విష్ణు షట్పది

విష్ణు షట్పది

శ్లోక 1

అవినయమపనయ విష్ణో దమయ మనః శమయ విషయమృగతృష్ణామ్ ।

భూతదయాం విస్తారయ తారయ సంసారసాగరతః

శ్లోక 2

దివ్యధునీమకరన్దే పరిమలపరిభోగసచ్చిదానన్దే ।

శ్రీపతిపదారవిన్దే భవభయఖేదచ్ఛిదే వన్దే

॥ 1 ॥

శ్లోక 3

సత్యపి భేదాపగమే నాథ తవాఽహం న మామకీనస్త్వమ్ ।

సాముద్రో హి తరఙ్గః క్వచన సముద్రో న తారఙ్గః

॥ 2 ॥

శ్లోక 4

ఉద్ధృతనగ నగభిదనుజ దనుజకులామిత్ర మిత్రశశిదృష్టే ।

దృష్టే భవతి ప్రభవతి న భవతి కిం భవతిరస్కారః

॥ 3 ॥

శ్లోక 5

మత్స్యాదిభిరవతారైరవతారవతాఽవతా సదా వసుధామ్ ।

పరమేశ్వర పరిపాల్యో భవతా భవతాపభీతోఽహమ్

॥ 4 ॥

శ్లోక 6

దామోదర గుణమన్దిర సున్దరవదనారవిన్ద గోవిన్ద ।

భవజలధిమథనమన్దర పరమం దరమపనయ త్వం మే

॥ 5 ॥

శ్లోక 7

నారాయణ కరుణామయ శరణం కరవాణి తావకౌ చరణౌ ।

ఇతి షట్పదీ మదీయే వదనసరోజే సదా వసతు ॥

ఇతి శ్రీమచ్చఙ్కరాచార్య విరచితం శ్రీ విష్ణు షట్పదీ స్తోత్రం సమ్పూర్ణమ్