ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ಚತುರ್ಥೋಽಧ್ಯಾಯಃ

ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ಚತುರ್ಥೋಽಧ್ಯಾಯಃ

ಶ್ಲೋಕ 1

ಶಕ್ರಾದಿಸ್ತುತಿರ್ನಾಮ ಚತುರ್ಧೋಽಧ್ಯಾಯಃ ॥

ಧ್ಯಾನಂ

ಕಾಲಾಭ್ರಾಭಾಂ ಕಟಾಕ್ಷೈರ್ ಅರಿ ಕುಲ ಭಯದಾಂ ಮೌಲಿ ಬದ್ಧೇನ್ದು ರೇಖಾಂ

ಶಙ್ಖ-ಚಕ್ರಂ ಕೃಪಾಣಂ ತ್ರಿಶಿಖಮಪಿ ಕರೈ-ರುದ್ವಹನ್ತೀಂ ತ್ರಿನೇಱ್ತ್ರಮ್ ।

ಸಿಂಹ ಸ್ಕನ್ದಾಧಿರೂಢಾಂ ತ್ರಿಭುವನ-ಮಖಿಲಂ ತೇಜಸಾ ಪೂರಯನ್ತೀಂ

ಧ್ಯಾಯೇ-ದ್ದುರ್ಗಾಂ ಜಯಾಖ್ಯಾಂ ತ್ರಿದಶ-ಪರಿವೃತಾಂ ಸೇವಿತಾಂ ಸಿದ್ಧಿ ಕಾಮೈಃ ॥

ಋಷಿರುವಾಚ

ಶ್ಲೋಕ 2

ಶಕ್ರಾದಯಃ ಸುರಗಣಾ ನಿಹತೇಽತಿವೀರ್ಯೇ

ತಸ್ಮಿನ್ದುರಾತ್ಮನಿ ಸುರಾರಿಬಲೇ ಚ ದೇವ್ಯಾ ।

ತಾಂ ತುಷ್ಟುವುಃ ಪ್ರಣತಿನಮ್ರಶಿರೋಧರಾಂಸಾ

ವಾಗ್ಭಿಃ ಪ್ರಹರ್ಷಪುಲಕೋದ್ಗಮಚಾರುದೇಹಾಃ

॥1॥

ಶ್ಲೋಕ 3

ದೇವ್ಯಾ ಯಯಾ ತತಮಿದಂ ಜಗದಾತ್ಮಶಕ್ತ್ಯಾ

ನಿಃಶೇಷದೇವಗಣಶಕ್ತಿಸಮೂಹಮೂರ್ತ್ಯಾ ।

ತಾಮಮ್ಬಿಕಾಮಖಿಲದೇವಮಹರ್ಷಿಪೂಜ್ಯಾಂ

ಭಕ್ತ್ಯಾ ನತಾಃ ಸ್ಮ ವಿದಧಾತುಶುಭಾನಿ ಸಾ ನಃ

॥ 2 ॥

ಶ್ಲೋಕ 4

ಯಸ್ಯಾಃ ಪ್ರಭಾವಮತುಲಂ ಭಗವಾನನನ್ತೋ

ಬ್ರಹ್ಮಾ ಹರಶ್ಚ ನಹಿ ವಕ್ತುಮಲಂ ಬಲಂ ಚ ।

ಸಾ ಚಣ್ಡಿಕಾಽಖಿಲ ಜಗತ್ಪರಿಪಾಲನಾಯ

ನಾಶಾಯ ಚಾಶುಭಭಯಸ್ಯ ಮತಿಂ ಕರೋತು

॥3॥

ಶ್ಲೋಕ 5

ಯಾ ಶ್ರೀಃ ಸ್ವಯಂ ಸುಕೃತಿನಾಂ ಭವನೇಷ್ವಲಕ್ಷ್ಮೀಃ

ಪಾಪಾತ್ಮನಾಂ ಕೃತಧಿಯಾಂ ಹೃದಯೇಷು ಬುದ್ಧಿಃ ।

ಶ್ರದ್ಥಾ ಸತಾಂ ಕುಲಜನಪ್ರಭವಸ್ಯ ಲಜ್ಜಾ

ತಾಂ ತ್ವಾಂ ನತಾಃ ಸ್ಮ ಪರಿಪಾಲಯ ದೇವಿ ವಿಶ್ವಮ್

॥4॥

ಶ್ಲೋಕ 6

ಕಿಂ ವರ್ಣಯಾಮ ತವರೂಪ ಮಚಿನ್ತ್ಯಮೇತತ್

ಕಿಞ್ಚಾತಿವೀರ್ಯಮಸುರಕ್ಷಯಕಾರಿ ಭೂರಿ ।

ಕಿಂ ಚಾಹವೇಷು ಚರಿತಾನಿ ತವಾತ್ಭುತಾನಿ

ಸರ್ವೇಷು ದೇವ್ಯಸುರದೇವಗಣಾದಿಕೇಷು ।

॥5॥

ಶ್ಲೋಕ 7

ಹೇತುಃ ಸಮಸ್ತಜಗತಾಂ ತ್ರಿಗುಣಾಪಿ ದೋಷೈಃ

ನ ಜ್ಞಾಯಸೇ ಹರಿಹರಾದಿಭಿರವ್ಯಪಾರಾ ।

ಸರ್ವಾಶ್ರಯಾಖಿಲಮಿದಂ ಜಗದಂಶಭೂತಂ

ಅವ್ಯಾಕೃತಾ ಹಿ ಪರಮಾ ಪ್ರಕೃತಿಸ್ತ್ವಮಾದ್ಯಾ

॥6॥

ಶ್ಲೋಕ 8

ಯಸ್ಯಾಃ ಸಮಸ್ತಸುರತಾ ಸಮುದೀರಣೇನ

ತೃಪ್ತಿಂ ಪ್ರಯಾತಿ ಸಕಲೇಷು ಮಖೇಷು ದೇವಿ ।

ಸ್ವಾಹಾಸಿ ವೈ ಪಿತೃ ಗಣಸ್ಯ ಚ ತೃಪ್ತಿ ಹೇತು

ರುಚ್ಚಾರ್ಯಸೇ ತ್ವಮತ ಏವ ಜನೈಃ ಸ್ವಧಾಚ

॥6॥

ಶ್ಲೋಕ 9

ಯಾ ಮುಕ್ತಿಹೇತುರವಿಚಿನ್ತ್ಯ ಮಹಾವ್ರತಾ ತ್ವಂ

ಅಭ್ಯಸ್ಯಸೇ ಸುನಿಯತೇನ್ದ್ರಿಯತತ್ವಸಾರೈಃ ।

ಮೋಕ್ಷಾರ್ಥಿಭಿರ್ಮುನಿಭಿರಸ್ತಸಮಸ್ತದೋಷೈ

ರ್ವಿದ್ಯಾಽಸಿ ಸಾ ಭಗವತೀ ಪರಮಾ ಹಿ ದೇವಿ

॥8॥

ಶ್ಲೋಕ 10

ಶಬ್ದಾತ್ಮಿಕಾ ಸುವಿಮಲರ್ಗ್ಯಜುಷಾಂ ನಿಧಾನಂ

ಮುದ್ಗೀಥರಮ್ಯಪದಪಾಠವತಾಂ ಚ ಸಾಮ್ನಾಮ್ ।

ದೇವೀ ತ್ರಯೀ ಭಗವತೀ ಭವಭಾವನಾಯ

ವಾರ್ತಾಸಿ ಸರ್ವ ಜಗತಾಂ ಪರಮಾರ್ತಿಹನ್ತ್ರೀ

॥9॥

ಶ್ಲೋಕ 11

ಮೇಧಾಸಿ ದೇವಿ ವಿದಿತಾಖಿಲಶಾಸ್ತ್ರಸಾರಾ

ದುರ್ಗಾಽಸಿ ದುರ್ಗಭವಸಾಗರಸನೌರಸಙ್ಗಾ ।

ಶ್ರೀಃ ಕೈಟ ಭಾರಿಹೃದಯೈಕಕೃತಾಧಿವಾಸಾ

ಗೌರೀ ತ್ವಮೇವ ಶಶಿಮೌಲಿಕೃತ ಪ್ರತಿಷ್ಠಾ

॥10॥

ಶ್ಲೋಕ 12

ಈಷತ್ಸಹಾಸಮಮಲಂ ಪರಿಪೂರ್ಣ ಚನ್ದ್ರ

ಬಿಮ್ಬಾನುಕಾರಿ ಕನಕೋತ್ತಮಕಾನ್ತಿಕಾನ್ತಮ್ ।

ಅತ್ಯದ್ಭುತಂ ಪ್ರಹೃತಮಾತ್ತರುಷಾ ತಥಾಪಿ

ವಕ್ತ್ರಂ ವಿಲೋಕ್ಯ ಸಹಸಾ ಮಹಿಷಾಸುರೇಣ

॥11॥

ಶ್ಲೋಕ 13

ದೃಷ್ಟ್ವಾತು ದೇವಿ ಕುಪಿತಂ ಭ್ರುಕುಟೀಕರಾಲ

ಮುದ್ಯಚ್ಛಶಾಙ್ಕಸದೃಶಚ್ಛವಿ ಯನ್ನ ಸದ್ಯಃ ।

ಪ್ರಾಣಾನ್ ಮುಮೋಚ ಮಹಿಷಸ್ತದತೀವ ಚಿತ್ರಂ

ಕೈರ್ಜೀವ್ಯತೇ ಹಿ ಕುಪಿತಾನ್ತಕದರ್ಶನೇನ ।

॥12॥

ಶ್ಲೋಕ 14

ದೇವಿಪ್ರಸೀದ ಪರಮಾ ಭವತೀ ಭವಾಯ

ಸದ್ಯೋ ವಿನಾಶಯಸಿ ಕೋಪವತೀ ಕುಲಾನಿ ।

ವಿಜ್ಞಾತಮೇತದಧುನೈವ ಯದಸ್ತಮೇತತ್

ನ್ನೀತಂ ಬಲಂ ಸುವಿಪುಲಂ ಮಹಿಷಾಸುರಸ್ಯ

॥13॥

ಶ್ಲೋಕ 15

ತೇ ಸಮ್ಮತಾ ಜನಪದೇಷು ಧನಾನಿ ತೇಷಾಂ

ತೇಷಾಂ ಯಶಾಂಸಿ ನ ಚ ಸೀದತಿ ಧರ್ಮವರ್ಗಃ ।

ಧನ್ಯಾಸ್ತ​ಏವ ನಿಭೃತಾತ್ಮಜಭೃತ್ಯದಾರಾ

ಯೇಷಾಂ ಸದಾಭ್ಯುದಯದಾ ಭವತೀ ಪ್ರಸನ್ನಾ

॥14॥

ಶ್ಲೋಕ 16

ಧರ್ಮ್ಯಾಣಿ ದೇವಿ ಸಕಲಾನಿ ಸದೈವ ಕರ್ಮಾನಿ

ಣ್ಯತ್ಯಾದೃತಃ ಪ್ರತಿದಿನಂ ಸುಕೃತೀ ಕರೋತಿ ।

ಸ್ವರ್ಗಂ ಪ್ರಯಾತಿ ಚ ತತೋ ಭವತೀ ಪ್ರಸಾದಾ

ಲ್ಲೋಕತ್ರಯೇಽಪಿ ಫಲದಾ ನನು ದೇವಿ ತೇನ

॥15॥

ಶ್ಲೋಕ 17

ದುರ್ಗೇ ಸ್ಮೃತಾ ಹರಸಿ ಭೀತಿ ಮಶೇಶ ಜನ್ತೋಃ

ಸ್ವಸ್ಥೈಃ ಸ್ಮೃತಾ ಮತಿಮತೀವ ಶುಭಾಂ ದದಾಸಿ ।

ದಾರಿದ್ರ್ಯದುಃಖಭಯಹಾರಿಣಿ ಕಾ ತ್ವದನ್ಯಾ

ಸರ್ವೋಪಕಾರಕರಣಾಯ ಸದಾರ್ದ್ರಚಿತ್ತಾ

॥16॥

ಶ್ಲೋಕ 18

ಏಭಿರ್ಹತೈರ್ಜಗದುಪೈತಿ ಸುಖಂ ತಥೈತೇ

ಕುರ್ವನ್ತು ನಾಮ ನರಕಾಯ ಚಿರಾಯ ಪಾಪಮ್ ।

ಸಙ್ಗ್ರಾಮಮೃತ್ಯುಮಧಿಗಮ್ಯ ದಿವಮ್ಪ್ರಯಾನ್ತು

ಮತ್ವೇತಿ ನೂನಮಹಿತಾನ್ವಿನಿಹಂಸಿ ದೇವಿ

॥17॥

ಶ್ಲೋಕ 19

ದೃಷ್ಟ್ವೈವ ಕಿಂ ನ ಭವತೀ ಪ್ರಕರೋತಿ ಭಸ್ಮ

ಸರ್ವಾಸುರಾನರಿಷು ಯತ್ಪ್ರಹಿಣೋಷಿ ಶಸ್ತ್ರಮ್ ।

ಲೋಕಾನ್ಪ್ರಯಾನ್ತು ರಿಪವೋಽಪಿ ಹಿ ಶಸ್ತ್ರಪೂತಾ

ಇತ್ಥಂ ಮತಿರ್ಭವತಿ ತೇಷ್ವಹಿ ತೇಽಷುಸಾಧ್ವೀ

॥18॥

ಶ್ಲೋಕ 20

ಖಡ್ಗ ಪ್ರಭಾನಿಕರವಿಸ್ಫುರಣೈಸ್ತಧೋಗ್ರೈಃ

ಶೂಲಾಗ್ರಕಾನ್ತಿನಿವಹೇನ ದೃಶೋಽಸುರಾಣಾಮ್ ।

ಯನ್ನಾಗತಾ ವಿಲಯಮಂಶುಮದಿನ್ದುಖಣ್ಡ

ಯೋಗ್ಯಾನನಂ ತವ ವಿಲೋಕ ಯತಾಂ ತದೇತತ್

॥19॥

ಶ್ಲೋಕ 21

ದುರ್ವೃತ್ತ ವೃತ್ತ ಶಮನಂ ತವ ದೇವಿ ಶೀಲಂ

ರೂಪಂ ತಥೈತದವಿಚಿನ್ತ್ಯಮತುಲ್ಯಮನ್ಯೈಃ ।

ವೀರ್ಯಂ ಚ ಹನ್ತೃ ಹೃತದೇವಪರಾಕ್ರಮಾಣಾಂ

ವೈರಿಷ್ವಪಿ ಪ್ರಕಟಿತೈವ ದಯಾ ತ್ವಯೇತ್ಥಮ್

॥20॥

ಶ್ಲೋಕ 22

ಕೇನೋಪಮಾ ಭವತು ತೇಽಸ್ಯ ಪರಾಕ್ರಮಸ್ಯ

ರೂಪಂ ಚ ಶತೃಭಯ ಕಾರ್ಯತಿಹಾರಿ ಕುತ್ರ ।

ಚಿತ್ತೇಕೃಪಾ ಸಮರನಿಷ್ಟುರತಾ ಚ ದೃಷ್ಟಾ

ತ್ವಯ್ಯೇವ ದೇವಿ ವರದೇ ಭುವನತ್ರಯೇಽಪಿ

॥21॥

ಶ್ಲೋಕ 23

ತ್ರೈಲೋಕ್ಯಮೇತದಖಿಲಂ ರಿಪುನಾಶನೇನ

ತ್ರಾತಂ ತ್ವಯಾ ಸಮರಮೂರ್ಧನಿ ತೇಽಪಿ ಹತ್ವಾ ।

ನೀತಾ ದಿವಂ ರಿಪುಗಣಾ ಭಯಮಪ್ಯಪಾಸ್ತಂ

ಅಸ್ಮಾಕಮುನ್ಮದಸುರಾರಿಭವಂ ನಮಸ್ತೇ

॥22॥

ಶ್ಲೋಕ 24

ಶೂಲೇನ ಪಾಹಿ ನೋ ದೇವಿ ಪಾಹಿ ಖಡ್ಗೇನ ಚಾಮ್ಭಿಕೇ ।

ಘಣ್ಟಾಸ್ವನೇನ ನಃ ಪಾಹಿ ಚಾಪಜ್ಯಾನಿಸ್ವನೇನ ಚ

॥23॥

ಶ್ಲೋಕ 25

ಪ್ರಾಚ್ಯಾಂ ರಕ್ಷ ಪ್ರತೀಚ್ಯಾಂ ಚ ಚಣ್ಡಿಕೇ ರಕ್ಷ ದಕ್ಷಿಣೇ ।

ಭ್ರಾಮಣೇನಾತ್ಮಶೂಲಸ್ಯ ಉತ್ತರಸ್ಯಾಂ ತಥೇಶ್ವರೀ

॥24॥

ಶ್ಲೋಕ 26

ಸೌಮ್ಯಾನಿ ಯಾನಿ ರೂಪಾಣಿ ತ್ರೈಲೋಕ್ಯೇ ವಿಚರನ್ತಿತೇ ।

ಯಾನಿ ಚಾತ್ಯನ್ತ ಘೋರಾಣಿ ತೈರಕ್ಷಾಸ್ಮಾಂಸ್ತಥಾಭುವಮ್

॥25॥

ಶ್ಲೋಕ 27

ಖಡ್ಗಶೂಲಗದಾದೀನಿ ಯಾನಿ ಚಾಸ್ತ್ರಾಣಿ ತೇಽಮ್ಬಿಕೇ ।

ಕರಪಲ್ಲವಸಙ್ಗೀನಿ ತೈರಸ್ಮಾನ್ರಕ್ಷ ಸರ್ವತಃ

॥26॥

ಶ್ಲೋಕ 28

ಋಷಿರುವಾಚ

॥27॥

ಶ್ಲೋಕ 29

ಏವಂ ಸ್ತುತಾ ಸುರೈರ್ದಿವ್ಯೈಃ ಕುಸುಮೈರ್ನನ್ದನೋದ್ಭವೈಃ ।

ಅರ್ಚಿತಾ ಜಗತಾಂ ಧಾತ್ರೀ ತಥಾ ಗನ್ಧಾನು ಲೇಪನೈಃ

॥28॥

ಶ್ಲೋಕ 30

ಭಕ್ತ್ಯಾ ಸಮಸ್ತೈಸ್ರಿ ಶೈರ್ದಿವ್ಯೈರ್ಧೂಪೈಃ ಸುಧೂಪಿತಾ ।

ಪ್ರಾಹ ಪ್ರಸಾದಸುಮುಖೀ ಸಮಸ್ತಾನ್ ಪ್ರಣತಾನ್ ಸುರಾನ್।

॥29॥

ಶ್ಲೋಕ 31

ದೇವ್ಯುವಾಚ

॥30॥

ಶ್ಲೋಕ 32

ವ್ರಿಯತಾಂ ತ್ರಿದಶಾಃ ಸರ್ವೇ ಯದಸ್ಮತ್ತೋಽಭಿವಾಞ್ಛಿತಮ್

॥31॥

ಶ್ಲೋಕ 33

ದೇವಾ ಊಚು

॥32॥

ಶ್ಲೋಕ 34

ಭಗವತ್ಯಾ ಕೃತಂ ಸರ್ವಂ ನ ಕಿಞ್ಚಿದವಶಿಷ್ಯತೇ ।

ಯದಯಂ ನಿಹತಃ ಶತ್ರು ರಸ್ಮಾಕಂ ಮಹಿಷಾಸುರಃ

॥33॥

ಶ್ಲೋಕ 35

ಯದಿಚಾಪಿ ವರೋ ದೇಯ ಸ್ತ್ವಯಾಽಸ್ಮಾಕಂ ಮಹೇಶ್ವರಿ ।

ಸಂಸ್ಮೃತಾ ಸಂಸ್ಮೃತಾ ತ್ವಂ ನೋ ಹಿಂ ಸೇಥಾಃಪರಮಾಪದಃ

॥34॥

ಶ್ಲೋಕ 36

ಯಶ್ಚ ಮರ್ತ್ಯಃ ಸ್ತವೈರೇಭಿಸ್ತ್ವಾಂ ಸ್ತೋಷ್ಯತ್ಯಮಲಾನನೇ ।

ತಸ್ಯ ವಿತ್ತರ್ದ್ಧಿವಿಭವೈರ್ಧನದಾರಾದಿ ಸಮ್ಪದಾಮ್

॥35॥

ಶ್ಲೋಕ 37

ವೃದ್ದಯೇಽ ಸ್ಮತ್ಪ್ರಸನ್ನಾ ತ್ವಂ ಭವೇಥಾಃ ಸರ್ವದಾಮ್ಭಿಕೇ

॥36॥

ಶ್ಲೋಕ 38

ಋಷಿರುವಾಚ

॥37॥

ಶ್ಲೋಕ 39

ಇತಿ ಪ್ರಸಾದಿತಾ ದೇವೈರ್ಜಗತೋಽರ್ಥೇ ತಥಾತ್ಮನಃ ।

ತಥೇತ್ಯುಕ್ತ್ವಾ ಭದ್ರಕಾಲೀ ಬಭೂವಾನ್ತರ್ಹಿತಾ ನೃಪ

॥38॥

ಶ್ಲೋಕ 40

ಇತ್ಯೇತತ್ಕಥಿತಂ ಭೂಪ ಸಮ್ಭೂತಾ ಸಾ ಯಥಾಪುರಾ ।

ದೇವೀ ದೇವಶರೀರೇಭ್ಯೋ ಜಗತ್ಪ್ರಯಹಿತೈಷಿಣೀ

॥39॥

ಶ್ಲೋಕ 41

ಪುನಶ್ಚ ಗೌರೀ ದೇಹಾತ್ಸಾ ಸಮುದ್ಭೂತಾ ಯಥಾಭವತ್ ।

ವಧಾಯ ದುಷ್ಟ ದೈತ್ಯಾನಾಂ ತಥಾ ಶುಮ್ಭನಿಶುಮ್ಭಯೋಃ

॥40॥

ಶ್ಲೋಕ 42

ರಕ್ಷಣಾಯ ಚ ಲೋಕಾನಾಂ ದೇವಾನಾಮುಪಕಾರಿಣೀ ।

ತಚ್ಛೃ ಣುಷ್ವ ಮಯಾಖ್ಯಾತಂ ಯಥಾವತ್ಕಥಯಾಮಿತೇ

ಹ್ರೀಂ ಓಂ

॥41॥

ಶ್ಲೋಕ 43

॥ ಜಯ ಜಯ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇ ಮನ್ವನ್ತರೇ ದೇವಿ ಮಹತ್ಮ್ಯೇ ಶಕ್ರಾದಿಸ್ತುತಿರ್ನಾಮ ಚತುರ್ಧೋಽಧ್ಯಾಯಃ ಸಮಾಪ್ತಮ್ ॥

ಆಹುತಿ

ಹ್ರೀಂ ಜಯನ್ತೀ ಸಾಙ್ಗಾಯೈ ಸಾಯುಧಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಶ್ರೀ ಮಹಾಲಕ್ಷ್ಮ್ಯೈ ಲಕ್ಷ್ಮೀ ಬೀಜಾದಿಷ್ಟಾಯೈ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥