വിനായക അഷ്ടോത്തര ശത നാമ സ്തോത്രമ്

വിനായക അഷ്ടോത്തര ശത നാമ സ്തോത്രമ്

ശ്ലോക 1

വിനായകോ വിഘ്നരാജോ ഗൌരീപുത്രോ ഗണേശ്വരഃ ।

സ്കന്ദാഗ്രജോഽവ്യയഃ പൂതോ ദക്ഷോഽധ്യക്ഷോ ദ്വിജപ്രിയഃ

ശ്ലോക 2

അഗ്നിഗര്വച്ഛിദിന്ദ്രശ്രീപ്രദോ വാണീപ്രദായകഃ ।

സര്വസിദ്ധിപ്രദഃ ശര്വതനയഃ ശര്വരീപ്രിയഃ

॥ 1 ॥

ശ്ലോക 3

സര്വാത്മകഃ സൃഷ്ടികര്താ ദേവാനീകാര്ചിതഃ ശിവഃ ।

സിദ്ധിബുദ്ധിപ്രദഃ ശാന്തോ ബ്രഹ്മചാരീ ഗജാനനഃ

॥ 2 ॥

ശ്ലോക 4

ദ്വൈമാതുരോ മുനിസ്തുത്യോ ഭക്തവിഘ്നവിനാശനഃ ।

ഏകദന്തശ്ചതുര്ബാഹുശ്ചതുരഃ ശക്തിസംയുതഃ

॥ 3 ॥

ശ്ലോക 5

ലമ്ബോദരഃ ശൂര്പകര്ണോ ഹരിര്ബ്രഹ്മവിദുത്തമഃ ।

കാവ്യോ ഗ്രഹപതിഃ കാമീ സോമസൂര്യാഗ്നിലോചനഃ

॥ 4 ॥

ശ്ലോക 6

പാശാങ്കുശധരശ്ചണ്ഡോ ഗുണാതീതോ നിരഞ്ജനഃ ।

അകല്മഷഃ സ്വയം സിദ്ധഃ സിദ്ധാര്ചിതപദാമ്ബുജഃ

॥ 5 ॥

ശ്ലോക 7

ബീജാപൂരഫലാസക്തോ വരദഃ ശാശ്വതഃ കൃതീ ।

ദ്വിജപ്രിയോ വീതഭയോ ഗദീ ചക്രീക്ഷുചാപധൃത്

॥ 6 ॥

ശ്ലോക 8

ശ്രീദോഽജ ഉത്പലകരഃ ശ്രീപതിസ്തുതിഹര്ഷിതഃ ।

കുലാദ്രിഭേത്താ ജടിലശ്ചന്ദ്രചൂഡോഽമരേശ്വരഃ

॥ 7 ॥

ശ്ലോക 9

നാഗയജ്ഞോപവീതീ ച കലികല്മഷനാശനഃ ।

സ്ഥൂലകണ്ഠഃ സ്വയങ്കര്താ സാമഘോഷപ്രിയഃ പരഃ

॥ 8 ॥

ശ്ലോക 10

സ്ഥൂലതുണ്ഡോഽഗ്രണീര്ധീരോ വാഗീശഃ സിദ്ധിദായകഃ ।

ദൂര്വാബില്വപ്രിയഃ കാന്തഃ പാപഹാരീ സമാഹിതഃ

॥ 9 ॥

ശ്ലോക 11

ആശ്രിതശ്രീകരഃ സൌമ്യോ ഭക്തവാഞ്ഛിതദായകഃ ।

ശാന്തോഽച്യുതാര്ച്യഃ കൈവല്യോ സച്ചിദാനന്ദവിഗ്രഹഃ

॥ 10 ॥

ശ്ലോക 12

ജ്ഞാനീ ദയായുതോ ദാന്തോ ബ്രഹ്മദ്വേഷവിവര്ജിതഃ ।

പ്രമത്തദൈത്യഭയദോ വ്യക്തമൂര്തിരമൂര്തിമാന്

॥ 11 ॥

ശ്ലോക 13

ശൈലേന്ദ്രതനുജോത്സങ്ഗഖേലനോത്സുകമാനസഃ ।

സ്വലാവണ്യസുധാസാരജിതമന്മഥവിഗ്രഹഃ

॥ 12 ॥

ശ്ലോക 14

സമസ്തജഗദാധാരോ മായീ മൂഷകവാഹനഃ ।

രമാര്ചിതോ വിധിശ്ചൈവ ശ്രീകണ്ഠോ വിബുധേശ്വരഃ

॥ 13 ॥

ശ്ലോക 15

ചിന്താമണിദ്വീപപതിഃ പരമാത്മാ ഗജാനനഃ ।

ഹൃഷ്ടസ്തുഷ്ടഃ പ്രസന്നാത്മാ സര്വസിദ്ധിപ്രദായകഃ

॥ 14 ॥

ശ്ലോക 16

അഷ്ടോത്തരശതേനൈവം നാമ്നാം വിഘ്നേശ്വരം വിഭുമ് ।

യഃ പൂജയേദനേനൈവ ഭക്ത്യാ സിദ്ധിവിനായകമ്

॥ 15 ॥

ശ്ലോക 17

ദൂര്വാദലൈഃ ബില്വപത്രൈഃ പുഷ്പൈര്വാ ചന്ദനാക്ഷതൈഃ ।

സര്വാന്കാമാനവാപ്നോതി സര്വവിഘ്നൈഃ പ്രമുച്യതേ

॥ 16 ॥

ശ്ലോക 18

ഇതി ഭവിഷ്യോത്തരപുരാണേ വിനായകാഷ്ടോത്തരശതനാമ സ്തോത്രമ് ।