ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ದ್ವಾದಶೋಽಧ್ಯಾಯಃ

ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ದ್ವಾದಶೋಽಧ್ಯಾಯಃ

ಶ್ಲೋಕ 1

ಫಲಶ್ರುತಿರ್ನಾಮ ದ್ವಾದಶೋಽಧ್ಯಾಯಃ ॥

ಧ್ಯಾನಂ

ವಿಧ್ಯುದ್ಧಾಮ ಸಮಪ್ರಭಾಂ ಮೃಗಪತಿ ಸ್ಕನ್ಧ ಸ್ಥಿತಾಂ ಭೀಷಣಾಂ।

ಕನ್ಯಾಭಿಃ ಕರವಾಲ ಖೇಟ ವಿಲಸದ್ದಸ್ತಾಭಿ ರಾಸೇವಿತಾಂ

ಹಸ್ತೈಶ್ಚಕ್ರ ಗಧಾಸಿ ಖೇಟ ವಿಶಿಖಾಂ ಗುಣಂ ತರ್ಜನೀಂ

ವಿಭ್ರಾಣ ಮನಲಾತ್ಮಿಕಾಂ ಶಿಶಿಧರಾಂ ದುರ್ಗಾಂ ತ್ರಿನೇತ್ರಾಂ ಭಜೇ

ದೇವ್ಯುವಾಚ

ಶ್ಲೋಕ 2

ಏಭಿಃ ಸ್ತವೈಶ್ಚ ಮಾ ನಿತ್ಯಂ ಸ್ತೋಷ್ಯತೇ ಯಃ ಸಮಾಹಿತಃ।

ತಸ್ಯಾಹಂ ಸಕಲಾಂ ಬಾಧಾಂ ನಾಶಯಿಷ್ಯಾಮ್ಯ ಸಂಶಯಮ್

॥1॥

ಶ್ಲೋಕ 3

ಮಧುಕೈಟಭನಾಶಂ ಚ ಮಹಿಷಾಸುರಘಾತನಮ್।

ಕೀರ್ತಿಯಿಷ್ಯನ್ತಿ ಯೇ ತ ದ್ವದ್ವಧಂ ಶುಮ್ಭನಿಶುಮ್ಭಯೋಃ

॥2॥

ಶ್ಲೋಕ 4

ಅಷ್ಟಮ್ಯಾಂ ಚ ಚತುರ್ಧಶ್ಯಾಂ ನವಮ್ಯಾಂ ಚೈಕಚೇತಸಃ।

ಶ್ರೋಷ್ಯನ್ತಿ ಚೈವ ಯೇ ಭಕ್ತ್ಯಾ ಮಮ ಮಾಹಾತ್ಮ್ಯಮುತ್ತಮಮ್

॥3॥

ಶ್ಲೋಕ 5

ನ ತೇಷಾಂ ದುಷ್ಕೃತಂ ಕಿಞ್ಚಿದ್ ದುಷ್ಕೃತೋತ್ಥಾ ನ ಚಾಪದಃ।

ಭವಿಷ್ಯತಿ ನ ದಾರಿದ್ರ್ಯಂ ನ ಚೈ ವೇಷ್ಟವಿಯೋಜನಮ್

॥4॥

ಶ್ಲೋಕ 6

ಶತ್ರುಭ್ಯೋ ನ ಭಯಂ ತಸ್ಯ ದಸ್ಯುತೋ ವಾ ನ ರಾಜತಃ।

ನ ಶಸ್ತ್ರಾನಲತೋ ಯೌಘಾತ್ ಕದಾಚಿತ್ ಸಮ್ಭವಿಷ್ಯತಿ

॥5॥

ಶ್ಲೋಕ 7

ತಸ್ಮಾನ್ಮಮೈತನ್ಮಾಹತ್ಮ್ಯಂ ಪಠಿತವ್ಯಂ ಸಮಾಹಿತೈಃ।

ಶ್ರೋತವ್ಯಂ ಚ ಸದಾ ಭಕ್ತ್ಯಾ ಪರಂ ಸ್ವಸ್ತ್ಯಯನಂ ಹಿ ತತ್

॥6॥

ಶ್ಲೋಕ 8

ಉಪ ಸರ್ಗಾನ ಶೇಷಾಂಸ್ತು ಮಹಾಮಾರೀ ಸಮುದ್ಭವಾನ್।

ತಥಾ ತ್ರಿವಿಧ ಮುತ್ಪಾತಂ ಮಾಹಾತ್ಮ್ಯಂ ಶಮಯೇನ್ಮಮ

॥7॥

ಶ್ಲೋಕ 9

ಯತ್ರೈತ ತ್ಪಠ್ಯತೇ ಸಮ್ಯಙ್ನಿತ್ಯಮಾಯತನೇ ಮಮ।

ಸದಾ ನ ತದ್ವಿಮೋಕ್ಷ್ಯಾಮಿ ಸಾನ್ನಿಧ್ಯಂ ತತ್ರ ಮೇಸ್ಥಿತಮ್

॥8॥

ಶ್ಲೋಕ 10

ಬಲಿ ಪ್ರದಾನೇ ಪೂಜಾಯಾಮಗ್ನಿ ಕಾರ್ಯೇ ಮಹೋತ್ಸವೇ।

ಸರ್ವಂ ಮಮೈತನ್ಮಾಹಾತ್ಮ್ಯಂ ಉಚ್ಚಾರ್ಯಂ ಶ್ರಾವ್ಯಮೇವಚ

॥9॥

ಶ್ಲೋಕ 11

ಜಾನತಾಜಾನತಾ ವಾಪಿ ಬಲಿ ಪೂಜಾಂ ತಥಾ ಕೃತಾಮ್।

ಪ್ರತೀಕ್ಷಿಷ್ಯಾಮ್ಯಹಂ ಪ್ರೀತ್ಯಾ ವಹ್ನಿ ಹೋಮಂ ತಥಾ ಕೃತಮ್

॥10॥

ಶ್ಲೋಕ 12

ಶರತ್ಕಾಲೇ ಮಹಾಪೂಜಾ ಕ್ರಿಯತೇ ಯಾಚ ವಾರ್ಷಿಕೀ।

ತಸ್ಯಾಂ ಮಮೈತನ್ಮಾಹಾತ್ಮ್ಯಂ ಶ್ರುತ್ವಾ ಭಕ್ತಿಸಮನ್ವಿತಃ

॥11॥

ಶ್ಲೋಕ 13

ಸರ್ವಬಾಧಾವಿನಿರ್ಮುಕ್ತೋ ಧನಧಾನ್ಯಸಮನ್ವಿತಃ।

ಮನುಷ್ಯೋ ಮತ್ಪ್ರಸಾದೇನ ಭವಿಷ್ಯತಿ ನ ಸಂಶಯಃ

॥12॥

ಶ್ಲೋಕ 14

ಶ್ರುತ್ವಾ ಮಮೈತನ್ಮಾಹಾತ್ಮ್ಯಂ ತಥಾ ಚೋತ್ಪತ್ತಯಃ ಶುಭಾಃ।

ಪರಾಕ್ರಮಂ ಚ ಯುದ್ಧೇಷು ಜಾಯತೇ ನಿರ್ಭಯಃ ಪುಮಾನ್

॥13॥

ಶ್ಲೋಕ 15

ರಿಪವಃ ಸಙ್ಕ್ಷಯಂ ಯಾನ್ತಿ ಕಲ್ಯಾಣಾಂ ಚೋಪಪಧ್ಯತೇ।

ನನ್ದತೇ ಚ ಕುಲಂ ಪುಂಸಾಂ ಮಹಾತ್ಮ್ಯಂ ಮಮಶೃಣ್ವತಾಮ್

॥14॥

ಶ್ಲೋಕ 16

ಶಾನ್ತಿಕರ್ಮಾಣಿ ಸರ್ವತ್ರ ತಥಾ ದುಃಸ್ವಪ್ನದರ್ಶನೇ।

ಗ್ರಹಪೀಡಾಸು ಚೋಗ್ರಾಸು ಮಹಾತ್ಮ್ಯಂ ಶೃಣುಯಾನ್ಮಮ

॥15॥

ಶ್ಲೋಕ 17

ಉಪಸರ್ಗಾಃ ಶಮಂ ಯಾನ್ತಿ ಗ್ರಹಪೀಡಾಶ್ಚ ದಾರುಣಾಃ

ದುಃಸ್ವಪ್ನಂ ಚ ನೃಭಿರ್ದೃಷ್ಟಂ ಸುಸ್ವಪ್ನಮುಪಜಾಯತೇ

॥16॥

ಶ್ಲೋಕ 18

ಬಾಲಗ್ರಹಾಭಿಭೂತಾನಂ ಬಾಲಾನಾಂ ಶಾನ್ತಿಕಾರಕಮ್।

ಸಙ್ಘಾತಭೇದೇ ಚ ನೃಣಾಂ ಮೈತ್ರೀಕರಣಮುತ್ತಮಮ್

॥17॥

ಶ್ಲೋಕ 19

ದುರ್ವೃತ್ತಾನಾಮಶೇಷಾಣಾಂ ಬಲಹಾನಿಕರಂ ಪರಮ್।

ರಕ್ಷೋಭೂತಪಿಶಾಚಾನಾಂ ಪಠನಾದೇವ ನಾಶನಮ್

॥18॥

ಶ್ಲೋಕ 20

ಸರ್ವಂ ಮಮೈತನ್ಮಾಹಾತ್ಮ್ಯಂ ಮಮ ಸನ್ನಿಧಿಕಾರಕಮ್।

ಪಶುಪುಷ್ಪಾರ್ಘ್ಯಧೂಪೈಶ್ಚ ಗನ್ಧದೀಪೈಸ್ತಥೋತ್ತಮೈಃ

॥19॥

ಶ್ಲೋಕ 21

ವಿಪ್ರಾಣಾಂ ಭೋಜನೈರ್ಹೋಮೈಃ ಪ್ರೊಕ್ಷಣೀಯೈರಹರ್ನಿಶಮ್।

ಅನ್ಯೈಶ್ಚ ವಿವಿಧೈರ್ಭೋಗೈಃ ಪ್ರದಾನೈರ್ವತ್ಸರೇಣ ಯಾ

॥20॥

ಶ್ಲೋಕ 22

ಪ್ರೀತಿರ್ಮೇ ಕ್ರಿಯತೇ ಸಾಸ್ಮಿನ್ ಸಕೃದುಚ್ಚರಿತೇ ಶ್ರುತೇ।

ಶ್ರುತಂ ಹರತಿ ಪಾಪಾನಿ ತಥಾರೋಗ್ಯಂ ಪ್ರಯಚ್ಛತಿ

॥21॥

ಶ್ಲೋಕ 23

ರಕ್ಷಾಂ ಕರೋತಿ ಭೂತೇಭ್ಯೋ ಜನ್ಮನಾಂ ಕೀರ್ತಿನಂ ಮಮ।

ಯುದ್ದೇಷು ಚರಿತಂ ಯನ್ಮೇ ದುಷ್ಟ ದೈತ್ಯ ನಿಬರ್ಹಣಮ್

॥22॥

ಶ್ಲೋಕ 24

ತಸ್ಮಿಞ್ಛೃತೇ ವೈರಿಕೃತಂ ಭಯಂ ಪುಂಸಾಂ ನ ಜಾಯತೇ।

ಯುಷ್ಮಾಭಿಃ ಸ್ತುತಯೋ ಯಾಶ್ಚ ಯಾಶ್ಚ ಬ್ರಹ್ಮರ್ಷಿಭಿಃ ಕೃತಾಃ

॥23॥

ಶ್ಲೋಕ 25

ಬ್ರಹ್ಮಣಾ ಚ ಕೃತಾಸ್ತಾಸ್ತು ಪ್ರಯಚ್ಛನ್ತು ಶುಭಾಂ ಮತಿಮ್।

ಅರಣ್ಯೇ ಪ್ರಾನ್ತರೇ ವಾಪಿ ದಾವಾಗ್ನಿ ಪರಿವಾರಿತಃ

॥24॥

ಶ್ಲೋಕ 26

ದಸ್ಯುಭಿರ್ವಾ ವೃತಃ ಶೂನ್ಯೇ ಗೃಹೀತೋ ವಾಪಿ ಶತೃಭಿಃ।

ಸಿಂಹವ್ಯಾಘ್ರಾನುಯಾತೋ ವಾ ವನೇವಾ ವನ ಹಸ್ತಿಭಿಃ

॥25॥

ಶ್ಲೋಕ 27

ರಾಜ್ಞಾ ಕ್ರುದ್ದೇನ ಚಾಜ್ಞಪ್ತೋ ವಧ್ಯೋ ಬನ್ದ ಗತೋಽಪಿವಾ।

ಆಘೂರ್ಣಿತೋ ವಾ ವಾತೇನ ಸ್ಥಿತಃ ಪೋತೇ ಮಹಾರ್ಣವೇ

॥26॥

ಶ್ಲೋಕ 28

ಪತತ್ಸು ಚಾಪಿ ಶಸ್ತ್ರೇಷು ಸಙ್ಗ್ರಾಮೇ ಭೃಶದಾರುಣೇ।

ಸರ್ವಾಬಾಧಾಶು ಘೋರಾಸು ವೇದನಾಭ್ಯರ್ದಿತೋಽಪಿವಾ

॥27॥

ಶ್ಲೋಕ 29

ಸ್ಮರನ್ ಮಮೈತಚ್ಚರಿತಂ ನರೋ ಮುಚ್ಯೇತ ಸಙ್ಕಟಾತ್।

ಮಮ ಪ್ರಭಾವಾತ್ಸಿಂಹಾದ್ಯಾ ದಸ್ಯವೋ ವೈರಿಣ ಸ್ತಥಾ

॥28॥

ಶ್ಲೋಕ 30

ದೂರಾದೇವ ಪಲಾಯನ್ತೇ ಸ್ಮರತಶ್ಚರಿತಂ ಮಮ

॥29॥

ಶ್ಲೋಕ 31

ಋಷಿರುವಾಚ

॥30॥

ಶ್ಲೋಕ 32

ಇತ್ಯುಕ್ತ್ವಾ ಸಾ ಭಗವತೀ ಚಣ್ಡಿಕಾ ಚಣ್ಡವಿಕ್ರಮಾ।

ಪಶ್ಯತಾಂ ಸರ್ವ ದೇವಾನಾಂ ತತ್ರೈವಾನ್ತರಧೀಯತ

॥31॥

ಶ್ಲೋಕ 33

ತೇಽಪಿ ದೇವಾ ನಿರಾತಙ್ಕಾಃ ಸ್ವಾಧಿಕಾರಾನ್ಯಥಾ ಪುರಾ।

ಯಜ್ಞಭಾಗಭುಜಃ ಸರ್ವೇ ಚಕ್ರುರ್ವಿ ನಿಹತಾರಯಃ

॥32॥

ಶ್ಲೋಕ 34

ದೈತ್ಯಾಶ್ಚ ದೇವ್ಯಾ ನಿಹತೇ ಶುಮ್ಭೇ ದೇವರಿಪಽಉ ಯುಧಿ

ಜಗದ್ವಿಧ್ವಂಸಕೇ ತಸ್ಮಿನ್ ಮಹೋಗ್ರೇಽತುಲ ವಿಕ್ರಮೇ

॥33॥

ಶ್ಲೋಕ 35

ನಿಶುಮ್ಭೇ ಚ ಮಹಾವೀರ್ಯೇ ಶೇಷಾಃ ಪಾತಾಲಮಾಯಯುಃ

॥34॥

ಶ್ಲೋಕ 36

ಏವಂ ಭಗವತೀ ದೇವೀ ಸಾ ನಿತ್ಯಾಪಿ ಪುನಃ ಪುನಃ।

ಸಮ್ಭೂಯ ಕುರುತೇ ಭೂಪ ಜಗತಃ ಪರಿಪಾಲನಮ್

॥35॥

ಶ್ಲೋಕ 37

ತಯೈತನ್ಮೋಹ್ಯತೇ ವಿಶ್ವಂ ಸೈವ ವಿಶ್ವಂ ಪ್ರಸೂಯತೇ।

ಸಾಯಾಚಿತಾ ಚ ವಿಜ್ಞಾನಂ ತುಷ್ಟಾ ಋದ್ಧಿಂ ಪ್ರಯಚ್ಛತಿ

॥36॥

ಶ್ಲೋಕ 38

ವ್ಯಾಪ್ತಂ ತಯೈತತ್ಸಕಲಂ ಬ್ರಹ್ಮಾಣ್ಡಂ ಮನುಜೇಶ್ವರ।

ಮಹಾದೇವ್ಯಾ ಮಹಾಕಾಲೀ ಮಹಾಮಾರೀ ಸ್ವರೂಪಯಾ

॥37॥

ಶ್ಲೋಕ 39

ಸೈವ ಕಾಲೇ ಮಹಾಮಾರೀ ಸೈವ ಸೃಷ್ತಿರ್ಭವತ್ಯಜಾ।

ಸ್ಥಿತಿಂ ಕರೋತಿ ಭೂತಾನಾಂ ಸೈವ ಕಾಲೇ ಸನಾತನೀ

॥38॥

ಶ್ಲೋಕ 40

ಭವಕಾಲೇ ನೃಣಾಂ ಸೈವ ಲಕ್ಷ್ಮೀರ್ವೃದ್ಧಿಪ್ರದಾ ಗೃಹೇ।

ಸೈವಾಭಾವೇ ತಥಾ ಲಕ್ಷ್ಮೀ ರ್ವಿನಾಶಾಯೋಪಜಾಯತೇ

॥39॥

ಶ್ಲೋಕ 41

ಸ್ತುತಾ ಸಮ್ಪೂಜಿತಾ ಪುಷ್ಪೈರ್ಗನ್ಧಧೂಪಾದಿಭಿಸ್ತಥಾ।

ದದಾತಿ ವಿತ್ತಂ ಪುತ್ರಾಂಶ್ಚ ಮತಿಂ ಧರ್ಮೇ ಗತಿಂ ಶುಭಾಂ

॥40॥

ಶ್ಲೋಕ 42

॥ ಇತಿ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇ ಮನ್ವನ್ತರೇ ದೇವೀ ಮಹತ್ಮ್ಯೇ ಫಲಶ್ರುತಿರ್ನಾಮ ದ್ವಾದಶೋಽಧ್ಯಾಯ ಸಮಾಪ್ತಮ್ ॥

ಆಹುತಿ

ಓಂ ಕ್ಲೀಂ ಜಯನ್ತೀ ಸಾಙ್ಗಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ವರಪ್ರಧಾಯೈ ವೈಷ್ಣವೀ ದೇವ್ಯೈ ಅಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥