വിഷ്ണു സൂക്തമ്

വിഷ്ണു സൂക്തമ്

ശ്ലോക 1

ഓം-വിഁഷ്ണോ॒ര്നുകം॑-വീഁ॒ര്യാ॑ണി॒ പ്രവോ॑ചം॒ യഃ പാര്ഥി॑വാനി വിമ॒മേ രാജാഗ്ം॑സി॒ യോ അസ്ക॑ഭായ॒ദുത്ത॑രഗ്ം സ॒ധസ്ഥം॑-വിഁചക്രമാ॒ണസ്ത്രേ॒ധോരു॑ഗാ॒യഃ ॥ 1 (തൈ. സം. 1.2.13.3)

വിഷ്ണോ॑ര॒രാട॑മസി॒ വിഷ്ണോഃ᳚ പൃ॒ഷ്ഠമ॑സി॒ വിഷ്ണോ॒-ശ്ശ്നപ്ത്രേ᳚സ്ഥോ॒ വിഷ്ണോ॒സ്സ്യൂര॑സി॒ വിഷ്ണോ᳚ര്ധ്രു॒വമ॑സി വൈഷ്ണ॒വമ॑സി॒ വിഷ്ണ॑വേ ത്വാ ॥ 2 (തൈ. സം. 1.2.13.3)

തദ॑സ്യ പ്രി॒യമ॒ഭിപാഥോ॑ അശ്യാമ് । നരോ॒ യത്ര॑ ദേവ॒യവോ॒ മദ॑ന്തി । ഉ॒രു॒ക്ര॒മസ്യ॒ സ ഹി ബന്ധു॑രി॒ത്ഥാ । വിഷ്ണോ᳚ പ॒ദേ പ॑ര॒മേ മധ്വ॒ ഉഥ്സഃ॑ ॥ 3 (തൈ. ബ്രാ. 2.4.6.2)

പ്ര തദ്വിഷ്ണു॑-സ്സ്തവതേ വീ॒ര്യാ॑യ । മൃ॒ഗോ ന ഭീ॒മഃ കു॑ച॒രോ ഗി॑രി॒ഷ്ഠാഃ । യസ്യോ॒രുഷു॑ ത്രി॒ഷു വി॒ക്രമ॑ണേഷു । അധി॑ക്ഷ॒യന്തി॒ ഭുവ॑നാനി॒ വിശ്വാ᳚ ॥ 4 (തൈ. ബ്രാ. 2.4.3.4)

പ॒രോ മാത്ര॑യാ ത॒നുവാ॑ വൃധാന । ന തേ॑ മഹി॒ത്വമന്വ॑ശ്നുവന്തി । ഉ॒ഭേ തേ॑ വിദ്മ॒ രജ॑സീ പൃഥി॒വ്യാ വിഷ്ണോ॑ ദേവ॒ത്വമ് । പ॒ര॒മസ്യ॑ വിഥ്സേ ॥ 5 (തൈ. ബ്രാ. 2.8.3.2)

വിച॑ക്രമേ പൃഥി॒വീമേ॒ഷ ഏ॒താമ് । ക്ഷേത്രാ॑യ॒ വിഷ്ണു॒ര്മനു॑ഷേ ദശ॒സ്യന്ന് । ധ്രു॒വാസോ॑ അസ്യ കീ॒രയോ॒ ജനാ॑സഃ । ഊ॒രു॒ക്ഷി॒തിഗ്ം സു॒ജനി॑മാചകാര ॥ 6 (തൈ. ബ്രാ. 2.4.3.5)

ത്രിര്ദേ॒വഃ പൃ॑ഥി॒വീമേ॒ഷ ഏ॒താമ് । വിച॑ക്രമേ ശ॒തര്ച॑സ-മ്മഹി॒ത്വാ । പ്ര വിഷ്ണു॑രസ്തു ത॒വസ॒സ്തവീ॑യാന് । ത്വേ॒ഷഗ്ഗ് ഹ്യ॑സ്യ॒ സ്ഥവി॑രസ്യ॒ നാമ॑ ॥ 7 (തൈ. ബ്രാ. 2.4.3.5)

അതോ॑ ദേ॒വാ അ॑വന്തു നോ॒ യതോ॒ വിഷ്ണു॑ര്വിചക്ര॒മേ । പൃ॒ഥി॒വ്യാ-സ്സ॒പ്തധാമ॑ഭിഃ । ഇ॒ദം-വിഁഷ്ണു॒ര്വിച॑ക്രമേ ത്രേ॒ധാ നിദ॑ധേ പ॒ദമ് । സമൂ॑ഢമസ്യ പാഗ്ം സു॒രേ ॥ ത്രീണി॑ പ॒ദാ വിച॑ക്രമേ॒ വിഷ്ണു॑ര്ഗോ॒പാ അദാ᳚ഭ്യഃ । തതോ॒ ധര്മാ॑ണി ധാ॒രയന്॑ । വിഷ്ണോഃ॒ കര്മാ॑ണി പശ്യത॒ യതോ᳚ വ്ര॒താനി॑ പസ്പ॒ശേ । ഇന്ദ്ര॑സ്യ॒ യുജ്യ॒സ്സഖാ᳚ ॥

തദ്വിഷ്ണോഃ᳚ പര॒മ-മ്പ॒ദഗ്ം സദാ॑ പശ്യന്തി സൂ॒രയഃ॑ । ദി॒വീവ॒ ചക്ഷു॒രാത॑തമ് । തദ്വിപ്രാ॑സോ വിപ॒ന്യവോ॑ ജാഗൃ॒വാഗ്ം സ॒സ്സമിം॑ധതേ । വിഷ്ണോ॒ര്യത്പ॑ര॒മ-മ്പ॒ദമ് । പര്യാ᳚പ്ത്യാ॒ അനം॑തരായായ॒ സര്വ॑സ്തോമോ-ഽതി രാ॒ത്ര ഉ॑ത്ത॒മ മഹ॑ര്ഭവതി സര്വ॒സ്യാപ്ത്യൈ॒ സര്വ॑സ്യ॒ ജിത്ത്യൈ॒ സര്വ॑മേ॒വ തേനാ᳚പ്നോതി॒ സര്വം॑ ജയതി ॥

ഓം ശാന്തി॒-ശ്ശാന്തി॒-ശ്ശാന്തിഃ॑ ॥