శ్రీమద్భగవద్గీతా మూలమ్ - షోడశోఽధ్యాయః

శ్రీమద్భగవద్గీతా మూలమ్ - షోడశోఽధ్యాయః

శ్లోక 1

ఓం శ్రీ పరమాత్మనే నమః

అథ షోడశోఽధ్యాయః ।

దైవాసురసమ్పద్విభాగయోగః

శ్రీభగవానువాచ

అభయం సత్త్వసంశుద్ధిర్జ్ఞానయోగవ్యవస్థితిః ।

దానం దమశ్చ యజ్ఞశ్చ స్వాధ్యాయస్తప ఆర్జవమ్

శ్లోక 2

అహింసా సత్యమక్రోధస్త్యాగః శాన్తిరపైశునమ్ ।

దయా భూతేష్వలోలుప్త్వం మార్దవం హ్రీరచాపలమ్

॥ 1 ॥

శ్లోక 3

తేజః క్షమా ధృతిః శౌచమద్రోహో నాతిమానితా ।

భవన్తి సమ్పదం దైవీమభిజాతస్య భారత

॥ 2 ॥

శ్లోక 4

దమ్భో దర్పోఽభిమానశ్చ క్రోధః పారుష్యమేవ చ ।

అజ్ఞానం చాభిజాతస్య పార్థ సమ్పదమాసురీమ్

॥ 3 ॥

శ్లోక 5

దైవీ సమ్పద్విమోక్షాయ నిబన్ధాయాసురీ మతా ।

మా శుచః సమ్పదం దైవీమభిజాతోఽసి పాణ్డవ

॥ 4 ॥

శ్లోక 6

ద్వౌ భూతసర్గౌ లోకేఽస్మిన్దైవ ఆసుర ఏవ చ ।

దైవో విస్తరశః ప్రోక్త ఆసురం పార్థ మే శృణు

॥ 5 ॥

శ్లోక 7

ప్రవృత్తిం చ నివృత్తిం చ జనా న విదురాసురాః ।

న శౌచం నాపి చాచారో న సత్యం తేషు విద్యతే

॥ 6 ॥

శ్లోక 8

అసత్యమప్రతిష్ఠం తే జగదాహురనీశ్వరమ్ ।

అపరస్పరసమ్భూతం కిమన్యత్కామహైతుకమ్

॥ 7 ॥

శ్లోక 9

ఏతాం దృష్టిమవష్టభ్య నష్టాత్మానోఽల్పబుద్ధయః ।

ప్రభవన్త్యుగ్రకర్మాణః క్షయాయ జగతోఽహితాః

॥ 8 ॥

శ్లోక 10

కామమాశ్రిత్య దుష్పూరం దమ్భమానమదాన్వితాః ।

మోహాద్గృహీత్వాసద్గ్రాహాన్ప్రవర్తన్తేఽశుచివ్రతాః

॥ 9 ॥

శ్లోక 11

చిన్తామపరిమేయాం చ ప్రలయాన్తాముపాశ్రితాః ।

కామోపభోగపరమా ఏతావదితి నిశ్చితాః

॥ 10 ॥

శ్లోక 12

ఆశాపాశశతైర్బద్ధాః కామక్రోధపరాయణాః ।

ఈహన్తే కామభోగార్థమన్యాయేనార్థసఞ్చయాన్

॥ 11 ॥

శ్లోక 13

ఇదమద్య మయా లబ్ధమిమం ప్రాప్స్యే మనోరథమ్ ।

ఇదమస్తీదమపి మే భవిష్యతి పునర్ధనమ్

॥ 12 ॥

శ్లోక 14

అసౌ మయా హతః శత్రుర్హనిష్యే చాపరానపి ।

ఈశ్వరోఽహమహం భోగీ సిద్ధోఽహం బలవాన్సుఖీ

॥ 13 ॥

శ్లోక 15

ఆఢ్యోఽభిజనవానస్మి కోఽన్యోస్తి సదృశో మయా ।

యక్ష్యే దాస్యామి మోదిష్య ఇత్యజ్ఞానవిమోహితాః

॥ 14 ॥

శ్లోక 16

అనేకచిత్తవిభ్రాన్తా మోహజాలసమావృతాః ।

ప్రసక్తాః కామభోగేషు పతన్తి నరకేఽశుచౌ

॥ 15 ॥

శ్లోక 17

ఆత్మసమ్భావితాః స్తబ్ధా ధనమానమదాన్వితాః ।

యజన్తే నామయజ్ఞైస్తే దమ్భేనావిధిపూర్వకమ్

॥ 16 ॥

శ్లోక 18

అహఙ్కారం బలం దర్పం కామం క్రోధం చ సంశ్రితాః ।

మామాత్మపరదేహేషు ప్రద్విషన్తోఽభ్యసూయకాః

॥ 17 ॥

శ్లోక 19

తానహం ద్విషతః క్రూరాన్సంసారేషు నరాధమాన్ ।

క్షిపామ్యజస్రమశుభానాసురీష్వేవ యోనిషు

॥ 18 ॥

శ్లోక 20

ఆసురీం యోనిమాపన్నా మూఢా జన్మని జన్మని ।

మామప్రాప్యైవ కౌన్తేయ తతో యాన్త్యధమాం గతిమ్

॥ 19 ॥

శ్లోక 21

త్రివిధం నరకస్యేదం ద్వారం నాశనమాత్మనః ।

కామః క్రోధస్తథా లోభస్తస్మాదేతత్త్రయం త్యజేత్

॥ 20 ॥

శ్లోక 22

ఏతైర్విముక్తః కౌన్తేయ తమోద్వారైస్త్రిభిర్నరః ।

ఆచరత్యాత్మనః శ్రేయస్తతో యాతి పరాం గతిమ్

॥ 21 ॥

శ్లోక 23

యః శాస్త్రవిధిముత్సృజ్య వర్తతే కామకారతః ।

న స సిద్ధిమవాప్నోతి న సుఖం న పరాం గతిమ్

॥ 22 ॥

శ్లోక 24

తస్మాచ్ఛాస్త్రం ప్రమాణం తే కార్యాకార్యవ్యవస్థితౌ ।

జ్ఞాత్వా శాస్త్రవిధానోక్తం కర్మ కర్తుమిహార్హసి

॥ 23 ॥

శ్లోక 25

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదే దైవాసురసమ్పద్విభాగయోగో నామ షోడశోఽధ్యాయః

॥ 24 ॥

శ్లోక 26