ಅನ್ನಮಯ್ಯ ಕೀರ್ತನ ದೇವ ದೇವಂ ಭಜೇ

ಅನ್ನಮಯ್ಯ ಕೀರ್ತನ ದೇವ ದೇವಂ ಭಜೇ

ಶ್ಲೋಕ 1

ರಾಗಂ: ಹಂಸಧ್ವನಿ / ಧನ್ನಾಸಿ

22 ಖರಹರಪ್ರಿಯ ಜನ್ಯ

ಆ: ಸ ಗ2 ಮ1 ಪ ನಿ2 ಪ ಸ

ಅವ: ಸ ನಿ2 ಪ ಮ1 ಗ2 ಸ

ತಾಲಂ: ಆದಿ

ಪಲ್ಲವಿ

ದೇವ ದೇವಂ ಭಜೇ ದಿವ್ಯಪ್ರಭಾವಂ ।

ರಾವಣಾಸುರವೈರಿ ರಣಪುಙ್ಗವಂ ॥ (2.5)

ಚರಣಂ 1

ರಾಜವರಶೇಖರಂ ರವಿಕುಲಸುಧಾಕರಂ (2)

ಆಜಾನುಬಾಹು ನೀಲಾಭ್ರಕಾಯಂ । (2)

ರಾಜಾರಿ ಕೋದಣ್ಡ ರಾಜ ದೀಕ್ಷಾಗುರುಂ (2)

ರಾಜೀವಲೋಚನಂ ರಾಮಚನ್ದ್ರಂ ॥ (2)

ದೇವ ದೇವಂ ಭಜೇ ದಿವ್ಯಪ್ರಭಾವಂ .. (2.5) (ಪ)

ಚರಣಂ 2

ನೀಲಜೀಮೂತ ಸನ್ನಿಭಶರೀರಂ ಘನ (2)

ವಿಶಾಲವಕ್ಷಂ ವಿಮಲ ಜಲಜನಾಭಂ । (2)

ತಾಲಾಹಿನಗಹರಂ ಧರ್ಮಸಂಸ್ಥಾಪನಂ (2)

ಭೂಲಲನಾಧಿಪಂ ಭೋಗಿಶಯನಂ ॥ (2)

ದೇವ ದೇವಂ ಭಜೇ ದಿವ್ಯಪ್ರಭಾವಂ .. (2.5) (ಪ)

ಚರಣಂ 3

ಪಙ್ಕಜಾಸನವಿನುತ ಪರಮನಾರಾಯಣಂ (2)

ಶಙ್ಕರಾರ್ಜಿತ ಜನಕ ಚಾಪದಲನಂ । (2)

ಲಙ್ಕಾ ವಿಶೋಷಣಂ ಲಾಲಿತವಿಭೀಷಣಂ (2)

ವೆಙ್ಕಟೇಶಂ ಸಾಧು ವಿಬುಧ ವಿನುತಂ ॥(2)

ದೇವ ದೇವಂ ಭಜೇ ದಿವ್ಯಪ್ರಭಾವಂ .. (2.5) (ಪ)