വിഷ്ണു ഷട്പദി

വിഷ്ണു ഷട്പദി

ശ്ലോക 1

അവിനയമപനയ വിഷ്ണോ ദമയ മനഃ ശമയ വിഷയമൃഗതൃഷ്ണാമ് ।

ഭൂതദയാം വിസ്താരയ താരയ സംസാരസാഗരതഃ

ശ്ലോക 2

ദിവ്യധുനീമകരന്ദേ പരിമലപരിഭോഗസച്ചിദാനന്ദേ ।

ശ്രീപതിപദാരവിന്ദേ ഭവഭയഖേദച്ഛിദേ വന്ദേ

॥ 1 ॥

ശ്ലോക 3

സത്യപി ഭേദാപഗമേ നാഥ തവാഽഹം ന മാമകീനസ്ത്വമ് ।

സാമുദ്രോ ഹി തരങ്ഗഃ ക്വചന സമുദ്രോ ന താരങ്ഗഃ

॥ 2 ॥

ശ്ലോക 4

ഉദ്ധൃതനഗ നഗഭിദനുജ ദനുജകുലാമിത്ര മിത്രശശിദൃഷ്ടേ ।

ദൃഷ്ടേ ഭവതി പ്രഭവതി ന ഭവതി കിം ഭവതിരസ്കാരഃ

॥ 3 ॥

ശ്ലോക 5

മത്സ്യാദിഭിരവതാരൈരവതാരവതാഽവതാ സദാ വസുധാമ് ।

പരമേശ്വര പരിപാല്യോ ഭവതാ ഭവതാപഭീതോഽഹമ്

॥ 4 ॥

ശ്ലോക 6

ദാമോദര ഗുണമന്ദിര സുന്ദരവദനാരവിന്ദ ഗോവിന്ദ ।

ഭവജലധിമഥനമന്ദര പരമം ദരമപനയ ത്വം മേ

॥ 5 ॥

ശ്ലോക 7

നാരായണ കരുണാമയ ശരണം കരവാണി താവകൌ ചരണൌ ।

ഇതി ഷട്പദീ മദീയേ വദനസരോജേ സദാ വസതു ॥

ഇതി ശ്രീമച്ചങ്കരാചാര്യ വിരചിതം ശ്രീ വിഷ്ണു ഷട്പദീ സ്തോത്രം സമ്പൂര്ണമ്