ದುರ್ಗಾ ಕವಚಮ್

ದುರ್ಗಾ ಕವಚಮ್

ಶ್ಲೋಕ 1

ಈಶ್ವರ ಉವಾಚ ।

ಶೃಣು ದೇವಿ ಪ್ರವಕ್ಷ್ಯಾಮಿ ಕವಚಂ ಸರ್ವಸಿದ್ಧಿದಮ್ ।

ಪಠಿತ್ವಾ ಪಾಠಯಿತ್ವಾ ಚ ನರೋ ಮುಚ್ಯೇತ ಸಙ್ಕಟಾತ್

ಶ್ಲೋಕ 2

ಅಜ್ಞಾತ್ವಾ ಕವಚಂ ದೇವಿ ದುರ್ಗಾಮನ್ತ್ರಂ ಚ ಯೋ ಜಪೇತ್ ।

ನ ಚಾಪ್ನೋತಿ ಫಲಂ ತಸ್ಯ ಪರಂ ಚ ನರಕಂ ವ್ರಜೇತ್

॥ 1 ॥

ಶ್ಲೋಕ 3

ಉಮಾದೇವೀ ಶಿರಃ ಪಾತು ಲಲಾಟೇ ಶೂಲಧಾರಿಣೀ ।

ಚಕ್ಷುಷೀ ಖೇಚರೀ ಪಾತು ಕರ್ಣೌ ಚತ್ವರವಾಸಿನೀ

॥ 2 ॥

ಶ್ಲೋಕ 4

ಸುಗನ್ಧಾ ನಾಸಿಕಂ ಪಾತು ವದನಂ ಸರ್ವಧಾರಿಣೀ ।

ಜಿಹ್ವಾಂ ಚ ಚಣ್ಡಿಕಾದೇವೀ ಗ್ರೀವಾಂ ಸೌಭದ್ರಿಕಾ ತಥಾ

॥ 3 ॥

ಶ್ಲೋಕ 5

ಅಶೋಕವಾಸಿನೀ ಚೇತೋ ದ್ವೌ ಬಾಹೂ ವಜ್ರಧಾರಿಣೀ ।

ಹೃದಯಂ ಲಲಿತಾದೇವೀ ಉದರಂ ಸಿಂಹವಾಹಿನೀ

॥ 4 ॥

ಶ್ಲೋಕ 6

ಕಟಿಂ ಭಗವತೀ ದೇವೀ ದ್ವಾವೂರೂ ವಿನ್ಧ್ಯವಾಸಿನೀ ।

ಮಹಾಬಲಾ ಚ ಜಙ್ಘೇ ದ್ವೇ ಪಾದೌ ಭೂತಲವಾಸಿನೀ

॥ 5 ॥

ಶ್ಲೋಕ 7

ಏವಂ ಸ್ಥಿತಾಽಸಿ ದೇವಿ ತ್ವಂ ತ್ರೈಲೋಕ್ಯೇ ರಕ್ಷಣಾತ್ಮಿಕಾ ।

ರಕ್ಷ ಮಾಂ ಸರ್ವಗಾತ್ರೇಷು ದುರ್ಗೇ ದೇವಿ ನಮೋಽಸ್ತು ತೇ

॥ 6 ॥

ಶ್ಲೋಕ 8

ಇತಿ ಕುಬ್ಜಿಕಾತನ್ತ್ರೋಕ್ತಂ ಶ್ರೀ ದುರ್ಗಾ ಕವಚಮ್ ।