ವಾತಾಪಿ ಗಣಪತಿಂ ಭಜೇಹಂ

ವಾತಾಪಿ ಗಣಪತಿಂ ಭಜೇಹಂ

ಶ್ಲೋಕ 1

ರಾಗಮ್: ಹಂಸಧ್ವನಿ (ಸ, ರಿ2, ಗ3, ಪ, ನಿ3, ಸ)

ವಾತಾಪಿ ಗಣಪತಿಂ ಭಜೇಽಹಂ

ವಾರಣಾಶ್ಯಂ ವರಪ್ರದಂ ಶ್ರೀ ।

ಭೂತಾದಿ ಸಂಸೇವಿತ ಚರಣಂ

ಭೂತ ಭೌತಿಕ ಪ್ರಪಞ್ಚ ಭರಣಮ್ ।

ವೀತರಾಗಿಣಂ ವಿನುತ ಯೋಗಿನಂ

ವಿಶ್ವಕಾರಣಂ ವಿಘ್ನವಾರಣಮ್ ।

ಪುರಾ ಕುಮ್ಭ ಸಮ್ಭವ ಮುನಿವರ

ಪ್ರಪೂಜಿತಂ ತ್ರಿಕೋಣ ಮಧ್ಯಗತಂ

ಮುರಾರಿ ಪ್ರಮುಖಾದ್ಯುಪಾಸಿತಂ

ಮೂಲಾಧಾರ ಕ್ಷೇತ್ರಸ್ಥಿತಮ್ ।

ಪರಾದಿ ಚತ್ವಾರಿ ವಾಗಾತ್ಮಕಂ

ಪ್ರಣವ ಸ್ವರೂಪ ವಕ್ರತುಣ್ಡಂ

ನಿರನ್ತರಂ ನಿಖಿಲ ಚನ್ದ್ರಖಣ್ಡಂ

ನಿಜವಾಮಕರ ವಿದ್ರುತೇಕ್ಷುಖಣ್ಡಮ್ ।

ಕರಾಮ್ಬುಜ ಪಾಶ ಬೀಜಾಪೂರಂ

ಕಲುಷವಿದೂರಂ ಭೂತಾಕಾರಂ

ಹರಾದಿ ಗುರುಗುಹ ತೋಷಿತ ಬಿಮ್ಬಂ

ಹಂಸಧ್ವನಿ ಭೂಷಿತ ಹೇರಮ್ಬಮ್ ।