Aditya Kavacham
আদিত্য কবচম্
Aditya Kavacham
আদিত্য কবচম্
শ্লোক 1
অস্য শ্রী আদিত্যকবচস্তোত্রমহামন্ত্রস্য অগস্ত্যো ভগবানৃষিঃ অনুষ্টুপ্ছন্দঃ আদিত্যো দেবতা শ্রীং বীজং ণীং শক্তিঃ সূং কীলকং মম আদিত্যপ্রসাদসিদ্ধ্যর্থে জপে বিনিযোগঃ ।
ধ্যানং
জপাকুসুমসঙ্কাশং দ্বিভুজং পদ্মহস্তকম্
সিন্দূরাম্বরমাল্যং চ রক্তগন্ধানুলেপনম্ ।
মাণিক্যরত্নখচিত-সর্বাভরণভূষিতম্
সপ্তাশ্বরথবাহং তু মেরুং চৈব প্রদক্ষিণম্ ॥
দেবাসুরবরৈর্বন্দ্যং ঘৃণিভিঃ পরিসেবিতম্ ।
ধ্যাযেত্পঠেত্সুবর্ণাভং সূর্যস্য কবচং মুদা ॥
কবচং
ঘৃণিঃ পাতু শিরোদেশে সূর্যঃ পাতু ললাটকম্ ।
আদিত্যো লোচনে পাতু শ্রুতী পাতু দিবাকরঃ ॥
ঘ্রাণং পাতু সদা ভানুঃ মুখং পাতু সদারবিঃ ।
জিহ্বাং পাতু জগন্নেত্রঃ কণ্ঠং পাতু বিভাবসুঃ ॥
স্কন্ধৌ গ্রহপতিঃ পাতু ভুজৌ পাতু প্রভাকরঃ ।
করাবব্জকরঃ পাতু হৃদযং পাতু নভোমণিঃ ॥
দ্বাদশাত্মা কটিং পাতু সবিতা পাতু সক্থিনী ।
ঊরূ পাতু সুরশ্রেষ্টো জানুনী পাতু ভাস্করঃ ॥
জঙ্ঘে মে পাতু মার্তাণ্ডো গুল্ফৌ পাতু ত্বিষাম্পতিঃ ।
পাদৌ দিনমণিঃ পাতু পাতু মিত্রোঽখিলং বপুঃ ॥
আদিত্যকবচং পুণ্যমভেদ্যং বজ্রসন্নিভম্ ।
সর্বরোগভযাদিভ্যো মুচ্যতে নাত্র সংশযঃ ॥
সংবত্সরমুপাসিত্বা সাম্রাজ্যপদবীং লভেত্ ।
অশেষরোগশান্ত্যর্থং ধ্যাযেদাদিত্যমণ্ডলম্ ।
আদিত্য মণ্ডল স্তুতিঃ –
অনেকরত্নসংযুক্তং স্বর্ণমাণিক্যভূষণম্ ।
কল্পবৃক্ষসমাকীর্ণং কদম্বকুসুমপ্রিযম্ ॥
সিন্দূরবর্ণায সুমণ্ডলায
সুবর্ণরত্নাভরণায তুভ্যম্ ।
পদ্মাদিনেত্রে চ সুপঙ্কজায
ব্রহ্মেন্দ্র-নারাযণ-শঙ্করায ॥
সংরক্তচূর্ণং সসুবর্ণতোযং
সকুঙ্কুমাভং সকুশং সপুষ্পম্ ।
প্রদত্তমাদায চ হেমপাত্রে
প্রশস্তনাদং ভগবন্ প্রসীদ ॥
ইতি আদিত্যকবচম্ ।