Aditya Kavacham
ആദിത്യ കവചമ്
Aditya Kavacham
ആദിത്യ കവചമ്
ശ്ലോക 1
അസ്യ ശ്രീ ആദിത്യകവചസ്തോത്രമഹാമന്ത്രസ്യ അഗസ്ത്യോ ഭഗവാനൃഷിഃ അനുഷ്ടുപ്ഛന്ദഃ ആദിത്യോ ദേവതാ ശ്രീം ബീജം ണീം ശക്തിഃ സൂം കീലകം മമ ആദിത്യപ്രസാദസിദ്ധ്യര്ഥേ ജപേ വിനിയോഗഃ ।
ധ്യാനം
ജപാകുസുമസങ്കാശം ദ്വിഭുജം പദ്മഹസ്തകമ്
സിന്ദൂരാമ്ബരമാല്യം ച രക്തഗന്ധാനുലേപനമ് ।
മാണിക്യരത്നഖചിത-സര്വാഭരണഭൂഷിതമ്
സപ്താശ്വരഥവാഹം തു മേരും ചൈവ പ്രദക്ഷിണമ് ॥
ദേവാസുരവരൈര്വന്ദ്യം ഘൃണിഭിഃ പരിസേവിതമ് ।
ധ്യായേത്പഠേത്സുവര്ണാഭം സൂര്യസ്യ കവചം മുദാ ॥
കവചം
ഘൃണിഃ പാതു ശിരോദേശേ സൂര്യഃ പാതു ലലാടകമ് ।
ആദിത്യോ ലോചനേ പാതു ശ്രുതീ പാതു ദിവാകരഃ ॥
ഘ്രാണം പാതു സദാ ഭാനുഃ മുഖം പാതു സദാരവിഃ ।
ജിഹ്വാം പാതു ജഗന്നേത്രഃ കണ്ഠം പാതു വിഭാവസുഃ ॥
സ്കന്ധൌ ഗ്രഹപതിഃ പാതു ഭുജൌ പാതു പ്രഭാകരഃ ।
കരാവബ്ജകരഃ പാതു ഹൃദയം പാതു നഭോമണിഃ ॥
ദ്വാദശാത്മാ കടിം പാതു സവിതാ പാതു സക്ഥിനീ ।
ഊരൂ പാതു സുരശ്രേഷ്ടോ ജാനുനീ പാതു ഭാസ്കരഃ ॥
ജങ്ഘേ മേ പാതു മാര്താണ്ഡോ ഗുല്ഫൌ പാതു ത്വിഷാമ്പതിഃ ।
പാദൌ ദിനമണിഃ പാതു പാതു മിത്രോഽഖിലം വപുഃ ॥
ആദിത്യകവചം പുണ്യമഭേദ്യം വജ്രസന്നിഭമ് ।
സര്വരോഗഭയാദിഭ്യോ മുച്യതേ നാത്ര സംശയഃ ॥
സംവത്സരമുപാസിത്വാ സാമ്രാജ്യപദവീം ലഭേത് ।
അശേഷരോഗശാന്ത്യര്ഥം ധ്യായേദാദിത്യമണ്ഡലമ് ।
ആദിത്യ മണ്ഡല സ്തുതിഃ –
അനേകരത്നസംയുക്തം സ്വര്ണമാണിക്യഭൂഷണമ് ।
കല്പവൃക്ഷസമാകീര്ണം കദമ്ബകുസുമപ്രിയമ് ॥
സിന്ദൂരവര്ണായ സുമണ്ഡലായ
സുവര്ണരത്നാഭരണായ തുഭ്യമ് ।
പദ്മാദിനേത്രേ ച സുപങ്കജായ
ബ്രഹ്മേന്ദ്ര-നാരായണ-ശങ്കരായ ॥
സംരക്തചൂര്ണം സസുവര്ണതോയം
സകുങ്കുമാഭം സകുശം സപുഷ്പമ് ।
പ്രദത്തമാദായ ച ഹേമപാത്രേ
പ്രശസ്തനാദം ഭഗവന് പ്രസീദ ॥
ഇതി ആദിത്യകവചമ് ।