ദേവീ മാഹാത്മ്യം ദുര്ഗാ സപ്തശതി തൃതീയോഽധ്യായഃ

ദേവീ മാഹാത്മ്യം ദുര്ഗാ സപ്തശതി തൃതീയോഽധ്യായഃ

ശ്ലോക 1

മഹിഷാസുരവധോ നാമ തൃതീയോഽധ്യായഃ ॥

ധ്യാനം

ഓം ഉദ്യദ്ഭാനുസഹസ്രകാന്തിം അരുണക്ഷൌമാം ശിരോമാലികാം

രക്താലിപ്ത പയോധരാം ജപവടീം വിദ്യാമഭീതിം വരമ് ।

ഹസ്താബ്ജൈര്ധധതീം ത്രിനേത്രവക്ത്രാരവിന്ദശ്രിയം

ദേവീം ബദ്ധഹിമാംശുരത്നമകുടാം വന്ദേഽരവിന്ദസ്ഥിതാമ് ॥

ഋഷിരുവാച

ശ്ലോക 2

നിഹന്യമാനം തത്സൈന്യം അവലോക്യ മഹാസുരഃ।

സേനാനീശ്ചിക്ഷുരഃ കോപാദ് ധ്യയൌ യോദ്ധുമഥാമ്ബികാമ്

॥1॥

ശ്ലോക 3

സ ദേവീം ശരവര്ഷേണ വവര്ഷ സമരേഽസുരഃ।

യഥാ മേരുഗിരേഃശൃങ്ഗം തോയവര്ഷേണ തോയദഃ

॥2॥

ശ്ലോക 4

തസ്യ ഛിത്വാ തതോ ദേവീ ലീലയൈവ ശരോത്കരാന്।

ജഘാന തുരഗാന്ബാണൈര്യന്താരം ചൈവ വാജിനാമ്

॥3॥

ശ്ലോക 5

ചിച്ഛേദ ച ധനുഃസധ്യോ ധ്വജം ചാതിസമുച്ഛൃതമ്।

വിവ്യാധ ചൈവ ഗാത്രേഷു ചിന്നധന്വാനമാശുഗൈഃ

॥4॥

ശ്ലോക 6

സച്ഛിന്നധന്വാ വിരഥോ ഹതാശ്വോ ഹതസാരഥിഃ।

അഭ്യധാവത താം ദേവീം ഖഡ്ഗചര്മധരോഽസുരഃ

॥5॥

ശ്ലോക 7

സിംഹമാഹത്യ ഖഡ്ഗേന തീക്ഷ്ണധാരേണ മൂര്ധനി।

ആജഘാന ഭുജേ സവ്യേ ദേവീം അവ്യതിവേഗവാന്

॥6॥

ശ്ലോക 8

തസ്യാഃ ഖഡ്ഗോ ഭുജം പ്രാപ്യ പഫാല നൃപനന്ദന।

തതോ ജഗ്രാഹ ശൂലം സ കോപാദ് അരുണലോചനഃ

॥6॥

ശ്ലോക 9

ചിക്ഷേപ ച തതസ്തത്തു ഭദ്രകാല്യാം മഹാസുരഃ।

ജാജ്വല്യമാനം തേജോഭീ രവിബിമ്ബമിവാമ്ബരാത്

॥8॥

ശ്ലോക 10

ദൃഷ്ട്വാ തദാപതച്ഛൂലം ദേവീ ശൂലമമുഞ്ചത।

തച്ഛൂലംശതധാ തേന നീതം ശൂലം സ ച മഹാസുരഃ

॥9॥

ശ്ലോക 11

ഹതേ തസ്മിന്മഹാവീര്യേ മഹിഷസ്യ ചമൂപതൌ।

ആജഗാമ ഗജാരൂഡഃ ശ്ചാമരസ്ത്രിദശാര്ദനഃ

॥10॥

ശ്ലോക 12

സോഽപി ശക്തിമ്മുമോചാഥ ദേവ്യാസ്താം അമ്ബികാ ദ്രുതമ്।

ഹുങ്കാരാഭിഹതാം ഭൂമൌ പാതയാമാസനിഷ്പ്രഭാമ്

॥11॥

ശ്ലോക 13

ഭഗ്നാം ശക്തിം നിപതിതാം ദൃഷ്ട്വാ ക്രോധസമന്വിതഃ

ചിക്ഷേപ ചാമരഃ ശൂലം ബാണൈസ്തദപി സാച്ഛിനത്

॥12॥

ശ്ലോക 14

തതഃ സിംഹഃസമുത്പത്യ ഗജകുന്തരേ മ്ഭാന്തരേസ്ഥിതഃ।

ബാഹുയുദ്ധേന യുയുധേ തേനോച്ചൈസ്ത്രിദശാരിണാ

॥13॥

ശ്ലോക 15

യുധ്യമാനഽഉ തതസ്തഽഉ തു തസ്മാന്നാഗാന്മഹീം ഗതഽഉ

യുയുധാതേഽതിസംരബ്ധൌ പ്രഹാരൈ അതിദാരുണൈഃ

॥14॥

ശ്ലോക 16

തതോ വേഗാത് ഖമുത്പത്യ നിപത്യ ച മൃഗാരിണാ।

കരപ്രഹാരേണ ശിരശ്ചാമരസ്യ പൃഥക് കൃതമ്

॥15॥

ശ്ലോക 17

ഉദഗ്രശ്ച രണേ ദേവ്യാ ശിലാവൃക്ഷാദിഭിര്ഹതഃ।

ദന്ത മുഷ്ടിതലൈശ്ചൈവ കരാലശ്ച നിപാതിതഃ

॥16॥

ശ്ലോക 18

ദേവീ കൃദ്ധാ ഗദാപാതൈഃ ശ്ചൂര്ണയാമാസ ചോദ്ധതമ്।

ഭാഷ്കലം ഭിന്ദിപാലേന ബാണൈസ്താമ്രം തഥാന്ധകമ്

॥17॥

ശ്ലോക 19

ഉഗ്രാസ്യമുഗ്രവീര്യം ച തഥൈവ ച മഹാഹനുമ്

ത്രിനേത്രാ ച ത്രിശൂലേന ജഘാന പരമേശ്വരീ

॥18॥

ശ്ലോക 20

ബിഡാലസ്യാസിനാ കായാത് പാതയാമാസ വൈ ശിരഃ।

ദുര്ധരം ദുര്മുഖം ചോഭൌ ശരൈര്നിന്യേ യമക്ഷയമ്

॥19॥

ശ്ലോക 21

ഏവം സങ്ക്ഷീയമാണേ തു സ്വസൈന്യേ മഹിഷാസുരഃ।

മാഹിഷേണ സ്വരൂപേണ ത്രാസയാമാസതാന് ഗണാന്

॥20॥

ശ്ലോക 22

കാംശ്ചിത്തുണ്ഡപ്രഹാരേണ ഖുരക്ഷേപൈസ്തഥാപരാന്।

ലാങ്ഗൂലതാഡിതാംശ്ചാന്യാന് ശൃങ്ഗാഭ്യാം ച വിദാരിതാ

॥21॥

ശ്ലോക 23

വേഗേന കാംശ്ചിദപരാന്നാദേന ഭ്രമണേന ച।

നിഃ ശ്വാസപവനേനാന്യാന് പാതയാമാസ ഭൂതലേ

॥22॥

ശ്ലോക 24

നിപാത്യ പ്രമഥാനീകമഭ്യധാവത സോഽസുരഃ

സിംഹം ഹന്തും മഹാദേവ്യാഃ കോപം ചക്രേ തതോഽമ്ഭികാ

॥23॥

ശ്ലോക 25

സോഽപി കോപാന്മഹാവീര്യഃ ഖുരക്ഷുണ്ണമഹീതലഃ।

ശൃങ്ഗാഭ്യാം പര്വതാനുച്ചാംശ്ചിക്ഷേപ ച നനാദ ച

॥24॥

ശ്ലോക 26

വേഗ ഭ്രമണ വിക്ഷുണ്ണാ മഹീ തസ്യ വ്യശീര്യത।

ലാങ്ഗൂലേനാഹതശ്ചാബ്ധിഃ പ്ലാവയാമാസ സര്വതഃ

॥25॥

ശ്ലോക 27

ധുതശൃങ്ഗ്വിഭിന്നാശ്ച ഖണ്ഡം ഖണ്ഡം യയുര്ഘനാഃ।

ശ്വാസാനിലാസ്താഃ ശതശോ നിപേതുര്നഭസോഽചലാഃ

॥26॥

ശ്ലോക 28

ഇതിക്രോധസമാധ്മാതമാപതന്തം മഹാസുരമ്।

ദൃഷ്ട്വാ സാ ചണ്ഡികാ കോപം തദ്വധായ തദാഽകരോത്

॥27॥

ശ്ലോക 29

സാ ക്ഷിത്പ്വാ തസ്യ വൈപാശം തം ബബന്ധ മഹാസുരമ്।

തത്യാജമാഹിഷം രൂപം സോഽപി ബദ്ധോ മഹാമൃധേ

॥28॥

ശ്ലോക 30

തതഃ സിംഹോഽഭവത്സധ്യോ യാവത്തസ്യാമ്ബികാ ശിരഃ।

ഛിനത്തി താവത് പുരുഷഃ ഖഡ്ഗപാണി രദൃശ്യത

॥29॥

ശ്ലോക 31

തത ഏവാശു പുരുഷം ദേവീ ചിച്ഛേദ സായകൈഃ।

തം ഖഡ്ഗചര്മണാ സാര്ധം തതഃ സോഽ ഭൂന്മഹാ ഗജഃ

॥30॥

ശ്ലോക 32

കരേണ ച മഹാസിംഹം തം ചകര്ഷ ജഗര്ജച ।

കര്ഷതസ്തു കരം ദേവീ ഖഡ്ഗേന നിരകൃന്തത

॥31॥

ശ്ലോക 33

തതോ മഹാസുരോ ഭൂയോ മാഹിഷം വപുരാസ്ഥിതഃ।

തഥൈവ ക്ഷോഭയാമാസ ത്രൈലോക്യം സചരാചരമ്

॥32॥

ശ്ലോക 34

തതഃ ക്രുദ്ധാ ജഗന്മാതാ ചണ്ഡികാ പാന മുത്തമമ്।

പപൌ പുനഃ പുനശ്ചൈവ ജഹാസാരുണലോചനാ

॥33॥

ശ്ലോക 35

നനര്ദ ചാസുരഃ സോഽപി ബലവീര്യമദോദ്ധതഃ।

വിഷാണാഭ്യാം ച ചിക്ഷേപ ചണ്ഡികാം പ്രതിഭൂധരാന്

॥34॥

ശ്ലോക 36

സാ ച താ ന്പ്രഹിതാം സ്തേന ചൂര്ണയന്തീ ശരോത്കരൈഃ।

ഉവാച തം മദോദ്ധൂതമുഖരാഗാകുലാക്ഷരമ്

॥35॥

ശ്ലോക 37

ദേവ്യു​ഉവാച॥

ഗര്ജ ഗര്ജ ക്ഷണം മൂഢ മധു യാവത്പിബാമ്യഹമ്।

മയാത്വയി ഹതേഽത്രൈവ ഗര്ജിഷ്യന്ത്യാശു ദേവതാഃ

॥36॥

ശ്ലോക 38

ഋഷിരുവാച॥

ഏവമുക്ത്വാ സമുത്പത്യ സാരൂഢാ തം മഹാസുരമ്।

പാദേനാ ക്രമ്യ കണ്ഠേ ച ശൂലേനൈന മതാഡയത്

॥37॥

ശ്ലോക 39

തതഃ സോഽപി പദാക്രാന്തസ്തയാ നിജമുഖാത്തതഃ।

അര്ധ നിഷ്ക്രാന്ത ഏവാസീദ്ദേവ്യാ വീര്യേണ സംവൃതഃ

॥38॥

ശ്ലോക 40

അര്ധ നിഷ്ക്രാന്ത ഏവാസൌ യുധ്യമാനോ മഹാസുരഃ ।

തയാ മഹാസിനാ ദേവ്യാ ശിരശ്ഛിത്ത്വാ നിപാതിതഃ

॥40॥

ശ്ലോക 41

തതോ ഹാഹാകൃതം സര്വം ദൈത്യസൈന്യം നനാശ തത്।

പ്രഹര്ഷം ച പരം ജഗ്മുഃ സകലാ ദേവതാഗണാഃ

॥41॥

ശ്ലോക 42

തുഷ്ടു വുസ്താം സുരാ ദേവീം സഹദിവ്യൈര്മഹര്ഷിഭിഃ।

ജഗുര്ഗുന്ധര്വപതയോ നനൃതുശ്ചാപ്സരോഗണാഃ

॥42॥

ശ്ലോക 43

॥ ഇതി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ മഹിഷാസുരവധോ നാമ തൃതീയോഽധ്യായം സമാപ്തമ് ॥

ആഹുതി

ഹ്രീം ജയന്തീ സാങ്ഗായൈ സായുധായൈ സശക്തികായൈ സപരിവാരായൈ സവാഹനായൈ ശ്രീ മഹാലക്ഷ്മ്യൈ ലക്ഷ്മീ ബീജാദിഷ്ടായൈ മഹാഹുതിം സമര്പയാമി നമഃ സ്വാഹാ ॥