શ્રી સુબ્રહ્મણ્ય સહસ્ર નામ સ્તોત્રમ્

શ્રી સુબ્રહ્મણ્ય સહસ્ર નામ સ્તોત્રમ્

શ્લોક 1

ઋષય ઊચુઃ ।

સર્વશાસ્ત્રાર્થતત્ત્વજ્ઞ સર્વલોકોપકારક ।

વયં ચાતિથયઃ પ્રાપ્તા આતિથેયોઽસિ સુવ્રત

શ્લોક 2

જ્ઞાનદાનેન સંસારસાગરાત્તારયસ્વ નઃ ।

કલૌ કલુષચિત્તા યે નરાઃ પાપરતાઃ સદા

॥ 1 ॥

શ્લોક 3

કેન સ્તોત્રેણ મુચ્યન્તે સર્વપાતકબન્ધનાત્ ।

ઇષ્ટસિદ્ધિકરં પુણ્યં દુઃખદારિદ્ર્યનાશનમ્

॥ 2 ॥

શ્લોક 4

સર્વરોગહરં સ્તોત્રં સૂત નો વક્તુમર્હસિ ।

શ્રીસૂત ઉવાચ ।

શૃણુધ્વં ઋષયઃ સર્વે નૈમિશારણ્યવાસિનઃ

॥ 3 ॥

શ્લોક 5

તત્ત્વજ્ઞાનતપોનિષ્ઠાઃ સર્વશાસ્ત્રવિશારદાઃ ।

સ્વયમ્ભુવા પુરા પ્રોક્તં નારદાય મહાત્મને

॥ 4 ॥

શ્લોક 6

તદહં સમ્પ્રવક્ષ્યામિ શ્રોતું કૌતૂહલં યદિ ।

ઋષય ઊચુઃ ।

કિમાહ ભગવાન્બ્રહ્મા નારદાય મહાત્મને

॥ 5 ॥

શ્લોક 7

સૂતપુત્ર મહાભાગ વક્તુમર્હસિ સામ્પ્રતમ્ ।

શ્રીસૂત ઉવાચ ।

દિવ્યસિંહાસનાસીનં સર્વદેવૈરભિષ્ટુતમ્

॥ 6 ॥

શ્લોક 8

સાષ્ટાઙ્ગં પ્રણિપત્યૈનં બ્રહ્માણં ભુવનેશ્વરમ્ ।

નારદઃ પરિપપ્રચ્છ કૃતાઞ્જલિરુપસ્થિતઃ

॥ 7 ॥

શ્લોક 9

નારદ ઉવાચ ।

લોકનાથ સુરશ્રેષ્ઠ સર્વજ્ઞ કરુણાકર ।

ષણ્મુખસ્ય પરં સ્તોત્રં પાવનં પાપનાશનમ્

॥ 8 ॥

શ્લોક 10

હે ધાતઃ પુત્રવાત્સલ્યાત્તદ્વદ પ્રણતાય મે ।

ઉપદિશ્ય તુ મામેવં રક્ષ રક્ષ કૃપાનિધે

॥ 9 ॥

શ્લોક 11

બ્રહ્મોવાચ ।

શૃણુ વક્ષ્યામિ દેવર્ષે સ્તવરાજમિદં પરમ્ ।

માતૃકામાલિકાયુક્તં જ્ઞાનમોક્ષસુખપ્રદમ્

॥ 10 ॥

શ્લોક 12

સહસ્રાણિ ચ નામાનિ ષણ્મુખસ્ય મહાત્મનઃ ।

યાનિ નામાનિ દિવ્યાનિ દુઃખરોગહરાણિ ચ

॥ 11 ॥

શ્લોક 13

તાનિ નામાનિ વક્ષ્યામિ કૃપયા ત્વયિ નારદ ।

જપમાત્રેણ સિદ્ધ્યન્તિ મનસા ચિન્તિતાન્યપિ

॥ 12 ॥

શ્લોક 14

ઇહામુત્ર પરં ભોગં લભતે નાત્ર સંશયઃ ।

ઇદં સ્તોત્રં પરં પુણ્યં કોટિયજ્ઞફલપ્રદમ્ ।

સન્દેહો નાત્ર કર્તવ્યઃ શૃણુ મે નિશ્ચિતં વચઃ

॥ 13 ॥

શ્લોક 15

ૐ અસ્ય શ્રીસુબ્રહ્મણ્યસહસ્રનામસ્તોત્ર મહામન્ત્રસ્ય બ્રહ્મા ઋષિઃ અનુષ્ટુપ્છન્દઃ સુબ્રહ્મણ્યો દેવતા શરજન્માક્ષય ઇતિ બીજં શક્તિધરોઽક્ષય કાર્તિકેય ઇતિ શક્તિઃ ક્રૌઞ્ચધર ઇતિ કીલકં શિખિવાહન ઇતિ કવચં ષણ્મુખાય ઇતિ ધ્યાનં શ્રીસુબ્રહ્મણ્ય પ્રસાદસિદ્ધ્યર્થે જપે વિનિયોગઃ ।

કરન્યાસઃ –

ૐ શં ઓઙ્કારસ્વરૂપાય ઓજોધરાય ઓજસ્વિને સુહૃદયાય હૃષ્ટચિત્તાત્મને ભાસ્વરરૂપાય અઙ્ગુષ્ઠાભ્યાં નમઃ ।

ૐ રં ષટ્કોણમધ્યનિલયાય ષટ્કિરીટધરાય શ્રીમતે ષડાધારાય તર્જનીભ્યાં નમઃ ।

ૐ વં ષણ્મુખાય શરજન્મને શુભલક્ષણાય શિખિવાહનાય મધ્યમાભ્યાં નમઃ ।

ૐ ણં કૃશાનુસમ્ભવાય કવચિને કુક્કુટધ્વજાય અનામિકાભ્યાં નમઃ ।

ૐ ભં કન્દર્પકોટિદીપ્યમાનાય દ્વિષડ્બાહવે દ્વાદશાક્ષાય કનિષ્ઠિકાભ્યાં નમઃ ।

ૐ વં ખેટધરાય ખડ્ગિને શક્તિહસ્તાય કરતલકરપૃષ્ઠાભ્યાં નમઃ ।

હૃદયાદિન્યાસઃ –

ૐ શં ઓઙ્કારસ્વરૂપાય ઓજોધરાય ઓજસ્વિને સુહૃદયાય હૃષ્ટચિત્તાત્મને ભાસ્વરરૂપાય હૃદયાય નમઃ ।

ૐ રં ષટ્કોણમધ્યનિલયાય ષટ્કિરીટધરાય શ્રીમતે ષડાધારાય શિરસે સ્વાહા ।

ૐ વં ષણ્મુખાય શરજન્મને શુભલક્ષણાય શિખિવાહનાય શિખાયૈ વષટ્ ।

ૐ ણં કૃશાનુસમ્ભવાય કવચિને કુક્કુટધ્વજાય કવચાય હુમ્ ।

ૐ ભં કન્દર્પકોટિદીપ્યમાનાય દ્વિષડ્બાહવે દ્વાદશાક્ષાય નેત્રત્રયાય વૌષટ્ ।

ૐ વં ખેટધરાય ખડ્ગિને શક્તિહસ્તાય અસ્ત્રાય ફટ્ ।

ભૂર્ભુવસ્સુવરોમિતિ દિગ્બન્ધઃ ।

ધ્યાનમ્ ।

ધ્યાયેત્ષણ્મુખમિન્દુકોટિસદૃશં રત્નપ્રભાશોભિતં

બાલાર્કદ્યુતિષટ્કિરીટવિલસત્કેયૂરહારાન્વિતમ્ ।

કર્ણાલમ્બિતકુણ્ડલપ્રવિલસદ્ગણ્ડસ્થલાશોભિતં

કાઞ્ચીકઙ્કણકિઙ્કિણીરવયુતં શૃઙ્ગારસારોદયમ્

॥ 14 ॥

શ્લોક 16

ધ્યાયેદીપ્સિતસિદ્ધિદં શિવસુતં શ્રીદ્વાદશાક્ષં ગુહં

ખેટં કુક્કુટમઙ્કુશં ચ વરદં પાશં ધનુશ્ચક્રકમ્ ।

વજ્રં શક્તિમસિં ચ શૂલમભયં દોર્ભિર્ધૃતં ષણ્મુખં

દેવં ચિત્રમયૂરવાહનગતં ચિત્રામ્બરાલઙ્કૃતમ્

॥ 1 ॥

શ્લોક 17

સ્તોત્રમ્ ।

અચિન્ત્યશક્તિરનઘસ્ત્વક્ષોભ્યસ્ત્વપરાજિતઃ ।

અનાથવત્સલોઽમોઘસ્ત્વશોકોઽપ્યજરોઽભયઃ

॥ 2 ॥

શ્લોક 18

અત્યુદારો હ્યઘહરસ્ત્વગ્રગણ્યોઽદ્રિજાસુતઃ ।

અનન્તમહિમાઽપારોઽનન્તસૌખ્યપ્રદોઽવ્યયઃ

॥ 1 ॥

શ્લોક 19

અનન્તમોક્ષદોઽનાદિરપ્રમેયોઽક્ષરોઽચ્યુતઃ ।

અકલ્મષોઽભિરામોઽગ્રધુર્યશ્ચામિતવિક્રમઃ

॥ 2 ॥

શ્લોક 20

અનાથનાથો હ્યમલો હ્યપ્રમત્તોઽમરપ્રભુઃ ।

અરિન્દમોઽખિલાધારસ્ત્વણિમાદિગુણોઽગ્રણીઃ

॥ 3 ॥

શ્લોક 21

અચઞ્ચલોઽમરસ્તુત્યો હ્યકલઙ્કોઽમિતાશનઃ ।

અગ્નિભૂરનવદ્યાઙ્ગો હ્યદ્ભુતોઽભીષ્ટદાયકઃ

॥ 4 ॥

શ્લોક 22

અતીન્દ્રિયોઽપ્રમેયાત્મા હ્યદૃશ્યોઽવ્યક્તલક્ષણઃ ।

આપદ્વિનાશકસ્ત્વાર્ય આઢ્ય આગમસંસ્તુતઃ

॥ 5 ॥

શ્લોક 23

આર્તસંરક્ષણસ્ત્વાદ્ય આનન્દસ્ત્વાર્યસેવિતઃ ।

આશ્રિતેષ્ટાર્થવરદ આનન્દ્યાર્તફલપ્રદઃ

॥ 6 ॥

શ્લોક 24

આશ્ચર્યરૂપ આનન્દ આપન્નાર્તિવિનાશનઃ ।

ઇભવક્ત્રાનુજસ્ત્વિષ્ટ ઇભાસુરહરાત્મજઃ

॥ 7 ॥

શ્લોક 25

ઇતિહાસશ્રુતિસ્તુત્ય ઇન્દ્રભોગફલપ્રદઃ ।

ઇષ્ટાપૂર્તફલપ્રાપ્તિરિષ્ટેષ્ટવરદાયકઃ

॥ 8 ॥

શ્લોક 26

ઇહામુત્રેષ્ટફલદ ઇષ્ટદસ્ત્વિન્દ્રવન્દિતઃ ।

ઈડનીયસ્ત્વીશપુત્ર ઈપ્સિતાર્થપ્રદાયકઃ

॥ 9 ॥

શ્લોક 27

ઈતિભીતિહરશ્ચેડ્ય ઈષણાત્રયવર્જિતઃ ।

ઉદારકીર્તિરુદ્યોગી ચોત્કૃષ્ટોરુપરાક્રમઃ

॥ 10 ॥

શ્લોક 28

ઉત્કૃષ્ટશક્તિરુત્સાહ ઉદારશ્ચોત્સવપ્રિયઃ ।

ઉજ્જૃમ્ભ ઉદ્ભવશ્ચોગ્ર ઉદગ્રશ્ચોગ્રલોચનઃ

॥ 11 ॥

શ્લોક 29

ઉન્મત્ત ઉગ્રશમન ઉદ્વેગઘ્નોરગેશ્વરઃ ।

ઉરુપ્રભાવશ્ચોદીર્ણ ઉમાપુત્ર ઉદારધીઃ

॥ 12 ॥

શ્લોક 30

ઊર્ધ્વરેતઃસુતસ્તૂર્ધ્વગતિદસ્તૂર્જપાલકઃ ।

ઊર્જિતસ્તૂર્ધ્વગસ્તૂર્ધ્વ ઊર્ધ્વલોકૈકનાયકઃ

॥ 13 ॥

શ્લોક 31

ઊર્જાવાનૂર્જિતોદાર ઊર્જિતોર્જિતશાસનઃ ।

ઋષિદેવગણસ્તુત્ય ઋણત્રયવિમોચનઃ

॥ 14 ॥

શ્લોક 32

ઋજુરૂપો હ્યૃજુકર ઋજુમાર્ગપ્રદર્શનઃ ।

ઋતમ્ભરો હ્યૃજુપ્રીત ઋષભસ્ત્વૃદ્ધિદસ્ત્વૃતઃ

॥ 15 ॥

શ્લોક 33

લુલિતોદ્ધારકો લૂતભવપાશપ્રભઞ્જનઃ ।

એણાઙ્કધરસત્પુત્ર એક એનોવિનાશનઃ

॥ 16 ॥

શ્લોક 34

ઐશ્વર્યદશ્ચૈન્દ્રભોગી ચૈતિહ્યશ્ચૈન્દ્રવન્દિતઃ ।

ઓજસ્વી ચૌષધિસ્થાનમોજોદશ્ચૌદનપ્રદઃ

॥ 17 ॥

શ્લોક 35

ઔદાર્યશીલ ઔમેય ઔગ્ર ઔન્નત્યદાયકઃ ।

ઔદાર્ય ઔષધકર ઔષધં ચૌષધાકરઃ

॥ 18 ॥

શ્લોક 36

અંશુમાનંશુમાલીડ્ય અમ્બિકાતનયોઽન્નદઃ ।

અન્ધકારિસુતોઽન્ધત્વહારી ચામ્બુજલોચનઃ

॥ 19 ॥

શ્લોક 37

અસ્તમાયોઽમરાધીશો હ્યસ્પષ્ટોઽસ્તોકપુણ્યદઃ ।

અસ્તામિત્રોઽસ્તરૂપશ્ચાસ્ખલત્સુગતિદાયકઃ

॥ 20 ॥

શ્લોક 38

કાર્તિકેયઃ કામરૂપઃ કુમારઃ ક્રૌઞ્ચદારણઃ ।

કામદઃ કારણં કામ્યઃ કમનીયઃ કૃપાકરઃ

॥ 21 ॥

શ્લોક 39

કાઞ્ચનાભઃ કાન્તિયુક્તઃ કામી કામપ્રદઃ કવિઃ ।

કીર્તિકૃત્કુક્કુટધરઃ કૂટસ્થઃ કુવલેક્ષણઃ

॥ 22 ॥

શ્લોક 40

કુઙ્કુમાઙ્ગઃ ક્લમહરઃ કુશલઃ કુક્કુટધ્વજઃ ।

કુશાનુસમ્ભવઃ ક્રૂરઃ ક્રૂરઘ્નઃ કલિતાપહૃત્

॥ 23 ॥

શ્લોક 41

કામરૂપઃ કલ્પતરુઃ કાન્તઃ કામિતદાયકઃ ।

કલ્યાણકૃત્ક્લેશનાશઃ કૃપાલુઃ કરુણાકરઃ

॥ 24 ॥

શ્લોક 42

કલુષઘ્નઃ ક્રિયાશક્તિઃ કઠોરઃ કવચી કૃતી ।

કોમલાઙ્ગઃ કુશપ્રીતઃ કુત્સિતઘ્નઃ કલાધરઃ

॥ 25 ॥

શ્લોક 43

ખ્યાતઃ ખેટધરઃ ખડ્ગી ખટ્વાઙ્ગી ખલનિગ્રહઃ ।

ખ્યાતિપ્રદઃ ખેચરેશઃ ખ્યાતેહઃ ખેચરસ્તુતઃ

॥ 26 ॥

શ્લોક 44

ખરતાપહરઃ સ્વસ્થઃ ખેચરઃ ખેચરાશ્રયઃ ।

ખણ્ડેન્દુમૌલિતનયઃ ખેલઃ ખેચરપાલકઃ

॥ 27 ॥

શ્લોક 45

ખસ્થલઃ ખણ્ડિતાર્કશ્ચ ખેચરીજનપૂજિતઃ ।

ગાઙ્ગેયો ગિરિજાપુત્રો ગણનાથાનુજો ગુહઃ

॥ 28 ॥

શ્લોક 46

ગોપ્તા ગીર્વાણસંસેવ્યો ગુણાતીતો ગુહાશ્રયઃ ।

ગતિપ્રદો ગુણનિધિઃ ગમ્ભીરો ગિરિજાત્મજઃ

॥ 29 ॥

શ્લોક 47

ગૂઢરૂપો ગદહરો ગુણાધીશો ગુણાગ્રણીઃ ।

ગોધરો ગહનો ગુપ્તો ગર્વઘ્નો ગુણવર્ધનઃ

॥ 30 ॥

શ્લોક 48

ગુહ્યો ગુણજ્ઞો ગીતિજ્ઞો ગતાતઙ્કો ગુણાશ્રયઃ ।

ગદ્યપદ્યપ્રિયો ગુણ્યો ગોસ્તુતો ગગનેચરઃ

॥ 31 ॥

શ્લોક 49

ગણનીયચરિત્રશ્ચ ગતક્લેશો ગુણાર્ણવઃ ।

ઘૂર્ણિતાક્ષો ઘૃણિનિધિઃ ઘનગમ્ભીરઘોષણઃ

॥ 32 ॥

શ્લોક 50

ઘણ્ટાનાદપ્રિયો ઘોષો ઘોરાઘૌઘવિનાશનઃ ।

ઘનાનન્દો ઘર્મહન્તા ઘૃણાવાન્ ઘૃષ્ટિપાતકઃ

॥ 33 ॥

શ્લોક 51

ઘૃણી ઘૃણાકરો ઘોરો ઘોરદૈત્યપ્રહારકઃ ।

ઘટિતૈશ્વર્યસન્દોહો ઘનાર્થો ઘનસઙ્ક્રમઃ

॥ 34 ॥

શ્લોક 52

ચિત્રકૃચ્ચિત્રવર્ણશ્ચ ચઞ્ચલશ્ચપલદ્યુતિઃ ।

ચિન્મયશ્ચિત્સ્વરૂપશ્ચ ચિરાનન્દશ્ચિરન્તનઃ

॥ 35 ॥

શ્લોક 53

ચિત્રકેલિશ્ચિત્રતરશ્ચિન્તનીયશ્ચમત્કૃતિઃ ।

ચોરઘ્નશ્ચતુરશ્ચારુશ્ચામીકરવિભૂષણઃ

॥ 36 ॥

શ્લોક 54

ચન્દ્રાર્કકોટિસદૃશશ્ચન્દ્રમૌલિતનૂભવઃ ।

છાદિતાઙ્ગશ્છદ્મહન્તા છેદિતાખિલપાતકઃ

॥ 37 ॥

શ્લોક 55

છેદીકૃતતમઃક્લેશશ્છત્રીકૃતમહાયશાઃ ।

છાદિતાશેષસન્તાપશ્છુરિતામૃતસાગરઃ

॥ 38 ॥

શ્લોક 56

છન્નત્રૈગુણ્યરૂપશ્ચ છાતેહશ્છિન્નસંશયઃ ।

છન્દોમયશ્છન્દગામી છિન્નપાશશ્છવિશ્છદઃ

॥ 39 ॥

શ્લોક 57

જગદ્ધિતો જગત્પૂજ્યો જગજ્જ્યેષ્ઠો જગન્મયઃ ।

જનકો જાહ્નવીસૂનુર્જિતામિત્રો જગદ્ગુરુઃ

॥ 40 ॥

શ્લોક 58

જયી જિતેન્દ્રિયો જૈત્રો જરામરણવર્જિતઃ ।

જ્યોતિર્મયો જગન્નાથો જગજ્જીવો જનાશ્રયઃ

॥ 41 ॥

શ્લોક 59

જગત્સેવ્યો જગત્કર્તા જગત્સાક્ષી જગત્પ્રિયઃ ।

જમ્ભારિવન્દ્યો જયદો જગજ્જનમનોહરઃ

॥ 42 ॥

શ્લોક 60

જગદાનન્દજનકો જનજાડ્યાપહારકઃ ।

જપાકુસુમસઙ્કાશો જનલોચનશોભનઃ

॥ 43 ॥

શ્લોક 61

જનેશ્વરો જિતક્રોધો જનજન્મનિબર્હણઃ ।

જયદો જન્તુતાપઘ્નો જિતદૈત્યમહાવ્રજઃ

॥ 44 ॥

શ્લોક 62

જિતમાયો જિતક્રોધો જિતસઙ્ગો જનપ્રિયઃ ।

ઝઞ્ઝાનિલમહાવેગો ઝરિતાશેષપાતકઃ

॥ 45 ॥

શ્લોક 63

ઝર્ઝરીકૃતદૈત્યૌઘો ઝલ્લરીવાદ્યસમ્પ્રિયઃ ।

જ્ઞાનમૂર્તિર્જ્ઞાનગમ્યો જ્ઞાની જ્ઞાનમહાનિધિઃ

॥ 46 ॥

શ્લોક 64

ટઙ્કારનૃત્તવિભવઃ ટઙ્કવજ્રધ્વજાઙ્કિતઃ ।

ટઙ્કિતાખિલલોકશ્ચ ટઙ્કિતૈનસ્તમોરવિઃ

॥ 47 ॥

શ્લોક 65

ડમ્બરપ્રભવો ડમ્ભો ડમ્બો ડમરુકપ્રિયઃ । [ડમડ્ડ]

ડમરોત્કટસન્નાદો ડિમ્ભરૂપસ્વરૂપકઃ

॥ 48 ॥

શ્લોક 66

ઢક્કાનાદપ્રીતિકરો ઢાલિતાસુરસઙ્કુલઃ ।

ઢૌકિતામરસન્દોહો ઢુણ્ઢિવિઘ્નેશ્વરાનુજઃ

॥ 49 ॥

શ્લોક 67

તત્ત્વજ્ઞસ્તત્વગસ્તીવ્રસ્તપોરૂપસ્તપોમયઃ ।

ત્રયીમયસ્ત્રિકાલજ્ઞસ્ત્રિમૂર્તિસ્ત્રિગુણાત્મકઃ

॥ 50 ॥

શ્લોક 68

ત્રિદશેશસ્તારકારિસ્તાપઘ્નસ્તાપસપ્રિયઃ ।

તુષ્ટિદસ્તુષ્ટિકૃત્તીક્ષ્ણસ્તપોરૂપસ્ત્રિકાલવિત્

॥ 51 ॥

શ્લોક 69

સ્તોતા સ્તવ્યઃ સ્તવપ્રીતઃ સ્તુતિઃ સ્તોત્રં સ્તુતિપ્રિયઃ ।

સ્થિતઃ સ્થાયી સ્થાપકશ્ચ સ્થૂલસૂક્ષ્મપ્રદર્શકઃ

॥ 52 ॥

શ્લોક 70

સ્થવિષ્ઠઃ સ્થવિરઃ સ્થૂલઃ સ્થાનદઃ સ્થૈર્યદઃ સ્થિરઃ ।

દાન્તો દયાપરો દાતા દુરિતઘ્નો દુરાસદઃ

॥ 53 ॥

શ્લોક 71

દર્શનીયો દયાસારો દેવદેવો દયાનિધિઃ ।

દુરાધર્ષો દુર્વિગાહ્યો દક્ષો દર્પણશોભિતઃ

॥ 54 ॥

શ્લોક 72

દુર્ધરો દાનશીલશ્ચ દ્વાદશાક્ષો દ્વિષડ્ભુજઃ ।

દ્વિષટ્કર્ણો દ્વિષડ્બાહુર્દીનસન્તાપનાશનઃ

॥ 55 ॥

શ્લોક 73

દન્દશૂકેશ્વરો દેવો દિવ્યો દિવ્યાકૃતિર્દમઃ ।

દીર્ઘવૃત્તો દીર્ઘબાહુર્દીર્ઘદૃષ્ટિર્દિવસ્પતિઃ

॥ 56 ॥

શ્લોક 74

દણ્ડો દમયિતા દર્પો દેવસિંહો દૃઢવ્રતઃ ।

દુર્લભો દુર્ગમો દીપ્તો દુષ્પ્રેક્ષ્યો દિવ્યમણ્ડનઃ

॥ 57 ॥

શ્લોક 75

દુરોદરઘ્નો દુઃખઘ્નો દુરારિઘ્નો દિશાં પતિઃ ।

દુર્જયો દેવસેનેશો દુર્જ્ઞેયો દુરતિક્રમઃ

॥ 58 ॥

શ્લોક 76

દમ્ભો દૃપ્તશ્ચ દેવર્ષિર્દૈવજ્ઞો દૈવચિન્તકઃ ।

ધુરન્ધરો ધર્મપરો ધનદો ધૃતિવર્ધનઃ

॥ 59 ॥

શ્લોક 77

ધર્મેશો ધર્મશાસ્ત્રજ્ઞો ધન્વી ધર્મપરાયણઃ ।

ધનાધ્યક્ષો ધનપતિર્ધૃતિમાન્ધૂતકિલ્બિષઃ

॥ 60 ॥

શ્લોક 78

ધર્મહેતુર્ધર્મશૂરો ધર્મકૃદ્ધર્મવિદ્ધ્રુવઃ ।

ધાતા ધીમાન્ધર્મચારી ધન્યો ધુર્યો ધૃતવ્રતઃ

॥ 61 ॥

શ્લોક 79

નિત્યોત્સવો નિત્યતૃપ્તો નિર્લેપો નિશ્ચલાત્મકઃ ।

નિરવદ્યો નિરાધારો નિષ્કલઙ્કો નિરઞ્જનઃ

॥ 62 ॥

શ્લોક 80

નિર્મમો નિરહઙ્કારો નિર્મોહો નિરુપદ્રવઃ ।

નિત્યાનન્દો નિરાતઙ્કો નિષ્પ્રપઞ્ચો નિરામયઃ

॥ 63 ॥

શ્લોક 81

નિરવદ્યો નિરીહશ્ચ નિર્દર્શો નિર્મલાત્મકઃ ।

નિત્યાનન્દો નિર્જરેશો નિઃસઙ્ગો નિગમસ્તુતઃ

॥ 64 ॥

શ્લોક 82

નિષ્કણ્ટકો નિરાલમ્બો નિષ્પ્રત્યૂહો નિરુદ્ભવઃ ।

નિત્યો નિયતકલ્યાણો નિર્વિકલ્પો નિરાશ્રયઃ

॥ 65 ॥

શ્લોક 83

નેતા નિધિર્નૈકરૂપો નિરાકારો નદીસુતઃ ।

પુલિન્દકન્યારમણઃ પુરુજિત્પરમપ્રિયઃ

॥ 66 ॥

શ્લોક 84

પ્રત્યક્ષમૂર્તિઃ પ્રત્યક્ષઃ પરેશઃ પૂર્ણપુણ્યદઃ ।

પુણ્યાકરઃ પુણ્યરૂપઃ પુણ્યઃ પુણ્યપરાયણઃ

॥ 67 ॥

શ્લોક 85

પુણ્યોદયઃ પરં જ્યોતિઃ પુણ્યકૃત્પુણ્યવર્ધનઃ ।

પરાનન્દઃ પરતરઃ પુણ્યકીર્તિઃ પુરાતનઃ

॥ 68 ॥

શ્લોક 86

પ્રસન્નરૂપઃ પ્રાણેશઃ પન્નગઃ પાપનાશનઃ ।

પ્રણતાર્તિહરઃ પૂર્ણઃ પાર્વતીનન્દનઃ પ્રભુઃ

॥ 69 ॥

શ્લોક 87

પૂતાત્મા પુરુષઃ પ્રાણઃ પ્રભવઃ પુરુષોત્તમઃ ।

પ્રસન્નઃ પરમસ્પષ્ટઃ પરઃ પરિબૃઢઃ પરઃ

॥ 70 ॥

શ્લોક 88

પરમાત્મા પરબ્રહ્મ પરાર્થઃ પ્રિયદર્શનઃ ।

પવિત્રઃ પુષ્ટિદઃ પૂર્તિઃ પિઙ્ગલઃ પુષ્ટિવર્ધનઃ

॥ 71 ॥

શ્લોક 89

પાપહારી પાશધરઃ પ્રમત્તાસુરશિક્ષકઃ ।

પાવનઃ પાવકઃ પૂજ્યઃ પૂર્ણાનન્દઃ પરાત્પરઃ

॥ 72 ॥

શ્લોક 90

પુષ્કલઃ પ્રવરઃ પૂર્વઃ પિતૃભક્તઃ પુરોગમઃ ।

પ્રાણદઃ પ્રાણિજનકઃ પ્રદિષ્ટઃ પાવકોદ્ભવઃ

॥ 73 ॥

શ્લોક 91

પરબ્રહ્મસ્વરૂપશ્ચ પરમૈશ્વર્યકારણમ્ ।

પરર્ધિદઃ પુષ્ટિકરઃ પ્રકાશાત્મા પ્રતાપવાન્

॥ 74 ॥

શ્લોક 92

પ્રજ્ઞાપરઃ પ્રકૃષ્ટાર્થઃ પૃથુઃ પૃથુપરાક્રમઃ ।

ફણીશ્વરઃ ફણિવરઃ ફણામણિવિભૂષણઃ

॥ 75 ॥

શ્લોક 93

ફલદઃ ફલહસ્તશ્ચ ફુલ્લામ્બુજવિલોચનઃ ।

ફડુચ્ચાટિતપાપૌઘઃ ફણિલોકવિભૂષણઃ

॥ 76 ॥

શ્લોક 94

બાહુલેયો બૃહદ્રૂપો બલિષ્ઠો બલવાન્ બલી ।

બ્રહ્મેશવિષ્ણુરૂપશ્ચ બુદ્ધો બુદ્ધિમતાં વરઃ

॥ 77 ॥

શ્લોક 95

બાલરૂપો બ્રહ્મગર્ભો બ્રહ્મચારી બુધપ્રિયઃ ।

બહુશ્રુતો બહુમતો બ્રહ્મણ્યો બ્રાહ્મણપ્રિયઃ

॥ 78 ॥

શ્લોક 96

બલપ્રમથનો બ્રહ્મા બહુરૂપો બહુપ્રદઃ ।

બૃહદ્ભાનુતનૂદ્ભૂતો બૃહત્સેનો બિલેશયઃ

॥ 79 ॥

શ્લોક 97

બહુબાહુર્બલશ્રીમાન્ બહુદૈત્યવિનાશકઃ ।

બિલદ્વારાન્તરાલસ્થો બૃહચ્છક્તિધનુર્ધરઃ

॥ 80 ॥

શ્લોક 98

બાલાર્કદ્યુતિમાન્ બાલો બૃહદ્વક્ષા બૃહદ્ધનુઃ ।

ભવ્યો ભોગીશ્વરો ભાવ્યો ભવનાશો ભવપ્રિયઃ

॥ 81 ॥

શ્લોક 99

ભક્તિગમ્યો ભયહરો ભાવજ્ઞો ભક્તસુપ્રિયઃ ।

ભુક્તિમુક્તિપ્રદો ભોગી ભગવાન્ ભાગ્યવર્ધનઃ

॥ 82 ॥

શ્લોક 100

ભ્રાજિષ્ણુર્ભાવનો ભર્તા ભીમો ભીમપરાક્રમઃ ।

ભૂતિદો ભૂતિકૃદ્ભોક્તા ભૂતાત્મા ભુવનેશ્વરઃ

॥ 83 ॥

શ્લોક 101

ભાવકો ભીકરો ભીષ્મો ભાવકેષ્ટો ભવોદ્ભવઃ ।

ભવતાપપ્રશમનો ભોગવાન્ ભૂતભાવનઃ

॥ 84 ॥

શ્લોક 102

ભોજ્યપ્રદો ભ્રાન્તિનાશો ભાનુમાન્ ભુવનાશ્રયઃ ।

ભૂરિભોગપ્રદો ભદ્રો ભજનીયો ભિષગ્વરઃ

॥ 85 ॥

શ્લોક 103

મહાસેનો મહોદારો મહાશક્તિર્મહાદ્યુતિઃ ।

મહાબુદ્ધિર્મહાવીર્યો મહોત્સાહો મહાબલઃ

॥ 86 ॥

શ્લોક 104

મહાભોગી મહામાયી મેધાવી મેખલી મહાન્ ।

મુનિસ્તુતો મહામાન્યો મહાનન્દો મહાયશાઃ

॥ 87 ॥

શ્લોક 105

મહોર્જિતો માનનિધિર્મનોરથફલપ્રદઃ ।

મહોદયો મહાપુણ્યો મહાબલપરાક્રમઃ

॥ 88 ॥

શ્લોક 106

માનદો મતિદો માલી મુક્તામાલાવિભૂષણઃ ।

મનોહરો મહામુખ્યો મહર્ધિર્મૂર્તિમાન્મુનિઃ

॥ 89 ॥

શ્લોક 107

મહોત્તમો મહોપાયો મોક્ષદો મઙ્ગલપ્રદઃ ।

મુદાકરો મુક્તિદાતા મહાભોગો મહોરગઃ

॥ 90 ॥

શ્લોક 108

યશસ્કરો યોગયોનિર્યોગિષ્ઠો યમિનાં વરઃ ।

યશસ્વી યોગપુરુષો યોગ્યો યોગનિધિર્યમી

॥ 91 ॥

શ્લોક 109

યતિસેવ્યો યોગયુક્તો યોગવિદ્યોગસિદ્ધિદઃ ।

યન્ત્રો યન્ત્રી ચ યન્ત્રજ્ઞો યન્ત્રવાન્યન્ત્રવાહકઃ

॥ 92 ॥

શ્લોક 110

યાતનારહિતો યોગી યોગીશો યોગિનાં વરઃ ।

રમણીયો રમ્યરૂપો રસજ્ઞો રસભાવનઃ

॥ 93 ॥

શ્લોક 111

રઞ્જનો રઞ્જિતો રાગી રુચિરો રુદ્રસમ્ભવઃ ।

રણપ્રિયો રણોદારો રાગદ્વેષવિનાશનઃ

॥ 94 ॥

શ્લોક 112

રત્નાર્ચી રુચિરો રમ્યો રૂપલાવણ્યવિગ્રહઃ ।

રત્નાઙ્ગદધરો રત્નભૂષણો રમણીયકઃ

॥ 95 ॥

શ્લોક 113

રુચિકૃદ્રોચમાનશ્ચ રઞ્જિતો રોગનાશનઃ ।

રાજીવાક્ષો રાજરાજો રક્તમાલ્યાનુલેપનઃ

॥ 96 ॥

શ્લોક 114

રાજદ્વેદાગમસ્તુત્યો રજઃસત્ત્વગુણાન્વિતઃ ।

રજનીશકલારમ્યો રત્નકુણ્ડલમણ્ડિતઃ

॥ 97 ॥

શ્લોક 115

રત્નસન્મૌલિશોભાઢ્યો રણન્મઞ્જીરભૂષણઃ ।

લોકૈકનાથો લોકેશો લલિતો લોકનાયકઃ

॥ 98 ॥

શ્લોક 116

લોકરક્ષો લોકશિક્ષો લોકલોચનરઞ્જિતઃ ।

લોકબન્ધુર્લોકધાતા લોકત્રયમહાહિતઃ

॥ 99 ॥

શ્લોક 117

લોકચૂડામણિર્લોકવન્દ્યો લાવણ્યવિગ્રહઃ ।

લોકાધ્યક્ષસ્તુ લીલાવાન્લોકોત્તરગુણાન્વિતઃ

॥ 100 ॥

શ્લોક 118

વરિષ્ઠો વરદો વૈદ્યો વિશિષ્ટો વિક્રમો વિભુઃ ।

વિબુધાગ્રચરો વશ્યો વિકલ્પપરિવર્જિતઃ

॥ 101 ॥

શ્લોક 119

વિપાશો વિગતાતઙ્કો વિચિત્રાઙ્ગો વિરોચનઃ ।

વિદ્યાધરો વિશુદ્ધાત્મા વેદાઙ્ગો વિબુધપ્રિયઃ

॥ 102 ॥

શ્લોક 120

વચસ્કરો વ્યાપકશ્ચ વિજ્ઞાની વિનયાન્વિતઃ ।

વિદ્વત્તમો વિરોધિઘ્નો વીરો વિગતરાગવાન્

॥ 103 ॥

શ્લોક 121

વીતભાવો વિનીતાત્મા વેદગર્ભો વસુપ્રદઃ ।

વિશ્વદીપ્તિર્વિશાલાક્ષો વિજિતાત્મા વિભાવનઃ

॥ 104 ॥

શ્લોક 122

વેદવેદ્યો વિધેયાત્મા વીતદોષશ્ચ વેદવિત્ ।

વિશ્વકર્મા વીતભયો વાગીશો વાસવાર્ચિતઃ

॥ 105 ॥

શ્લોક 123

વીરધ્વંસો વિશ્વમૂર્તિર્વિશ્વરૂપો વરાસનઃ ।

વિશાખો વિમલો વાગ્મી વિદ્વાન્વેદધરો વટુઃ

॥ 106 ॥

શ્લોક 124

વીરચૂડામણિર્વીરો વિદ્યેશો વિબુધાશ્રયઃ ।

વિજયી વિનયી વેત્તા વરીયાન્વિરજા વસુઃ

॥ 107 ॥

શ્લોક 125

વીરઘ્નો વિજ્વરો વેદ્યો વેગવાન્વીર્યવાન્વશી ।

વરશીલો વરગુણો વિશોકો વજ્રધારકઃ

॥ 108 ॥

શ્લોક 126

શરજન્મા શક્તિધરઃ શત્રુઘ્નઃ શિખિવાહનઃ ।

શ્રીમાન્ શિષ્ટઃ શુચિઃ શુદ્ધઃ શાશ્વતઃ શ્રુતિસાગરઃ

॥ 109 ॥

શ્લોક 127

શરણ્યઃ શુભદઃ શર્મ શિષ્ટેષ્ટઃ શુભલક્ષણઃ ।

શાન્તઃ શૂલધરઃ શ્રેષ્ઠઃ શુદ્ધાત્મા શઙ્કરઃ શિવઃ

॥ 110 ॥

શ્લોક 128

શિતિકણ્ઠાત્મજઃ શૂરઃ શાન્તિદઃ શોકનાશનઃ ।

ષાણ્માતુરઃ ષણ્મુખશ્ચ ષડ્ગુણૈશ્વર્યસંયુતઃ

॥ 111 ॥

શ્લોક 129

ષટ્ચક્રસ્થઃ ષડૂર્મિઘ્નઃ ષડઙ્ગશ્રુતિપારગઃ ।

ષડ્ભાવરહિતઃ ષટ્કઃ ષટ્છાસ્ત્રસ્મૃતિપારગઃ

॥ 112 ॥

શ્લોક 130

ષડ્વર્ગદાતા ષડ્ગ્રીવઃ ષડરિઘ્નઃ ષડાશ્રયઃ ।

ષટ્કિરીટધરઃ શ્રીમાન્ ષડાધારશ્ચ ષટ્ક્રમઃ

॥ 113 ॥

શ્લોક 131

ષટ્કોણમધ્યનિલયઃ ષણ્ડત્વપરિહારકઃ ।

સેનાનીઃ સુભગઃ સ્કન્દઃ સુરાનન્દઃ સતાં ગતિઃ

॥ 114 ॥

શ્લોક 132

સુબ્રહ્મણ્યઃ સુરાધ્યક્ષઃ સર્વજ્ઞઃ સર્વદઃ સુખી ।

સુલભઃ સિદ્ધિદઃ સૌમ્યઃ સિદ્ધેશઃ સિદ્ધિસાધનઃ

॥ 115 ॥

શ્લોક 133

સિદ્ધાર્થઃ સિદ્ધસઙ્કલ્પઃ સિદ્ધસાધુઃ સુરેશ્વરઃ ।

સુભુજઃ સર્વદૃક્સાક્ષી સુપ્રસાદઃ સનાતનઃ

॥ 116 ॥

શ્લોક 134

સુધાપતિઃ સ્વયઞ્જ્યોતિઃ સ્વયમ્ભૂઃ સર્વતોમુખઃ ।

સમર્થઃ સત્કૃતિઃ સૂક્ષ્મઃ સુઘોષઃ સુખદઃ સુહૃત્

॥ 117 ॥

શ્લોક 135

સુપ્રસન્નઃ સુરશ્રેષ્ઠઃ સુશીલઃ સત્યસાધકઃ ।

સમ્ભાવ્યઃ સુમનાઃ સેવ્યઃ સકલાગમપારગઃ

॥ 118 ॥

શ્લોક 136

સુવ્યક્તઃ સચ્ચિદાનન્દઃ સુવીરઃ સુજનાશ્રયઃ ।

સર્વલક્ષણસમ્પન્નઃ સત્યધર્મપરાયણઃ

॥ 119 ॥

શ્લોક 137

સર્વદેવમયઃ સત્યઃ સદા મૃષ્ટાન્નદાયકઃ ।

સુધાપી સુમતિઃ સત્યઃ સર્વવિઘ્નવિનાશનઃ

॥ 120 ॥

શ્લોક 138

સર્વદુઃખપ્રશમનઃ સુકુમારઃ સુલોચનઃ ।

સુગ્રીવઃ સુધૃતિઃ સારઃ સુરારાધ્યઃ સુવિક્રમઃ

॥ 121 ॥

શ્લોક 139

સુરારિઘ્નઃ સ્વર્ણવર્ણઃ સર્પરાજઃ સદા શુચિઃ ।

સપ્તાર્ચિર્ભૂઃ સુરવરઃ સર્વાયુધવિશારદઃ

॥ 122 ॥

શ્લોક 140

હસ્તિચર્મામ્બરસુતો હસ્તિવાહનસેવિતઃ ।

હસ્તચિત્રાયુધધરો હૃતાઘો હસિતાનનઃ

॥ 123 ॥

શ્લોક 141

હેમભૂષો હરિદ્વર્ણો હૃષ્ટિદો હૃષ્ટિવર્ધનઃ ।

હેમાદ્રિભિદ્ધંસરૂપો હુઙ્કારહતકિલ્બિષઃ

॥ 124 ॥

શ્લોક 142

હિમાદ્રિજાતાતનુજો હરિકેશો હિરણ્મયઃ ।

હૃદ્યો હૃષ્ટો હરિસખો હંસો હંસગતિર્હવિઃ

॥ 125 ॥

શ્લોક 143

હિરણ્યવર્ણો હિતકૃદ્ધર્ષદો હેમભૂષણઃ ।

હરપ્રિયો હિતકરો હતપાપો હરોદ્ભવઃ

॥ 126 ॥

શ્લોક 144

ક્ષેમદઃ ક્ષેમકૃત્ક્ષેમ્યઃ ક્ષેત્રજ્ઞઃ ક્ષામવર્જિતઃ ।

ક્ષેત્રપાલઃ ક્ષમાધારઃ ક્ષેમક્ષેત્રઃ ક્ષમાકરઃ

॥ 127 ॥

શ્લોક 145

ક્ષુદ્રઘ્નઃ ક્ષાન્તિદઃ ક્ષેમઃ ક્ષિતિભૂષઃ ક્ષમાશ્રયઃ ।

ક્ષાલિતાઘઃ ક્ષિતિધરઃ ક્ષીણસંરક્ષણક્ષમઃ

॥ 128 ॥

શ્લોક 146

ક્ષણભઙ્ગુરસન્નદ્ધઘનશોભિકપર્દકઃ ।

ક્ષિતિભૃન્નાથતનયામુખપઙ્કજભાસ્કરઃ

॥ 129 ॥

શ્લોક 147

ક્ષતાહિતઃ ક્ષરઃ ક્ષન્તા ક્ષતદોષઃ ક્ષમાનિધિઃ ।

ક્ષપિતાખિલસન્તાપઃ ક્ષપાનાથસમાનનઃ

॥ 130 ॥

શ્લોક 148

ઉત્તર ન્યાસઃ ।

કરન્યાસઃ –

ૐ શં ઓઙ્કારસ્વરૂપાય ઓજોધરાય ઓજસ્વિને સુહૃદયાય હૃષ્ટચિત્તાત્મને ભાસ્વરરૂપાય અઙ્ગુષ્ઠાભ્યાં નમઃ ।

ૐ રં ષટ્કોણમધ્યનિલયાય ષટ્કિરીટધરાય શ્રીમતે ષડાધારાય તર્જનીભ્યાં નમઃ ।

ૐ વં ષણ્મુખાય શરજન્મને શુભલક્ષણાય શિખિવાહનાય મધ્યમાભ્યાં નમઃ ।

ૐ ણં કૃશાનુસમ્ભવાય કવચિને કુક્કુટધ્વજાય અનામિકાભ્યાં નમઃ ।

ૐ ભં કન્દર્પકોટિદીપ્યમાનાય દ્વિષડ્બાહવે દ્વાદશાક્ષાય કનિષ્ઠિકાભ્યાં નમઃ ।

ૐ વં ખેટધરાય ખડ્ગિને શક્તિહસ્તાય કરતલકરપૃષ્ઠાભ્યાં નમઃ ।

હૃદયાદિન્યાસઃ –

ૐ શં ઓઙ્કારસ્વરૂપાય ઓજોધરાય ઓજસ્વિને સુહૃદયાય હૃષ્ટચિત્તાત્મને ભાસ્વરરૂપાય હૃદયાય નમઃ ।

ૐ રં ષટ્કોણમધ્યનિલયાય ષટ્કિરીટધરાય શ્રીમતે ષડાધારાય શિરસે સ્વાહા ।

ૐ વં ષણ્મુખાય શરજન્મને શુભલક્ષણાય શિખિવાહનાય શિખાયૈ વષટ્ ।

ૐ ણં કૃશાનુસમ્ભવાય કવચિને કુક્કુટધ્વજાય કવચાય હુમ્ ।

ૐ ભં કન્દર્પકોટિદીપ્યમાનાય દ્વિષડ્બાહવે દ્વાદશાક્ષાય નેત્રત્રયાય વૌષટ્ ।

ૐ વં ખેટધરાય ખડ્ગિને શક્તિહસ્તાય અસ્ત્રાય ફટ્ ।

ભૂર્ભુવસ્સુવરોમિતિ દિગ્વિમોકઃ ।

ફલશ્રુતિ ।

ઇતિ નામ્નાં સહસ્રાણિ ષણ્મુખસ્ય ચ નારદ ।

યઃ પઠેચ્છૃણુયાદ્વાપિ ભક્તિયુક્તેન ચેતસા

॥ 131 ॥

શ્લોક 149

સ સદ્યો મુચ્યતે પાપૈર્મનોવાક્કાયસમ્ભવૈઃ ।

આયુર્વૃદ્ધિકરં પુંસાં સ્થૈર્યવીર્યવિવર્ધનમ્

॥ 1 ॥

શ્લોક 150

વાક્યેનૈકેન વક્ષ્યામિ વાઞ્છિતાર્થં પ્રયચ્છતિ ।

તસ્માત્સર્વાત્મના બ્રહ્મન્નિયમેન જપેત્સુધીઃ

॥ 2 ॥

શ્લોક 151

ઇતિ સ્કન્દપુરાણે ઈશ્વરપ્રોક્તે બ્રહ્મનારદસંવાદે શ્રી સુબ્રહ્મણ્ય સહસ્રનામ સ્તોત્રમ્ ।