സൂര്യാഷ്ടകമ്

സൂര്യാഷ്ടകമ്

ശ്ലോക 1

ശാമ്ബ ഉവാച

ആദിദേവ നമസ്തുഭ്യം പ്രസീദ മമ ഭാസ്കര ।

ദിവാകര നമസ്തുഭ്യം പ്രഭാകര നമോഽസ്തുതേ

ശ്ലോക 2

സപ്താശ്വ രഥ മാരൂഢം പ്രചണ്ഡം കശ്യപാത്മജമ് ।

ശ്വേത പദ്മധരം ദേവം തം സൂര്യം പ്രണമാമ്യഹമ്

॥ 1 ॥

ശ്ലോക 3

ലോഹിതം രഥമാരൂഢം സര്വ ലോക പിതാമഹമ് ।

മഹാ പാപ ഹരം ദേവം തം സൂര്യം പ്രണമാമ്യഹമ്

॥ 2॥

ശ്ലോക 4

ത്രൈഗുണ്യം ച മഹാശൂരം ബ്രഹ്മ വിഷ്ണു മഹേശ്വരമ് ।

മഹാ പാപ ഹരം ദേവം തം സൂര്യം പ്രണമാമ്യഹമ്

॥ 3॥

ശ്ലോക 5

ബൃംഹിതം തേജസാം പുഞ്ജം [തേജപൂജ്യം ച] വായു മാകാശ മേവ ച ।

പ്രഭും ച സര്വലോകാനാം തം സൂര്യം പ്രണമാമ്യഹമ്

॥ 4 ॥

ശ്ലോക 6

ബന്ധൂക പുഷ്പസങ്കാശം ഹാര കുണ്ഡല ഭൂഷിതമ് ।

ഏക ചക്രധരം ദേവം തം സൂര്യം പ്രണമാമ്യഹമ്

॥ 5 ॥

ശ്ലോക 7

വിശ്വേശം വിശ്വ കര്താരം മഹാതേജഃ പ്രദീപനമ് ।

മഹാ പാപ ഹരം ദേവം തം സൂര്യം പ്രണമാമ്യഹമ്

॥ 6 ॥

ശ്ലോക 8

തം സൂര്യം ജഗതാം നാഥം ജ്ഞാന വിജ്ഞാന മോക്ഷദമ് ।

മഹാ പാപ ഹരം ദേവം തം സൂര്യം പ്രണമാമ്യഹമ്

॥ 7 ॥

ശ്ലോക 9

ഫലശൃതി

സൂര്യാഷ്ടകം പഠേന്നിത്യം ഗ്രഹപീഡാ പ്രണാശനമ് ।

അപുത്രോ ലഭതേ പുത്രം ദരിദ്രോ ധനവാന് ഭവേത് ॥

ആമിഷം മധുപാനം ച യഃ കരോതി രവേര്ധിനേ ।

സപ്ത ജന്മ ഭവേദ്രോഗീ ജന്മ കര്മ ദരിദ്രതാ ॥

സ്ത്രീ തൈല മധു മാംസാനി യേ ത്യജന്തി രവേര്ദിനേ ।

ന വ്യാധി ശോക ദാരിദ്ര്യം സൂര്യലോകം സ ഗച്ഛതി ॥

ഇതി ശ്രീ ശിവപ്രോക്തം ശ്രീ സൂര്യാഷ്ടകം സമ്പൂര്ണമ് ॥