దేవీ మాహాత్మ్యం దుర్గా సప్తశతి షష్ఠోఽధ్యాయః

దేవీ మాహాత్మ్యం దుర్గా సప్తశతి షష్ఠోఽధ్యాయః

శ్లోక 1

శుమ్భనిశుమ్భసేనానీధూమ్రలోచనవధో నామ షష్టో ధ్యాయః ॥

ధ్యానం

నగాధీశ్వర విష్త్రాం ఫణి ఫణోత్తంసోరు రత్నావలీ

భాస్వద్ దేహ లతాం నిభఽఉ నేత్రయోద్భాసితామ్ ।

మాలా కుమ్భ కపాల నీరజ కరాం చన్ద్రా అర్ధ చూఢామ్బరాం

సర్వేశ్వర భైరవాఙ్గ నిలయాం పద్మావతీచిన్తయే ॥

ఋషిరువాచ

శ్లోక 2

ఇత్యాకర్ణ్య వచో దేవ్యాః స దూతోఽమర్షపూరితః ।

సమాచష్ట సమాగమ్య దైత్యరాజాయ విస్తరాత్

॥1॥

శ్లోక 3

తస్య దూతస్య తద్వాక్యమాకర్ణ్యాసురరాట్ తతః ।

స క్రోధః ప్రాహ దైత్యానామధిపం ధూమ్రలోచనమ్

॥ 2 ॥

శ్లోక 4

హే ధూమ్రలోచనాశు త్వం స్వసైన్య పరివారితః।

తామానయ బల్లాద్దుష్టాం కేశాకర్షణ విహ్వలామ్

॥3॥

శ్లోక 5

తత్పరిత్రాణదః కశ్చిద్యది వోత్తిష్ఠతేఽపరః।

స హన్తవ్యోఽమరోవాపి యక్షో గన్ధర్వ ఏవ వా

॥4॥

శ్లోక 6

ఋషిరువాచ

॥5॥

శ్లోక 7

తేనాజ్ఞప్తస్తతః శీఘ్రం స దైత్యో ధూమ్రలోచనః।

వృతః షష్ట్యా సహస్రాణాం అసురాణాన్ద్రుతంయమౌ

॥6॥

శ్లోక 8

న దృష్ట్వా తాం తతో దేవీం తుహినాచల సంస్థితాం।

జగాదోచ్చైః ప్రయాహీతి మూలం శుమ్బనిశుమ్భయోః

॥6॥

శ్లోక 9

న చేత్ప్రీత్యాద్య భవతీ మద్భర్తారముపైష్యతి

తతో బలాన్నయామ్యేష కేశాకర్షణవిహ్వలామ్

॥8॥

శ్లోక 10

దేవ్యువాచ

॥9॥

శ్లోక 11

దైత్యేశ్వరేణ ప్రహితో బలవాన్బలసంవృతః।

బలాన్నయసి మామేవం తతః కిం తే కరోమ్యహమ్

॥10॥

శ్లోక 12

ఋషిరువాచ

॥11॥

శ్లోక 13

ఇత్యుక్తః సోఽభ్యధావత్తాం అసురో ధూమ్రలోచనః।

హూఙ్కారేణైవ తం భస్మ సా చకారామ్బికా తదా

॥12॥

శ్లోక 14

అథ క్రుద్ధం మహాసైన్యం అసురాణాం తథామ్బికా।

వవర్ష సాయుకైస్తీక్ష్ణైస్తథా శక్తిపరశ్వధైః

॥13॥

శ్లోక 15

తతో ధుతసటః కోపాత్కృత్వా నాదం సుభైరవమ్।

పపాతాసుర సేనాయాం సింహో దేవ్యాః స్వవాహనః

॥14॥

శ్లోక 16

కాంశ్చిత్కరప్రహారేణ దైత్యానాస్యేన చాపారాన్।

ఆక్రాన్త్యా చాధరేణ్యాన్ జఘాన స మహాసురాన్

॥15॥

శ్లోక 17

కేషాఞ్చిత్పాటయామాస నఖైః కోష్ఠాని కేసరీ।

తథా తలప్రహారేణ శిరాంసి కృతవాన్ పృథక్

॥16॥

శ్లోక 18

విచ్ఛిన్నబాహుశిరసః కృతాస్తేన తథాపరే।

పపౌచ రుధిరం కోష్ఠాదన్యేషాం ధుతకేసరః

॥17॥

శ్లోక 19

క్షణేన తద్బలం సర్వం క్షయం నీతం మహాత్మనా।

తేన కేసరిణా దేవ్యా వాహనేనాతికోపినా

॥18॥

శ్లోక 20

శ్రుత్వా తమసురం దేవ్యా నిహతం ధూమ్రలోచనమ్।

బలం చ క్షయితం కృత్స్నం దేవీ కేసరిణా తతః

॥19॥

శ్లోక 21

చుకోప దైత్యాధిపతిః శుమ్భః ప్రస్ఫురితాధరః।

ఆజ్ఞాపయామాస చ తౌ చణ్డముణ్డౌ మహాసురౌ

॥20॥

శ్లోక 22

హేచణ్డ హే ముణ్డ బలైర్బహుభిః పరివారితౌ

తత్ర గచ్ఛత గత్వా చ సా సమానీయతాం లఘు

॥21॥

శ్లోక 23

కేశేష్వాకృష్య బద్ధ్వా వా యది వః సంశయో యుధి।

తదాశేషా యుధైః సర్వైర్ అసురైర్వినిహన్యతాం

॥22॥

శ్లోక 24

తస్యాం హతాయాం దుష్టాయాం సింహే చ వినిపాతితే।

శీఘ్రమాగమ్యతాం బద్వా గృహీత్వాతామథామ్బికామ్

॥23॥

శ్లోక 25

॥ స్వస్తి శ్రీ మార్కణ్డేయ పురాణే సావర్నికేమన్వన్తరే దేవి మహత్మ్యే శుమ్భనిశుమ్భసేనానీధూమ్రలోచనవధో నామ షష్టో ధ్యాయః ॥

ఆహుతి

ఓం క్లీం జయన్తీ సాఙ్గాయై సశక్తికాయై సపరివారాయై సవాహనాయై మహాహుతిం సమర్పయామి నమః స్వాహా ॥