દેવી માહાત્મ્યં દુર્ગા સપ્તશતિ ષષ્ઠોઽધ્યાયઃ

દેવી માહાત્મ્યં દુર્ગા સપ્તશતિ ષષ્ઠોઽધ્યાયઃ

શ્લોક 1

શુમ્ભનિશુમ્ભસેનાનીધૂમ્રલોચનવધો નામ ષષ્ટો ધ્યાયઃ ॥

ધ્યાનં

નગાધીશ્વર વિષ્ત્રાં ફણિ ફણોત્તંસોરુ રત્નાવલી

ભાસ્વદ્ દેહ લતાં નિભઽઉ નેત્રયોદ્ભાસિતામ્ ।

માલા કુમ્ભ કપાલ નીરજ કરાં ચન્દ્રા અર્ધ ચૂઢામ્બરાં

સર્વેશ્વર ભૈરવાઙ્ગ નિલયાં પદ્માવતીચિન્તયે ॥

ઋષિરુવાચ

શ્લોક 2

ઇત્યાકર્ણ્ય વચો દેવ્યાઃ સ દૂતોઽમર્ષપૂરિતઃ ।

સમાચષ્ટ સમાગમ્ય દૈત્યરાજાય વિસ્તરાત્

॥1॥

શ્લોક 3

તસ્ય દૂતસ્ય તદ્વાક્યમાકર્ણ્યાસુરરાટ્ તતઃ ।

સ ક્રોધઃ પ્રાહ દૈત્યાનામધિપં ધૂમ્રલોચનમ્

॥ 2 ॥

શ્લોક 4

હે ધૂમ્રલોચનાશુ ત્વં સ્વસૈન્ય પરિવારિતઃ।

તામાનય બલ્લાદ્દુષ્ટાં કેશાકર્ષણ વિહ્વલામ્

॥3॥

શ્લોક 5

તત્પરિત્રાણદઃ કશ્ચિદ્યદિ વોત્તિષ્ઠતેઽપરઃ।

સ હન્તવ્યોઽમરોવાપિ યક્ષો ગન્ધર્વ એવ વા

॥4॥

શ્લોક 6

ઋષિરુવાચ

॥5॥

શ્લોક 7

તેનાજ્ઞપ્તસ્તતઃ શીઘ્રં સ દૈત્યો ધૂમ્રલોચનઃ।

વૃતઃ ષષ્ટ્યા સહસ્રાણાં અસુરાણાન્દ્રુતંયમૌ

॥6॥

શ્લોક 8

ન દૃષ્ટ્વા તાં તતો દેવીં તુહિનાચલ સંસ્થિતાં।

જગાદોચ્ચૈઃ પ્રયાહીતિ મૂલં શુમ્બનિશુમ્ભયોઃ

॥6॥

શ્લોક 9

ન ચેત્પ્રીત્યાદ્ય ભવતી મદ્ભર્તારમુપૈષ્યતિ

તતો બલાન્નયામ્યેષ કેશાકર્ષણવિહ્વલામ્

॥8॥

શ્લોક 10

દેવ્યુવાચ

॥9॥

શ્લોક 11

દૈત્યેશ્વરેણ પ્રહિતો બલવાન્બલસંવૃતઃ।

બલાન્નયસિ મામેવં તતઃ કિં તે કરોમ્યહમ્

॥10॥

શ્લોક 12

ઋષિરુવાચ

॥11॥

શ્લોક 13

ઇત્યુક્તઃ સોઽભ્યધાવત્તાં અસુરો ધૂમ્રલોચનઃ।

હૂઙ્કારેણૈવ તં ભસ્મ સા ચકારામ્બિકા તદા

॥12॥

શ્લોક 14

અથ ક્રુદ્ધં મહાસૈન્યં અસુરાણાં તથામ્બિકા।

વવર્ષ સાયુકૈસ્તીક્ષ્ણૈસ્તથા શક્તિપરશ્વધૈઃ

॥13॥

શ્લોક 15

તતો ધુતસટઃ કોપાત્કૃત્વા નાદં સુભૈરવમ્।

પપાતાસુર સેનાયાં સિંહો દેવ્યાઃ સ્વવાહનઃ

॥14॥

શ્લોક 16

કાંશ્ચિત્કરપ્રહારેણ દૈત્યાનાસ્યેન ચાપારાન્।

આક્રાન્ત્યા ચાધરેણ્યાન્ જઘાન સ મહાસુરાન્

॥15॥

શ્લોક 17

કેષાઞ્ચિત્પાટયામાસ નખૈઃ કોષ્ઠાનિ કેસરી।

તથા તલપ્રહારેણ શિરાંસિ કૃતવાન્ પૃથક્

॥16॥

શ્લોક 18

વિચ્છિન્નબાહુશિરસઃ કૃતાસ્તેન તથાપરે।

પપૌચ રુધિરં કોષ્ઠાદન્યેષાં ધુતકેસરઃ

॥17॥

શ્લોક 19

ક્ષણેન તદ્બલં સર્વં ક્ષયં નીતં મહાત્મના।

તેન કેસરિણા દેવ્યા વાહનેનાતિકોપિના

॥18॥

શ્લોક 20

શ્રુત્વા તમસુરં દેવ્યા નિહતં ધૂમ્રલોચનમ્।

બલં ચ ક્ષયિતં કૃત્સ્નં દેવી કેસરિણા તતઃ

॥19॥

શ્લોક 21

ચુકોપ દૈત્યાધિપતિઃ શુમ્ભઃ પ્રસ્ફુરિતાધરઃ।

આજ્ઞાપયામાસ ચ તૌ ચણ્ડમુણ્ડૌ મહાસુરૌ

॥20॥

શ્લોક 22

હેચણ્ડ હે મુણ્ડ બલૈર્બહુભિઃ પરિવારિતૌ

તત્ર ગચ્છત ગત્વા ચ સા સમાનીયતાં લઘુ

॥21॥

શ્લોક 23

કેશેષ્વાકૃષ્ય બદ્ધ્વા વા યદિ વઃ સંશયો યુધિ।

તદાશેષા યુધૈઃ સર્વૈર્ અસુરૈર્વિનિહન્યતાં

॥22॥

શ્લોક 24

તસ્યાં હતાયાં દુષ્ટાયાં સિંહે ચ વિનિપાતિતે।

શીઘ્રમાગમ્યતાં બદ્વા ગૃહીત્વાતામથામ્બિકામ્

॥23॥

શ્લોક 25

॥ સ્વસ્તિ શ્રી માર્કણ્ડેય પુરાણે સાવર્નિકેમન્વન્તરે દેવિ મહત્મ્યે શુમ્ભનિશુમ્ભસેનાનીધૂમ્રલોચનવધો નામ ષષ્ટો ધ્યાયઃ ॥

આહુતિ

ૐ ક્લીં જયન્તી સાઙ્ગાયૈ સશક્તિકાયૈ સપરિવારાયૈ સવાહનાયૈ મહાહુતિં સમર્પયામિ નમઃ સ્વાહા ॥