ശ്രീ രാമ ആപദുദ്ധാരക സ്തോത്രമ്

ശ്രീ രാമ ആപദുദ്ധാരക സ്തോത്രമ്

ശ്ലോക 1

ആപദാമപഹര്താരം ദാതാരം സര്വസമ്പദാമ് ।

ലോകാഭിരാമം ശ്രീരാമം ഭൂയോ ഭൂയോ നമാമ്യഹമ് ॥

നമഃ കോദണ്ഡഹസ്തായ സന്ധീകൃതശരായ ച ।

ദണ്ഡിതാഖിലദൈത്യായ രാമായാപന്നിവാരിണേ

ശ്ലോക 2

ആപന്നജനരക്ഷൈകദീക്ഷായാമിതതേജസേ ।

നമോഽസ്തു വിഷ്ണവേ തുഭ്യം രാമായാപന്നിവാരിണേ

॥ 1 ॥

ശ്ലോക 3

പദാമ്ഭോജരജസ്സ്പര്ശപവിത്രമുനിയോഷിതേ ।

നമോഽസ്തു സീതാപതയേ രാമായാപന്നിവാരിണേ

॥ 2 ॥

ശ്ലോക 4

ദാനവേന്ദ്രമഹാമത്തഗജപഞ്ചാസ്യരൂപിണേ ।

നമോഽസ്തു രഘുനാഥായ രാമായാപന്നിവാരിണേ

॥ 3 ॥

ശ്ലോക 5

മഹിജാകുചസംലഗ്നകുങ്കുമാരുണവക്ഷസേ ।

നമഃ കല്യാണരൂപായ രാമായാപന്നിവാരിണേ

॥ 4 ॥

ശ്ലോക 6

പദ്മസമ്ഭവ ഭൂതേശ മുനിസംസ്തുതകീര്തയേ ।

നമോ മാര്താണ്ഡവംശ്യായ രാമായാപന്നിവാരിണേ

॥ 5 ॥

ശ്ലോക 7

ഹരത്യാര്തിം ച ലോകാനാം യോ വാ മധുനിഷൂദനഃ ।

നമോഽസ്തു ഹരയേ തുഭ്യം രാമായാപന്നിവാരിണേ

॥ 6 ॥

ശ്ലോക 8

താപകാരണസംസാരഗജസിംഹസ്വരൂപിണേ ।

നമോ വേദാന്തവേദ്യായ രാമായാപന്നിവാരിണേ

॥ 7 ॥

ശ്ലോക 9

രങ്ഗത്തരങ്ഗജലധിഗര്വഹൃച്ഛരധാരിണേ ।

നമഃ പ്രതാപരൂപായ രാമായാപന്നിവാരിണേ

॥ 8 ॥

ശ്ലോക 10

ദാരോപഹിതചന്ദ്രാവതംസധ്യാതസ്വമൂര്തയേ ।

നമഃ സത്യസ്വരൂപായ രാമായാപന്നിവാരിണേ

॥ 9 ॥

ശ്ലോക 11

താരാനായകസങ്കാശവദനായ മഹൌജസേ ।

നമോഽസ്തു താടകാഹന്ത്രേ രാമായാപന്നിവാരിണേ

॥ 10 ॥

ശ്ലോക 12

രമ്യസാനുലസച്ചിത്രകൂടാശ്രമവിഹാരിണേ ।

നമഃ സൌമിത്രിസേവ്യായ രാമായാപന്നിവാരിണേ

॥ 11 ॥

ശ്ലോക 13

സര്വദേവഹിതാസക്ത ദശാനനവിനാശിനേ ।

നമോഽസ്തു ദുഃഖധ്വംസായ രാമായാപന്നിവാരിണേ

॥ 12 ॥

ശ്ലോക 14

രത്നസാനുനിവാസൈക വന്ദ്യപാദാമ്ബുജായ ച ।

നമസ്ത്രൈലോക്യനാഥായ രാമായാപന്നിവാരിണേ

॥ 13 ॥

ശ്ലോക 15

സംസാരബന്ധമോക്ഷൈകഹേതുധാമപ്രകാശിനേ ।

നമഃ കലുഷസംഹര്ത്രേ രാമായാപന്നിവാരിണേ

॥ 14 ॥

ശ്ലോക 16

പവനാശുഗ സങ്ക്ഷിപ്ത മാരീചാദി സുരാരയേ ।

നമോ മഖപരിത്രാത്രേ രാമായാപന്നിവാരിണേ

॥ 15 ॥

ശ്ലോക 17

ദാമ്ഭികേതരഭക്തൌഘമഹദാനന്ദദായിനേ ।

നമഃ കമലനേത്രായ രാമായാപന്നിവാരിണേ

॥ 16 ॥

ശ്ലോക 18

ലോകത്രയോദ്വേഗകര കുമ്ഭകര്ണശിരശ്ഛിദേ ।

നമോ നീരദദേഹായ രാമായാപന്നിവാരിണേ

॥ 17 ॥

ശ്ലോക 19

കാകാസുരൈകനയനഹരല്ലീലാസ്ത്രധാരിണേ ।

നമോ ഭക്തൈകവേദ്യായ രാമായാപന്നിവാരിണേ

॥ 18 ॥

ശ്ലോക 20

ഭിക്ഷുരൂപസമാക്രാന്ത ബലിസര്വൈകസമ്പദേ ।

നമോ വാമനരൂപായ രാമായാപന്നിവാരിണേ

॥ 19 ॥

ശ്ലോക 21

രാജീവനേത്രസുസ്പന്ദ രുചിരാങ്ഗസുരോചിഷേ ।

നമഃ കൈവല്യനിധയേ രാമായാപന്നിവാരിണേ

॥ 20 ॥

ശ്ലോക 22

മന്ദമാരുതസംവീത മന്ദാരദ്രുമവാസിനേ ।

നമഃ പല്ലവപാദായ രാമായാപന്നിവാരിണേ

॥ 21 ॥

ശ്ലോക 23

ശ്രീകണ്ഠചാപദലനധുരീണബലബാഹവേ ।

നമഃ സീതാനുഷക്തായ രാമായാപന്നിവാരിണേ

॥ 22 ॥

ശ്ലോക 24

രാജരാജസുഹൃദ്യോഷാര്ചിത മങ്ഗലമൂര്തയേ ।

നമ ഇക്ഷ്വാകുവംശ്യായ രാമായാപന്നിവാരിണേ

॥ 23 ॥

ശ്ലോക 25

മഞ്ജുലാദര്ശവിപ്രേക്ഷണോത്സുകൈകവിലാസിനേ ।

നമഃ പാലിതഭക്തായ രാമായാപന്നിവാരിണേ

॥ 24 ॥

ശ്ലോക 26

ഭൂരിഭൂധര കോദണ്ഡമൂര്തി ധ്യേയസ്വരൂപിണേ ।

നമോഽസ്തു തേജോനിധയേ രാമായാപന്നിവാരിണേ

॥ 25 ॥

ശ്ലോക 27

യോഗീന്ദ്രഹൃത്സരോജാതമധുപായ മഹാത്മനേ ।

നമോ രാജാധിരാജായ രാമായാപന്നിവാരിണേ

॥ 26 ॥

ശ്ലോക 28

ഭൂവരാഹസ്വരൂപായ നമോ ഭൂരിപ്രദായിനേ ।

നമോ ഹിരണ്യഗര്ഭായ രാമായാപന്നിവാരിണേ

॥ 27 ॥

ശ്ലോക 29

യോഷാഞ്ജലിവിനിര്മുക്ത ലാജാഞ്ചിതവപുഷ്മതേ ।

നമഃ സൌന്ദര്യനിധയേ രാമായാപന്നിവാരിണേ

॥ 28 ॥

ശ്ലോക 30

നഖകോടിവിനിര്ഭിന്നദൈത്യാധിപതിവക്ഷസേ ।

നമോ നൃസിംഹരൂപായ രാമായാപന്നിവാരിണേ

॥ 29 ॥

ശ്ലോക 31

മായാമാനുഷദേഹായ വേദോദ്ധരണഹേതവേ ।

നമോഽസ്തു മത്സ്യരൂപായ രാമായാപന്നിവാരിണേ

॥ 30 ॥

ശ്ലോക 32

മിതിശൂന്യ മഹാദിവ്യമഹിമ്നേ മാനിതാത്മനേ ।

നമോ ബ്രഹ്മസ്വരൂപായ രാമായാപന്നിവാരിണേ

॥ 31 ॥

ശ്ലോക 33

അഹങ്കാരേതരജന സ്വാന്തസൌധവിഹാരിണേ ।

നമോഽസ്തു ചിത്സ്വരൂപായ രാമായാപന്നിവാരിണേ

॥ 32 ॥

ശ്ലോക 34

സീതാലക്ഷ്മണസംശോഭിപാര്ശ്വായ പരമാത്മനേ ।

നമഃ പട്ടാഭിഷിക്തായ രാമായാപന്നിവാരിണേ

॥ 33 ॥

ശ്ലോക 35

അഗ്രതഃ പൃഷ്ഠതശ്ചൈവ പാര്ശ്വതശ്ച മഹാബലൌ ।

ആകര്ണപൂര്ണധന്വാനൌ രക്ഷേതാം രാമലക്ഷ്മണൌ

॥ 34 ॥

ശ്ലോക 36

സന്നദ്ധഃ കവചീ ഖഡ്ഗീ ചാപബാണധരോ യുവാ ।

തിഷ്ഠന്മമാഗ്രതോ നിത്യം രാമഃ പാതു സലക്ഷ്മണഃ

॥ 35 ॥

ശ്ലോക 37

ആപദാമപഹര്താരം ദാതാരം സര്വസമ്പദാമ് ।

ലോകാഭിരാമം ശ്രീരാമം ഭൂയോ ഭൂയോ നമാമ്യഹമ് ॥

ഫലശ്രുതി

ഇമം സ്തവം ഭഗവതഃ പഠേദ്യഃ പ്രീതമാനസഃ ।

പ്രഭാതേ വാ പ്രദോഷേ വാ രാമസ്യ പരമാത്മനഃ

॥ 36 ॥

ശ്ലോക 38

സ തു തീര്ത്വാ ഭവാമ്ബോധിമാപദസ്സകലാനപി ।

രാമസായുജ്യമാപ്നോതി ദേവദേവപ്രസാദതഃ

॥ 1 ॥

ശ്ലോക 39

കാരാഗൃഹാദിബാധാസു സമ്പ്രാപ്തേ ബഹുസങ്കടേ ।

ആപന്നിവാരകസ്തോത്രം പഠേദ്യസ്തു യഥാവിധിഃ

॥ 2 ॥

ശ്ലോക 40

സംയോജ്യാനുഷ്ടുഭം മന്ത്രമനുശ്ലോകം സ്മരന്വിഭുമ് ।

സപ്താഹാത്സര്വബാധാഭ്യോ മുച്യതേ നാത്ര സംശയഃ

॥ 3 ॥

ശ്ലോക 41

ദ്വാത്രിംശദ്വാരജപതഃ പ്രത്യഹം തു ദൃഢവ്രതഃ ।

വൈശാഖേ ഭാനുമാലോക്യ പ്രത്യഹം ശതസങ്ഖ്യയാ

॥ 4 ॥

ശ്ലോക 42

ധനവാന് ധനദപ്രഖ്യസ്സ ഭവേന്നാത്ര സംശയഃ ।

ബഹുനാത്ര കിമുക്തേന യം യം കാമയതേ നരഃ

॥ 5 ॥

ശ്ലോക 43

തം തം കാമമവാപ്നോതി സ്തോത്രേണാനേന മാനവഃ ।

യന്ത്രപൂജാവിധാനേന ജപഹോമാദിതര്പണൈഃ

॥ 6 ॥

ശ്ലോക 44

യസ്തു കുര്വീത സഹസാ സര്വാന്കാമാനവാപ്നുയാത് ।

ഇഹ ലോകേ സുഖീ ഭൂത്വാ പരേ മുക്തോ ഭവിഷ്യതി

॥ 7 ॥

ശ്ലോക 45