ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ತೃತೀಯೋಽಧ್ಯಾಯಃ

ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ತೃತೀಯೋಽಧ್ಯಾಯಃ

ಶ್ಲೋಕ 1

ಮಹಿಷಾಸುರವಧೋ ನಾಮ ತೃತೀಯೋಽಧ್ಯಾಯಃ ॥

ಧ್ಯಾನಂ

ಓಂ ಉದ್ಯದ್ಭಾನುಸಹಸ್ರಕಾನ್ತಿಂ ಅರುಣಕ್ಷೌಮಾಂ ಶಿರೋಮಾಲಿಕಾಂ

ರಕ್ತಾಲಿಪ್ತ ಪಯೋಧರಾಂ ಜಪವಟೀಂ ವಿದ್ಯಾಮಭೀತಿಂ ವರಮ್ ।

ಹಸ್ತಾಬ್ಜೈರ್ಧಧತೀಂ ತ್ರಿನೇತ್ರವಕ್ತ್ರಾರವಿನ್ದಶ್ರಿಯಂ

ದೇವೀಂ ಬದ್ಧಹಿಮಾಂಶುರತ್ನಮಕುಟಾಂ ವನ್ದೇಽರವಿನ್ದಸ್ಥಿತಾಮ್ ॥

ಋಷಿರುವಾಚ

ಶ್ಲೋಕ 2

ನಿಹನ್ಯಮಾನಂ ತತ್ಸೈನ್ಯಂ ಅವಲೋಕ್ಯ ಮಹಾಸುರಃ।

ಸೇನಾನೀಶ್ಚಿಕ್ಷುರಃ ಕೋಪಾದ್ ಧ್ಯಯೌ ಯೋದ್ಧುಮಥಾಮ್ಬಿಕಾಮ್

॥1॥

ಶ್ಲೋಕ 3

ಸ ದೇವೀಂ ಶರವರ್ಷೇಣ ವವರ್ಷ ಸಮರೇಽಸುರಃ।

ಯಥಾ ಮೇರುಗಿರೇಃಶೃಙ್ಗಂ ತೋಯವರ್ಷೇಣ ತೋಯದಃ

॥2॥

ಶ್ಲೋಕ 4

ತಸ್ಯ ಛಿತ್ವಾ ತತೋ ದೇವೀ ಲೀಲಯೈವ ಶರೋತ್ಕರಾನ್।

ಜಘಾನ ತುರಗಾನ್ಬಾಣೈರ್ಯನ್ತಾರಂ ಚೈವ ವಾಜಿನಾಮ್

॥3॥

ಶ್ಲೋಕ 5

ಚಿಚ್ಛೇದ ಚ ಧನುಃಸಧ್ಯೋ ಧ್ವಜಂ ಚಾತಿಸಮುಚ್ಛೃತಮ್।

ವಿವ್ಯಾಧ ಚೈವ ಗಾತ್ರೇಷು ಚಿನ್ನಧನ್ವಾನಮಾಶುಗೈಃ

॥4॥

ಶ್ಲೋಕ 6

ಸಚ್ಛಿನ್ನಧನ್ವಾ ವಿರಥೋ ಹತಾಶ್ವೋ ಹತಸಾರಥಿಃ।

ಅಭ್ಯಧಾವತ ತಾಂ ದೇವೀಂ ಖಡ್ಗಚರ್ಮಧರೋಽಸುರಃ

॥5॥

ಶ್ಲೋಕ 7

ಸಿಂಹಮಾಹತ್ಯ ಖಡ್ಗೇನ ತೀಕ್ಷ್ಣಧಾರೇಣ ಮೂರ್ಧನಿ।

ಆಜಘಾನ ಭುಜೇ ಸವ್ಯೇ ದೇವೀಂ ಅವ್ಯತಿವೇಗವಾನ್

॥6॥

ಶ್ಲೋಕ 8

ತಸ್ಯಾಃ ಖಡ್ಗೋ ಭುಜಂ ಪ್ರಾಪ್ಯ ಪಫಾಲ ನೃಪನನ್ದನ।

ತತೋ ಜಗ್ರಾಹ ಶೂಲಂ ಸ ಕೋಪಾದ್ ಅರುಣಲೋಚನಃ

॥6॥

ಶ್ಲೋಕ 9

ಚಿಕ್ಷೇಪ ಚ ತತಸ್ತತ್ತು ಭದ್ರಕಾಲ್ಯಾಂ ಮಹಾಸುರಃ।

ಜಾಜ್ವಲ್ಯಮಾನಂ ತೇಜೋಭೀ ರವಿಬಿಮ್ಬಮಿವಾಮ್ಬರಾತ್

॥8॥

ಶ್ಲೋಕ 10

ದೃಷ್ಟ್ವಾ ತದಾಪತಚ್ಛೂಲಂ ದೇವೀ ಶೂಲಮಮುಞ್ಚತ।

ತಚ್ಛೂಲಂಶತಧಾ ತೇನ ನೀತಂ ಶೂಲಂ ಸ ಚ ಮಹಾಸುರಃ

॥9॥

ಶ್ಲೋಕ 11

ಹತೇ ತಸ್ಮಿನ್ಮಹಾವೀರ್ಯೇ ಮಹಿಷಸ್ಯ ಚಮೂಪತೌ।

ಆಜಗಾಮ ಗಜಾರೂಡಃ ಶ್ಚಾಮರಸ್ತ್ರಿದಶಾರ್ದನಃ

॥10॥

ಶ್ಲೋಕ 12

ಸೋಽಪಿ ಶಕ್ತಿಮ್ಮುಮೋಚಾಥ ದೇವ್ಯಾಸ್ತಾಂ ಅಮ್ಬಿಕಾ ದ್ರುತಮ್।

ಹುಙ್ಕಾರಾಭಿಹತಾಂ ಭೂಮೌ ಪಾತಯಾಮಾಸನಿಷ್ಪ್ರಭಾಮ್

॥11॥

ಶ್ಲೋಕ 13

ಭಗ್ನಾಂ ಶಕ್ತಿಂ ನಿಪತಿತಾಂ ದೃಷ್ಟ್ವಾ ಕ್ರೋಧಸಮನ್ವಿತಃ

ಚಿಕ್ಷೇಪ ಚಾಮರಃ ಶೂಲಂ ಬಾಣೈಸ್ತದಪಿ ಸಾಚ್ಛಿನತ್

॥12॥

ಶ್ಲೋಕ 14

ತತಃ ಸಿಂಹಃಸಮುತ್ಪತ್ಯ ಗಜಕುನ್ತರೇ ಮ್ಭಾನ್ತರೇಸ್ಥಿತಃ।

ಬಾಹುಯುದ್ಧೇನ ಯುಯುಧೇ ತೇನೋಚ್ಚೈಸ್ತ್ರಿದಶಾರಿಣಾ

॥13॥

ಶ್ಲೋಕ 15

ಯುಧ್ಯಮಾನಽಉ ತತಸ್ತಽಉ ತು ತಸ್ಮಾನ್ನಾಗಾನ್ಮಹೀಂ ಗತಽಉ

ಯುಯುಧಾತೇಽತಿಸಂರಬ್ಧೌ ಪ್ರಹಾರೈ ಅತಿದಾರುಣೈಃ

॥14॥

ಶ್ಲೋಕ 16

ತತೋ ವೇಗಾತ್ ಖಮುತ್ಪತ್ಯ ನಿಪತ್ಯ ಚ ಮೃಗಾರಿಣಾ।

ಕರಪ್ರಹಾರೇಣ ಶಿರಶ್ಚಾಮರಸ್ಯ ಪೃಥಕ್ ಕೃತಮ್

॥15॥

ಶ್ಲೋಕ 17

ಉದಗ್ರಶ್ಚ ರಣೇ ದೇವ್ಯಾ ಶಿಲಾವೃಕ್ಷಾದಿಭಿರ್ಹತಃ।

ದನ್ತ ಮುಷ್ಟಿತಲೈಶ್ಚೈವ ಕರಾಲಶ್ಚ ನಿಪಾತಿತಃ

॥16॥

ಶ್ಲೋಕ 18

ದೇವೀ ಕೃದ್ಧಾ ಗದಾಪಾತೈಃ ಶ್ಚೂರ್ಣಯಾಮಾಸ ಚೋದ್ಧತಮ್।

ಭಾಷ್ಕಲಂ ಭಿನ್ದಿಪಾಲೇನ ಬಾಣೈಸ್ತಾಮ್ರಂ ತಥಾನ್ಧಕಮ್

॥17॥

ಶ್ಲೋಕ 19

ಉಗ್ರಾಸ್ಯಮುಗ್ರವೀರ್ಯಂ ಚ ತಥೈವ ಚ ಮಹಾಹನುಮ್

ತ್ರಿನೇತ್ರಾ ಚ ತ್ರಿಶೂಲೇನ ಜಘಾನ ಪರಮೇಶ್ವರೀ

॥18॥

ಶ್ಲೋಕ 20

ಬಿಡಾಲಸ್ಯಾಸಿನಾ ಕಾಯಾತ್ ಪಾತಯಾಮಾಸ ವೈ ಶಿರಃ।

ದುರ್ಧರಂ ದುರ್ಮುಖಂ ಚೋಭೌ ಶರೈರ್ನಿನ್ಯೇ ಯಮಕ್ಷಯಮ್

॥19॥

ಶ್ಲೋಕ 21

ಏವಂ ಸಙ್ಕ್ಷೀಯಮಾಣೇ ತು ಸ್ವಸೈನ್ಯೇ ಮಹಿಷಾಸುರಃ।

ಮಾಹಿಷೇಣ ಸ್ವರೂಪೇಣ ತ್ರಾಸಯಾಮಾಸತಾನ್ ಗಣಾನ್

॥20॥

ಶ್ಲೋಕ 22

ಕಾಂಶ್ಚಿತ್ತುಣ್ಡಪ್ರಹಾರೇಣ ಖುರಕ್ಷೇಪೈಸ್ತಥಾಪರಾನ್।

ಲಾಙ್ಗೂಲತಾಡಿತಾಂಶ್ಚಾನ್ಯಾನ್ ಶೃಙ್ಗಾಭ್ಯಾಂ ಚ ವಿದಾರಿತಾ

॥21॥

ಶ್ಲೋಕ 23

ವೇಗೇನ ಕಾಂಶ್ಚಿದಪರಾನ್ನಾದೇನ ಭ್ರಮಣೇನ ಚ।

ನಿಃ ಶ್ವಾಸಪವನೇನಾನ್ಯಾನ್ ಪಾತಯಾಮಾಸ ಭೂತಲೇ

॥22॥

ಶ್ಲೋಕ 24

ನಿಪಾತ್ಯ ಪ್ರಮಥಾನೀಕಮಭ್ಯಧಾವತ ಸೋಽಸುರಃ

ಸಿಂಹಂ ಹನ್ತುಂ ಮಹಾದೇವ್ಯಾಃ ಕೋಪಂ ಚಕ್ರೇ ತತೋಽಮ್ಭಿಕಾ

॥23॥

ಶ್ಲೋಕ 25

ಸೋಽಪಿ ಕೋಪಾನ್ಮಹಾವೀರ್ಯಃ ಖುರಕ್ಷುಣ್ಣಮಹೀತಲಃ।

ಶೃಙ್ಗಾಭ್ಯಾಂ ಪರ್ವತಾನುಚ್ಚಾಂಶ್ಚಿಕ್ಷೇಪ ಚ ನನಾದ ಚ

॥24॥

ಶ್ಲೋಕ 26

ವೇಗ ಭ್ರಮಣ ವಿಕ್ಷುಣ್ಣಾ ಮಹೀ ತಸ್ಯ ವ್ಯಶೀರ್ಯತ।

ಲಾಙ್ಗೂಲೇನಾಹತಶ್ಚಾಬ್ಧಿಃ ಪ್ಲಾವಯಾಮಾಸ ಸರ್ವತಃ

॥25॥

ಶ್ಲೋಕ 27

ಧುತಶೃಙ್ಗ್ವಿಭಿನ್ನಾಶ್ಚ ಖಣ್ಡಂ ಖಣ್ಡಂ ಯಯುರ್ಘನಾಃ।

ಶ್ವಾಸಾನಿಲಾಸ್ತಾಃ ಶತಶೋ ನಿಪೇತುರ್ನಭಸೋಽಚಲಾಃ

॥26॥

ಶ್ಲೋಕ 28

ಇತಿಕ್ರೋಧಸಮಾಧ್ಮಾತಮಾಪತನ್ತಂ ಮಹಾಸುರಮ್।

ದೃಷ್ಟ್ವಾ ಸಾ ಚಣ್ಡಿಕಾ ಕೋಪಂ ತದ್ವಧಾಯ ತದಾಽಕರೋತ್

॥27॥

ಶ್ಲೋಕ 29

ಸಾ ಕ್ಷಿತ್ಪ್ವಾ ತಸ್ಯ ವೈಪಾಶಂ ತಂ ಬಬನ್ಧ ಮಹಾಸುರಮ್।

ತತ್ಯಾಜಮಾಹಿಷಂ ರೂಪಂ ಸೋಽಪಿ ಬದ್ಧೋ ಮಹಾಮೃಧೇ

॥28॥

ಶ್ಲೋಕ 30

ತತಃ ಸಿಂಹೋಽಭವತ್ಸಧ್ಯೋ ಯಾವತ್ತಸ್ಯಾಮ್ಬಿಕಾ ಶಿರಃ।

ಛಿನತ್ತಿ ತಾವತ್ ಪುರುಷಃ ಖಡ್ಗಪಾಣಿ ರದೃಶ್ಯತ

॥29॥

ಶ್ಲೋಕ 31

ತತ ಏವಾಶು ಪುರುಷಂ ದೇವೀ ಚಿಚ್ಛೇದ ಸಾಯಕೈಃ।

ತಂ ಖಡ್ಗಚರ್ಮಣಾ ಸಾರ್ಧಂ ತತಃ ಸೋಽ ಭೂನ್ಮಹಾ ಗಜಃ

॥30॥

ಶ್ಲೋಕ 32

ಕರೇಣ ಚ ಮಹಾಸಿಂಹಂ ತಂ ಚಕರ್ಷ ಜಗರ್ಜಚ ।

ಕರ್ಷತಸ್ತು ಕರಂ ದೇವೀ ಖಡ್ಗೇನ ನಿರಕೃನ್ತತ

॥31॥

ಶ್ಲೋಕ 33

ತತೋ ಮಹಾಸುರೋ ಭೂಯೋ ಮಾಹಿಷಂ ವಪುರಾಸ್ಥಿತಃ।

ತಥೈವ ಕ್ಷೋಭಯಾಮಾಸ ತ್ರೈಲೋಕ್ಯಂ ಸಚರಾಚರಮ್

॥32॥

ಶ್ಲೋಕ 34

ತತಃ ಕ್ರುದ್ಧಾ ಜಗನ್ಮಾತಾ ಚಣ್ಡಿಕಾ ಪಾನ ಮುತ್ತಮಮ್।

ಪಪೌ ಪುನಃ ಪುನಶ್ಚೈವ ಜಹಾಸಾರುಣಲೋಚನಾ

॥33॥

ಶ್ಲೋಕ 35

ನನರ್ದ ಚಾಸುರಃ ಸೋಽಪಿ ಬಲವೀರ್ಯಮದೋದ್ಧತಃ।

ವಿಷಾಣಾಭ್ಯಾಂ ಚ ಚಿಕ್ಷೇಪ ಚಣ್ಡಿಕಾಂ ಪ್ರತಿಭೂಧರಾನ್

॥34॥

ಶ್ಲೋಕ 36

ಸಾ ಚ ತಾ ನ್ಪ್ರಹಿತಾಂ ಸ್ತೇನ ಚೂರ್ಣಯನ್ತೀ ಶರೋತ್ಕರೈಃ।

ಉವಾಚ ತಂ ಮದೋದ್ಧೂತಮುಖರಾಗಾಕುಲಾಕ್ಷರಮ್

॥35॥

ಶ್ಲೋಕ 37

ದೇವ್ಯು​ಉವಾಚ॥

ಗರ್ಜ ಗರ್ಜ ಕ್ಷಣಂ ಮೂಢ ಮಧು ಯಾವತ್ಪಿಬಾಮ್ಯಹಮ್।

ಮಯಾತ್ವಯಿ ಹತೇಽತ್ರೈವ ಗರ್ಜಿಷ್ಯನ್ತ್ಯಾಶು ದೇವತಾಃ

॥36॥

ಶ್ಲೋಕ 38

ಋಷಿರುವಾಚ॥

ಏವಮುಕ್ತ್ವಾ ಸಮುತ್ಪತ್ಯ ಸಾರೂಢಾ ತಂ ಮಹಾಸುರಮ್।

ಪಾದೇನಾ ಕ್ರಮ್ಯ ಕಣ್ಠೇ ಚ ಶೂಲೇನೈನ ಮತಾಡಯತ್

॥37॥

ಶ್ಲೋಕ 39

ತತಃ ಸೋಽಪಿ ಪದಾಕ್ರಾನ್ತಸ್ತಯಾ ನಿಜಮುಖಾತ್ತತಃ।

ಅರ್ಧ ನಿಷ್ಕ್ರಾನ್ತ ಏವಾಸೀದ್ದೇವ್ಯಾ ವೀರ್ಯೇಣ ಸಂವೃತಃ

॥38॥

ಶ್ಲೋಕ 40

ಅರ್ಧ ನಿಷ್ಕ್ರಾನ್ತ ಏವಾಸೌ ಯುಧ್ಯಮಾನೋ ಮಹಾಸುರಃ ।

ತಯಾ ಮಹಾಸಿನಾ ದೇವ್ಯಾ ಶಿರಶ್ಛಿತ್ತ್ವಾ ನಿಪಾತಿತಃ

॥40॥

ಶ್ಲೋಕ 41

ತತೋ ಹಾಹಾಕೃತಂ ಸರ್ವಂ ದೈತ್ಯಸೈನ್ಯಂ ನನಾಶ ತತ್।

ಪ್ರಹರ್ಷಂ ಚ ಪರಂ ಜಗ್ಮುಃ ಸಕಲಾ ದೇವತಾಗಣಾಃ

॥41॥

ಶ್ಲೋಕ 42

ತುಷ್ಟು ವುಸ್ತಾಂ ಸುರಾ ದೇವೀಂ ಸಹದಿವ್ಯೈರ್ಮಹರ್ಷಿಭಿಃ।

ಜಗುರ್ಗುನ್ಧರ್ವಪತಯೋ ನನೃತುಶ್ಚಾಪ್ಸರೋಗಣಾಃ

॥42॥

ಶ್ಲೋಕ 43

॥ ಇತಿ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇ ಮನ್ವನ್ತರೇ ದೇವಿ ಮಹತ್ಮ್ಯೇ ಮಹಿಷಾಸುರವಧೋ ನಾಮ ತೃತೀಯೋಽಧ್ಯಾಯಂ ಸಮಾಪ್ತಮ್ ॥

ಆಹುತಿ

ಹ್ರೀಂ ಜಯನ್ತೀ ಸಾಙ್ಗಾಯೈ ಸಾಯುಧಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಶ್ರೀ ಮಹಾಲಕ್ಷ್ಮ್ಯೈ ಲಕ್ಷ್ಮೀ ಬೀಜಾದಿಷ್ಟಾಯೈ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥