ಶ್ರೀ ರಾಮ ಆಪದುದ್ಧಾರಕ ಸ್ತೋತ್ರಮ್

ಶ್ರೀ ರಾಮ ಆಪದುದ್ಧಾರಕ ಸ್ತೋತ್ರಮ್

ಶ್ಲೋಕ 1

ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಮ್ ।

ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ॥

ನಮಃ ಕೋದಣ್ಡಹಸ್ತಾಯ ಸನ್ಧೀಕೃತಶರಾಯ ಚ ।

ದಣ್ಡಿತಾಖಿಲದೈತ್ಯಾಯ ರಾಮಾಯಾಪನ್ನಿವಾರಿಣೇ

ಶ್ಲೋಕ 2

ಆಪನ್ನಜನರಕ್ಷೈಕದೀಕ್ಷಾಯಾಮಿತತೇಜಸೇ ।

ನಮೋಽಸ್ತು ವಿಷ್ಣವೇ ತುಭ್ಯಂ ರಾಮಾಯಾಪನ್ನಿವಾರಿಣೇ

॥ 1 ॥

ಶ್ಲೋಕ 3

ಪದಾಮ್ಭೋಜರಜಸ್ಸ್ಪರ್ಶಪವಿತ್ರಮುನಿಯೋಷಿತೇ ।

ನಮೋಽಸ್ತು ಸೀತಾಪತಯೇ ರಾಮಾಯಾಪನ್ನಿವಾರಿಣೇ

॥ 2 ॥

ಶ್ಲೋಕ 4

ದಾನವೇನ್ದ್ರಮಹಾಮತ್ತಗಜಪಞ್ಚಾಸ್ಯರೂಪಿಣೇ ।

ನಮೋಽಸ್ತು ರಘುನಾಥಾಯ ರಾಮಾಯಾಪನ್ನಿವಾರಿಣೇ

॥ 3 ॥

ಶ್ಲೋಕ 5

ಮಹಿಜಾಕುಚಸಂಲಗ್ನಕುಙ್ಕುಮಾರುಣವಕ್ಷಸೇ ।

ನಮಃ ಕಲ್ಯಾಣರೂಪಾಯ ರಾಮಾಯಾಪನ್ನಿವಾರಿಣೇ

॥ 4 ॥

ಶ್ಲೋಕ 6

ಪದ್ಮಸಮ್ಭವ ಭೂತೇಶ ಮುನಿಸಂಸ್ತುತಕೀರ್ತಯೇ ।

ನಮೋ ಮಾರ್ತಾಣ್ಡವಂಶ್ಯಾಯ ರಾಮಾಯಾಪನ್ನಿವಾರಿಣೇ

॥ 5 ॥

ಶ್ಲೋಕ 7

ಹರತ್ಯಾರ್ತಿಂ ಚ ಲೋಕಾನಾಂ ಯೋ ವಾ ಮಧುನಿಷೂದನಃ ।

ನಮೋಽಸ್ತು ಹರಯೇ ತುಭ್ಯಂ ರಾಮಾಯಾಪನ್ನಿವಾರಿಣೇ

॥ 6 ॥

ಶ್ಲೋಕ 8

ತಾಪಕಾರಣಸಂಸಾರಗಜಸಿಂಹಸ್ವರೂಪಿಣೇ ।

ನಮೋ ವೇದಾನ್ತವೇದ್ಯಾಯ ರಾಮಾಯಾಪನ್ನಿವಾರಿಣೇ

॥ 7 ॥

ಶ್ಲೋಕ 9

ರಙ್ಗತ್ತರಙ್ಗಜಲಧಿಗರ್ವಹೃಚ್ಛರಧಾರಿಣೇ ।

ನಮಃ ಪ್ರತಾಪರೂಪಾಯ ರಾಮಾಯಾಪನ್ನಿವಾರಿಣೇ

॥ 8 ॥

ಶ್ಲೋಕ 10

ದಾರೋಪಹಿತಚನ್ದ್ರಾವತಂಸಧ್ಯಾತಸ್ವಮೂರ್ತಯೇ ।

ನಮಃ ಸತ್ಯಸ್ವರೂಪಾಯ ರಾಮಾಯಾಪನ್ನಿವಾರಿಣೇ

॥ 9 ॥

ಶ್ಲೋಕ 11

ತಾರಾನಾಯಕಸಙ್ಕಾಶವದನಾಯ ಮಹೌಜಸೇ ।

ನಮೋಽಸ್ತು ತಾಟಕಾಹನ್ತ್ರೇ ರಾಮಾಯಾಪನ್ನಿವಾರಿಣೇ

॥ 10 ॥

ಶ್ಲೋಕ 12

ರಮ್ಯಸಾನುಲಸಚ್ಚಿತ್ರಕೂಟಾಶ್ರಮವಿಹಾರಿಣೇ ।

ನಮಃ ಸೌಮಿತ್ರಿಸೇವ್ಯಾಯ ರಾಮಾಯಾಪನ್ನಿವಾರಿಣೇ

॥ 11 ॥

ಶ್ಲೋಕ 13

ಸರ್ವದೇವಹಿತಾಸಕ್ತ ದಶಾನನವಿನಾಶಿನೇ ।

ನಮೋಽಸ್ತು ದುಃಖಧ್ವಂಸಾಯ ರಾಮಾಯಾಪನ್ನಿವಾರಿಣೇ

॥ 12 ॥

ಶ್ಲೋಕ 14

ರತ್ನಸಾನುನಿವಾಸೈಕ ವನ್ದ್ಯಪಾದಾಮ್ಬುಜಾಯ ಚ ।

ನಮಸ್ತ್ರೈಲೋಕ್ಯನಾಥಾಯ ರಾಮಾಯಾಪನ್ನಿವಾರಿಣೇ

॥ 13 ॥

ಶ್ಲೋಕ 15

ಸಂಸಾರಬನ್ಧಮೋಕ್ಷೈಕಹೇತುಧಾಮಪ್ರಕಾಶಿನೇ ।

ನಮಃ ಕಲುಷಸಂಹರ್ತ್ರೇ ರಾಮಾಯಾಪನ್ನಿವಾರಿಣೇ

॥ 14 ॥

ಶ್ಲೋಕ 16

ಪವನಾಶುಗ ಸಙ್ಕ್ಷಿಪ್ತ ಮಾರೀಚಾದಿ ಸುರಾರಯೇ ।

ನಮೋ ಮಖಪರಿತ್ರಾತ್ರೇ ರಾಮಾಯಾಪನ್ನಿವಾರಿಣೇ

॥ 15 ॥

ಶ್ಲೋಕ 17

ದಾಮ್ಭಿಕೇತರಭಕ್ತೌಘಮಹದಾನನ್ದದಾಯಿನೇ ।

ನಮಃ ಕಮಲನೇತ್ರಾಯ ರಾಮಾಯಾಪನ್ನಿವಾರಿಣೇ

॥ 16 ॥

ಶ್ಲೋಕ 18

ಲೋಕತ್ರಯೋದ್ವೇಗಕರ ಕುಮ್ಭಕರ್ಣಶಿರಶ್ಛಿದೇ ।

ನಮೋ ನೀರದದೇಹಾಯ ರಾಮಾಯಾಪನ್ನಿವಾರಿಣೇ

॥ 17 ॥

ಶ್ಲೋಕ 19

ಕಾಕಾಸುರೈಕನಯನಹರಲ್ಲೀಲಾಸ್ತ್ರಧಾರಿಣೇ ।

ನಮೋ ಭಕ್ತೈಕವೇದ್ಯಾಯ ರಾಮಾಯಾಪನ್ನಿವಾರಿಣೇ

॥ 18 ॥

ಶ್ಲೋಕ 20

ಭಿಕ್ಷುರೂಪಸಮಾಕ್ರಾನ್ತ ಬಲಿಸರ್ವೈಕಸಮ್ಪದೇ ।

ನಮೋ ವಾಮನರೂಪಾಯ ರಾಮಾಯಾಪನ್ನಿವಾರಿಣೇ

॥ 19 ॥

ಶ್ಲೋಕ 21

ರಾಜೀವನೇತ್ರಸುಸ್ಪನ್ದ ರುಚಿರಾಙ್ಗಸುರೋಚಿಷೇ ।

ನಮಃ ಕೈವಲ್ಯನಿಧಯೇ ರಾಮಾಯಾಪನ್ನಿವಾರಿಣೇ

॥ 20 ॥

ಶ್ಲೋಕ 22

ಮನ್ದಮಾರುತಸಂವೀತ ಮನ್ದಾರದ್ರುಮವಾಸಿನೇ ।

ನಮಃ ಪಲ್ಲವಪಾದಾಯ ರಾಮಾಯಾಪನ್ನಿವಾರಿಣೇ

॥ 21 ॥

ಶ್ಲೋಕ 23

ಶ್ರೀಕಣ್ಠಚಾಪದಲನಧುರೀಣಬಲಬಾಹವೇ ।

ನಮಃ ಸೀತಾನುಷಕ್ತಾಯ ರಾಮಾಯಾಪನ್ನಿವಾರಿಣೇ

॥ 22 ॥

ಶ್ಲೋಕ 24

ರಾಜರಾಜಸುಹೃದ್ಯೋಷಾರ್ಚಿತ ಮಙ್ಗಲಮೂರ್ತಯೇ ।

ನಮ ಇಕ್ಷ್ವಾಕುವಂಶ್ಯಾಯ ರಾಮಾಯಾಪನ್ನಿವಾರಿಣೇ

॥ 23 ॥

ಶ್ಲೋಕ 25

ಮಞ್ಜುಲಾದರ್ಶವಿಪ್ರೇಕ್ಷಣೋತ್ಸುಕೈಕವಿಲಾಸಿನೇ ।

ನಮಃ ಪಾಲಿತಭಕ್ತಾಯ ರಾಮಾಯಾಪನ್ನಿವಾರಿಣೇ

॥ 24 ॥

ಶ್ಲೋಕ 26

ಭೂರಿಭೂಧರ ಕೋದಣ್ಡಮೂರ್ತಿ ಧ್ಯೇಯಸ್ವರೂಪಿಣೇ ।

ನಮೋಽಸ್ತು ತೇಜೋನಿಧಯೇ ರಾಮಾಯಾಪನ್ನಿವಾರಿಣೇ

॥ 25 ॥

ಶ್ಲೋಕ 27

ಯೋಗೀನ್ದ್ರಹೃತ್ಸರೋಜಾತಮಧುಪಾಯ ಮಹಾತ್ಮನೇ ।

ನಮೋ ರಾಜಾಧಿರಾಜಾಯ ರಾಮಾಯಾಪನ್ನಿವಾರಿಣೇ

॥ 26 ॥

ಶ್ಲೋಕ 28

ಭೂವರಾಹಸ್ವರೂಪಾಯ ನಮೋ ಭೂರಿಪ್ರದಾಯಿನೇ ।

ನಮೋ ಹಿರಣ್ಯಗರ್ಭಾಯ ರಾಮಾಯಾಪನ್ನಿವಾರಿಣೇ

॥ 27 ॥

ಶ್ಲೋಕ 29

ಯೋಷಾಞ್ಜಲಿವಿನಿರ್ಮುಕ್ತ ಲಾಜಾಞ್ಚಿತವಪುಷ್ಮತೇ ।

ನಮಃ ಸೌನ್ದರ್ಯನಿಧಯೇ ರಾಮಾಯಾಪನ್ನಿವಾರಿಣೇ

॥ 28 ॥

ಶ್ಲೋಕ 30

ನಖಕೋಟಿವಿನಿರ್ಭಿನ್ನದೈತ್ಯಾಧಿಪತಿವಕ್ಷಸೇ ।

ನಮೋ ನೃಸಿಂಹರೂಪಾಯ ರಾಮಾಯಾಪನ್ನಿವಾರಿಣೇ

॥ 29 ॥

ಶ್ಲೋಕ 31

ಮಾಯಾಮಾನುಷದೇಹಾಯ ವೇದೋದ್ಧರಣಹೇತವೇ ।

ನಮೋಽಸ್ತು ಮತ್ಸ್ಯರೂಪಾಯ ರಾಮಾಯಾಪನ್ನಿವಾರಿಣೇ

॥ 30 ॥

ಶ್ಲೋಕ 32

ಮಿತಿಶೂನ್ಯ ಮಹಾದಿವ್ಯಮಹಿಮ್ನೇ ಮಾನಿತಾತ್ಮನೇ ।

ನಮೋ ಬ್ರಹ್ಮಸ್ವರೂಪಾಯ ರಾಮಾಯಾಪನ್ನಿವಾರಿಣೇ

॥ 31 ॥

ಶ್ಲೋಕ 33

ಅಹಙ್ಕಾರೇತರಜನ ಸ್ವಾನ್ತಸೌಧವಿಹಾರಿಣೇ ।

ನಮೋಽಸ್ತು ಚಿತ್ಸ್ವರೂಪಾಯ ರಾಮಾಯಾಪನ್ನಿವಾರಿಣೇ

॥ 32 ॥

ಶ್ಲೋಕ 34

ಸೀತಾಲಕ್ಷ್ಮಣಸಂಶೋಭಿಪಾರ್ಶ್ವಾಯ ಪರಮಾತ್ಮನೇ ।

ನಮಃ ಪಟ್ಟಾಭಿಷಿಕ್ತಾಯ ರಾಮಾಯಾಪನ್ನಿವಾರಿಣೇ

॥ 33 ॥

ಶ್ಲೋಕ 35

ಅಗ್ರತಃ ಪೃಷ್ಠತಶ್ಚೈವ ಪಾರ್ಶ್ವತಶ್ಚ ಮಹಾಬಲೌ ।

ಆಕರ್ಣಪೂರ್ಣಧನ್ವಾನೌ ರಕ್ಷೇತಾಂ ರಾಮಲಕ್ಷ್ಮಣೌ

॥ 34 ॥

ಶ್ಲೋಕ 36

ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ ।

ತಿಷ್ಠನ್ಮಮಾಗ್ರತೋ ನಿತ್ಯಂ ರಾಮಃ ಪಾತು ಸಲಕ್ಷ್ಮಣಃ

॥ 35 ॥

ಶ್ಲೋಕ 37

ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಮ್ ।

ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ॥

ಫಲಶ್ರುತಿ

ಇಮಂ ಸ್ತವಂ ಭಗವತಃ ಪಠೇದ್ಯಃ ಪ್ರೀತಮಾನಸಃ ।

ಪ್ರಭಾತೇ ವಾ ಪ್ರದೋಷೇ ವಾ ರಾಮಸ್ಯ ಪರಮಾತ್ಮನಃ

॥ 36 ॥

ಶ್ಲೋಕ 38

ಸ ತು ತೀರ್ತ್ವಾ ಭವಾಮ್ಬೋಧಿಮಾಪದಸ್ಸಕಲಾನಪಿ ।

ರಾಮಸಾಯುಜ್ಯಮಾಪ್ನೋತಿ ದೇವದೇವಪ್ರಸಾದತಃ

॥ 1 ॥

ಶ್ಲೋಕ 39

ಕಾರಾಗೃಹಾದಿಬಾಧಾಸು ಸಮ್ಪ್ರಾಪ್ತೇ ಬಹುಸಙ್ಕಟೇ ।

ಆಪನ್ನಿವಾರಕಸ್ತೋತ್ರಂ ಪಠೇದ್ಯಸ್ತು ಯಥಾವಿಧಿಃ

॥ 2 ॥

ಶ್ಲೋಕ 40

ಸಂಯೋಜ್ಯಾನುಷ್ಟುಭಂ ಮನ್ತ್ರಮನುಶ್ಲೋಕಂ ಸ್ಮರನ್ವಿಭುಮ್ ।

ಸಪ್ತಾಹಾತ್ಸರ್ವಬಾಧಾಭ್ಯೋ ಮುಚ್ಯತೇ ನಾತ್ರ ಸಂಶಯಃ

॥ 3 ॥

ಶ್ಲೋಕ 41

ದ್ವಾತ್ರಿಂಶದ್ವಾರಜಪತಃ ಪ್ರತ್ಯಹಂ ತು ದೃಢವ್ರತಃ ।

ವೈಶಾಖೇ ಭಾನುಮಾಲೋಕ್ಯ ಪ್ರತ್ಯಹಂ ಶತಸಙ್ಖ್ಯಯಾ

॥ 4 ॥

ಶ್ಲೋಕ 42

ಧನವಾನ್ ಧನದಪ್ರಖ್ಯಸ್ಸ ಭವೇನ್ನಾತ್ರ ಸಂಶಯಃ ।

ಬಹುನಾತ್ರ ಕಿಮುಕ್ತೇನ ಯಂ ಯಂ ಕಾಮಯತೇ ನರಃ

॥ 5 ॥

ಶ್ಲೋಕ 43

ತಂ ತಂ ಕಾಮಮವಾಪ್ನೋತಿ ಸ್ತೋತ್ರೇಣಾನೇನ ಮಾನವಃ ।

ಯನ್ತ್ರಪೂಜಾವಿಧಾನೇನ ಜಪಹೋಮಾದಿತರ್ಪಣೈಃ

॥ 6 ॥

ಶ್ಲೋಕ 44

ಯಸ್ತು ಕುರ್ವೀತ ಸಹಸಾ ಸರ್ವಾನ್ಕಾಮಾನವಾಪ್ನುಯಾತ್ ।

ಇಹ ಲೋಕೇ ಸುಖೀ ಭೂತ್ವಾ ಪರೇ ಮುಕ್ತೋ ಭವಿಷ್ಯತಿ

॥ 7 ॥

ಶ್ಲೋಕ 45