વિષ્ણુ ષટ્પદિ

વિષ્ણુ ષટ્પદિ

શ્લોક 1

અવિનયમપનય વિષ્ણો દમય મનઃ શમય વિષયમૃગતૃષ્ણામ્ ।

ભૂતદયાં વિસ્તારય તારય સંસારસાગરતઃ

શ્લોક 2

દિવ્યધુનીમકરન્દે પરિમલપરિભોગસચ્ચિદાનન્દે ।

શ્રીપતિપદારવિન્દે ભવભયખેદચ્છિદે વન્દે

॥ 1 ॥

શ્લોક 3

સત્યપિ ભેદાપગમે નાથ તવાઽહં ન મામકીનસ્ત્વમ્ ।

સામુદ્રો હિ તરઙ્ગઃ ક્વચન સમુદ્રો ન તારઙ્ગઃ

॥ 2 ॥

શ્લોક 4

ઉદ્ધૃતનગ નગભિદનુજ દનુજકુલામિત્ર મિત્રશશિદૃષ્ટે ।

દૃષ્ટે ભવતિ પ્રભવતિ ન ભવતિ કિં ભવતિરસ્કારઃ

॥ 3 ॥

શ્લોક 5

મત્સ્યાદિભિરવતારૈરવતારવતાઽવતા સદા વસુધામ્ ।

પરમેશ્વર પરિપાલ્યો ભવતા ભવતાપભીતોઽહમ્

॥ 4 ॥

શ્લોક 6

દામોદર ગુણમન્દિર સુન્દરવદનારવિન્દ ગોવિન્દ ।

ભવજલધિમથનમન્દર પરમં દરમપનય ત્વં મે

॥ 5 ॥

શ્લોક 7

નારાયણ કરુણામય શરણં કરવાણિ તાવકૌ ચરણૌ ।

ઇતિ ષટ્પદી મદીયે વદનસરોજે સદા વસતુ ॥

ઇતિ શ્રીમચ્ચઙ્કરાચાર્ય વિરચિતં શ્રી વિષ્ણુ ષટ્પદી સ્તોત્રં સમ્પૂર્ણમ્