આદિત્ય હૃદયમ્

આદિત્ય હૃદયમ્

શ્લોક 1

ધ્યાનમ્

નમસ્સવિત્રે જગદેક ચક્ષુસે

જગત્પ્રસૂતિ સ્થિતિ નાશહેતવે

ત્રયીમયાય ત્રિગુણાત્મ ધારિણે

વિરિઞ્ચિ નારાયણ શઙ્કરાત્મને

તતો યુદ્ધ પરિશ્રાન્તં સમરે ચિન્તયાસ્થિતમ્ ।

રાવણં ચાગ્રતો દૃષ્ટ્વા યુદ્ધાય સમુપસ્થિતમ્

શ્લોક 2

દૈવતૈશ્ચ સમાગમ્ય દ્રષ્ટુમભ્યાગતો રણમ્ ।

ઉપાગમ્યાબ્રવીદ્રામં અગસ્ત્યો ભગવાન્ ઋષિઃ

॥ 1 ॥

શ્લોક 3

રામ રામ મહાબાહો શૃણુ ગુહ્યં સનાતનમ્ ।

યેન સર્વાનરીન્ વત્સ સમરે વિજયિષ્યસિ

॥ 2 ॥

શ્લોક 4

આદિત્યહૃદયં પુણ્યં સર્વશત્રુ-વિનાશનમ્ ।

જયાવહં જપેન્નિત્યં અક્ષય્યં પરમં શિવમ્

॥ 3 ॥

શ્લોક 5

સર્વમઙ્ગલ-માઙ્ગલ્યં સર્વપાપ-પ્રણાશનમ્ ।

ચિન્તાશોક-પ્રશમનં આયુર્વર્ધનમુત્તમમ્

॥ 4 ॥

શ્લોક 6

રશ્મિમન્તં સમુદ્યન્તં દેવાસુર નમસ્કૃતમ્ ।

પૂજયસ્વ વિવસ્વન્તં ભાસ્કરં ભુવનેશ્વરમ્

॥ 5 ॥

શ્લોક 7

સર્વદેવાત્મકો હ્યેષ તેજસ્વી રશ્મિભાવનઃ ।

એષ દેવાસુર-ગણાન્ લોકાન્ પાતિ ગભસ્તિભિઃ

॥ 6 ॥

શ્લોક 8

એષ બ્રહ્મા ચ વિષ્ણુશ્ચ શિવઃ સ્કન્દઃ પ્રજાપતિઃ ।

મહેન્દ્રો ધનદઃ કાલો યમઃ સોમો હ્યપાં પતિઃ

॥ 7 ॥

શ્લોક 9

પિતરો વસવઃ સાધ્યા હ્યશ્વિનૌ મરુતો મનુઃ ।

વાયુર્વહ્નિઃ પ્રજાપ્રાણઃ ઋતુકર્તા પ્રભાકરઃ

॥ 8 ॥

શ્લોક 10

આદિત્યઃ સવિતા સૂર્યઃ ખગઃ પૂષા ગભસ્તિમાન્ ।

સુવર્ણસદૃશો ભાનુઃ હિરણ્યરેતા દિવાકરઃ

॥ 9 ॥

શ્લોક 11

॥ 10 ॥ [સ્વરણરેતા દિવાકરઃ]

હરિદશ્વઃ સહસ્રાર્ચિઃ સપ્તસપ્તિ-ર્મરીચિમાન્ ।

તિમિરોન્મથનઃ શમ્ભુઃ ત્વષ્ટા માર્તાણ્ડકોંઽશુમાન્

શ્લોક 12

હિરણ્યગર્ભઃ શિશિરઃ તપનો ભાસ્કરો રવિઃ ।

અગ્નિગર્ભોઽદિતેઃ પુત્રઃ શઙ્ખઃ શિશિરનાશનઃ

॥ 11 ॥

શ્લોક 13

વ્યોમનાથ-સ્તમોભેદી ઋગ્યજુઃસામ-પારગઃ ।

ઘનાવૃષ્ટિરપાં મિત્રઃ વિન્ધ્યવીથી પ્લવઙ્ગમઃ

॥ 12 ॥

શ્લોક 14

આતપી મણ્ડલી મૃત્યુઃ પિઙ્ગલઃ સર્વતાપનઃ ।

કવિર્વિશ્વો મહાતેજા રક્તઃ સર્વભવોદ્ભવઃ

॥ 13 ॥

શ્લોક 15

નક્ષત્ર ગ્રહ તારાણાં અધિપો વિશ્વભાવનઃ ।

તેજસામપિ તેજસ્વી દ્વાદશાત્મ-ન્નમોઽસ્તુ તે

॥ 14 ॥

શ્લોક 16

નમઃ પૂર્વાય ગિરયે પશ્ચિમાયાદ્રયે નમઃ ।

જ્યોતિર્ગણાનાં પતયે દિનાધિપતયે નમઃ

॥ 15 ॥

શ્લોક 17

જયાય જયભદ્રાય હર્યશ્વાય નમો નમઃ ।

નમો નમઃ સહસ્રાંશો આદિત્યાય નમો નમઃ

॥ 16 ॥

શ્લોક 18

નમ ઉગ્રાય વીરાય સારઙ્ગાય નમો નમઃ ।

નમઃ પદ્મપ્રબોધાય માર્તાણ્ડાય નમો નમઃ

॥ 17 ॥

શ્લોક 19

બ્રહ્મેશાનાચ્યુતેશાય સૂર્યાયાદિત્ય-વર્ચસે ।

ભાસ્વતે સર્વભક્ષાય રૌદ્રાય વપુષે નમઃ

॥ 18 ॥

શ્લોક 20

તમોઘ્નાય હિમઘ્નાય શત્રુઘ્નાયા મિતાત્મને ।

કૃતઘ્નઘ્નાય દેવાય જ્યોતિષાં પતયે નમઃ

॥ 19 ॥

શ્લોક 21

તપ્ત ચામીકરાભાય વહ્નયે વિશ્વકર્મણે ।

નમસ્તમોઽભિ નિઘ્નાય રવયે લોકસાક્ષિણે

॥ 20 ॥

શ્લોક 22

નાશયત્યેષ વૈ ભૂતં તદેવ સૃજતિ પ્રભુઃ ।

પાયત્યેષ તપત્યેષ વર્ષત્યેષ ગભસ્તિભિઃ

॥ 21 ॥

શ્લોક 23

એષ સુપ્તેષુ જાગર્તિ ભૂતેષુ પરિનિષ્ઠિતઃ ।

એષ એવાગ્નિહોત્રં ચ ફલં ચૈવાગ્નિ હોત્રિણામ્

॥ 22 ॥

શ્લોક 24

વેદાશ્ચ ક્રતવશ્ચૈવ ક્રતૂનાં ફલમેવ ચ ।

યાનિ કૃત્યાનિ લોકેષુ સર્વ એષ રવિઃ પ્રભુઃ

॥ 23 ॥

શ્લોક 25

ફલશ્રુતિઃ

એન માપત્સુ કૃચ્છ્રેષુ કાન્તારેષુ ભયેષુ ચ ।

કીર્તયન્ પુરુષઃ કશ્ચિન્નાવશીદતિ રાઘવ

॥ 24 ॥

શ્લોક 26

પૂજયસ્વૈન મેકાગ્રઃ દેવદેવં જગત્પતિમ્ ।

એતત્ ત્રિગુણિતં જપ્ત્વા યુદ્ધેષુ વિજયિષ્યસિ

॥ 25 ॥

શ્લોક 27

અસ્મિન્ ક્ષણે મહાબાહો રાવણં ત્વં વધિષ્યસિ ।

એવમુક્ત્વા તદાગસ્ત્યો જગામ ચ યથાગતમ્

॥ 26 ॥

શ્લોક 28

એતચ્છ્રુત્વા મહાતેજાઃ નષ્ટશોકોઽભવત્તદા ।

ધારયામાસ સુપ્રીતઃ રાઘવઃ પ્રયતાત્મવાન્

॥ 27 ॥

શ્લોક 29

આદિત્યં પ્રેક્ષ્ય જપ્ત્વા તુ પરં હર્ષમવાપ્તવાન્ ।

ત્રિરાચમ્ય શુચિર્ભૂત્વા ધનુરાદાય વીર્યવાન્

॥ 28 ॥

શ્લોક 30

રાવણં પ્રેક્ષ્ય હૃષ્ટાત્મા યુદ્ધાય સમુપાગમત્ ।

સર્વયત્નેન મહતા વધે તસ્ય ધૃતોઽભવત્

॥ 29 ॥

શ્લોક 31

અધ રવિરવદન્નિરીક્ષ્ય રામં મુદિતમનાઃ પરમં પ્રહૃષ્યમાણઃ ।

નિશિચરપતિ સઙ્ક્ષયં વિદિત્વા સુરગણ મધ્યગતો વચસ્ત્વરેતિ

॥ 30 ॥

શ્લોક 32

ઇત્યાર્ષે શ્રીમદ્રામાયણે વાલ્મિકીયે આદિકાવ્યે યુદ્ધકાણ્ડે પઞ્ચાધિક શતતમઃ સર્ગઃ ॥