શ્રી ગણપતિ અથર્વ ષીર્ષમ્ (ગણપત્યથર્વષીર્ષોપનિષત્)

શ્રી ગણપતિ અથર્વ ષીર્ષમ્ (ગણપત્યથર્વષીર્ષોપનિષત્)

શ્લોક 1

ઓ-મ્ભ॒દ્ર-ઙ્કર્ણે॑ભિ-શ્શૃણુ॒યામ॑ દેવાઃ ।

ભ॒દ્ર-મ્પ॑શ્યેમા॒ક્ષભિ॒ર્યજ॑ત્રાઃ ।

સ્થિ॒રૈરઙ્ગૈ᳚સ્તુષ્ઠુ॒વાગ્ં સ॑સ્ત॒નૂભિઃ॑ ।

વ્યશે॑મ દે॒વહિ॑તં॒-યઁદાયુઃ॑ ।

સ્વ॒સ્તિ ન॒ ઇન્દ્રો॑ વૃ॒દ્ધશ્ર॑વાઃ ।

સ્વ॒સ્તિ નઃ॑ પૂ॒ષા વિ॒શ્વવે॑દાઃ ।

સ્વ॒સ્તિ ન॒સ્તાર્ક્ષ્યો॒ અરિ॑ષ્ટનેમિઃ ।

સ્વ॒સ્તિ નો॒ બૃહ॒સ્પતિ॑ર્દધાતુ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥

ઓ-ન્નમ॑સ્તે ગ॒ણપ॑તયે ।

ત્વમે॒વ પ્ર॒ત્યક્ષ॒-ન્તત્ત્વ॑મસિ ।

ત્વમે॒વ કે॒વલ॒-ઙ્કર્તા॑-ઽસિ ।

ત્વમે॒વ કે॒વલં॒ હર્તા॑-ઽસિ ।

ત્વમે॒વ કે॒વલ॒-ન્ધર્તા॑-ઽસિ ।

ત્વમેવ સર્વ-ઙ્ખલ્વિદ॑-મ્બ્રહ્મા॒સિ ।

ત્વં સાક્ષાદાત્મા॑-ઽસિ નિ॒ત્યમ્

શ્લોક 2

ઋ॑તં-વઁ॒ચ્મિ । સ॑ત્યં-વઁ॒ચ્મિ

॥ 1 ॥

શ્લોક 3

અ॒વ ત્વ॒-મ્મામ્ । અવ॑ વ॒ક્તારમ્᳚ ।

અવ॑ શ્રો॒તારમ્᳚ । અવ॑ દા॒તારમ્᳚ । અવ॑ ધા॒તારમ્᳚ ।

અવાનૂચાનમ॑વ શિ॒ષ્યમ્ । અવ॑ પ॒શ્ચાત્તા᳚ત્ ।

અવ॑ પુ॒રસ્તા᳚ત્ । અવોત્ત॒રાત્તા᳚ત્ ।

અવ॑ દ॒ક્ષિણાત્તા᳚ત્ । અવ॑ ચો॒ર્ધ્વાત્તા᳚ત્ ।

અવાધ॒રાત્તા᳚ત્ । સર્વતો મા-મ્પાહિ પાહિ॑ સમ॒ન્તાત્

॥ 2 ॥

શ્લોક 4

ત્વં-વાઁઙ્મય॑સ્ત્વ-ઞ્ચિન્મ॒યઃ ।

ત્વમાનન્દમય॑સ્ત્વ-મ્બ્રહ્મ॒મયઃ ।

ત્વં સચ્ચિદાનન્દા-ઽદ્વિ॑તીયો॒-ઽસિ ।

ત્વ-મ્પ્ર॒ત્યક્ષ॒-મ્બ્રહ્મા॑સિ ।

ત્વ-ઞ્જ્ઞાનમયો વિજ્ઞાન॑મયો॒-ઽસિ

॥ 3 ॥

શ્લોક 5

સર્વ-ઞ્જગદિદ-ન્ત્વ॑ત્તો જા॒યતે ।

સર્વ-ઞ્જગદિદ-ન્ત્વ॑ત્તસ્તિ॒ષ્ઠતિ ।

સર્વ-ઞ્જગદિદ-ન્ત્વયિ લય॑મેષ્ય॒તિ ।

સર્વ-ઞ્જગદિદ-ન્ત્વયિ॑ પ્રત્યે॒તિ ।

ત્વ-મ્ભૂમિરાપો-ઽનલો-ઽનિ॑લો ન॒ભઃ ।

ત્વ-ઞ્ચત્વારિ વા᳚ક્પદા॒નિ

॥ 4 ॥

શ્લોક 6

ત્વ-ઙ્ગુ॒ણત્ર॑યાતી॒તઃ । ત્વં અવસ્થાત્ર॑યાતી॒તઃ ।

ત્વ-ન્દે॒હત્ર॑યાતી॒તઃ । ત્વ-ઙ્કા॒લત્ર॑યાતી॒તઃ ।

ત્વ-મ્મૂલાધારસ્થિતો॑-ઽસિ નિ॒ત્યમ્ । ત્વં શક્તિત્ર॑યાત્મ॒કઃ ।

ત્વાં-યોઁગિનો ધ્યાય॑ન્તિ નિ॒ત્યમ્ ।

ત્વ-મ્બ્રહ્મા ત્વં-વિઁષ્ણુસ્ત્વં રુદ્રસ્ત્વમિન્દ્રસ્ત્વમગ્નિસ્ત્વં-વાઁયુસ્ત્વં સૂર્યસ્ત્વ-ઞ્ચન્દ્રમાસ્ત્વ-મ્બ્રહ્મ॒ ભૂર્ભુવ॒-સ્સ્વરોમ્

॥ 5 ॥

શ્લોક 7

ગ॒ણાદિં᳚ પૂર્વ॑મુચ્ચા॒ર્ય॒ વ॒ર્ણાદીં᳚ સ્તદન॒ન્તરમ્ ।

અનુસ્વારઃ પ॑રત॒રઃ । અર્ધે᳚ન્દુલ॒સિતમ્ ।

તારે॑ણ ઋ॒દ્ધમ્ । એતત્તવ મનુ॑સ્વરૂ॒પમ્ ।

ગકારઃ પૂ᳚ર્વરૂ॒પમ્ । અકારો મધ્ય॑મરૂ॒પમ્ ।

અનુસ્વારશ્ચા᳚ન્ત્યરૂ॒પમ્ । બિન્દુરુત્ત॑રરૂ॒પમ્ ।

નાદઃ॑ સન્ધા॒નમ્ । સગ્ંહિ॑તા સ॒ન્ધિઃ ।

સૈષા ગણે॑શવિ॒દ્યા । ગણ॑ક ઋ॒ષિઃ ।

નિચૃદ્ગાય॑ત્રીચ્છ॒ન્દઃ । શ્રી મહાગણપતિ॑ર્દેવતા ।

ઓ-ઙ્ગ-ઙ્ગ॒ણપ॑તયે નમઃ

॥ 6 ॥

શ્લોક 8

એકદ॒ન્તાય॑ વિ॒દ્મહે॑ વક્રતુ॒ણ્ડાય॑ ધીમહિ ।

તન્નો॑ દન્તિઃ પ્રચો॒દયા᳚ત્

॥ 7 ॥

શ્લોક 9

એકદ॒ન્ત-ઞ્ચ॑તુર્​હ॒સ્ત॒-મ્પા॒શમ॑ઙ્કુશ॒ધારિ॑ણમ્ ।

રદ॑-ઞ્ચ॒ વર॑દં હ॒સ્તૈ॒ર્બિ॒ભ્રાણ॑-મ્મૂષ॒કધ્વ॑જમ્ ।

રક્તં॑-લઁ॒મ્બોદ॑રં શૂ॒ર્પ॒કર્ણકં॑ રક્ત॒વાસ॑સમ્ ।

રક્ત॑ગ॒ન્ધાનુ॑લિપ્તા॒ઙ્ગં॒ ર॒ક્તપુ॑ષ્પૈ-સ્સુ॒પૂજિ॑તમ્ ।

ભક્તા॑નુ॒કમ્પિ॑ન-ન્દે॒વ॒-ઞ્જ॒ગત્કા॑રણ॒મચ્યુ॑તમ્ ।

આવિ॑ર્ભૂ॒ત-ઞ્ચ॑ સૃ॒ષ્ટ્યા॒દૌ॒ પ્ર॒કૃતેઃ᳚ પુરુ॒ષાત્પ॑રમ્ ।

એવ॑-ન્ધ્યા॒યતિ॑ યો નિ॒ત્યં॒ સ॒ યોગી॑ યોગિ॒નાં-વઁ॑રઃ

॥ 8 ॥

શ્લોક 10

નમો વ્રાતપતયે નમો ગણપતયે નમઃ પ્રમથપતયે નમસ્તે-ઽસ્તુ લમ્બોદરાયૈકદન્તાય વિઘ્નવિનાશિને શિવસુતાય શ્રીવરદમૂર્તયે॒ નમઃ

॥ 9 ॥

શ્લોક 11

એતદથર્વશીર્​ષં-યોઁ-ઽધી॒તે । સ બ્રહ્મભૂયા॑ય ક॒લ્પતે ।

સ સર્વવિઘ્નૈ᳚ર્ન બા॒ધ્યતે । સ સર્વત-સ્સુખ॑મેધ॒તે ।

સ પઞ્ચમહાપાપા᳚-ત્પ્રમુ॒ચ્યતે । સા॒યમ॑ધીયા॒નો॒ દિવસકૃત-મ્પાપ॑-ન્નાશ॒યતિ ।

પ્રા॒તર॑ધીયા॒નો॒ રાત્રિકૃત-મ્પાપ॑-ન્નાશ॒યતિ ।

સાય-મ્પ્રાતઃ પ્ર॑યુઞ્જા॒નો॒ પાપો-ઽપા॑પો ભ॒વતિ ।

સર્વત્રાધીયાનો-ઽપવિ॑ઘ્નો ભવતિ । ધર્માર્થકામમોક્ષ॑-ઞ્ચ વિ॒ન્દતિ ।

ઇદમથર્વશીર્​ષમશિષ્યાય॑ ન દે॒યમ્ । યો યદિ મો॑હાદ્ દા॒સ્યતિ સ પાપી॑યા-ન્ભ॒વતિ ।

સહસ્રાવર્તનાદ્યં-યઁ-ઙ્કામ॑મધી॒તે । ત-ન્તમને॑ન સા॒ધયેત્

॥ 10 ॥

શ્લોક 12

અનેન ગણપતિમ॑ભિષિ॒ઞ્ચતિ । સ વા᳚ગ્મી ભ॒વતિ ।

ચતુર્થ્યામન॑શ્નન્ જ॒પતિ સ વિદ્યા॑વા-ન્ભ॒વતિ ।

ઇત્યથર્વ॑ણવા॒ક્યમ્ । બ્રહ્માદ્યા॒ચર॑ણં-વિઁ॒દ્યાન્ન બિભેતિ કદા॑ચને॒તિ

॥ 11 ॥

શ્લોક 13

યો દૂર્વાઙ્કુ॑રૈર્ય॒જતિ સ વૈશ્રવણોપ॑મો ભ॒વતિ ।

યો લા॑જૈર્ય॒જતિ સ યશો॑વા-ન્ભ॒વતિ । સ મેધા॑વા-ન્ભ॒વતિ ।

યો મોદકસહસ્રે॑ણ ય॒જતિ સ વાઞ્છિતફલમ॑વાપ્નો॒તિ ।

ય-સ્સાજ્ય સમિ॑દ્ભિર્ય॒જતિ સ સર્વં-લઁભતે સ સ॑ર્વં-લઁ॒ભતે

॥ 12 ॥

શ્લોક 14

અષ્ટૌ બ્રાહ્મણાન્ સમ્યગ્ ગ્રા॑હયિ॒ત્વા સૂર્યવર્ચ॑સ્વી ભ॒વતિ ।

સૂર્યગ્રહે મ॑હાન॒દ્યા-મ્પ્રતિમાસન્નિધૌ વા જ॒પ્ત્વા સિદ્ધમ॑ન્ત્રો ભ॒વતિ ।

મહાવિઘ્ના᳚-ત્પ્રમુ॒ચ્યતે । મહાદોષા᳚-ત્પ્રમુ॒ચ્યતે ।

મહાપાપા᳚-ત્પ્રમુ॒ચ્યતે । [મહાપ્રત્યવાયા᳚-ત્પ્રમુ॒ચ્યતે । ]

સ સર્વ॑વિદ્ભવતિ સ સર્વ॑વિદ્ભ॒વતિ ।

ય એ॑વં-વેઁ॒દ । ઇત્યુ॑પ॒નિષ॑ત્

॥ 13 ॥

શ્લોક 15

ઓ-મ્ભ॒દ્ર-ઙ્કર્ણે॑ભિ-શ્શૃણુ॒યામ॑ દેવાઃ ।

ભ॒દ્ર-મ્પ॑શ્યેમા॒ક્ષભિ॒ર્યજ॑ત્રાઃ ।

સ્થિ॒રૈરઙ્ગૈ᳚સ્તુષ્ઠુ॒વાગ્ં સ॑સ્ત॒નૂભિઃ॑ ।

વ્યશે॑મ દે॒વહિ॑તં॒-યઁદાયુઃ॑ ।

સ્વ॒સ્તિ ન॒ ઇન્દ્રો॑ વૃ॒દ્ધશ્ર॑વાઃ ।

સ્વ॒સ્તિ નઃ॑ પૂ॒ષા વિ॒શ્વવે॑દાઃ ।

સ્વ॒સ્તિ ન॒સ્તાર્ક્ષ્યો॒ અરિ॑ષ્ટનેમિઃ ।

સ્વ॒સ્તિ નો॒ બૃહ॒સ્પતિ॑ર્દધાતુ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥