ശ്രീ ലലിതാ ത്രിശതി സ്തോത്രമ്

ശ്രീ ലലിതാ ത്രിശതി സ്തോത്രമ്

ശ്ലോക 1

അസ്യ ശ്രീലലിതാ ത്രിശതീസ്തോത്ര മഹാമന്ത്രസ്യ, ഭഗവാന് ഹയഗ്രീവ ഋഷിഃ, അനുഷ്ടുപ് ഛന്ദഃ, ശ്രീലലിതാമഹാത്രിപുരസുന്ദരീ ദേവതാ, ഐം ബീജം, സൌഃ ശക്തിഃ, ക്ലീം കീലകം, മമ ചതുര്വിധപുരുഷാര്ഥഫലസിദ്ധ്യര്ഥേ ജപേ വിനിയോഗഃ ।

ഐമിത്യാദിഭിരങ്ഗന്യാസകരന്യാസാഃ കാര്യാഃ ।

ധ്യാനമ് ।

അതിമധുരചാപഹസ്താ-

-മപരിമിതാമോദബാണസൌഭാഗ്യാമ് ।

അരുണാമതിശയകരുണാ-

-മഭിനവകുലസുന്ദരീം വന്ദേ ।

ശ്രീ ഹയഗ്രീവ ഉവാച ।

കകാരരൂപാ കല്യാണീ കല്യാണഗുണശാലിനീ ।

കല്യാണശൈലനിലയാ കമനീയാ കലാവതീ

ശ്ലോക 2

കമലാക്ഷീ കല്മഷഘ്നീ കരുണാമൃതസാഗരാ ।

കദമ്ബകാനനാവാസാ കദമ്ബകുസുമപ്രിയാ

॥ 1 ॥

ശ്ലോക 3

കന്ദര്പവിദ്യാ കന്ദര്പജനകാപാങ്ഗവീക്ഷണാ ।

കര്പൂരവീടിസൌരഭ്യകല്ലോലിതകകുപ്തടാ

॥ 2 ॥

ശ്ലോക 4

കലിദോഷഹരാ കഞ്ജലോചനാ കമ്രവിഗ്രഹാ ।

കര്മാദിസാക്ഷിണീ കാരയിത്രീ കര്മഫലപ്രദാ

॥ 3 ॥

ശ്ലോക 5

ഏകാരരൂപാ ചൈകാക്ഷര്യേകാനേകാക്ഷരാകൃതിഃ ।

ഏതത്തദിത്യനിര്ദേശ്യാ ചൈകാനന്ദചിദാകൃതിഃ

॥ 4 ॥

ശ്ലോക 6

ഏവമിത്യാഗമാബോധ്യാ ചൈകഭക്തിമദര്ചിതാ ।

ഏകാഗ്രചിത്തനിര്ധ്യാതാ ചൈഷണാരഹിതാദൃതാ

॥ 5 ॥

ശ്ലോക 7

ഏലാസുഗന്ധിചികുരാ ചൈനഃകൂടവിനാശിനീ ।

ഏകഭോഗാ ചൈകരസാ ചൈകൈശ്വര്യപ്രദായിനീ

॥ 6 ॥

ശ്ലോക 8

ഏകാതപത്രസാമ്രാജ്യപ്രദാ ചൈകാന്തപൂജിതാ ।

ഏധമാനപ്രഭാ ചൈജദനേകജഗദീശ്വരീ

॥ 7 ॥

ശ്ലോക 9

ഏകവീരാദിസംസേവ്യാ ചൈകപ്രാഭവശാലിനീ ।

ഈകാരരൂപാ ചേശിത്രീ ചേപ്സിതാര്ഥപ്രദായിനീ

॥ 8 ॥

ശ്ലോക 10

ഈദൃഗിത്യവിനിര്ദേശ്യാ ചേശ്വരത്വവിധായിനീ ।

ഈശാനാദിബ്രഹ്മമയീ ചേശിത്വാദ്യഷ്ടസിദ്ധിദാ

॥ 9 ॥

ശ്ലോക 11

ഈക്ഷിത്രീക്ഷണസൃഷ്ടാണ്ഡകോടിരീശ്വരവല്ലഭാ ।

ഈഡിതാ ചേശ്വരാര്ധാങ്ഗശരീരേശാധിദേവതാ

॥ 10 ॥

ശ്ലോക 12

ഈശ്വരപ്രേരണകരീ ചേശതാണ്ഡവസാക്ഷിണീ ।

ഈശ്വരോത്സങ്ഗനിലയാ ചേതിബാധാവിനാശിനീ

॥ 11 ॥

ശ്ലോക 13

ഈഹാവിരഹിതാ ചേശശക്തിരീഷത്സ്മിതാനനാ ।

ലകാരരൂപാ ലലിതാ ലക്ഷ്മീവാണീനിഷേവിതാ

॥ 12 ॥

ശ്ലോക 14

ലാകിനീ ലലനാരൂപാ ലസദ്ദാഡിമപാടലാ ।

ലലന്തികാലസത്ഫാലാ ലലാടനയനാര്ചിതാ

॥ 13 ॥

ശ്ലോക 15

ലക്ഷണോജ്ജ്വലദിവ്യാങ്ഗീ ലക്ഷകോട്യണ്ഡനായികാ ।

ലക്ഷ്യാര്ഥാ ലക്ഷണാഗമ്യാ ലബ്ധകാമാ ലതാതനുഃ

॥ 14 ॥

ശ്ലോക 16

ലലാമരാജദലികാ ലമ്ബിമുക്താലതാഞ്ചിതാ ।

ലമ്ബോദരപ്രസൂര്ലഭ്യാ ലജ്ജാഢ്യാ ലയവര്ജിതാ

॥ 15 ॥

ശ്ലോക 17

ഹ്രീം‍കാരരൂപാ ഹ്രീം‍കാരനിലയാ ഹ്രീം‍പദപ്രിയാ ।

ഹ്രീം‍കാരബീജാ ഹ്രീം‍കാരമന്ത്രാ ഹ്രീം‍കാരലക്ഷണാ

॥ 16 ॥

ശ്ലോക 18

ഹ്രീം‍കാരജപസുപ്രീതാ ഹ്രീം‍മതീ ഹ്രീം‍വിഭൂഷണാ ।

ഹ്രീം‍ശീലാ ഹ്രീം‍പദാരാധ്യാ ഹ്രീം‍ഗര്ഭാ ഹ്രീം‍പദാഭിധാ

॥ 17 ॥

ശ്ലോക 19

ഹ്രീം‍കാരവാച്യാ ഹ്രീം‍കാരപൂജ്യാ ഹ്രീം‍കാരപീഠികാ ।

ഹ്രീം‍കാരവേദ്യാ ഹ്രീം‍കാരചിന്ത്യാ ഹ്രീം ഹ്രീം‍ശരീരിണീ

॥ 18 ॥

ശ്ലോക 20

ഹകാരരൂപാ ഹലധൃക്പൂജിതാ ഹരിണേക്ഷണാ ।

ഹരപ്രിയാ ഹരാരാധ്യാ ഹരിബ്രഹ്മേന്ദ്രവന്ദിതാ

॥ 19 ॥

ശ്ലോക 21

ഹയാരൂഢാസേവിതാങ്ഘ്രിര്ഹയമേധസമര്ചിതാ ।

ഹര്യക്ഷവാഹനാ ഹംസവാഹനാ ഹതദാനവാ

॥ 20 ॥

ശ്ലോക 22

ഹത്യാദിപാപശമനീ ഹരിദശ്വാദിസേവിതാ ।

ഹസ്തികുമ്ഭോത്തുങ്ഗകുചാ ഹസ്തികൃത്തിപ്രിയാങ്ഗനാ

॥ 21 ॥

ശ്ലോക 23

ഹരിദ്രാകുങ്കുമാദിഗ്ധാ ഹര്യശ്വാദ്യമരാര്ചിതാ ।

ഹരികേശസഖീ ഹാദിവിദ്യാ ഹാലാമദാലസാ

॥ 22 ॥

ശ്ലോക 24

സകാരരൂപാ സര്വജ്ഞാ സര്വേശീ സര്വമങ്ഗലാ ।

സര്വകര്ത്രീ സര്വഭര്ത്രീ സര്വഹന്ത്രീ സനാതനാ

॥ 23 ॥

ശ്ലോക 25

സര്വാനവദ്യാ സര്വാങ്ഗസുന്ദരീ സര്വസാക്ഷിണീ ।

സര്വാത്മികാ സര്വസൌഖ്യദാത്രീ സര്വവിമോഹിനീ

॥ 24 ॥

ശ്ലോക 26

സര്വാധാരാ സര്വഗതാ സര്വാവഗുണവര്ജിതാ ।

സര്വാരുണാ സര്വമാതാ സര്വഭൂഷണഭൂഷിതാ

॥ 25 ॥

ശ്ലോക 27

കകാരാര്ഥാ കാലഹന്ത്രീ കാമേശീ കാമിതാര്ഥദാ ।

കാമസഞ്ജീവനീ കല്യാ കഠിനസ്തനമണ്ഡലാ

॥ 26 ॥

ശ്ലോക 28

കരഭോരൂഃ കലാനാഥമുഖീ കചജിതാമ്ബുദാ ।

കടാക്ഷസ്യന്ദികരുണാ കപാലിപ്രാണനായികാ

॥ 27 ॥

ശ്ലോക 29

കാരുണ്യവിഗ്രഹാ കാന്താ കാന്തിധൂതജപാവലിഃ ।

കലാലാപാ കമ്ബുകണ്ഠീ കരനിര്ജിതപല്ലവാ

॥ 28 ॥

ശ്ലോക 30

കല്പവല്ലീസമഭുജാ കസ്തൂരീതിലകാഞ്ചിതാ ।

ഹകാരാര്ഥാ ഹംസഗതിര്ഹാടകാഭരണോജ്ജ്വലാ

॥ 29 ॥

ശ്ലോക 31

ഹാരഹാരികുചാഭോഗാ ഹാകിനീ ഹല്യവര്ജിതാ ।

ഹരിത്പതിസമാരാധ്യാ ഹഠാത്കാരഹതാസുരാ

॥ 30 ॥

ശ്ലോക 32

ഹര്ഷപ്രദാ ഹവിര്ഭോക്ത്രീ ഹാര്ദസന്തമസാപഹാ ।

ഹല്ലീസലാസ്യസന്തുഷ്ടാ ഹംസമന്ത്രാര്ഥരൂപിണീ

॥ 31 ॥

ശ്ലോക 33

ഹാനോപാദാനനിര്മുക്താ ഹര്ഷിണീ ഹരിസോദരീ ।

ഹാഹാഹൂഹൂമുഖസ്തുത്യാ ഹാനിവൃദ്ധിവിവര്ജിതാ

॥ 32 ॥

ശ്ലോക 34

ഹയ്യങ്ഗവീനഹൃദയാ ഹരിഗോപാരുണാംശുകാ ।

ലകാരാഖ്യാ ലതാപൂജ്യാ ലയസ്ഥിത്യുദ്ഭവേശ്വരീ

॥ 33 ॥

ശ്ലോക 35

ലാസ്യദര്ശനസന്തുഷ്ടാ ലാഭാലാഭവിവര്ജിതാ ।

ലങ്ഘ്യേതരാജ്ഞാ ലാവണ്യശാലിനീ ലഘുസിദ്ധിദാ

॥ 34 ॥

ശ്ലോക 36

ലാക്ഷാരസസവര്ണാഭാ ലക്ഷ്മണാഗ്രജപൂജിതാ ।

ലഭ്യേതരാ ലബ്ധഭക്തിസുലഭാ ലാങ്ഗലായുധാ

॥ 35 ॥

ശ്ലോക 37

ലഗ്നചാമരഹസ്തശ്രീശാരദാപരിവീജിതാ ।

ലജ്ജാപദസമാരാധ്യാ ലമ്പടാ ലകുലേശ്വരീ

॥ 36 ॥

ശ്ലോക 38

ലബ്ധമാനാ ലബ്ധരസാ ലബ്ധസമ്പത്സമുന്നതിഃ ।

ഹ്രീം‍കാരിണീ ഹ്രീം‍കാരാദ്യാ ഹ്രീം‍മധ്യാ ഹ്രീം‍ശിഖാമണിഃ

॥ 37 ॥

ശ്ലോക 39

ഹ്രീം‍കാരകുണ്ഡാഗ്നിശിഖാ ഹ്രീം‍കാരശശിചന്ദ്രികാ ।

ഹ്രീം‍കാരഭാസ്കരരുചിര്ഹ്രീം‍കാരാമ്ഭോദചഞ്ചലാ

॥ 38 ॥

ശ്ലോക 40

ഹ്രീം‍കാരകന്ദാങ്കുരികാ ഹ്രീം‍കാരൈകപരായണാ ।

ഹ്രീം‍കാരദീര്ഘികാഹംസീ ഹ്രീം‍കാരോദ്യാനകേകിനീ

॥ 39 ॥

ശ്ലോക 41

ഹ്രീം‍കാരാരണ്യഹരിണീ ഹ്രീം‍കാരാവാലവല്ലരീ ।

ഹ്രീം‍കാരപഞ്ജരശുകീ ഹ്രീം‍കാരാങ്ഗണദീപികാ

॥ 40 ॥

ശ്ലോക 42

ഹ്രീം‍കാരകന്ദരാസിംഹീ ഹ്രീം‍കാരാമ്ഭോജഭൃങ്ഗികാ ।

ഹ്രീം‍കാരസുമനോമാധ്വീ ഹ്രീം‍കാരതരുമഞ്ജരീ

॥ 41 ॥

ശ്ലോക 43

സകാരാഖ്യാ സമരസാ സകലാഗമസംസ്തുതാ ।

സര്വവേദാന്തതാത്പര്യഭൂമിഃ സദസദാശ്രയാ

॥ 42 ॥

ശ്ലോക 44

സകലാ സച്ചിദാനന്ദാ സാധ്യാ സദ്ഗതിദായിനീ ।

സനകാദിമുനിധ്യേയാ സദാശിവകുടുമ്ബിനീ

॥ 43 ॥

ശ്ലോക 45

സകാലാധിഷ്ഠാനരൂപാ സത്യരൂപാ സമാകൃതിഃ ।

സര്വപ്രപഞ്ചനിര്മാത്രീ സമനാധികവര്ജിതാ

॥ 44 ॥

ശ്ലോക 46

സര്വോത്തുങ്ഗാ സങ്ഗഹീനാ സഗുണാ സകലേഷ്ടദാ ।

കകാരിണീ കാവ്യലോലാ കാമേശ്വരമനോഹരാ

॥ 45 ॥

ശ്ലോക 47

കാമേശ്വരപ്രാണനാഡീ കാമേശോത്സങ്ഗവാസിനീ ।

കാമേശ്വരാലിങ്ഗിതാങ്ഗീ കാമേശ്വരസുഖപ്രദാ

॥ 46 ॥

ശ്ലോക 48

കാമേശ്വരപ്രണയിനീ കാമേശ്വരവിലാസിനീ ।

കാമേശ്വരതപഃസിദ്ധിഃ കാമേശ്വരമനഃപ്രിയാ

॥ 47 ॥

ശ്ലോക 49

കാമേശ്വരപ്രാണനാഥാ കാമേശ്വരവിമോഹിനീ ।

കാമേശ്വരബ്രഹ്മവിദ്യാ കാമേശ്വരഗൃഹേശ്വരീ

॥ 48 ॥

ശ്ലോക 50

കാമേശ്വരാഹ്ലാദകരീ കാമേശ്വരമഹേശ്വരീ ।

കാമേശ്വരീ കാമകോടിനിലയാ കാങ്ക്ഷിതാര്ഥദാ

॥ 49 ॥

ശ്ലോക 51

ലകാരിണീ ലബ്ധരൂപാ ലബ്ധധീര്ലബ്ധവാഞ്ഛിതാ ।

ലബ്ധപാപമനോദൂരാ ലബ്ധാഹങ്കാരദുര്ഗമാ

॥ 50 ॥

ശ്ലോക 52

ലബ്ധശക്തിര്ലബ്ധദേഹാ ലബ്ധൈശ്വര്യസമുന്നതിഃ ।

ലബ്ധവൃദ്ധിര്ലബ്ധലീലാ ലബ്ധയൌവനശാലിനീ

॥ 51 ॥

ശ്ലോക 53

ലബ്ധാതിശയസര്വാങ്ഗസൌന്ദര്യാ ലബ്ധവിഭ്രമാ ।

ലബ്ധരാഗാ ലബ്ധപതിര്ലബ്ധനാനാഗമസ്ഥിതിഃ

॥ 52 ॥

ശ്ലോക 54

ലബ്ധഭോഗാ ലബ്ധസുഖാ ലബ്ധഹര്ഷാഭിപൂരിതാ ।

ഹ്രീം‍കാരമൂര്തിര്ഹ്രീം‍കാരസൌധശൃങ്ഗകപോതികാ

॥ 53 ॥

ശ്ലോക 55

ഹ്രീം‍കാരദുഗ്ധാബ്ധിസുധാ ഹ്രീം‍കാരകമലേന്ദിരാ ।

ഹ്രീം‍കാരമണിദീപാര്ചിര്ഹ്രീം‍കാരതരുശാരികാ

॥ 54 ॥

ശ്ലോക 56

ഹ്രീം‍കാരപേടകമണിര്ഹ്രീം‍കാരാദര്ശബിമ്ബിതാ ।

ഹ്രീം‍കാരകോശാസിലതാ ഹ്രീം‍കാരാസ്ഥാനനര്തകീ

॥ 55 ॥

ശ്ലോക 57

ഹ്രീം‍കാരശുക്തികാമുക്താമണിര്ഹ്രീം‍കാരബോധിതാ ।

ഹ്രീം‍കാരമയസൌവര്ണസ്തമ്ഭവിദ്രുമപുത്രികാ

॥ 56 ॥

ശ്ലോക 58

ഹ്രീം‍കാരവേദോപനിഷദ് ഹ്രീം‍കാരാധ്വരദക്ഷിണാ ।

ഹ്രീം‍കാരനന്ദനാരാമനവകല്പകവല്ലരീ

॥ 57 ॥

ശ്ലോക 59

ഹ്രീം‍കാരഹിമവദ്ഗങ്ഗാ ഹ്രീം‍കാരാര്ണവകൌസ്തുഭാ ।

ഹ്രീം‍കാരമന്ത്രസര്വസ്വാ ഹ്രീം‍കാരപരസൌഖ്യദാ

॥ 58 ॥

ശ്ലോക 60

ഉത്തരപീഠികാ (ഫലശൃതിഃ)

ഹയഗ്രീവ ഉവാച ।

ഇത്യേവം തേ മയാഖ്യാതം ദേവ്യാ നാമശതത്രയമ് ।

രഹസ്യാതിരഹസ്യത്വാദ്ഗോപനീയം ത്വയാ മുനേ

॥ 59 ॥

ശ്ലോക 61

ശിവവര്ണാനി നാമാനി ശ്രീദേവ്യാ കഥിതാനി ഹി ।

ശക്ത്യക്ഷരാണി നാമാനി കാമേശകഥിതാനി ച

॥ 1 ॥

ശ്ലോക 62

ഉഭയാക്ഷരനാമാനി ഹ്യുഭാഭ്യാം കഥിതാനി വൈ ।

തദന്യൈര്ഗ്രഥിതം സ്തോത്രമേതസ്യ സദൃശം കിമു

॥ 2 ॥

ശ്ലോക 63

നാനേന സദൃശം സ്തോത്രം ശ്രീദേവീപ്രീതിദായകമ് ।

ലോകത്രയേഽപി കല്യാണം സമ്ഭവേന്നാത്ര സംശയഃ

॥ 3 ॥

ശ്ലോക 64

സൂത ഉവാച ।

ഇതി ഹയമുഖഗീതം സ്തോത്രരാജം നിശമ്യ

പ്രഗലിതകലുഷോഽഭൂച്ചിത്തപര്യാപ്തിമേത്യ ।

നിജഗുരുമഥ നത്വാ കുമ്ഭജന്മാ തദുക്തം

പുനരധികരഹസ്യം ജ്ഞാതുമേവം ജഗാദ

॥ 4 ॥

ശ്ലോക 65

അഗസ്ത്യ ഉവാച ।

അശ്വാനന മഹാഭാഗ രഹസ്യമപി മേ വദ ।

ശിവവര്ണാനി കാന്യത്ര ശക്തിവര്ണാനി കാനി ഹി

॥ 5 ॥

ശ്ലോക 66

ഉഭയോരപി വര്ണാനി കാനി വാ വദ ദേശിക ।

ഇതി പൃഷ്ടഃ കുമ്ഭജേന ഹയഗ്രീവോഽവദത്പുനഃ

॥ 6 ॥

ശ്ലോക 67

ഹയഗ്രീവ ഉവാച ।

തവ ഗോപ്യം കിമസ്തീഹ സാക്ഷാദമ്ബാനുശാസനാത് ।

ഇദം ത്വതിരഹസ്യം തേ വക്ഷ്യാമി ശൃണു കുമ്ഭജ

॥ 7 ॥

ശ്ലോക 68

ഏതദ്വിജ്ഞാനമാത്രേണ ശ്രീവിദ്യാ സിദ്ധിദാ ഭവേത് ।

കത്രയം ഹദ്വയം ചൈവ ശൈവോ ഭാഗഃ പ്രകീര്തിതഃ

॥ 8 ॥

ശ്ലോക 69

ശക്ത്യക്ഷരാണി ശേഷാണി ഹ്രീങ്കാര ഉഭയാത്മകഃ ।

ഏവം വിഭാഗമജ്ഞാത്വാ യേ വിദ്യാജപശാലിനഃ

॥ 9 ॥

ശ്ലോക 70

ന തേഷാം സിദ്ധിദാ വിദ്യാ കല്പകോടിശതൈരപി ।

ചതുര്ഭിഃ ശിവചക്രൈശ്ച ശക്തിചക്രൈശ്ച പഞ്ചഭിഃ

॥ 10 ॥

ശ്ലോക 71

നവചക്രൈശ്ച സംസിദ്ധം ശ്രീചക്രം ശിവയോര്വപുഃ ।

ത്രികോണമഷ്ടകോണം ച ദശകോണദ്വയം തഥാ

॥ 11 ॥

ശ്ലോക 72

ചതുര്ദശാരം ചൈതാനി ശക്തിചക്രാണി പഞ്ച ച ।

ബിന്ദുശ്ചാഷ്ടദലം പദ്മം പദ്മം ഷോഡശപത്രകമ്

॥ 12 ॥

ശ്ലോക 73

ചതുരശ്രം ച ചത്വാരി ശിവചക്രാണ്യനുക്രമാത് ।

ത്രികോണേ ബൈന്ദവം ശ്ലിഷ്ടം അഷ്ടാരേഽഷ്ടദലാമ്ബുജമ്

॥ 13 ॥

ശ്ലോക 74

ദശാരയോഃ ഷോഡശാരം ഭൂഗൃഹം ഭുവനാശ്രകേ ।

ശൈവാനാമപി ശാക്താനാം ചക്രാണാം ച പരസ്പരമ്

॥ 14 ॥

ശ്ലോക 75

അവിനാഭാവസമ്ബന്ധം യോ ജാനാതി സ ചക്രവിത് ।

ത്രികോണരൂപിണീ ശക്തിര്ബിന്ദുരൂപപരഃ ശിവഃ

॥ 15 ॥

ശ്ലോക 76

അവിനാഭാവസമ്ബന്ധം തസ്മാദ്ബിന്ദുത്രികോണയോഃ ।

ഏവം വിഭാഗമജ്ഞാത്വാ ശ്രീചക്രം യഃ സമര്ചയേത്

॥ 16 ॥

ശ്ലോക 77

ന തത്ഫലമവാപ്നോതി ലലിതാമ്ബാ ന തുഷ്യതി ।

യേ ച ജാനന്തി ലോകേഽസ്മിന് ശ്രീവിദ്യാചക്രവേദിനഃ

॥ 17 ॥

ശ്ലോക 78

സാമന്യവേദിനഃ സര്വേ വിശേഷജ്ഞോഽതിദുര്ലഭഃ ।

സ്വയംവിദ്യാവിശേഷജ്ഞോ വിശേഷജ്ഞം സമര്ചയേത്

॥ 18 ॥

ശ്ലോക 79

തസ്മൈ ദേയം തതോ ഗ്രാഹ്യമശക്തസ്തസ്യ ദാപയേത് ।

അന്ധം തമഃ പ്രവിശന്തി യേഽവിദ്യാം സമുപാസതേ

॥ 19 ॥

ശ്ലോക 80

ഇതി ശ്രുതിരപാഹൈതാനവിദ്യോപാസകാന്പുനഃ ।

വിദ്യാന്യോപാസകാനേവ നിന്ദത്യാരുണികീ ശ്രുതിഃ

॥ 20 ॥

ശ്ലോക 81

അശ്രുതാ സശ്രുതാസശ്ച യജ്വാനോ യേഽപ്യയജ്വനഃ ।

സ്വര്യന്തോ നാപേക്ഷന്തേ ഇന്ദ്രമഗ്നിം ച യേ വിദുഃ

॥ 21 ॥

ശ്ലോക 82

സികതാ ഇവ സംയന്തി രശ്മിഭിഃ സമുദീരിതാഃ ।

അസ്മാല്ലോകാദമുഷ്മാച്ചേത്യാഹ ചാരണ്യകശ്രുതിഃ

॥ 22 ॥

ശ്ലോക 83

യസ്യ നോ പശ്ചിമം ജന്മ യദി വാ ശങ്കരഃ സ്വയമ് ।

തേനൈവ ലഭ്യതേ വിദ്യാ ശ്രീമത്പഞ്ചദശാക്ഷരീ

॥ 23 ॥

ശ്ലോക 84

ഇതി മന്ത്രേഷു ബഹുധാ വിദ്യായാ മഹിമോച്യതേ ।

മോക്ഷൈകഹേതുവിദ്യാ തു ശ്രീവിദ്യാ നാത്ര സംശയഃ

॥ 24 ॥

ശ്ലോക 85

ന ശില്പാദിജ്ഞാനയുക്തേ വിദ്വച്ഛബ്ധഃ പ്രയുജ്യതേ ।

മോക്ഷൈകഹേതുവിദ്യാ സാ ശ്രീവിദ്യൈവ ന സംശയഃ

॥ 25 ॥

ശ്ലോക 86

തസ്മാദ്വിദ്യാവിദേവാത്ര വിദ്വാന്വിദ്വാനിതീര്യതേ ।

സ്വയം വിദ്യാവിദേ ദദ്യാത്ഖ്യാപയേത്തദ്ഗുണാന്സുധീഃ

॥ 26 ॥

ശ്ലോക 87

സ്വയംവിദ്യാരഹസ്യജ്ഞോ വിദ്യാമാഹാത്മ്യവേദ്യപി ।

വിദ്യാവിദം നാര്ചയേച്ചേത്കോ വാ തം പൂജയേജ്ജനഃ

॥ 27 ॥

ശ്ലോക 88

പ്രസങ്ഗാദിദമുക്തം തേ പ്രകൃതം ശൃണു കുമ്ഭജ ।

യഃ കീര്തയേത്സകൃദ്ഭക്ത്യാ ദിവ്യനാമശതത്രയമ്

॥ 28 ॥

ശ്ലോക 89

തസ്യ പുണ്യമഹം വക്ഷ്യേ ശൃണു ത്വം കുമ്ഭസമ്ഭവ ।

രഹസ്യനാമസാഹസ്രപാഠേ യത്ഫലമീരിതമ്

॥ 29 ॥

ശ്ലോക 90

തത്ഫലം കോടിഗുണിതമേകനാമജപാദ്ഭവേത് ।

കാമേശ്വരീകാമേശാഭ്യാം കൃതം നാമശതത്രയമ്

॥ 30 ॥

ശ്ലോക 91

നാന്യേന തുലയേദേതത് സ്തോത്രേണാന്യകൃതേന ച ।

ശ്രിയഃ പരമ്പരാ യസ്യ ഭാവി വാ ചോത്തരോത്തരമ്

॥ 31 ॥

ശ്ലോക 92

തേനൈവ ലഭ്യതേ ചൈതത്പശ്ചാച്ഛ്രേയഃ പരീക്ഷയേത് ।

അസ്യാ നാമ്നാം ത്രിശത്യാസ്തു മഹിമാ കേന വര്ണ്യതേ

॥ 32 ॥

ശ്ലോക 93

യാ സ്വയം ശിവയോര്വക്ത്രപദ്മാഭ്യാം പരിനിഃസൃതാ ।

നിത്യം ഷോഡശസങ്ഖ്യാകാന്വിപ്രാനാദൌ തു ഭോജയേത്

॥ 33 ॥

ശ്ലോക 94

അഭ്യക്താംസ്തിലതൈലേന സ്നാതാനുഷ്ണേന വാരിണാ ।

അഭ്യര്ച്യ ഗന്ധപുഷ്പാദ്യൈഃ കാമേശ്വര്യാദിനാമഭിഃ

॥ 34 ॥

ശ്ലോക 95

സൂപാപൂപൈഃ ശര്കരാദ്യൈഃ പായസൈഃ ഫലസംയുതൈഃ ।

വിദ്യാവിദോ വിശേഷേണ ഭോജയേത്ഷോഡശ ദ്വിജാന്

॥ 35 ॥

ശ്ലോക 96

ഏവം നിത്യാര്ചനം കുര്യാദാദൌ ബ്രാഹ്മണഭോജനമ് ।

ത്രിശതീനാമഭിഃ പശ്ചാദ്ബ്രാഹ്മണാന്ക്രമശോഽര്ചയേത്

॥ 36 ॥

ശ്ലോക 97

തൈലാഭ്യങ്ഗാദികം ദത്വാ വിഭവേ സതി ഭക്തിതഃ ।

ശുക്ലപ്രതിപദാരഭ്യ പൌര്ണമാസ്യവധി ക്രമാത്

॥ 37 ॥

ശ്ലോക 98

ദിവസേ ദിവസേ വിപ്രാ ഭോജ്യാ വിംശതിസങ്ഖ്യയാ ।

ദശഭിഃ പഞ്ചഭിര്വാപി ത്രിഭിരേകേന വാ ദിനൈഃ

॥ 38 ॥

ശ്ലോക 99

ത്രിംശത്ഷഷ്ടിഃ ശതം വിപ്രാഃ സമ്ഭോജ്യാസ്ത്രിശതം ക്രമാത് ।

ഏവം യഃ കുരുതേ ഭക്ത്യാ ജന്മമധ്യേ സകൃന്നരഃ

॥ 39 ॥

ശ്ലോക 100

തസ്യൈവ സഫലം ജന്മ മുക്തിസ്തസ്യ കരേ സ്ഥിരാ ।

രഹസ്യനാമസാഹസ്രഭോജനേഽപ്യേവമേവ ഹി

॥ 40 ॥

ശ്ലോക 101

ആദൌ നിത്യബലിം കുര്യാത്പശ്ചാദ്ബ്രാഹ്മണഭോജനമ് ।

രഹസ്യനാമസാഹസ്രമഹിമാ യോ മയോദിതഃ

॥ 41 ॥

ശ്ലോക 102

സ ശീകരാണുരത്നൈകനാമ്നോ മഹിമവാരിധേഃ ।

വാഗ്ദേവീരചിതേ നാമസാഹസ്രേ യദ്യദീരിതമ്

॥ 42 ॥

ശ്ലോക 103

തത്ഫലം കോടിഗുണിതം നാമ്നോഽപ്യേകസ്യ കീര്തനാത് ।

ഏതദന്യൈര്ജപൈഃ സ്തോത്രൈരര്ചനൈര്യത്ഫലം ഭവേത്

॥ 43 ॥

ശ്ലോക 104

തത്ഫലം കോടിഗുണിതം ഭവേന്നാമശതത്രയാത് ।

വാഗ്ദേവീരചിതേ സ്തോത്രേ താദൃശോ മഹിമാ യദി

॥ 44 ॥

ശ്ലോക 105

സാക്ഷാത്കാമേശകാമേശീകൃതേഽസ്മിന്ഗൃഹ്യതാമിതി ।

സകൃത്സങ്കീര്തനാദേവ നാമ്നാമസ്മിന് ശതത്രയേ

॥ 45 ॥

ശ്ലോക 106

ഭവേച്ചിത്തസ്യ പര്യാപ്തിര്ന്യൂനമന്യാനപേക്ഷിണീ ।

ന ജ്ഞാതവ്യമിതോഽപ്യന്യത്ര ജപ്തവ്യം ച കുമ്ഭജ

॥ 46 ॥

ശ്ലോക 107

യദ്യത്സാധ്യതമം കാര്യം തത്തദര്ഥമിദം ജപേത് ।

തത്തത്ഫലമവാപ്നോതി പശ്ചാത്കാര്യം പരീക്ഷയേത്

॥ 47 ॥

ശ്ലോക 108

യേ യേ പ്രയോഗാസ്തന്ത്രേഷു തൈസ്തൈര്യത്സാധ്യതേ ഫലമ് ।

തത്സര്വം സിധ്യതി ക്ഷിപ്രം നാമത്രിശതകീര്തനാത്

॥ 48 ॥

ശ്ലോക 109

ആയുഷ്കരം പുഷ്ടികരം പുത്രദം വശ്യകാരകമ് ।

വിദ്യാപ്രദം കീര്തികരം സുകവിത്വപ്രദായകമ്

॥ 49 ॥

ശ്ലോക 110

സര്വസമ്പത്പ്രദം സര്വഭോഗദം സര്വസൌഖ്യദമ് ।

സര്വാഭീഷ്ടപ്രദം ചൈവ ദേവ്യാ നാമശതത്രയമ്

॥ 50 ॥

ശ്ലോക 111

ഏതജ്ജപപരോ ഭൂയാന്നാന്യദിച്ഛേത്കദാചന ।

ഏതത്കീര്തനസന്തുഷ്ടാ ശ്രീദേവീ ലലിതാമ്ബികാ

॥ 51 ॥

ശ്ലോക 112

ഭക്തസ്യ യദ്യദിഷ്ടം സ്യാത്തത്തത്പൂരയതേ ധ്രുവമ് ।

തസ്മാത്കുമ്ഭോദ്ഭവ മുനേ കീര്തയ ത്വമിദം സദാ

॥ 52 ॥

ശ്ലോക 113

നാപരം കിഞ്ചിദപി തേ ബോദ്ധവ്യമവശിഷ്യതേ ।

ഇതി തേ കഥിതം സ്തോത്രം ലലിതാപ്രീതിദായകമ്

॥ 53 ॥

ശ്ലോക 114

നാവിദ്യാവേദിനേ ബ്രൂയാന്നാഭക്തായ കദാചന ।

ന ശഠായ ന ദുഷ്ടായ നാവിശ്വാസായ കര്ഹിചിത്

॥ 54 ॥

ശ്ലോക 115

യോ ബ്രൂയാത്ത്രിശതീം നാമ്നാം തസ്യാനര്ഥോ മഹാന്ഭവേത് ।

ഇത്യാജ്ഞാ ശാങ്കരീ പ്രോക്താ തസ്മാദ്ഗോപ്യമിദം ത്വയാ

॥ 56 ॥

ശ്ലോക 116

ലലിതാപ്രേരിതേനൈവ മയോക്തം സ്തോത്രമുത്തമമ് ।

രഹസ്യനാമസാഹസ്രാദപി ഗോപ്യമിദം മുനേ

॥ 57 ॥

ശ്ലോക 117

സൂത ഉവാച ।

ഏവമുക്ത്വാ ഹയഗ്രീവഃ കുമ്ഭജം താപസോത്തമമ് ।

സ്തോത്രേണാനേന ലലിതാം സ്തുത്വാ ത്രിപുരസുന്ദരീമ് ।

ആനന്ദലഹരീമഗ്നമാനസഃ സമവര്തത

॥ 58 ॥

ശ്ലോക 118

ഇതി ബ്രഹ്മാണ്ഡപുരാണേ ഉത്തരഖണ്ഡേ ഹയഗ്രീവാഗസ്ത്യസംവാദേ ലലിതോപാഖ്യാനേ സ്തോത്രഖണ്ഡേ ശ്രീലലിതാത്രിശതീസ്തോത്രരത്നമ് ।