Sri Siddha Lakshmi Stotram
ಶ್ರೀ ಸಿದ್ಧಲಕ್ಷ್ಮೀ ಸ್ತೋತ್ರಮ್
Sri Siddha Lakshmi Stotram
ಶ್ರೀ ಸಿದ್ಧಲಕ್ಷ್ಮೀ ಸ್ತೋತ್ರಮ್
ಅಸ್ಯ ಶ್ರೀಸಿದ್ಧಲಕ್ಷ್ಮೀಸ್ತೋತ್ರಮನ್ತ್ರಸ್ಯ ಹಿರಣ್ಯಗರ್ಭ ಋಷಿಃ ಅನುಷ್ಟುಪ್ ಛನ್ದಃ, ಶ್ರೀಮಹಾಕಾಲೀಮಹಾಲಕ್ಷ್ಮೀಮಹಾಸರಸ್ವತ್ಯೋ ದೇವತಾಃ ಶ್ರೀಂ ಬೀಜಂ ಹ್ರೀಂ ಶಕ್ತಿಃ ಕ್ಲೀಂ ಕೀಲಕಂ ಮಮ ಸರ್ವಕ್ಲೇಶಪೀಡಾಪರಿಹಾರಾರ್ಥಂ ಸರ್ವದುಃಖದಾರಿದ್ರ್ಯನಾಶನಾರ್ಥಂ ಸರ್ವಕಾರ್ಯಸಿದ್ಧ್ಯರ್ಥಂ ಶ್ರೀಸಿದ್ಧಿಲಕ್ಷ್ಮೀಸ್ತೋತ್ರ ಪಾಠೇ ವಿನಿಯೋಗಃ ॥
ಋಷ್ಯಾದಿನ್ಯಾಸಃ
ಓಂ ಹಿರಣ್ಯಗರ್ಭ ಋಷಯೇ ನಮಃ ಶಿರಸಿ ।
ಅನುಷ್ಟುಪ್ಛನ್ದಸೇ ನಮೋ ಮುಖೇ ।
ಶ್ರೀಮಹಾಕಾಲೀಮಹಾಲಕ್ಷ್ಮೀಮಹಾಸರಸ್ವತೀದೇವತಾಭ್ಯೋ ನಮೋ ಹೃದಿಃ ।
ಶ್ರೀಂ ಬೀಜಾಯ ನಮೋ ಗುಹ್ಯೇ ।
ಹ್ರೀಂ ಶಕ್ತಯೇ ನಮಃ ಪಾದಯೋಃ ।
ಕ್ಲೀಂ ಕೀಲಕಾಯ ನಮೋ ನಾಭೌ ।
ವಿನಿಯೋಗಾಯ ನಮಃ ಸರ್ವಾಙ್ಗೇಷು ॥
ಕರನ್ಯಾಸಃ
ಓಂ ಶ್ರೀಂ ಸಿದ್ಧಲಕ್ಷ್ಮ್ಯೈ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಹ್ರೀಂ ವಿಷ್ಣುತೇಜಸೇ ತರ್ಜನೀಭ್ಯಾಂ ನಮಃ ।
ಓಂ ಕ್ಲೀಂ ಅಮೃತಾನನ್ದಾಯೈ ಮಧ್ಯಮಾಭ್ಯಾಂ ನಮಃ ।
ಓಂ ಶ್ರೀಂ ದೈತ್ಯಮಾಲಿನ್ಯೈ ಅನಾಮಿಕಾಭ್ಯಾಂ ನಮಃ ।
ಓಂ ಹ್ರೀಂ ತೇಜಃ ಪ್ರಕಾಶಿನ್ಯೈ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಕ್ಲೀಂ ಬ್ರಾಹ್ಮ್ಯೈ ವೈಷ್ಣವ್ಯೈ ರುದ್ರಾಣ್ಯೈ ಕರತಲ ಕರಪೃಷ್ಠಾಭ್ಯಾಂ ನಮಃ ॥
ಅಙ್ಗನ್ಯಾಸಃ
ಓಂ ಶ್ರೀಂ ಸಿದ್ಧಲಕ್ಷ್ಮ್ಯೈ ಹೃದಯಾಯ ನಮಃ ।
ಓಂ ಹ್ರೀಂ ವಿಷ್ಣುತೇಜಸೇ ಶಿರಸೇ ಸ್ವಾಹಾ ।
ಓಂ ಕ್ಲೀಂ ಅಮೃತಾನನ್ದಾಯೈ ಶಿಖಾಯೈ ವಷಟ್ ।
ಓಂ ಶ್ರೀಂ ದೈತ್ಯಮಾಲಿನ್ಯೈ ಕವಚಾಯ ಹುಮ್ ।
ಓಂ ಹ್ರೀಂ ತೇಜಃ ಪ್ರಕಾಶಿನ್ಯೈ ನೇತ್ರತ್ರಯಾಯ ವೌಷಟ್ ।
ಓಂ ಕ್ಲೀಂ ಬ್ರಾಹ್ಮ್ಯೈ ವೈಷ್ಣವ್ಯೈ ರುದ್ರಾಣ್ಯೈ ಅಸ್ತ್ರಾಯ ಫಟ್ ॥
ಓಂ ಶ್ರೀಂ ಹ್ರೀಂ ಕ್ಲೀಂ ಶ್ರೀಂ ಸಿದ್ಧಲಕ್ಷ್ಮ್ಯೈ ನಮಃ ಇತಿ ದಿಗ್ಬನ್ಧಃ ॥
ಅಥ ಧ್ಯಾನಮ್
ಬ್ರಾಹ್ಮೀಂ ಚ ವೈಷ್ಣವೀಂ ಭದ್ರಾಂ ಷಡ್ಭುಜಾಂ ಚ ಚತುರ್ಮುಖೀಮ್ ।
ತ್ರಿನೇತ್ರಾಂ ಖಡ್ಗತ್ರಿಶೂಲಪದ್ಮಚಕ್ರಗದಾಧರಾಮ್ ॥ 1 ॥
ಪೀತಾಮ್ಬರಧರಾಂ ದೇವೀಂ ನಾನಾಲಙ್ಕಾರಭೂಷಿತಾಮ್ ।
ತೇಜಃಪುಞ್ಜಧರೀಂ ಶ್ರೇಷ್ಠಾಂ ಧ್ಯಾಯೇದ್ಬಾಲಕುಮಾರಿಕಾಮ್ ॥ 2 ॥
ಅಥ ಸ್ತೋತ್ರಮ್
ಓಙ್ಕಾರಂ ಲಕ್ಷ್ಮೀರೂಪಂ ತು ವಿಷ್ಣುಂ ವಾಗ್ಭವಮವ್ಯಯಮ್ ।
ವಿಷ್ಣುಮಾನನ್ದಮವ್ಯಕ್ತಂ ಹ್ರೀಙ್ಕಾರಂ ಬೀಜರೂಪಿಣೀಮ್ ॥ 3 ॥
ಕ್ಲೀಂ ಅಮೃತಾನನ್ದಿನೀಂ ಭದ್ರಾಂ ಸತ್ಯಾನನ್ದದಾಯಿನೀಮ್ ।
ಶ್ರೀಂ ದೈತ್ಯಶಮನೀಂ ಶಕ್ತಿಂ ಮಾಲಿನೀಂ ಶತ್ರುಮರ್ದಿನೀಮ್ ॥ 4 ॥
ತೇಜಃ ಪ್ರಕಾಶಿನೀಂ ದೇವೀಂ ವರದಾಂ ಶುಭಕಾರಿಣೀಮ್ ।
ಬ್ರಾಹ್ಮೀಂ ಚ ವೈಷ್ಣವೀಂ ರೌದ್ರೀಂ ಕಾಲಿಕಾರೂಪಶೋಭಿನೀಮ್ ॥ 5 ॥
ಅಕಾರೇ ಲಕ್ಷ್ಮೀರೂಪಂ ತು ಉಕಾರೇ ವಿಷ್ಣುಮವ್ಯಯಮ್ ।
ಮಕಾರಃ ಪುರುಷೋಽವ್ಯಕ್ತೋ ದೇವೀ ಪ್ರಣವ ಉಚ್ಯತೇ ॥ 6 ॥
ಸೂರ್ಯಕೋಟಿಪ್ರತೀಕಾಶಂ ಚನ್ದ್ರಕೋಟಿಸಮಪ್ರಭಮ್ ।
ತನ್ಮಧ್ಯೇ ನಿಕರಂ ಸೂಕ್ಷ್ಮಂ ಬ್ರಹ್ಮರುಪಂ ವ್ಯವಸ್ಥಿತಮ್ ॥ 7 ॥
ಓಙ್ಕಾರಂ ಪರಮಾನನ್ದಂ ಸದೈವ ಸುರಸುನ್ದರೀಮ್ ।
ಸಿದ್ಧಲಕ್ಷ್ಮೀ ಮೋಕ್ಷಲಕ್ಷ್ಮೀ ಆದ್ಯಲಕ್ಷ್ಮೀ ನಮೋಽಸ್ತು ತೇ ॥ 8 ॥
ಶ್ರೀಙ್ಕಾರಂ ಪರಮಂ ಸಿದ್ಧಂ ಸರ್ವಬುದ್ಧಿಪ್ರದಾಯಕಮ್ ।
ಸೌಭಾಗ್ಯಾಽಮೃತಾ ಕಮಲಾ ಸತ್ಯಲಕ್ಷ್ಮೀ ನಮೋಽಸ್ತು ತೇ ॥ 9 ॥
ಹ್ರೀಙ್ಕಾರಂ ಪರಮಂ ಶುದ್ಧಂ ಪರಮೈಶ್ವರ್ಯದಾಯಕಮ್ ।
ಕಮಲಾ ಧನದಾ ಲಕ್ಷ್ಮೀ ಭೋಗಲಕ್ಷ್ಮೀ ನಮೋಽಸ್ತು ತೇ ॥ 10 ॥
ಕ್ಲೀಙ್ಕಾರಂ ಕಾಮರೂಪಿಣ್ಯಂ ಕಾಮನಾಪರಿಪೂರ್ತಿದಮ್ ।
ಚಪಲಾ ಚಞ್ಚಲಾ ಲಕ್ಷ್ಮೀ ಕಾತ್ಯಾಯನೀ ನಮೋಽಸ್ತು ತೇ ॥ 11 ॥
ಶ್ರೀಙ್ಕಾರಂ ಸಿದ್ಧಿರೂಪಿಣ್ಯಂ ಸರ್ವಸಿದ್ಧಿಪ್ರದಾಯಕಮ್ ।
ಪದ್ಮಾನನಾಂ ಜಗನ್ಮಾತ್ರೇ ಅಷ್ಟಲಕ್ಷ್ಮೀಂ ನಮೋಽಸ್ತು ತೇ ॥ 12 ॥
ಸರ್ವಮಙ್ಗಲಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಮ್ಬಕೇ ಗೌರಿ ನಾರಾಯಣೀ ನಮೋಽಸ್ತು ತೇ ॥ 13 ॥
ಪ್ರಥಮಂ ತ್ರ್ಯಮ್ಬಕಾ ಗೌರೀ ದ್ವಿತೀಯಂ ವೈಷ್ಣವೀ ತಥಾ ।
ತೃತೀಯಂ ಕಮಲಾ ಪ್ರೋಕ್ತಾ ಚತುರ್ಥಂ ಸುನ್ದರೀ ತಥಾ ॥ 14 ॥
ಪಞ್ಚಮಂ ವಿಷ್ಣುಶಕ್ತಿಶ್ಚ ಷಷ್ಠಂ ಕಾತ್ಯಾಯನೀ ತಥಾ ।
ವಾರಾಹೀ ಸಪ್ತಮಂ ಚೈವ ಹ್ಯಷ್ಟಮಂ ಹರಿವಲ್ಲಭಾ ॥ 15 ॥
ನವಮಂ ಖಡ್ಗಿನೀ ಪ್ರೋಕ್ತಾ ದಶಮಂ ಚೈವ ದೇವಿಕಾ ।
ಏಕಾದಶಂ ಸಿದ್ಧಲಕ್ಷ್ಮೀರ್ದ್ವಾದಶಂ ಹಂಸವಾಹಿನೀ ॥ 16 ॥
ಉತ್ತರನ್ಯಾಸಃ
ಓಂ ಶ್ರೀಂ ಸಿದ್ಧಲಕ್ಷ್ಮ್ಯೈ ಹೃದಯಾಯ ನಮಃ ।
ಓಂ ಹ್ರೀಂ ವಿಷ್ಣುತೇಜಸೇ ಶಿರಸೇ ಸ್ವಾಹಾ ।
ಓಂ ಕ್ಲೀಂ ಅಮೃತಾನನ್ದಾಯೈ ಶಿಖಾಯೈ ವಷಟ್ ।
ಓಂ ಶ್ರೀಂ ದೈತ್ಯಮಾಲಿನ್ಯೈ ಕವಚಾಯ ಹುಮ್ ।
ಓಂ ಹ್ರೀಂ ತೇಜಃ ಪ್ರಕಾಶಿನ್ಯೈ ನೇತ್ರತ್ರಯಾಯ ವೌಷಟ್ ।
ಓಂ ಕ್ಲೀಂ ಬ್ರಾಹ್ಮ್ಯೈ ವೈಷ್ಣವ್ಯೈ ರುದ್ರಾಣ್ಯೈ ಅಸ್ತ್ರಾಯ ಫಟ್ ॥
ಓಂ ಶ್ರೀಂ ಹ್ರೀಂ ಕ್ಲೀಂ ಶ್ರೀಂ ಸಿದ್ಧಲಕ್ಷ್ಮ್ಯೈ ನಮಃ ಇತಿ ದಿಗ್ವಿಮೋಕಃ ॥
ಅಥ ಫಲಶೃತಿಃ
ಏತತ್ ಸ್ತೋತ್ರವರಂ ದೇವ್ಯಾ ಯೇ ಪಠನ್ತಿ ಸದಾ ನರಾಃ ।
ಸರ್ವಾಪದ್ಭ್ಯೋ ವಿಮುಚ್ಯನ್ತೇ ನಾತ್ರ ಕಾರ್ಯಾ ವಿಚಾರಣಾ ॥ 17 ॥
ಏಕಮಾಸಂ ದ್ವಿಮಾಸಂ ಚ ತ್ರಿಮಾಸಂ ಚ ಚತುಸ್ಥಥಾ ।
ಪಞ್ಚಮಾಸಂ ಚ ಷಣ್ಮಾಸಂ ತ್ರಿಕಾಲಂ ಯಃ ಸದಾ ಪಠೇತ್ ॥ 18 ॥
ಬ್ರಾಹ್ಮಣಃ ಕ್ಲೇಶಿತೋ ದುಃಖೀ ದಾರಿದ್ರ್ಯಭಯಪೀಡಿತಃ ।
ಜನ್ಮಾನ್ತರ ಸಹಸ್ರೋತ್ಥೈರ್ಮುಚ್ಯತೇ ಸರ್ವಕಿಲ್ಬಷೈಃ ॥ 19 ॥
ದರಿದ್ರೋ ಲಭತೇ ಲಕ್ಷ್ಮೀಮಪುತ್ರಃ ಪುತ್ರವಾನ್ ಭವೇತ್ ।
ಧನ್ಯೋ ಯಶಸ್ವೀ ಶತ್ರುಘ್ನೋ ವಹ್ನಿಚೌರಭಯೇಷು ಚ ॥ 20 ॥
ಶಾಕಿನೀ ಭೂತ ವೇತಾಲ ಸರ್ಪ ವ್ಯಾಘ್ರ ನಿಪಾತನೇ ।
ರಾಜದ್ವಾರೇ ಸಭಾಸ್ಥಾನೇ ಕಾರಾಗೃಹನಿಬನ್ಧನೇ ॥ 21 ॥
ಈಶ್ವರೇಣ ಕೃತಂ ಸ್ತೋತ್ರಂ ಪ್ರಾಣಿನಾಂ ಹಿತಕಾರಕಮ್ ।
ಸ್ತುವನ್ತು ಬ್ರಾಹ್ಮಣಾಃ ನಿತ್ಯಂ ದಾರಿದ್ರ್ಯಂ ನ ಚ ಬಾಧತೇ ॥ 22 ॥
ಸರ್ವಪಾಪಹರಾ ಲಕ್ಷ್ಮೀಃ ಸರ್ವಸಿದ್ಧಿಪ್ರದಾಯಿನೀಮ್ ।
ಸಾಧಕಾಃ ಲಭತೇ ಸರ್ವಂ ಪಠೇತ್ ಸ್ತೋತ್ರಂ ನಿರನ್ತರಮ್ ॥ 23 ॥
ಪ್ರಾರ್ಥನಾ
ಯಾ ಶ್ರೀಃ ಪದ್ಮವನೇ ಕದಮ್ಬಶಿಖರೇ ರಾಜಗೃಹೇ ಕುಞ್ಜರೇ
ಶ್ವೇತೇ ಚಾಶ್ವಯುತೇ ವೃಷೇ ಚ ಯುಗಲೇ ಯಜ್ಞೇ ಚ ಯೂಪಸ್ಥಿತೇ ।
ಶಙ್ಖೇ ದೈವಕುಲೇ ನರೇನ್ದ್ರಭವನೇ ಗಙ್ಗಾತಟೇ ಗೋಕುಲೇ
ಸಾ ಶ್ರೀಸ್ತಿಷ್ಠತು ಸರ್ವದಾ ಮಮ ಗೃಹೇ ಭೂಯಾತ್ ಸದಾ ನಿಶ್ಚಲಾ ॥
ಯಾ ಸಾ ಪದ್ಮಾಸನಸ್ಥಾ ವಿಪುಲಕಟಿತಟೀ ಪದ್ಮಪತ್ರಾಯತಾಕ್ಷೀ
ಗಮ್ಭೀರಾವರ್ತನಾಭಿಃ ಸ್ತನಭರನಮಿತಾ ಶುದ್ಧವಸ್ತ್ರೋತ್ತರೀಯಾ ।
ಲಕ್ಷ್ಮೀರ್ದಿವ್ಯೈರ್ಗಜೇನ್ದ್ರೈರ್ಮಣಿಗಣಖಚಿತೈಃ ಸ್ನಾಪಿತಾ ಹೇಮಕುಮ್ಭೈಃ
ನಿತ್ಯಂ ಸಾ ಪದ್ಮಹಸ್ತಾ ಮಮ ವಸತು ಗೃಹೇ ಸರ್ವಮಾಙ್ಗಲ್ಯಯುಕ್ತಾ ॥
ಇತಿ ಶ್ರೀಬ್ರಹ್ಮಪುರಾಣೇ ಈಶ್ವರವಿಷ್ಣುಸಂವಾದೇ ಶ್ರೀ ಸಿದ್ಧಲಕ್ಷ್ಮೀ ಸ್ತೋತ್ರಮ್ ॥
Related Scriptures
अगस्त्य कृत श्री लक्ष्मी स्तोत्रं
33 verses
अन्नमय्य कीर्तन जय लक्ष्मि वर लक्ष्मि
0 verses
अष्ट लक्ष्मी स्तोत्रम्
8 verses
भाग्यदा लक्ष्मी बारम्मा
0 verses
1000 Names of Goddess Lakshmi
1000 verses
108 Names of Goddess Lakshmi
108 verses
About This Stotram
Overview
Sri Siddha Lakshmi Stotram is a Sanskrit stotram of 23 verses dedicated to Goddess Lakshmi in her Siddha form. Siddha Lakshmi refers to Lakshmi as the giver of siddhi — accomplishment and spiritual perfection — rather than solely material wealth. The text uses nyasa rituals drawn from Vedic frameworks. It belongs to the Shakta-Vaishnava devotional tradition.
What are the benefits of chanting Sri Siddha Lakshmi Stotram?
- Recitation is said to remove all afflictions and distress.
- Devotees chant it to destroy poverty and suffering.
- It is used to seek success in specific endeavors.
- Regular chanting is associated with attraction of prosperity and abundance.
When is the best time to recite this?
Sri Siddha Lakshmi Stotram is recited on Fridays, which are dedicated to Goddess Lakshmi. It is also recited during Diwali, Navaratri, and other Lakshmi festivals. Morning worship and evening lamps (deepa puja) are standard occasions.
Historical and traditional background
The "Siddha" form of Lakshmi emphasizes the goddess's power to grant accomplishment alongside prosperity. This stotram's nyasa section references the Hiranyagarbha Rishi and the Anushtubh chandas, indicating composition within a Vedic ritual framework. The specific origin scripture and author are not recorded, but the text reflects a Tantric or Puranic devotional layer built on Vedic forms. It is part of the broader corpus of Lakshmi worship literature.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Suktam — the Vedic hymn to Lakshmi from the Rigveda, recited in the same puja context.
- Kanaka Dhara Stotram — composed by Adi Shankaracharya in praise of Lakshmi, often paired with this stotram.