ವಿಷ್ಣು ಷಟ್ಪದಿ

ವಿಷ್ಣು ಷಟ್ಪದಿ

ಶ್ಲೋಕ 1

ಅವಿನಯಮಪನಯ ವಿಷ್ಣೋ ದಮಯ ಮನಃ ಶಮಯ ವಿಷಯಮೃಗತೃಷ್ಣಾಮ್ ।

ಭೂತದಯಾಂ ವಿಸ್ತಾರಯ ತಾರಯ ಸಂಸಾರಸಾಗರತಃ

ಶ್ಲೋಕ 2

ದಿವ್ಯಧುನೀಮಕರನ್ದೇ ಪರಿಮಲಪರಿಭೋಗಸಚ್ಚಿದಾನನ್ದೇ ।

ಶ್ರೀಪತಿಪದಾರವಿನ್ದೇ ಭವಭಯಖೇದಚ್ಛಿದೇ ವನ್ದೇ

॥ 1 ॥

ಶ್ಲೋಕ 3

ಸತ್ಯಪಿ ಭೇದಾಪಗಮೇ ನಾಥ ತವಾಽಹಂ ನ ಮಾಮಕೀನಸ್ತ್ವಮ್ ।

ಸಾಮುದ್ರೋ ಹಿ ತರಙ್ಗಃ ಕ್ವಚನ ಸಮುದ್ರೋ ನ ತಾರಙ್ಗಃ

॥ 2 ॥

ಶ್ಲೋಕ 4

ಉದ್ಧೃತನಗ ನಗಭಿದನುಜ ದನುಜಕುಲಾಮಿತ್ರ ಮಿತ್ರಶಶಿದೃಷ್ಟೇ ।

ದೃಷ್ಟೇ ಭವತಿ ಪ್ರಭವತಿ ನ ಭವತಿ ಕಿಂ ಭವತಿರಸ್ಕಾರಃ

॥ 3 ॥

ಶ್ಲೋಕ 5

ಮತ್ಸ್ಯಾದಿಭಿರವತಾರೈರವತಾರವತಾಽವತಾ ಸದಾ ವಸುಧಾಮ್ ।

ಪರಮೇಶ್ವರ ಪರಿಪಾಲ್ಯೋ ಭವತಾ ಭವತಾಪಭೀತೋಽಹಮ್

॥ 4 ॥

ಶ್ಲೋಕ 6

ದಾಮೋದರ ಗುಣಮನ್ದಿರ ಸುನ್ದರವದನಾರವಿನ್ದ ಗೋವಿನ್ದ ।

ಭವಜಲಧಿಮಥನಮನ್ದರ ಪರಮಂ ದರಮಪನಯ ತ್ವಂ ಮೇ

॥ 5 ॥

ಶ್ಲೋಕ 7

ನಾರಾಯಣ ಕರುಣಾಮಯ ಶರಣಂ ಕರವಾಣಿ ತಾವಕೌ ಚರಣೌ ।

ಇತಿ ಷಟ್ಪದೀ ಮದೀಯೇ ವದನಸರೋಜೇ ಸದಾ ವಸತು ॥

ಇತಿ ಶ್ರೀಮಚ್ಚಙ್ಕರಾಚಾರ್ಯ ವಿರಚಿತಂ ಶ್ರೀ ವಿಷ್ಣು ಷಟ್ಪದೀ ಸ್ತೋತ್ರಂ ಸಮ್ಪೂರ್ಣಮ್