹಾವಿಘ್ನಾ᳚-ತ್ಪ್ರಮು॒ಚ್ಯತೇ । ಮಹಾದೋಷಾ᳚-ತ್ಪ್ರಮು॒ಚ್ಯತೇ ।

ಮಹಾಪಾಪಾ᳚-ತ್ಪ್ರಮು॒ಚ್ಯತೇ । [ಮಹಾಪ್ರತ್ಯವಾಯಾ᳚-ತ್ಪ್ರಮು॒ಚ್ಯತೇ । ]

ಸ ಸರ್ವ॑ವಿದ್ಭವತಿ ಸ ಸರ್ವ॑ವಿದ್ಭ॒ವತಿ ।

ಯ ಏ॑ವಂ-ವೇಁ॒ದ । ಇತ್ಯು॑ಪ॒ನಿಷ॑ತ್

॥ 13 ॥

ಶ್ಲೋಕ 15

ಓ-ಮ್ಭ॒ದ್ರ-ಙ್ಕರ್ಣೇ॑ಭಿ-ಶ್ಶೃಣು॒ಯಾಮ॑ ದೇವಾಃ ।

ಭ॒ದ್ರ-ಮ್ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ ।

ಸ್ಥಿ॒ರೈರಙ್ಗೈ᳚ಸ್ತುಷ್ಠು॒ವಾಗ್ಂ ಸ॑ಸ್ತ॒ನೂಭಿಃ॑ ।

ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ ।

ಸ್ವ॒ಸ್ತಿ ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾಃ ।

ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ ।

ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ।

ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥