ദേവീ മാഹാത്മ്യം ദുര്ഗാ സപ്തശതി ഷഷ്ഠോഽധ്യായഃ

ദേവീ മാഹാത്മ്യം ദുര്ഗാ സപ്തശതി ഷഷ്ഠോഽധ്യായഃ

ശ്ലോക 1

ശുമ്ഭനിശുമ്ഭസേനാനീധൂമ്രലോചനവധോ നാമ ഷഷ്ടോ ധ്യായഃ ॥

ധ്യാനം

നഗാധീശ്വര വിഷ്ത്രാം ഫണി ഫണോത്തംസോരു രത്നാവലീ

ഭാസ്വദ് ദേഹ ലതാം നിഭഽഉ നേത്രയോദ്ഭാസിതാമ് ।

മാലാ കുമ്ഭ കപാല നീരജ കരാം ചന്ദ്രാ അര്ധ ചൂഢാമ്ബരാം

സര്വേശ്വര ഭൈരവാങ്ഗ നിലയാം പദ്മാവതീചിന്തയേ ॥

ഋഷിരുവാച

ശ്ലോക 2

ഇത്യാകര്ണ്യ വചോ ദേവ്യാഃ സ ദൂതോഽമര്ഷപൂരിതഃ ।

സമാചഷ്ട സമാഗമ്യ ദൈത്യരാജായ വിസ്തരാത്

॥1॥

ശ്ലോക 3

തസ്യ ദൂതസ്യ തദ്വാക്യമാകര്ണ്യാസുരരാട് തതഃ ।

സ ക്രോധഃ പ്രാഹ ദൈത്യാനാമധിപം ധൂമ്രലോചനമ്

॥ 2 ॥

ശ്ലോക 4

ഹേ ധൂമ്രലോചനാശു ത്വം സ്വസൈന്യ പരിവാരിതഃ।

താമാനയ ബല്ലാദ്ദുഷ്ടാം കേശാകര്ഷണ വിഹ്വലാമ്

॥3॥

ശ്ലോക 5

തത്പരിത്രാണദഃ കശ്ചിദ്യദി വോത്തിഷ്ഠതേഽപരഃ।

സ ഹന്തവ്യോഽമരോവാപി യക്ഷോ ഗന്ധര്വ ഏവ വാ

॥4॥

ശ്ലോക 6

ഋഷിരുവാച

॥5॥

ശ്ലോക 7

തേനാജ്ഞപ്തസ്തതഃ ശീഘ്രം സ ദൈത്യോ ധൂമ്രലോചനഃ।

വൃതഃ ഷഷ്ട്യാ സഹസ്രാണാം അസുരാണാന്ദ്രുതംയമൌ

॥6॥

ശ്ലോക 8

ന ദൃഷ്ട്വാ താം തതോ ദേവീം തുഹിനാചല സംസ്ഥിതാം।

ജഗാദോച്ചൈഃ പ്രയാഹീതി മൂലം ശുമ്ബനിശുമ്ഭയോഃ

॥6॥

ശ്ലോക 9

ന ചേത്പ്രീത്യാദ്യ ഭവതീ മദ്ഭര്താരമുപൈഷ്യതി

തതോ ബലാന്നയാമ്യേഷ കേശാകര്ഷണവിഹ്വലാമ്

॥8॥

ശ്ലോക 10

ദേവ്യുവാച

॥9॥

ശ്ലോക 11

ദൈത്യേശ്വരേണ പ്രഹിതോ ബലവാന്ബലസംവൃതഃ।

ബലാന്നയസി മാമേവം തതഃ കിം തേ കരോമ്യഹമ്

॥10॥

ശ്ലോക 12

ഋഷിരുവാച

॥11॥

ശ്ലോക 13

ഇത്യുക്തഃ സോഽഭ്യധാവത്താം അസുരോ ധൂമ്രലോചനഃ।

ഹൂങ്കാരേണൈവ തം ഭസ്മ സാ ചകാരാമ്ബികാ തദാ

॥12॥

ശ്ലോക 14

അഥ ക്രുദ്ധം മഹാസൈന്യം അസുരാണാം തഥാമ്ബികാ।

വവര്ഷ സായുകൈസ്തീക്ഷ്ണൈസ്തഥാ ശക്തിപരശ്വധൈഃ

॥13॥

ശ്ലോക 15

തതോ ധുതസടഃ കോപാത്കൃത്വാ നാദം സുഭൈരവമ്।

പപാതാസുര സേനായാം സിംഹോ ദേവ്യാഃ സ്വവാഹനഃ

॥14॥

ശ്ലോക 16

കാംശ്ചിത്കരപ്രഹാരേണ ദൈത്യാനാസ്യേന ചാപാരാന്।

ആക്രാന്ത്യാ ചാധരേണ്യാന് ജഘാന സ മഹാസുരാന്

॥15॥

ശ്ലോക 17

കേഷാഞ്ചിത്പാടയാമാസ നഖൈഃ കോഷ്ഠാനി കേസരീ।

തഥാ തലപ്രഹാരേണ ശിരാംസി കൃതവാന് പൃഥക്

॥16॥

ശ്ലോക 18

വിച്ഛിന്നബാഹുശിരസഃ കൃതാസ്തേന തഥാപരേ।

പപൌച രുധിരം കോഷ്ഠാദന്യേഷാം ധുതകേസരഃ

॥17॥

ശ്ലോക 19

ക്ഷണേന തദ്ബലം സര്വം ക്ഷയം നീതം മഹാത്മനാ।

തേന കേസരിണാ ദേവ്യാ വാഹനേനാതികോപിനാ

॥18॥

ശ്ലോക 20

ശ്രുത്വാ തമസുരം ദേവ്യാ നിഹതം ധൂമ്രലോചനമ്।

ബലം ച ക്ഷയിതം കൃത്സ്നം ദേവീ കേസരിണാ തതഃ

॥19॥

ശ്ലോക 21

ചുകോപ ദൈത്യാധിപതിഃ ശുമ്ഭഃ പ്രസ്ഫുരിതാധരഃ।

ആജ്ഞാപയാമാസ ച തൌ ചണ്ഡമുണ്ഡൌ മഹാസുരൌ

॥20॥

ശ്ലോക 22

ഹേചണ്ഡ ഹേ മുണ്ഡ ബലൈര്ബഹുഭിഃ പരിവാരിതൌ

തത്ര ഗച്ഛത ഗത്വാ ച സാ സമാനീയതാം ലഘു

॥21॥

ശ്ലോക 23

കേശേഷ്വാകൃഷ്യ ബദ്ധ്വാ വാ യദി വഃ സംശയോ യുധി।

തദാശേഷാ യുധൈഃ സര്വൈര് അസുരൈര്വിനിഹന്യതാം

॥22॥

ശ്ലോക 24

തസ്യാം ഹതായാം ദുഷ്ടായാം സിംഹേ ച വിനിപാതിതേ।

ശീഘ്രമാഗമ്യതാം ബദ്വാ ഗൃഹീത്വാതാമഥാമ്ബികാമ്

॥23॥

ശ്ലോക 25

॥ സ്വസ്തി ശ്രീ മാര്കണ്ഡേയ പുരാണേ സാവര്നികേമന്വന്തരേ ദേവി മഹത്മ്യേ ശുമ്ഭനിശുമ്ഭസേനാനീധൂമ്രലോചനവധോ നാമ ഷഷ്ടോ ധ്യായഃ ॥

ആഹുതി

ഓം ക്ലീം ജയന്തീ സാങ്ഗായൈ സശക്തികായൈ സപരിവാരായൈ സവാഹനായൈ മഹാഹുതിം സമര്പയാമി നമഃ സ്വാഹാ ॥