દુર્ગા કવચમ્

દુર્ગા કવચમ્

શ્લોક 1

ઈશ્વર ઉવાચ ।

શૃણુ દેવિ પ્રવક્ષ્યામિ કવચં સર્વસિદ્ધિદમ્ ।

પઠિત્વા પાઠયિત્વા ચ નરો મુચ્યેત સઙ્કટાત્

શ્લોક 2

અજ્ઞાત્વા કવચં દેવિ દુર્ગામન્ત્રં ચ યો જપેત્ ।

ન ચાપ્નોતિ ફલં તસ્ય પરં ચ નરકં વ્રજેત્

॥ 1 ॥

શ્લોક 3

ઉમાદેવી શિરઃ પાતુ લલાટે શૂલધારિણી ।

ચક્ષુષી ખેચરી પાતુ કર્ણૌ ચત્વરવાસિની

॥ 2 ॥

શ્લોક 4

સુગન્ધા નાસિકં પાતુ વદનં સર્વધારિણી ।

જિહ્વાં ચ ચણ્ડિકાદેવી ગ્રીવાં સૌભદ્રિકા તથા

॥ 3 ॥

શ્લોક 5

અશોકવાસિની ચેતો દ્વૌ બાહૂ વજ્રધારિણી ।

હૃદયં લલિતાદેવી ઉદરં સિંહવાહિની

॥ 4 ॥

શ્લોક 6

કટિં ભગવતી દેવી દ્વાવૂરૂ વિન્ધ્યવાસિની ।

મહાબલા ચ જઙ્ઘે દ્વે પાદૌ ભૂતલવાસિની

॥ 5 ॥

શ્લોક 7

એવં સ્થિતાઽસિ દેવિ ત્વં ત્રૈલોક્યે રક્ષણાત્મિકા ।

રક્ષ માં સર્વગાત્રેષુ દુર્ગે દેવિ નમોઽસ્તુ તે

॥ 6 ॥

શ્લોક 8

ઇતિ કુબ્જિકાતન્ત્રોક્તં શ્રી દુર્ગા કવચમ્ ।