సూర్యాష్టకమ్

సూర్యాష్టకమ్

శ్లోక 1

శామ్బ ఉవాచ

ఆదిదేవ నమస్తుభ్యం ప్రసీద మమ భాస్కర ।

దివాకర నమస్తుభ్యం ప్రభాకర నమోఽస్తుతే

శ్లోక 2

సప్తాశ్వ రథ మారూఢం ప్రచణ్డం కశ్యపాత్మజమ్ ।

శ్వేత పద్మధరం దేవం తం సూర్యం ప్రణమామ్యహమ్

॥ 1 ॥

శ్లోక 3

లోహితం రథమారూఢం సర్వ లోక పితామహమ్ ।

మహా పాప హరం దేవం తం సూర్యం ప్రణమామ్యహమ్

॥ 2॥

శ్లోక 4

త్రైగుణ్యం చ మహాశూరం బ్రహ్మ విష్ణు మహేశ్వరమ్ ।

మహా పాప హరం దేవం తం సూర్యం ప్రణమామ్యహమ్

॥ 3॥

శ్లోక 5

బృంహితం తేజసాం పుఞ్జం [తేజపూజ్యం చ] వాయు మాకాశ మేవ చ ।

ప్రభుం చ సర్వలోకానాం తం సూర్యం ప్రణమామ్యహమ్

॥ 4 ॥

శ్లోక 6

బన్ధూక పుష్పసఙ్కాశం హార కుణ్డల భూషితమ్ ।

ఏక చక్రధరం దేవం తం సూర్యం ప్రణమామ్యహమ్

॥ 5 ॥

శ్లోక 7

విశ్వేశం విశ్వ కర్తారం మహాతేజః ప్రదీపనమ్ ।

మహా పాప హరం దేవం తం సూర్యం ప్రణమామ్యహమ్

॥ 6 ॥

శ్లోక 8

తం సూర్యం జగతాం నాథం జ్ఞాన విజ్ఞాన మోక్షదమ్ ।

మహా పాప హరం దేవం తం సూర్యం ప్రణమామ్యహమ్

॥ 7 ॥

శ్లోక 9

ఫలశృతి

సూర్యాష్టకం పఠేన్నిత్యం గ్రహపీడా ప్రణాశనమ్ ।

అపుత్రో లభతే పుత్రం దరిద్రో ధనవాన్ భవేత్ ॥

ఆమిషం మధుపానం చ యః కరోతి రవేర్ధినే ।

సప్త జన్మ భవేద్రోగీ జన్మ కర్మ దరిద్రతా ॥

స్త్రీ తైల మధు మాంసాని యే త్యజన్తి రవేర్దినే ।

న వ్యాధి శోక దారిద్ర్యం సూర్యలోకం స గచ్ఛతి ॥

ఇతి శ్రీ శివప్రోక్తం శ్రీ సూర్యాష్టకం సమ్పూర్ణమ్ ॥