దేవీ మాహాత్మ్యం దుర్గా సప్తశతి తృతీయోఽధ్యాయః

దేవీ మాహాత్మ్యం దుర్గా సప్తశతి తృతీయోఽధ్యాయః

శ్లోక 1

మహిషాసురవధో నామ తృతీయోఽధ్యాయః ॥

ధ్యానం

ఓం ఉద్యద్భానుసహస్రకాన్తిం అరుణక్షౌమాం శిరోమాలికాం

రక్తాలిప్త పయోధరాం జపవటీం విద్యామభీతిం వరమ్ ।

హస్తాబ్జైర్ధధతీం త్రినేత్రవక్త్రారవిన్దశ్రియం

దేవీం బద్ధహిమాంశురత్నమకుటాం వన్దేఽరవిన్దస్థితామ్ ॥

ఋషిరువాచ

శ్లోక 2

నిహన్యమానం తత్సైన్యం అవలోక్య మహాసురః।

సేనానీశ్చిక్షురః కోపాద్ ధ్యయౌ యోద్ధుమథామ్బికామ్

॥1॥

శ్లోక 3

స దేవీం శరవర్షేణ వవర్ష సమరేఽసురః।

యథా మేరుగిరేఃశృఙ్గం తోయవర్షేణ తోయదః

॥2॥

శ్లోక 4

తస్య ఛిత్వా తతో దేవీ లీలయైవ శరోత్కరాన్।

జఘాన తురగాన్బాణైర్యన్తారం చైవ వాజినామ్

॥3॥

శ్లోక 5

చిచ్ఛేద చ ధనుఃసధ్యో ధ్వజం చాతిసముచ్ఛృతమ్।

వివ్యాధ చైవ గాత్రేషు చిన్నధన్వానమాశుగైః

॥4॥

శ్లోక 6

సచ్ఛిన్నధన్వా విరథో హతాశ్వో హతసారథిః।

అభ్యధావత తాం దేవీం ఖడ్గచర్మధరోఽసురః

॥5॥

శ్లోక 7

సింహమాహత్య ఖడ్గేన తీక్ష్ణధారేణ మూర్ధని।

ఆజఘాన భుజే సవ్యే దేవీం అవ్యతివేగవాన్

॥6॥

శ్లోక 8

తస్యాః ఖడ్గో భుజం ప్రాప్య పఫాల నృపనన్దన।

తతో జగ్రాహ శూలం స కోపాద్ అరుణలోచనః

॥6॥

శ్లోక 9

చిక్షేప చ తతస్తత్తు భద్రకాల్యాం మహాసురః।

జాజ్వల్యమానం తేజోభీ రవిబిమ్బమివామ్బరాత్

॥8॥

శ్లోక 10

దృష్ట్వా తదాపతచ్ఛూలం దేవీ శూలమముఞ్చత।

తచ్ఛూలంశతధా తేన నీతం శూలం స చ మహాసురః

॥9॥

శ్లోక 11

హతే తస్మిన్మహావీర్యే మహిషస్య చమూపతౌ।

ఆజగామ గజారూడః శ్చామరస్త్రిదశార్దనః

॥10॥

శ్లోక 12

సోఽపి శక్తిమ్ముమోచాథ దేవ్యాస్తాం అమ్బికా ద్రుతమ్।

హుఙ్కారాభిహతాం భూమౌ పాతయామాసనిష్ప్రభామ్

॥11॥

శ్లోక 13

భగ్నాం శక్తిం నిపతితాం దృష్ట్వా క్రోధసమన్వితః

చిక్షేప చామరః శూలం బాణైస్తదపి సాచ్ఛినత్

॥12॥

శ్లోక 14

తతః సింహఃసముత్పత్య గజకున్తరే మ్భాన్తరేస్థితః।

బాహుయుద్ధేన యుయుధే తేనోచ్చైస్త్రిదశారిణా

॥13॥

శ్లోక 15

యుధ్యమానఽఉ తతస్తఽఉ తు తస్మాన్నాగాన్మహీం గతఽఉ

యుయుధాతేఽతిసంరబ్ధౌ ప్రహారై అతిదారుణైః

॥14॥

శ్లోక 16

తతో వేగాత్ ఖముత్పత్య నిపత్య చ మృగారిణా।

కరప్రహారేణ శిరశ్చామరస్య పృథక్ కృతమ్

॥15॥

శ్లోక 17

ఉదగ్రశ్చ రణే దేవ్యా శిలావృక్షాదిభిర్హతః।

దన్త ముష్టితలైశ్చైవ కరాలశ్చ నిపాతితః

॥16॥

శ్లోక 18

దేవీ కృద్ధా గదాపాతైః శ్చూర్ణయామాస చోద్ధతమ్।

భాష్కలం భిన్దిపాలేన బాణైస్తామ్రం తథాన్ధకమ్

॥17॥

శ్లోక 19

ఉగ్రాస్యముగ్రవీర్యం చ తథైవ చ మహాహనుమ్

త్రినేత్రా చ త్రిశూలేన జఘాన పరమేశ్వరీ

॥18॥

శ్లోక 20

బిడాలస్యాసినా కాయాత్ పాతయామాస వై శిరః।

దుర్ధరం దుర్ముఖం చోభౌ శరైర్నిన్యే యమక్షయమ్

॥19॥

శ్లోక 21

ఏవం సఙ్క్షీయమాణే తు స్వసైన్యే మహిషాసురః।

మాహిషేణ స్వరూపేణ త్రాసయామాసతాన్ గణాన్

॥20॥

శ్లోక 22

కాంశ్చిత్తుణ్డప్రహారేణ ఖురక్షేపైస్తథాపరాన్।

లాఙ్గూలతాడితాంశ్చాన్యాన్ శృఙ్గాభ్యాం చ విదారితా

॥21॥

శ్లోక 23

వేగేన కాంశ్చిదపరాన్నాదేన భ్రమణేన చ।

నిః శ్వాసపవనేనాన్యాన్ పాతయామాస భూతలే

॥22॥

శ్లోక 24

నిపాత్య ప్రమథానీకమభ్యధావత సోఽసురః

సింహం హన్తుం మహాదేవ్యాః కోపం చక్రే తతోఽమ్భికా

॥23॥

శ్లోక 25

సోఽపి కోపాన్మహావీర్యః ఖురక్షుణ్ణమహీతలః।

శృఙ్గాభ్యాం పర్వతానుచ్చాంశ్చిక్షేప చ ననాద చ

॥24॥

శ్లోక 26

వేగ భ్రమణ విక్షుణ్ణా మహీ తస్య వ్యశీర్యత।

లాఙ్గూలేనాహతశ్చాబ్ధిః ప్లావయామాస సర్వతః

॥25॥

శ్లోక 27

ధుతశృఙ్గ్విభిన్నాశ్చ ఖణ్డం ఖణ్డం యయుర్ఘనాః।

శ్వాసానిలాస్తాః శతశో నిపేతుర్నభసోఽచలాః

॥26॥

శ్లోక 28

ఇతిక్రోధసమాధ్మాతమాపతన్తం మహాసురమ్।

దృష్ట్వా సా చణ్డికా కోపం తద్వధాయ తదాఽకరోత్

॥27॥

శ్లోక 29

సా క్షిత్ప్వా తస్య వైపాశం తం బబన్ధ మహాసురమ్।

తత్యాజమాహిషం రూపం సోఽపి బద్ధో మహామృధే

॥28॥

శ్లోక 30

తతః సింహోఽభవత్సధ్యో యావత్తస్యామ్బికా శిరః।

ఛినత్తి తావత్ పురుషః ఖడ్గపాణి రదృశ్యత

॥29॥

శ్లోక 31

తత ఏవాశు పురుషం దేవీ చిచ్ఛేద సాయకైః।

తం ఖడ్గచర్మణా సార్ధం తతః సోఽ భూన్మహా గజః

॥30॥

శ్లోక 32

కరేణ చ మహాసింహం తం చకర్ష జగర్జచ ।

కర్షతస్తు కరం దేవీ ఖడ్గేన నిరకృన్తత

॥31॥

శ్లోక 33

తతో మహాసురో భూయో మాహిషం వపురాస్థితః।

తథైవ క్షోభయామాస త్రైలోక్యం సచరాచరమ్

॥32॥

శ్లోక 34

తతః క్రుద్ధా జగన్మాతా చణ్డికా పాన ముత్తమమ్।

పపౌ పునః పునశ్చైవ జహాసారుణలోచనా

॥33॥

శ్లోక 35

ననర్ద చాసురః సోఽపి బలవీర్యమదోద్ధతః।

విషాణాభ్యాం చ చిక్షేప చణ్డికాం ప్రతిభూధరాన్

॥34॥

శ్లోక 36

సా చ తా న్ప్రహితాం స్తేన చూర్ణయన్తీ శరోత్కరైః।

ఉవాచ తం మదోద్ధూతముఖరాగాకులాక్షరమ్

॥35॥

శ్లోక 37

దేవ్యు​ఉవాచ॥

గర్జ గర్జ క్షణం మూఢ మధు యావత్పిబామ్యహమ్।

మయాత్వయి హతేఽత్రైవ గర్జిష్యన్త్యాశు దేవతాః

॥36॥

శ్లోక 38

ఋషిరువాచ॥

ఏవముక్త్వా సముత్పత్య సారూఢా తం మహాసురమ్।

పాదేనా క్రమ్య కణ్ఠే చ శూలేనైన మతాడయత్

॥37॥

శ్లోక 39

తతః సోఽపి పదాక్రాన్తస్తయా నిజముఖాత్తతః।

అర్ధ నిష్క్రాన్త ఏవాసీద్దేవ్యా వీర్యేణ సంవృతః

॥38॥

శ్లోక 40

అర్ధ నిష్క్రాన్త ఏవాసౌ యుధ్యమానో మహాసురః ।

తయా మహాసినా దేవ్యా శిరశ్ఛిత్త్వా నిపాతితః

॥40॥

శ్లోక 41

తతో హాహాకృతం సర్వం దైత్యసైన్యం ననాశ తత్।

ప్రహర్షం చ పరం జగ్ముః సకలా దేవతాగణాః

॥41॥

శ్లోక 42

తుష్టు వుస్తాం సురా దేవీం సహదివ్యైర్మహర్షిభిః।

జగుర్గున్ధర్వపతయో ననృతుశ్చాప్సరోగణాః

॥42॥

శ్లోక 43

॥ ఇతి శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే మహిషాసురవధో నామ తృతీయోఽధ్యాయం సమాప్తమ్ ॥

ఆహుతి

హ్రీం జయన్తీ సాఙ్గాయై సాయుధాయై సశక్తికాయై సపరివారాయై సవాహనాయై శ్రీ మహాలక్ష్మ్యై లక్ష్మీ బీజాదిష్టాయై మహాహుతిం సమర్పయామి నమః స్వాహా ॥